Inhalt
Navigation
Weitere Inhalte
Metanavigation
Suche
Choose from 30 Languages

ДВ Академија

Податоци за ДВ

Deutsche Welle

Теми
ФОКУС
- Balkan Booster
Медија центар
- ТВ во живо
- Сите содржини
Учење германски
Курс по германски
Deutsch XXL
Community D
Предавање германски

Теми / Панорама

Реклама

Панорама

Фотографија на денот: Бенкси во англиското корона-жариште

Ново дело на мистериозниот уличен уметник Бенкси осамна на ѕид во британскиот град Нотингем, додека градот се соочува со драматичен раст на случаи на Ковид-19.

BDTD UK | Banksy

На новиот мурал на прочуениот Бенкси во Нотингем е прикажано девојче кое си игра со гума за велосипед како со хулахоп. Пред ѕидната слика пак заврзан за столб стои демолиран велосипед со само една гума. Жителите на градот го толкуваат ова како охрабрување во време на криза. Нотингем имено бележи највисоки стапки на нови инфекции од коронавирусот во цела Англија.

Фотографии на денот

Пчелите се загрозени

Пчелите играат важна улога за зачувување на видовите, за обезбедување на преживувањето и размножувањето на голем број растенија. Но, бројот на пчелите се намалува, опоменува Светската организација за храна ФАО на Светскиот ден на пчелите. Тоа е последица на намалување на нивниот животен простор, промените на климата и зголемената употреба на хемикалии. Затоа ФАО бара поголема заштита на пчелите.
Фотографии на денот

Лето во мај

Сончево, со температури над 30 степени! Во Германија летото дојде во мај. Базените на отворено се полнат. На оваа фотографија е овековечен скок од десетметарска скокалница на посетител на еден од базените во Келн. Метеоролозите предупредуваат дека во наредните денови може да биде непријатно и дека по сонцето ќе следуваат дожд и грмотевици.
Фотографии на денот

Барањата на Финска и Шведска стигнаа во НАТО

Финска и Шведска ги поднесоа своите барања за приклучување во НАТО. Досега Турција отфрла приклучување на Финска и Шведска во алијансата. На оваа фотографија - таблата на која е прикажано гласањето во финскиот парламент за приклучување на земјата во НАТО.
Фотографии на денот

Мекдоналдс се збогува од Русија

По 30 години бизнис во Русија, Мекдоналдс се повлекува од земјата поради руската инвазија на Украина. Сите ресторани на Мекдоналдс би требало да преминат во рацете на „локални купувачи“, соопшти концернот. Продадените ресторани во иднина нема да смеат да го користат името, логото и менито на Мекдоналдс. На оваа фотографија - девојка минува покрај затворен ресторан на улицата Тверскаја во Москва.
Фотографии на денот

Затемнување на Месечината

Потребни беа слободен поглед, среќа со времето и пред сѐ рано будење - изутринава можеше да се набљудува затемнувањето на Месечината. Глетката е фасцинантна: сенката на Земјата се движи над Месечината и ја затемнува. Таканаречената „крвава Месечина“ беше добро видлива пред сѐ во САД. На оваа фотографија е фатен моментот на затемнување на Месечината на небото над Ирвиндејл, Калифорнија.
Фотографии на денот

Неприкосновените фаворити од Украина

За обложувалниците е јасно како ден: непосредно пред финалето на Изборот на песна на Евровизија, тие го гледаат Калуш Оркестра како победник со голема предност пред останатите кандидати. Вообичаено, во последната недела од Евросонг, прогнозите на обложувалниците за победничката песна често се менуваат, но годинава уште од март Украинците се неприкосновен фаворит број еден за победа во Торино.
Фотографии на денот

Црна дупка среде Млечниот пат

Објавена е првата фотографија на црна дупка во центарот на нашата галаксија. Станува збор за астрономска сензација и за визуелен доказ за овој феномен среде Млечниот пат. Меѓународен тим на астрономи за прв пат успеа да го фотографира објектот наречен Стрелец А*. Ова се смета за пресвртница во физиката и важен доказ дека вселенското тело всушност е супермасивна црна дупка.
Фотографии на денот

Ораници како под конец

Тракторот и ова утро е во акција, ора нива во Верхајм, во близина на Франкфурт. Во ек се земјоделските работи. Германците се познати како уредни и прецизни, такви им се и ораниците: како исцртани со линијар.
Фотографии на денот

Вертикалната шума на Милано

Висококатниците не мора да изгледаат сиво и пусто - оваа „пошумена“ станбена зграда во Милано, Италија е дом на стотици дрва и грмушки од сите четири страни на фасадата. Ова резултира со шумска површина од околу 7000 квадратни метри. Растенијата во зградата наречена „Вертикална шума“ (Bosco Verticale) треба да го подобрат лошиот градски воздух и да штитат од ветер и од градската бука.
Фотографии на денот

Копнеж по разладување

Веќе два месеци луѓето во Индија и во Пакистан страдаат од невиден топлотен бран со температури над 40 Целзиусови степени. Луѓето во индиската метропола Мумбаи и натаму се во потрага по итно неопходното разладување на градските плажи. Рекордните температури можеби малку се намалија, но во горештините на Мумбаи многу работи во секојдневниот живот станаа вистинско мачење.
Фотографии на денот

Не за војната

Црвени каранфили и натпис „Не за војната“, пред Советскиот споменик во Берлин. Со оглед на војната во Украина и на бројните руски и украински заедници во Берлин, одбележувањето на 77-годишнината од крајот на Втората Светска Војна во германскиот главен град се одвиваше под засилени безбедносни мерки. Забрането беше истакнување на знамињата на Украина и на Русија.
Фотографии на денот

Десетици жртви во експлозија во луксузен хотел во Хавана

Во експлозија во луксузниот хотел „Саратога“ во Хавана, предизвикана најверојатно од истекување на гас, загинаа и повредени беа десетици лица. Во експлозијата се целосно оштетени првите четири ката од хотелот со пет ѕвезди „Саратога“ во центарот на Хавана, како и неколку објекти во соседството и автомобили паркирани во близина.
Фотографии на денот

Гори околу другиот Лас Вегас

Во југозападниот дел на САД повторно беснеат бројни шумски пожари. Над 3000 пожарникари се обидуваат да ги угаснат пожарите во близина на Лас Вегас во САД. Но не станува збор за прочуениот Лас Вегас, „коцкарската престолнина“ во сојузната држава Невада, туку во моментов шумските пожари му се закануваат на далеку помалиот и понепрочуен град Лас Вегас во сојузната држава Њу Мексико.
Фотографии на денот

Во облаци од портокалов песок

Дебел слој портокалова прашина ги прекрива улиците и возилата, а продира и во куќите во Багдад. Овие денови Ирак повторно е погоден од песочна бура. Многу луѓе се обратиле во болниците за лекарска помош поради проблеми со дишењето, а песочната бура предизвика и проблеми во сообраќајот. Метеоролозите прогнозираат дека вакви бури ќе се случува сѐ почесто, поради сушата и дезертификацијата.
Фотографии на денот

