Во моментот кога пред седум дена во 18.08 часот одекна експлозијата, се огласија црковните ѕвона и молитвените повици од џамиите. Во близина на целосно уништеното пристаниште се собраа стотици во бело облечени луѓе, многу од нив носејќи транспаренти со имињата на своите загинати роднини и пријатели. На големо платно беа проектирани сцени од експлозијата и луѓето во панично бегство. „Нема да тагуваме, нема да носиме црно додека не ги собориме сите кои се на власт", изјави еден од говорниците. Бројот на жртви во меѓувреме се искачи на 171, повеќе од 6.000 луѓе се повредени, а околу 300.000 останаа без покрив над главата.
Повеќе:
Голема експлозија на бес во Либан
Луѓето во Бејрут сакаат „револуција“
Експлозијата во Бејрут: Зошто амониум нитратот е толку опасен?
Многумина Либанци го обвинуваат своето политичко раководство за несреќата, како последица на неговата некомпетентност и корупција. Според владините наводи, експлодирале 2750 тони амониум нитрат, кој со години бил складиран во хала во пристаништето без никакво обезбедување. Либанската влада во понеделникот поднесе оставка, но протестите на револтираните граѓани продолжуваат.
-
Ранетиот град: Бејрут во вонредна состојба
Срамнето со земја
Делови од Бејрут се срамнети со земја по силната експлозија. Властите соопштија дека најмалку 300 илјади луѓе останаа без своите домови. Кон градот веќе се упатија спасувачки тимови од многу земји а пристигнува и помош од разни страни на светот. Потрагата по жртвите и причините за катастрофата продолжува.
-
Ранетиот град: Бејрут во вонредна состојба
Паника во Бејрут
Страотната експлозија која ги потресе Бејрут и предградијата на либанската престолнина, предизвика паника кај жителите. „Никогаш во животот не сум видел волку голема катастрофа“, изјави гувернерот на Бејрут за локалната телевизија.
-
Ранетиот град: Бејрут во вонредна состојба
Експлозијата почувствувана и во предградијата
Експлозијата која се случи во пристаништето во центарот на Бејрут, беше почувствувана низ целиот главен град. Дури и жителите на предградијата пријавија дека ја слушнале експлозијата, а некои сведочеа дека и прозорците им се разнишале.
-
Ранетиот град: Бејрут во вонредна состојба
Десетици згинати, илјадници повредени
Министерството за здравство во Либан соопшти дека досега најмалку 100 луѓе загинале, а повеќе од 4.000 се повредени.
-
Ранетиот град: Бејрут во вонредна состојба
„Неприфатливо“ складирање на амониум нитрат
Премиерот Хасан Диаб изјави дека големи залихи од 2.750 метрички тони амониум нитрат во магацин на пристаништето ја предизвикале силната експлозија. „Неприфатливо е дека пратка од 2.750 тони амониум нитрат е присутна веќе шест години во магацин, без да се преземат превентивни мерки“, рече Диаб.
-
Ранетиот град: Бејрут во вонредна состојба
Трка за спас на преживеаните
Повеќе од 30 екипи на Црвениот крст учествуваат во спасувачките напори, а многу помагаат и многу жители на Бејрут. Болниците алармираа дека брзо ги надминале капацитетите - и апелираа на крводарителство, како и за генератори за да помогнат во обезбедувањето на електрична енергија.
-
Ранетиот град: Бејрут во вонредна состојба
Експлозијата почувствувана дури и на Кипар
Експлозијата во Бејрут предизвикала и силен потрес со интензитет од 3,5 степени според Рихтеровата скала, соопшти германскиот центар за геолошки науки ГФЗ. Жителите на средоземоморскиот остров Кипар, на околу 110 километри оддалеченост од Бејрут, сведочеа дека ја слушнале и ја почувствувале експлозијата.
-
Ранетиот град: Бејрут во вонредна состојба
Во потрага по роднините, пријателите...
Бројни жители на Бејрут веднаш по експлозијата истрчаа на улица во потрага по своите роднини и пријатели... Дописникот на ДВ, Басел Ариди посети болница во Бејрут по експлозијата. „Она што го видов во болницата беше многу драматично. Сите болници најавија дека се тотално преоптоварени“.
-
Ранетиот град: Бејрут во вонредна состојба
Двенеделна вонредна состојба
Либанските власти стравуваат дека многу повеќе луѓе се затрупани под урнатините. Претседателот Мишел Аун закажа итен состанок на кабинетот и порача дека треба да се прогласи двонеделна вонредна состојба.
-
Ранетиот град: Бејрут во вонредна состојба
Либан се соочува со двоен удар
Уништувачката експлозија се случи во период кога Либан доживува сериозни економски турбуленции, при што многу луѓе излегоа на улиците во последните месеци за да протестираат поради катастрофалната финансиска состојба. Во Либена е прогласена тридневна национала жалост за жртвите од експлозијата.
