Франција против Германија: фудбалски Октоберфест | Панорама | DW | 15.06.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Панорама

Франција против Германија: фудбалски Октоберфест

Французите се актуелни светски прваци и фаворити за освојување на титулата европски шампион во фудбал. Но, Германците се секогаш тим за турнири. Доколку добро почнат, се е можно. Со нетрпение се чека дуелот во Минхен

Франција против Германија. Двобојот на соседните држави е приказна со долга традиција. Двете репрезентации досега 31 пат ги одмериле силите. Билансот е на страната на Французите: 14 победи со седум нерешени исходи. Тие беа поуспешни и во првиот дуел на двете екипи. Беше тоа на Светското првенство во Шведска во 1958 година. Првата француска фудбалска супер-ѕвезда Жист Фонтен тогаш четири пати ја затресе мрежата на Германците. Конечниот резултат во мечот за трето место гласеше 6:3.
Уште повеќе голови паднаа во полуфиналето на Мундијалот во Шпанија во 1982- затоа што за победникот се решаваше по изведувањето пенали. По 90, односно 120 минути игра резултатот беше 3:3. Германците беа посигурни од белата точка за конечни 5:4.
Последниот пораз на Французите од Германците се случи во 2014 на СП во Бразил, каде подоцнежниот светски првак беше подобар во четвртфиналето со минимални 1:0. Французите се реваншираа со 2:0 на домашен терен во полуфиналето на последното Европско првенство.

Brasilien Fußball WM 2014 Frankreich - Deutschland

Кошелни и Мертезакер по дуелот во четвртфиналето на СП во 2014 година

Резултат за историја

Поновата историја во дуелите на селекторите Јоахим Лев и Дидие Дешан им оди јасно во прилог на Французите. Дешан е само третиот човек во светот по Франц Бекенбауер и Бразилецот Марио Загало кој ја освојувал титулата светски првак во фудбал и како играч и како тренер. Следната негова цел е да стане првиот во историјата кој ја освоил и европската круна како играч и тренер.
На хартија, Дешан располага со најдобриот тим на првенството. Конкуренцијата за првиот состав е огромна, а речиси за секоја позиција во тимот селекторот има на располагање по двајца играчи од светска класа. Па така, од составот за првенството отпаднаа квалитетни играчи од типот на Антони Марсијал, Ферлан Менди или Тангуј Ндомбеле.
Германците, пак, на првенството влегуваат засилени со повратници во репрезентацијата, искусните Томас Милер и Матс Хумелс.
Во германската јавност пред мечот владее умерен оптимизам. Легендарниот Франц Бекенбауер смета дека Германија не треба да се отпишува и додава дека сите треба да се присетат на она што отсекогаш ги красело: „Германија секогаш била екипа за турнири. Така ќе биде и овојпат“, изјави легендарниот фудбалер и тренер за РНД.

FIFA WM 1982 Deutschland - Frankreich

Момент од дуелот меѓу Германија и Франција на Мундијалот во 1982 година.


Директорот на Бајерн Минхен, Карл-Хајнц Румениге прогнозира голема фудбалска забава во двобојот со Французите и „фудбалски Октоберфест во јуни“.
Во прогнозирање на мечот се вклучија и водечките политичари. Претседателот Франк-Валтер Штајнмајер во видео порака рече дека рецептот е едноставен: „Тркалезното мора да влезе во правоаголното, и тоа кај противникот“. Штајнмајер всушност го цитираше селекторот на победничката германска репрезентација на Мундијалот во 1954 година, Сеп Хербергер, кој со таа легендарна изјава ја објасни својата фудбалска филозофија. Поедноставено таа гласи: Дајте гол, и се ќе биде во ред. „Das Runde muss ins Eckige!"
Првиот меч во групата ќе до одиграат Унгарија и бранителот на титулата Португалија. Германците веќе в сабота во Минхен ќе ги нагостат Португалците.