И пица и шницла

Ова е најголемата „Миланеса наполитана“ во светот, аргентински специјалитет, подготвена во Буенос Аирес. Готвачите ставаат сос на најголемата „Миланеса наполитана“, паниран котлет, вид комбинација од пица и шницла, типично аргентинско јадење, а оваа на фотографијава има дванаесет метри квадратни и тежи повеќе од еден тон. Кулинарскиот потфат е изведен во Лујан, на периферијата на Буенос Аирес.
Фотографии на денот

Повторно забава и ноќен живот на Ибица

Речиси како порано: розево фламинго, позлатен крокодил и танцување на плажите: дискотеките и клубовите на средоземноморскиот остров Ибица работат со полна пареа по повеќе од две години паузирање и ограничувања поради пандемијата на коронавирус.
Фотографии на денот

Топлотен бран во Индија и Пакистан

Горештини какви што не се вообичаени за април - во северна Индија и Пакистан сонцето ја искачи температурата до 50-от степен. Регионот важи за еден од најгусто населените во светот. Луѓето живеат блиску еден до друг, загадувањето на воздухот е големо, а ноќите топли. Многу луѓе немаат можности за разладување. Ова девојче во Њу Делхи продава пијалоци на една од улиците, под чадор за сонце.
Фотографии на денот

Отровна пена среде град

Фотографија направена во Колумбија - отровна пена се шири меѓу куќите и жителите во местото Москуера. Пената во Москуера е создадена со хемиска реакција во блиската река, која е полна со различен отпад. Пената, која делува речиси нестварно, има лош мирис и, според наводи на властите, содржи многу опасни материи по здравјето, кои може да доведат до заболувања на дишните патишта кај луѓето.
Фотографии на денот

Отстранет споменикот на украинско-руско пријателство во Киев

Огромниот споменик кој прикажува двајца работници - Украинец и Русин - е отстранет од Киев поради руската инвазија на Украина. Прво падна главата на рускиот работник, напиша градоначалникот Витали Кличко на Телеграм. Отстранувањето на споменикот има симболична сила, вели Кличко: „Мора да го протераме непријателот и окупаторот од нашата земја.“
Фотографии на денот

Деца во војна

Седумгодишниот Јехор игра со својата дрвена пушка покрај уништено руско воено возило во Чернихив, Украина. Досега од земјата се избегани над пет милиони луѓе, од кои најголем дел се деца и жени. Во самата Украина, пак, се раселени околу 7,7 милиони луѓе, соопшти Високиот комесаријат за бегалци на ОН.
Фотографии на денот

Панично купување храна во Пекинг

Масовно корона-тестирање во Пекинг - граѓаните стравуваат дека и кинескиот главен град ќе го снајде повеќенеделен локдаун како Шангај. Тие панично купуваат храна. Пред супермаркетите има долги редици, а на полиците честопати речиси и нема намирници. На оваа фотографија жителка на Пекинг стои пред испразнетите полици со тестенини во супермаркет во квартот Чаојанг.
Фотографии на денот

Велигден во Украина

И покрај сите повици за прекин на огнот, во Украина се пукаше и на Велигден. Поради војната и полицискиот час, ноќните традиционални богослужби мораа да бидат префрлени за недела наутро. Верниците во земјата немаат можност насекаде да се помолат во црква. На оваа фотографија, направена во Бахмут, мајка ѝ помага на својата ќерка да бакне икона поставена на импровизирана сталажа од вреќи за песок.
Фотографии на денот

Дрвокрадецот кој стана шумар

Нгујен Нгок Ан го обиколува познатиот тајландски национален парк Фонг На. Таму не само што ги има најголемите - а веројатно и најубавите - пештери во светот, туку има и многу дрва. И неговата работа е да ги заштити. Мала приказна која влева надеж, бидејќи Ан долги години ги заработувал своите пари незаконски сечајќи и продавајќи дрва.
Фотографии на денот

Спас од пеколот на Мариупол

Над 100 илјади луѓе и натаму се заробени во речиси целосно разурнатиот Мариупол. Нивната судбина е неизвесна со оглед на тоа што обидите за евакуација или пропаѓаат или се одвиваат тешко. Во четвртокот (21 април) само 79 луѓе од Мариупол имаа среќа да се евакуираат од пеколот на Мариупол. Тие во жолти училишни автобуси пристигнаа во прифатилиштето за внатрешно раселени лица во Запорожје.
Фотографии на денот

Вимблдон без Руси и Белоруси

Организаторите на Вимблдон реагираат на руската инвазија врз Украина: Ниту еден тенисер од Русија и од Белорусија не смее да учествува на грен слем турнирот во Лондон на лето. Здружението на тениски професионалци (АТП) изрази несогласување со одлуката на организаторот на најважниот светски тениски турнир Вимблдон.
Фотографии на денот

Рамазан во Идлиб

Исламскиот свет месец на постот во сирискиот град Идлиб, кој сè уште го држат противниците на сирискиот властодржец Башар ал-Асад: Волонтери од добротворната организација „Виолет орг“ во Идлиб, делат пакети со храна за оброкот „сехур“ , кој се јаде пред следниот ден на постот за време на муслиманскиот свет месец Рамазан. Традиционално, дел од оброкот „сехур“ се урмите и млечните јадења .
Фотографии на денот

Научил да живее со пластика

Овој лебед се прилагодил и го изградил гнездото за своите јајца и пилиња од пластика врз пластика. Фотографот на новинската агенција Франс Прес го фотографираше лебедот во главниот град на Србија, Белград. Една третина од домаќинствата во градот со 1,6 милиони жители не се приклучени на канализација. Луѓето користат септички јами, во кои го отстрануваат и отпадот и сето потоа завршува во Дунав.
Фотографии на денот

Карневал по Велигден

Веројатно најпознатиот карневал во светот најнапред поради пандемијата мораше да биде откажан во 2021 година. Годинава пак во јануари, поради зголемениот број на ковид случаи предизвикани од сојот Омикрон, уличниот карневал во Рио де Женеиро повторно беше откажан. Сепак, плановите за легендарните поворки во Самбодром опстојуваа. Сега прочуената парада на школите за самба ќе се одржи на 21 април.
Фотографии на денот

Украинска поштенска марка стана вистински хит

По потонувањето на прочуениот руски воен крстосувач „Москва“ во Црното Море, една украинска воена поштенска марка се најде на мета на колекционерите. Сцената прикажана на марката се случи во првите денови од војната, кога руската морнарица со помош на „Москва“ го нападна малиот Змиски остров во Црното море. Пркосната радио порака која ја испрати морнарот Роман Хрибов го обиколи светот.
Фотографии на денот

XXL велигденски јајца

Овој проект започна пред петнаесет години и вклучува сликари кои украсуваат јајца од полиестер високи два метри, кои потоа се испраќаат во градовите во земјата и странство за да бидат изложени на јавните плоштади за време за Велигденските прослави. Оваа година во Копривница се изложени велигденски јајца со мотиви од познати хрватски сликари, на кои им се восхитува и девојчето на оваа фотографија.
Фотографии на денот

Во редица за гориво

Возачите на авторикши чекаат во редица пред една бензинска станица во Коломбо, во Шри Ланка, за да наточат бензин. Шри Ланка се наоѓа во една од најтешките економски кризи во последните децении. Во земјата не недостига само гориво, туку и храна и лекови. Шри Ланка е на работ на банкрот, а цените непрекинато растат. Со денови на улиците се протестира против државното раководство.
Фотографии на денот

