Во нормални услови на каналите на италијанскиот бисер, има роеви туристи. Поради пандемијата на коронавирусот, меѓутоа, гондолите во моментов се користат за други цели: две жени од хуманитарна организација им доставуваат храна на старите и болни лицакои не можат да го напуштат својот дом поради страв од инфекција.
Оваа #ФотографијаНаДенот е направена кога гондолата која жените ја управуваат со розови ракавици минува близу уметничко дело на светски прочуениот и се уште анонимен графити-уметник Бенкси, на кое исто така доминира розовата боја.
Италија е една од најтешко погодените земји од пандемијата на Ковид-19. Забраната за излегување и бројните други рестрикции во земјата, воведени во рамките на борбата против коронавирусот ќе траат до почетокот на мај.
-
Животната средина зема здив во време на короната
Во Велс козите го заземаат просторот
Онаму каде што човекот се повлекува, животните си го враќаат животниот простор. На речиси сосема празните улици во британското крајбрежно место Ландидно, си се шета стадо диви кози. Тоа не им е првпат, но сега не им пречи никој. Додека луѓето се затворени дома, козите слободно може да се нафрлат на своето омилено јадење: грмушките крај патот.
-
Животната средина зема здив во време на короната
Планета на мајмуните?
Во тајландски Лопбури луѓето се навикнати на мајмуните. Но, во моментов животните се невообичаено напрегнати. Причина за нивните борби е можеби тоа што немаат доволно храна, поради тоа што нема туристи. За мајмуните во Лопбури и други за другите животни кои се навикнале да добиваат храна од луѓето, корона-кризата е голема промена.
-
Животната средина зема здив во време на короната
Во Катманду се дише подобро
Чист планински воздух во главниот град на Непал е само желба. Катманду се вбројува во градовите со најзагаден воздух во светот. Градот лежи во долина, во која смогот е „заклучен“ од околните планини. Но, откако владата на 23 март објави забрани за излегување, градскиот сообраќај речиси замре. Оттогаш квалитетот на воздухот е значително подобар.
-
Животната средина зема здив во време на короната
Помалку штетни гасови и во Германија
Помалку возила на улиците, помалку авиони на небото, помалку фабрики кои работат - корона-пандемијата и во Германија донесе намалување на штетните издувни гасови. Според прогнозите, Германија со тоа може дури и да ги постигне климатските цели за 2020 година, се разбира доколку по кризата не се испуштаат што е можно повеќе штетни гасови.
-
Животната средина зема здив во време на короната
Кога гондолите се покриени ...
Каналите во Венеција, кои вообичаено се полни со бротчиња и гондоли, сега се празни, а водата е толку бистра, што може да се види дното. Но, тоа нема врска со подобрен квалитет на водата, објасни портпарол на градот за Си-Ен-Ен. Поради намалениот сообраќај, сега само талогот е на дното. Но, она што и овде е дефинитивно подобрено е квалитетот на воздухот.
-
Животната средина зема здив во време на короната
Паузата заврши?
Додека во многу земји економијата е во застој, во Кина повторно се почнува со работа, како во оваа фабрика за батерии во Анхуи. Со тоа завршува и паузата за земање здив на животната средина.
Автор: Инес Ајзеле