Хорор во метрото во Њујорк

Њујоршката полиција го фати напаѓачот кој во вагон на метрото активирал димни бомби и пукал во патниците, при што се повредени 23 лица, мотивите се непознати. Нападот се случил кога метрото влегувало во подземна станица во квартот Бруклин. Напаѓачот, откако си ставил гас маска, отворил две канти од кои почнал да излегува гас, по што пучнал да пука со полуавтоматски пуштол во патниците.
Фотографии на денот

Ветар на промените

Германија сака што поскоро да ја оконча зависноста од руски енергенси. Војната во Украина ја забрзува германската „енергетска транзиција“. Тоа се гледа и во Ангерменде, во источниот дел од земјата. Новите ветерни турбини би требало да ја намалат зависноста на Германија од увозот на фосилни горива од Русија.
Фотографии на денот

Зумбули и лалиња во недоглед

Оваа фотографија е снимена во Боленстрек, во Холандија, регион познат по одгледување на цвеќе. Регионот Боленстрек е познат и омилен кај туристите, зашто ја има успешната комбинација од плажи, цветни полиња, бројни езера и историја. На фотографијава се гледаат разнобојни линии – тоа се зумбули и лалиња.
Фотографии на денот

Пустош на станицата во Краматорск

Во напад на железничката станица во Краматорск, источна Украина, загинаа најмалку 52 лица, пред сѐ жени, деца и постари луѓе кои бегале од војната, а има над сто повредени луѓе. Украинскиот претседател Володимир Зеленски изјави: „Очекуваме решителна светска реакција на ова воено злосторство“. Русија отфрла секаква одговорност за нападот и за него ја обвинува Украина.
Фотографии на денот

Завои на споменик во Бородјанка

Активист во разурнатиот град Бородјанка ја витка со завои главата на споменикот на украинскиот поет, сликар и хуманист Тарас Шевченко. Споменикот е оштетен од шрапнели. Книжевното дело на Шевченко ги има поставено темелите за создавање модерна украинска литература, а неговата поезија има голем придонес во развојот на современиот украински јазик и будењето на украинската национална свест.
Фотографии на денот

„Крваво“ езерце пред руската амбасада во Вилнус

Олимписката и светска шампионка Рута Меилутите пред руската амбасада во Вилнус плива во езерце обоено со црвена боја како симбол на крвта која се пролева во Украина. Во знак на протест против рускиот напад на Украина, активисти во Литванија обоија со црвена боја езерце во непосредна близина на руската амбасада. Според полицијата, езерцето е обоено со боја која добила дозвола од еколошките власти.
Фотографии на денот

Вратени исчезнатите бележници на Дарвин

По повеќе од две децении од исчезнувањето од универзитетската библиотека во Кембриџ, два скапоцени бележника на британскиот научник Чарлс Дарвин се повторно вратени. Универзитетската библиотека соопшти дека бележниците биле оставени на подот, во дел од библиотеката отворен за јавност. Бележниците биле ставени во розова торба за подароци, заедно со велигденска честитка за библиотекарката.
Фотографии на денот

Локдаун во Шангај на неограничено време

Кинеската „нула Ковид“ стратегија тешко држи чекор со брзината на ширењето на Омикрон. Локдаунот во Шангај е продолжен на неограничено време. Укажувајќи на огромниот пораст на бројот на инфицирани, заменикот генерален секретар на управата на Шангај, Гу Хонгхуи, зборуваше за „трка со времето“. Инфицираните лица во Кина се сместуваат во болница или објекти за карантин, како спортски сали или хотели.
Фотографии на денот

Ужасот од Буча

Новинарка снима видео од масовна гробница во Буча, Украина. По објавувањето на информациите за стотици цивилни жртви во киевското предградие Буча, украинското обвинителство најави истраги. Сликите од Буча, на кои се гледаат голем број тела на улиците по повлекувањето на руските трупи, предизвикаа ужасеност во светот. Украина ги обвинува руските сили за масакр. Официјална Москва тоа го негира.
Фотографии на денот

Првоаприлски снег

По подолгиот период невообичаено високи пролетни температури во март, во западна Европа почетокот на април донесе студ и снег. Мора и на овие крави во близина на Лион, Франција, да им изгледало како несолена првоаприлска шега. И Германија во текот на викендот беше зафатена од студен бран и врнежи од снег. Зимски пејзажи има и во делови од Шпанија. Снег паѓаше и во делови од Хрватска и Словенија.
Фотографии на денот

Најсончев март

Оваа година Германија го доживеа најсончевиот март од почетокот на бележењето на временските услови во 1951 година. Првиот месец од пролетта беше исклучително сув, благ и сончев. Не е ни чудо што црешите годинава процутеа многу порано од вообичаено - како на оваа фотографија направена во Хамбург.
Фотографии на денот

Страв од вулканска ерупција

Со повеќе од 13.000 земјотреси за една недела, расте загриженоста за вулканска ерупција на португалскиот остров Сао Жорге. Досега, околу 2.000 од 8.400 жители ги напуштиле своите домови поради страв. Според пишувањата на медиумите, најголемиот град на островот, Велас, се претворил во град на духови. Последната вулканска ерупција на некој од Азорските острови била регистрирана во 1808 година.
Фотографии на денот

Маратон од екстремна категорија

За оние кои трчаат на „Песочниот маратон“, обичен маратон не е ништо. Трката низ мароканската пустина поминува 250 километри во шест етапи. Организаторите обезбедуваат само вода, сѐ друго што е неопходно за пустинскиот маратпм треба да си понесат самите натпреварувачи: вреќа за спиење, храна, па дури и комплет за помош во случај на каснување од змија.
Фотографии на денот

Веслање во цветно море

Во јапонската престолнина, Токио во тек е сезоната на цутењето на црешите. За да се осигураат дека патниците се на вистинското место во вистинско време, јапонските железници нудат дури и прогноза за тоа каде црешите во кој момент ќе бидат во полн цут. Во спектакуларната и минлива глетка може да се ужива и со побавно темпо, на пример во чамец на некое од езерата во градските паркови на Токио.
Фотографии на денот

Кратка оддишка во разурнатиот Мариупол

На маалската клупа меѓу разурнатите згради. Овие двајца жители на Мариупол прават кратка пауза од хорорите во уништениот град: Украинското пристаништен град со недели е под опсада на руските сили. Ситуацијата е драматична: Властите во Киев стравуваат дека таа дополнително ќе се влоши, по најавата на Москва дека во иднина ќе се концентрира на ослободување на источна Украина.
Фотографии на денот

Повеќе од сто деца убиени во војната во Украина

Најмалку 136 деца се убиени, а околу 200 се ранети од почетокот на руската инвазија врз Украина, соопшти украинското генерално обвинителство. Бирото за човекови права на ОН во Женева, пак, досега можело да потврди смрт на 1081 цивил, од кои 93 се деца. Но, реалната бројка секако е повисока, истакна Матилда Боњер, претставник на Бирото на ОН за човекови права за Украина.
Фотографии на денот

Пожарите во Грција- најдобра европска новинарска фотографија

Секоја година фондацијата World Press Photo избира најдобра фотографија на годината. За најдобра фотографија од Европа за 2021 е прогласена онаа на Константинос Цакалидис за Блумберг њуз. На неа е 81-годишната Крициопи Панајота, која во август 2021 година беспомошно и шокирано стои пред својата куќа на островот Евија, која очигледно не може веќе да се спаси и ќе ја голтнат пламените јазици.
Фотографии на денот

Заштита од гранатите и за статуата на Данте во Киев

Вработените во градската управа на Киев завршија со покривање на статуата на италијанскиот поет и филозоф Данте Алигиери со вреќи со песок за да се заштити од потенцијална штета од руското гранатирање, сѐ поинтензивно во последниве денови од руската инвазија на Украина. Статуата, дело на скулпторот Лучијано Масари, беше инаугурирана во 2015 година по повод 750- годишнината од раѓањето на Данте.
Фотографии на денот

Пораки за ЕУ и НАТО

Цел месец во Украина владее војна, околу три милиони граѓани избегаа од земјата, повеќе градови се речиси целосно уништени од руските бомби. Демонстрантите во Брисел ги повикаа лидерите на ЕУ да воведат целосна забрана за руските горива и да одржат едноминутно молчење за да им оддадат почит на жртвите од војната.
Фотографии на денот

Спасување на спомениците и статуите во Украина

Во Лавов, во западниот дел од Украина, уште не се пука толку интензивно, но жителите знаат дека руските бомби можат да стигнат во секој момент. Некои од нив во последните денови ги обвиткаа сите споменици и статуи во материјал од пена, отпорен на оган, со надеж дека ќе ги заштитат од уништување. Тоа е направено и во црквата Свети Петар и Павле, изградена на почетокот на 17 век.
Фотографии на денот

Шарени цветни ливади за почеток на пролетта

На северната земјина хемисфера и официјално календарски настапи пролетта. Временското растојание меѓу изгревот на сонцето и залезот изнесува речиси дванаесет часа. Природата на промената веќе претходно одговори со раскошни цветни бои. Во парк во полскиот град Шчеќин цвета шафран, еден од предвесниците на пролетта, кој покрај во бела и лилава, го има и во жолта, портокалова или црвена боја.
Фотографии на денот

Цената на војната

109 празни колички за деца на плоштадот во Киев - по една за секое убиено дете од почетокот на руската инвазија на Украина. Активисти и уметници со овој тивок протест на плоштадот во Лавов сакаат да го свртат вниманието врз судбината на децата во војната и на тоа дека руската армија бомбардира и напаѓа и цивилни цели. Според УНХЦР, од Украина секоја минута бегаат по 55 деца.
Фотографии на денот

Момент на мир во војна

Мајка и син прегрнати под ќебе - на прв поглед оваа сцена оддава впечаток на мир, но околу беснее војна. Мајката и синот чекаат на воз кој ќе ги изнесе од Лавов и ќе ги транспортира до границата со Полска. Од почетокот на руската инвазија, од Украина избегаа над три милиони луѓе, соопшти Комесаријатот за бегалци на ОН. Повеќе од половината се примени во соседна Полска.
Фотографии на денот

Музика за мир

Давиде Мартело, познат и како Piano Man, на полско-украинскиот граничен премин Корчова свири на пијано за бегалците. На овој граничен премин доаѓаат многу луѓе кои бегаат од војната во Украина. Со својот ангажман музичарот Мартело сака да испрати порака за мир. Тој има свирено и на демонстрациите на плоштадот Таксим во Турција, по руската анексија на Крим, како и по терористичките напади во Париз.
Фотографии на денот

Стоп за луксузните стоки за Русија

ЕУ донесе санкции кои забрануваат извоз на луксузна стока во Русија. На листата се ставени скапи автомобили, шампањ, дијаманти, кавијар, цигари, но и уметнички дела, крзно, накит, часовници, парфеми и скапи електронски апарати. На оваа фотографија црква се огледува во излогот на затворената продавница на Луј Витон во трговскиот центар ГУМ во Москва.
Фотографии на денот

Транспарент против војната среде вести

Во текот на вестите на руската државна телевизија, зад водителката во студиото се појави жена со плакат на кој стоеше: „Стоп за војната! Не ѝ верувајте на пропагандата! Овде ве лажат. Руси против војната.“. Покрај тоа, таа и повеќепати извика: „Не за војната!“ Активистката, како што се вели, е од мешан брак - мајка од Русија, а татко од Украина. Таа е уапсена.
Фотографии на денот

Исповед во Украина

Жена војник во украинската армија се исповеда пред свештеникот и член на санитетска единица Јевхен пред да стапи во брак со својот избраник во градот Бровари. Бракот е склучен во болницата во градот кој се наоѓа во пошироката област на Киев. За украинските воени сили работат околу 100 воени душегрижници од различни конфесии. Најголемиот дел од нив припаѓаат на Украинската православна црква.
Фотографии на денот

Цвеќиња за милионите бегалци од Украина

Џиновската бегалска кукла „Малата Амал“ е симболичен претставник на сите деца бегалци, од кои многумина се одвоени од нивните семејства. Амал на арапски јазик значи „надеж“ и сега нејзините молитви се насочени кон луѓето кои страдаат во Украина. „Малата Амал“ положи цвеќе пред украинската амбасада во Лондон за да го привлече вниманието кон маките на луѓето раселени по руската инвазија на Украина
Фотографии на денот

Спас од руските напади во плиток ров

Слика од тегобното секојдневие во војната во Украина. Украински војник се крие во плиток и тесен ров за време на нападите на руски хеликоптери. Фотографијата е направена кај селото Демидов во непосредна близина на Киев. Ситуацијата околу главниот град на Украина е повеќе од напрегната, со спорадични руски бомбардирања и во исчекување на можен голем напад врз градот.
Фотографии на денот

Порака од Будимпешта за мир во Украина

Луѓето стојат со светилки на „Плоштадот на херојот“ во унгарскиот главен град и бараат прекин на војната на Русија против Украина. Активисти од организацијата „Гринпис“ испраќаат порака за мир од Будимпешта, знак на солидарност со украинскиот народ кој енормно страда.
Фотографии на денот

Автобуси на спасот

По две недели војна во Украина, изгледа дека функционира барем еден од петте договорени коридори за евакуација. Украинската влада синоќа соопшти дека околу 6.700 луѓе се евакуирале од градот Суми. на североистокот од земјата. Хуманитарниот коридор за евакуација на цивилите од Суми останува отворен и денеска, соопшти гувернерот на Сумската област, Дмитро Живицки.
Фотографии на денот

Порака за мир во Украина во германска нива

Нивата на Ридигер Риц се наоѓа во германското место Ермштед во близина на градот Ерфурт, на илјада километри од границата на Украина. Германскиот земјоделец реши да им се придружи на секојдневните апели за мир во Украина исцртувајќи со својот трактор огромен знак за мир. Знакот за мир во нивата на Ридигер Риц има пречник од 200 метри.
Фотографии на денот

Свадба среде војна

Со бел превез и во воена униформа, Украинката Лесија и Украинецот Валери си разменија свадбени завети. Набргу по церемонијата, и двајцата се вратија на своите позиции на фронтот во близина на Киев. Честитки по повод венчавката им упати и лично градоначалникот на Киев, Витали Кличко.
Фотографии на денот

Обука за ракување со оружје за украинските цивили – во кино

Црвените тапацирани столици се тука, но проекторот е исклучен. Наместо филмови, овие луѓе во киното во Лвов гледаат во инструкторот кој објаснува како се држи пушка и како се стрела. Тука, во западниот дел од Украина, уште нема борби, но владее општа мобилизација – мажите на возраст од 18 до 60 години не смеат да ја напуштат земјата и треба да се вклучат во отпорот против рускиот агресор.
Фотографии на денот

ОН предупредуваат - на Украина ѝ се заканува криза со храна

„Ситуацијата во Украина драматично се заострува поради жестоките борби. Луѓето мораат да се засолнуваат и да живеат во подруми, а со храна и потребни производи можат да се снабдуваат само изложувајќи се на максимална опасност“, предупреди директорот на Светската програма на ОН за храна во Германија, Мартин Фрик. Светската програма на ОН за храна во целиот регион го зајакнува своето присуство.
Фотографии на денот

Дилема - дома во војна или бегство од земјата во неизвесност

ОН очекуваат до десет милиони бегалци поради војната во Украина, од кои четири милиони би се засолниле во соседните земји. Според Високиот комесар на ОН за бегалци, Филипо Гранди, веќе еден милион луѓе ја напуштиле Украина барајќи спас од руските бомбардирања, 575.000 луѓе се стигнати во Полска. И во Германија стигнуваат сѐ повеќе луѓе од Украина, досега се регистрирани околу 5.000 воени бегалци.
Фотографии на денот

Цивилната одбрана се подготвува за битката за Киев – со пушки и храбро срце

На страната на Русија е воена надмоќ, на страната на луѓето во Украина – храброст и желба по секоја цена да ја одбранат својата земја од агресорот. Припадници на украинската единица за цивилна одбрана пренесуваат пушки на спротивната страна од разнесениот мост на северниот фронт на Киев, фотографијата е направена вчера, на 1 март 2022 година. Киев и натаму е под ракетен оган.
Фотографии на денот

Како да вечерате безбедно во ресторан во време на ковид

Во хотелот „Хошиноја“ во Токио персоналот демонстрира како може безбедно да се вечера во ресторан, така што ќе бидете во односно под „фенерот“, производ на продавница во Кјото. „Фенерите" направени од Коџима Шотен се користат за покривање на гостите во ресторан, без маски среде пандемијата, искуството е проверено за време на медиумски настан во хотелот во Токио.
Фотографии на денот

Советски војници во боите на украинското знаме

Како реакција на руската инвазија врз Украина, граѓани во бугарскиот главен град Софија во неделата (27.02.2022) ги обоија фигурите на советските војници на споменикот на Советската армија во боите на украинското знаме. Низ цел свет се организираат масовни протести и акции во знак на солидарност со Украина и украинскиот народ и со осуда на нападот на земјата од страна на Русија.
Фотографии на денот

Запален руски пасош

Ширум светот вчера безброј луѓе излегоа на протести против руската инвазија на Украина и за да им изразат солидарност на Украинците. Протести имаше и во Њујорк, Вашингтон, Тајван, Бразил, Германија. Рускиот пасош на оваа фотографија е запален на протестите пред руската амбасада во Тел Авив. Против руската инвазија, и покрај стриктната забрана за демонстрации, се протестира и во Русија.
Фотографии на денот

Тешка ноќ за Киев

Додека од периферните делови на Киев доаѓаа информации за експлозии и борби, граѓаните ги преземаат сите расположливи мерки за поголема безбедност. На оваа фотографија е прикажана станбена зграда во главниот град на Украина, каде струјата е изгасната за објектот да биде што е можно помалку забележлив. Фотографот на АП го има фатено моментот кога во висококатницата е осветлен само еден прозорец.
Фотографии на денот

„Не за војна!“

Уапсен демонстрант покажува натпис „Не за војна!“ од прозорец на полициски автобус во Санкт Петербург. Стотици луѓе се собраа во Санкт Петербург и Москва за да протестираат поротив рускиот напад врз Украина. Слични протести имаше и во други руски градови. Според активистите за човекови права, вчеравечер биле упасени околу 1700 демонстранти.
Фотографии на денот

Жителите на Киев го напуштаат градот

Жителите на Киев го напуштаат градот по почетокот на руските напади врз Украина. Русија ја нападна Украина во текот на ноќта помеѓу 23 и 25 февруари.
Фотографии на денот

Пештера од мраз

Во Јокулсарлон, лагуната на глечерите во Исланд, посетителите имаат можност да се восхитуваат на различните сини тонови на бојата на водата. И тоа гледајќи од под водата! Доживувањето е навистина единствено, зашто кога напролет почнува зголемувањето на температурата, пештерите од мраз најчесто се уриваат и исчезнуваат, за потоа во зима повторно да настанат нови.
Фотографии на денот

Прослава во Доњецк

Со развеани руски знамиња, зад банер на кој пишува „Русија“, жители на Доњецк го прославија руското признавање на независноста на украинските сепаратистички региони Доњецк и Луганск. Рускиот претседател Владимир Путин ја призна независноста на проруските самопрогласени „народни републики“ Доњецк и Луганск и нареди испраќање руски трупи во источна Украина.
Фотографии на денот

Хибридниот карневал во Венеција

Во Италија е во тек традиционалниот карневал во Венеција, кој во пред-ковид времињата привлекуваше стотици илјади посетители. Со почетокот на пандемијата и строгите рестрикции воведени во Италија, ситуацијата драматично се промени. Во 2021-та карневалот се одржа само онлајн. Годинава, пак, под слоганот „Сети се на иднината“, тој се одржува во период кога Италија ги олабавува корона-рестрикциите.
Фотографии на денот

Застрашувачката моќ на „Јунис“

Атлантската бура наречена „Jунис“ на меѓународно ниво и „Зејнеп“ во Германија, беснееше во Западна Европа и во Германија. Најмалку по три лица загинаа во Холандија и во Велика Британија, две во Германија а по едно лице во Ирска и во Страотната моќ на „Јунис“ најдобро ја отсликуваат овие „бранови до небо“, кои целосно го прекриваа светилникот во пристаништето Њухејвен во јужна Англија.
Фотографии на денот

Три бури во три дена

Затишје пред бура, во буквална смисла на зборот, вледееше во Германија во петокот претпладне (18.02.2022) . По налетот на „Ксандра“ и „Иленија“ се очекуваше зимскиот оркан „Зејнеп“. Во три дена Германија беше погодена од своевиден „синџир“ на зимски бури.
Фотографии на денот

Германија под налет на силни ветрови

Одделни делови од Германија беа погодени од невреме проследено со дожд и ветрови и до 152 километри на час. Ураганскиот циклон „Иленија“ ја погоди Германија и донесе силно невреме во неколку сојузни покраини, пред сѐ во Хесен, Саксонија, Бранденбург, Северна Рајна Вестфалија и Мекленбург-Предна Померанија.
Фотографии на денот

Светлосно добредојде за годината на тигарот

Празничниот дочек на Новата година во Кина траеше вкупно 15 дена и во бројни места во земјата беше заокружен со прослави и огномети како овој на насловната фотографија во Пекинг. 2022 година е година на тигарот. Според кинескиот хороскоп, големата мачка е симбол за храброст, авантура, оптимизам, самоувереност и подготвеност за преземање ризици.
Фотографии на денот

Вонредна состојба во Канада за крај на протестите

Канадскиот премиер Џастин Трудо сака да им стави крај на блокадите на противниците на корона-мерките со прогласување вонредна состојба. Премиерот Трудо најави дека владата ќе прогласи вонредна состојба во Канада која ќе ѝ дозволи да ги стави вон сила граѓанските права со цел да се воспостави јавен ред. Законот за вонредна состојба е донесен во 1988 година, но досега не бил никогаш применет.
Фотографии на денот

Светло на крајот на зимата

Жолто-зелен превез во ноќта. Жителите на Исланд сега можеа повторно да му се воодушевуваат на небесниот спектакл. Последните денови од зимата сѐ уште се кратки, а шансата да се види поларна светлина е уште поголема. Природниот феномен уште наречен и аурора бореалис се појавува кога сончевиот ветер продира во атмосферата.
Фотографии на денот

На замрзнатото езеро

Лизгачки површини колку сакаш – во зима жителите на скандинавските земји уживаат во спортови на заледените езера. Во скандинавските земји богати со езера, во текот на зимата, поради ниските температури, бројни водени површини се претвораат во природни терени за лизгање и спортови на лед. Снимката направена со дрон покажува двајца лизгачи на езерото Халесгарден кај шведскиот град Стокхолм.
Фотографии на денот

„Јавање“ на џиновските бранови

Францускиот „јавач“ на бранови Ерик Ребијер не успеал да се одржи на штицата во текот на натпреварот „TUDOR Nazaré Tow Surfing Challenge" кај плажата Праја до Норте во близина на португалскиот град Назаре, на кој учествуваат вљубеници во екстремни спортови од светски ранг. Брановите се навистина огромни, достигнуваат до 20 метри височина, а понекој од спортистите мора да биде извлечен со џетски.
Фотографии на денот

Бeрлиналето може да почне

Црвениот тепих е распослан и филмските ѕвезди како Жулиет Бинош, Ема Томпсон или Удо Киер можат да дојдат. Во германскиот главен град започнува 72. Меѓународен филмски фестивал. Поради рекордните бројки на заразени со сојот Омикрон на коронавирусот во Берлин, и годинава на Берлиналето има прилагодувања: кината треба да се користат до 50 проценти пополнетост, а забавите и приемите се откажани.
Фотографии на денот

Крокодил по шест години ослободен од гума околу вратот

Шест години еден крокодил живеел со гума од мотоцикл околу вратот. Обидите на меѓународни експерти за животни да го ослободат од товарот биле неуспешни. Но, сега се јавува за храбра акција на 35-годишен Индонезиец. Тој врзал гулаби и кокошки на стап за да го намами крокодилот на брегот, и со помош од повеќе луѓе го извлекол на копно. Главата му ја покриле со крпи додека ја сечеле гумата.
Фотографии на денот

Карневал или изборна кампања?

Во тек се последните подготовки за карневалот во Ница. Карневалските фигури со ликовите на претседателските кандидати на изборите во Франција го добиваат последниот гланц. Карневалот во градот на француската ривиера спаѓа во најпознатите и најголемите во светот, а оваа година се одржува од 11 до 27 февруари. Претседателските избори во Франција пак се одржуваат во април.
Фотографии на денот

Протестот на камионџиите ја блокира Отава– вонредна состојба

Стотици камионџии во Отава ги блокираат главните сообраќајници на главниот град со огромни камиони и приколки уште од 29 јануари. Преку т.н. Конвој на мирот тие протестираат против пандемиските мерки и посебно против обврската за вакцинирање против коронавирус и карантин за возачите на камиони кои се враќаат од САД. Градоначалникот Џим Вотсон прогласи вонредна состојба во градот.
Фотографии на денот

Залез на сонцето на плажа во Газа

Во Германија сонце годинава се појавува ретко. Во големи делови од земјата врне дожд, или небото е едноставно сиво. Прогнозата и за наредните денови предвидува дожд, снег, бура и можеби малку, но сосема малку сонце. Поради тоа, копнежот по слики, како оваа, која доаѓа од Газа, е огромен. Залез на сонцето во сиот негов раскош. Палестинец со својот коњ на плажа во Газа го гледа залезот на сонцето.
Фотографии на денот

Почеток на ЗОИ во Пекинг

Поради пандемијата на корона и студеното време, овојпат отворањето, на кое ќе учествуваат околу 3000 изведувачи, е помало од отворањето на Летните олимписки игри во 2008 година во кинескиот главен град, кога спектаклот го изведуваа 15.000 луѓе. На оваа фотографија: германскиот скијач Ромед Бауман на тренинг во Националниот скијачки центар во Јанцин.
Фотографии на денот

Со „пролетен тенк“ на границата помеѓу Украина и Русија

Германскиот уметник Михаел Фишер-Арт во своето ателје, во Лајпциг, бои стар британски тенк со весели мотиви и знамиња на Русија и Украина. Уметникот има намера со својот „пролетен тенк“ да се заложи за разбирање и соживот. Тенкот, купен од трговец со старо железо, би требало да го придружува во текот на протестите кои за три недели треба да се одржат на руско-украинската граница.
Фотографии на денот

Потоп во Еквадор

Најголемите дождови во Еквадор во последните две децении донесоа поплави и лизгање на земјиштето. Загинаа најмалку 24 лица. Поплавите почнаа на гребенот на вулканот Пичинча, кој се издига над главниот град на Еквадор, Кито. Спасувачите се обидуваа да им помогнат на жителите на Кито да се засолнат додека водата и калта голтаа автомобили, а куќите беа поплавени. Во прекин е и електричната мрежа.
Фотографии на денот

Почна годината на тигарот

Кинезите ја пречекаа новата година. Оваа година, според месечевиот календар, е година тигарот. Храбриот тигар е симбол на енергија, одлучност и промени. Тој би требало да го избрка злото, веруваат претскажувачите на иднината. Тигарот може да се види насекаде - од играчки за деца до декорации. На оваа фотографија е прикажан осветлениот „Тигар кој носи среќа“ поставен во Хохот, северна Кина.
Фотографии на денот

Снежна бура во САД

Голема зимска бура го зафати источниот дел од САД и предизвика сообраќаен хаос и проблеми во снабдувањето со струја. Студениот бран се протега до Флорида, каде метеоролозите предупредија од опасност од „паѓање на игуани од дрвјата“ кои се вкочанети од студ. Се чини дека студот единствено не му пречи на „Голиот каубоец“ на Тајмс Сквер - Руберт Барк и покрај снегот го одржа својот уличен концерт.
Фотографии на денот

Урнатиот мост во Питсбург

Непосредно пред посетата на претседателот Бајден, во американскиот град Питсбург се урна мост. Локалните власти соопштија дека се повредени 10 лица од кои тројца се во болница, но никој не е во животна опасност. Спасувачите се качувале на висина од речиси 46 метри, додека останатите формирале човечки синџир за да помогнат во спасувањето на луѓето од автобус кој бил заглавен на урнатиот мост.
Фотографии на денот

Пробивање низ мразот

Брод на канадската крајбрежна стража спроведува танкер со нафта на замрзнатото езеро Сент Клер додека влегува во реката Детроит. Студеното време во американската сојузна држава Мичиген и во канадската сојузна држава Онтарио предизвикува проблеми во бродскиот сообраќај на езерата во регионот.
Фотографии на денот

Никогаш повеќе

Холокаустот како вечно предупредување: свештеникот Мајкл Смит пали една по една свеќа распоредени во форма на Давидовата ѕвезда. Во катедралата во Јорк, во Велика Британија, беше одбележан денешниот Ден на сеќавање на холокаустот – сеќавања на повеќе од шест милиони Евреи убиени од нацистите. На 27 јануари 1945 советската армија ги ослободила затворениците во концентрациониот логор Аушвиц.
Фотографии на денот

Во боите на знамето на Републиката

Индија го прославува Денот на Републиката, а по тој повод зградата на железничката станица во Мумбаи е осветлена во боите на државното знаме. Со уставот кој стапи во сила на 26 јануари 1950 година, Индија престана да биде под контрола на британското кралство и стана република. Секоја година на овој ден индиските вооружени сили организираат парада во сите поголеми градови во земјата
Фотографии на денот

Бел Акропол и хаос

Не само идилични слики, како оваа на прочуениот рид Акропол под снежна покривка. Зимската бура Елпида предизвика хаос не само во Атина туку и во други делови на земјата, вклучително и на некои острови.
Фотографии на денот

Вратоломен последен тест за Пекинг

На 4 февруари започнуваат Зимските Олимписки Игри во Пекинг. Во кинескиот главен град, спортистите ќе се натпреваруваат за 109 златни медали во 15 зимски спортски дисциплини. Меѓу нив е и ски-крос. Тие се тркаат паралелно по стрмната и нерамна ски-крос патека во Идре Фјал во Шведска. Станува збор за последен олимписки тест на скијачите во слободен стил.
Фотографии на денот

Светлосни чудесии

Тоа се наелектризирани атоми на азот и кислород во судир со честички на сончевиот ветар во атмосферата кои влегуваат во Земјиното магнетно поле, но поларната светлина веќе илјадници години ги фасцинира луѓето. Во Финскиот залив во близина на Санкт Петербург, импресивниот феномен е помалку вообичаен и послаб отколку северно од поларниот круг, но радоста кога ќе се појави, е дотолку поголема.
Фотографии на денот

Австрија воведе задолжителна ковид-вакцинација

Законот усвоен во парламентот со големо мнозинство на пратениците, важи од први февруари, од средината на март доколку не се почитува ќе има и парични казни - до 3600 евра. Во борбата против пандемијата на коронавирус, Австрија е прва земја од ЕУ која воведува општа задолжителна вакцинација. Австрија воведува и лотарија како поттик за вакцинирање - секој десетти ќе добива ваучер од 500 евра.
Фотографии на денот

Завеан училишен превоз

Дали моторот сè уште работи? По невремето со обилни снежни врнежи што зафати делови од Канада за време на изминатиот викенд училишните автобуси во Торонто треба да се ослободат од големата снежна покривка пред да можат да превезуваат ученици. Училиштата во канадската метропола беа затворени два дена - до нив едноставно не можеше да се дојде.
Фотографии на денот

Капење во ледени езерски води на Водици

Традицијата на многумина им налага на Богојавление да се искапат во ледена вода. Овие православни верници во Вилнус, Литванија тоа го направија тоа веќе по полноќ на 19 јануари 2022.
Фотографии на денот

Сигнал за помош од Тонга, Нов Зеланд испрати бродови

Новозеландскиот Висок комесаријат и ОН јавуваат за огромни штети и три жртви во островската држава Тонга по ерупцијата на подводниот вулкан Хунга Тонга Хапаи во Пацифичкиот Океан. Уште се нејасни целосните размери на штетите. Посебна загриженост владее поради цунамито кај островите Манго и Енои. Од Манго е примен сигнал за помош. Нов Зеланд испрати бродови со помош во прв ред вода за пиење.
Фотографии на денот

Нова влада, нов премиер, нови министри

Во новата македонска влада на чело со премиерот Димитар Ковачевски има девет нови имиња, додека 11 беа дел од владата на Зоран Заев, во која Ковачевски беше заменик министер за финансии. Коалицијата „Можеме“ на СДСМ има 11 министри, ДУИ на Али Ахмети шест и тројца од новиот коалициски партнер - Алтернатива на Африм Гаши. Во Собранието за владата гласаа 62 пратеници а против беа 46 пратеници.
Фотографии на денот

Очај во Авганистан

Момче во Авганистан се обидува да продаде малку шеќерна волна на улиците на Кабул и да заработи за леб. Оваа фотографија е направена на улиците на главниот град на Авганистан вчера, на денот кога генералниот секретар на Обединетите нации, Антонио Гутереш, побара од САД и Светска банка да ги ослободат финансиските средства за државата кои беа замрзнати по доаѓањето на талибанците на власт.
Фотографии на денот

Страница од Спајдермен-стрип продадена за 3,3 милиони долари

Страницата број 25 од стрипот Marvel Comics' Secret Wars No. 8 од 1984-та е најскапата страница од стрип на сите времиња. Почетната цена на аукцијата изнесуваше 330.000 долари. Сцената прикажува како Спајдермен доаѓа во својот карактеристичен црн костум. Тоа за фановите е клучен момент. Имено, оттогаш се менува курсот на Спајдермен, зашто потоа црниот костум полека се претвора во антихеројот Веном
Фотографии на денот

Масовно корона-тестирање во Кина

Три недели пред Олимписките игри во Пекинг, жителите на градот Тијанџин, кој од главниот град на Кина е оддалечен 115 км., мора да се подложат на тестирање за корона. На тест мора да заминат сите 14 милиони жители на градот. Училиштата и универзитетите се затворени, а прекинат е и сообраќајот помеѓу Пекинг и Тијанџин. Во неделата (9.01) Тијанџин ги потврди првите локални Омикрон-случаи во Кина.
Фотографии на денот

Густа магла во Кувајт

Кувајт потона во густа магла. Сонцето го гледаат само горните катови на кулите Ал Хамра. Објектот Ал Хамра има 77 катови, односно висок е 413 метри. Тој се вбројува во највисоките згради во светот. Маглата која го зафати Кувајт во текот на вчерашниот ден не успеа да ги „прегрне“ само горните катови на објектот.
Фотографии на денот

Свинско срце вградено во човек

Лекарски тим од САД му имплантираше генетски модифицирано срце од свиња на пациент во Балтимор. Дејвид Бенет немал изгледи да добие човечко срце. Останувале само две можности - да се умре или да се прифати предлогот на лекарите од Универзитетот Мериленд. Три дена по операцијата, лекарите зборуваат за успешен зафат, иако за давање конечна оценка е сѐ уште рано.
Фотографии на денот

Голем пожар во Њујорк

Во пожар во зграда во населбата Бронкс, во Њујорк, загинаа најмалку 19 луѓе, меѓу кои и 9 деца, соопшти градоначалникот Ерик Адамс. Има и околу 60 повредени, од кои 32-ца се во животна опасност. Чадот во зградата се ширел многу бргу, затоа што вратата во станот каде што избил пожарот била отворена. Причината за пожарот, според противпожарната служба, бил расипан електричен радијатор за греење.
Фотографии на денот

Се „разбуди“ вулкан на Галапагос

Вулканот Волк висок 1.701 метар е еден од многуте активни вулкани на островите Галапагос. На Галапагос, на околу илјада километри од брегот на Еквадор, има многу животински и растителни видови, вклучувајќи ги и загрозените, кои можат да се најдат само таму, како розовата игуана на пример. Поради неговата посебна флора и фауна, архипелагот е дел од светското наследство на УНЕСКО.
Фотографии на денот

Честит Божик!

Македoнските православни верници вчера го слават Христовото раѓање со традиционалната честитка: Христос се роди! - Навистина се роди! Во сите храмови на Македонската православна црква со биење на камбаните и со литургии се беше најавено доаѓањето и прославата на Божик. Втора година по ред, Божик се слави во поинакви услови поради пандемијата на коронавирусот.
Фотографии на денот

Бадникова трпеза во пресрет на Божик

На Бадник, ден пред големиот христијански празник Божик, според традицијата семејството се собира на заедничка вечера. Обичаите во различни региони варираат, а и оваа година најголем дел од традиционалните бадникови процесии и коледарски огнови и собири отпаѓаат или се приспособени на важечките епидемиолошки мерки воведени поради пандемијата на коронавирус.
Фотографии на денот

Изгор цените на гасот го „запалија“ Казахстан

Цената на течниот гас во Казахстан двојно се зголеми на почетокот на новата година откако владата ја укина ценовната граница за ова гориво. Следуваа повеќедневни масовни протести. Сето тоа сега има и политички последици. Казахстанскиот претседател Касим Жомарт Токаев ја прифати оставката на владата, по масовните протести во кои беа повредени речиси 100 полицајци.
Фотографии на денот

Бела блокада на Вашингтон

Зимска бура донесе обилни врнежи од снег, проследени со силни ветрови во поголемиот дел од источниот брег и југоисточниот и централниот дел на САД, што ги принуди федералните служби и училиштата во главниот град Вашингтон да ја прекинат работата, и предизвика одложување на бројни летови и прекин на снабдувањето со електричната енергија за илјадници домаќинства во сојузната држава Вирџинија.
Фотографии на денот

Парламентот во пламен – пожарот можеби е подметнат

Голем пожар тешко го оштети парламентот на Јужноафриканската Република во туристичката метропола Кејптаун. Преку 70 пожарникари се бореа очајнички против огнот, кој ја зафатил и салата во која заседава Националното собрание. Огнот е ставен под контрола. Полицијата уапсила еден осомничен, кој е затекнат во една од зградите на парламентот.
Фотографии на денот

Крај на хаосот и короната

Со житни зрна и цветни листови шаманите од Лима, Перу, на светата планина Сан Кристобал ги исцртуваат бројките 2022 за новата година. Со ритуали и принесување жртви тие привикуваат крај на хаосот и на пандемијата на коронавирусот. Тие се молат, со помош на мајката Земја, и за запирање на глобалните конфликти, како тензиите меѓу Русија и Украина. Имаат чувство дека молитвите ќе им бидат услишани.
Фотографии на денот

Меѓународен фестивал на мразот

Децата се радуваат на тројцата астронаути од лед и се обидуваат да ја имитираат скулптурата, да направат „дабинг“, тоа е официјален назив за имитирање скулптури. Меѓународниот фестивал на лед и снег во кинеската метропола Харбин е еден од најголемите од тој вид во светот, а фигури можат да с евидат низ целиот град.
Фотографии на денот

Елка за ручек

Божиќните елки, освен декоративната, очигледно имаат и практична намена, на пример служат како оброк за слоновите во Зоолошка градина. Божик, според Грегоријанскиот календар, веќе помина и многумина веќе ги раскитија елките. Овој слон во Зоолошката градина во Прага како едвај да дочекал да бидат симнати лампионите од оваа елка. Гранките со иглички очигледно се по негов вкус.
Фотографии на денот

Вулканот на Ла Палма се смири, сега претстои работа

По официјалното прогласување крај на вулканската ерупција, на жителите на Ла Палма им претстои макотрпна работа за санирање на штетите. Од вулканот Кумбре Виеха сѐуште излегуваат гасови, но тој веќе не исфрла лава. Она што остана, се километри површина покриена со лава и пепел, илјадници уништени или оштетени објекти. Ќе требаат месеци за да го отстранат дебелиот црн слој.
Фотографии на денот

Декемвриско капење во Прага

Стотици храбри луѓе од сите старосни групи учествуваа на традиционалното зимско капење во реката Волтава. По 75 пат во главниот град на Чешка, Прага, се одржа традиционалното зимско капење, во спомен на Алфред Никодем, кој во водите на Волтава во 1946 година влегол на минус 20 степени Целзиусови. Годинава, стотици луѓе од сите возрасни групи ја продолжија традицијата, пливајќи во реката.
Фотографии на денот

Честит Божик

Папата Франциско на големиот христијански празник ги повика луѓето на скромност. „Да не плачеме по големината којашто ја немаме. Да престанеме да се жалиме и да се муртиме и да престанеме со алчноста која нѐ прави секогаш незадоволни“, рече поглаварот на Римокатоличката црква во текот на полноќната миса во Ватикан. Папата и годинава го прослави Бадник во услови на посебни мерки поради пандемијата.
Фотографии на денот

Дедо Мраз доаѓа на камила

Дедо Мраз знае сѐ и може сѐ - така е барем во детските глави. И, не би бил Дедо Мраз ако не е флексибилен и не ги користи сите средства за навреме да ги исполни желбите и да подели подароци. Овој Дедо Мраз на камила е фотографиран во старото градско јадро на Ерусалим.
Фотографии на денот

УНИЦЕФ-фотографија на годината

Фотографијата ги прикажува последиците од уништувањето на животната средина и промените на климата за децата во делтата на реката Ганг. На победничката фотографија на Супратим Батачарје е прикажана „немоќта, но истовремено и решителноста на едно девојче соочено со бесот на природата“, соопшти УНИЦЕФ. Претходно, циклон во Бенгалскиот залив го уништил шанкот на нејзиното семејство за продавање чај.
Фотографии на денот

Дојде зимата

Времето на настапување на зимата се менува секоја година по малку. Понекогаш, меѓутоа, таа разлика може да изнесува и цел еден ден. Настапувањето на зимата е на денот кога има најмалку светло во годината. Но, веќе од наредниот ден повторно станува посветло, а сонцето се искачува секој ден малку повисоко на хоризонтот. На фотографијава е „уловен“ првиот зимски ден во Оуделанд ван Стрејен, Холандија
Фотографии на денот

Првата СМС-порака во светот оди на аукција

Првата СМС-порака во светот, чиј текст гласи „Честит Божик“, беше примена преку мрежата Водафон на 3.12.1992. Сега СМС-пораката оди на лицитација како дигитален код. Станува збор за Non-Fungible Token, или во превод незаменлив токен или жетон. На оваа фотографија Максимилиен Агут, од аукциската куќа Агут, го презентира дисплејот со првата СМС-порака во светот пред таа да биде ставена на аукција.
Фотографии на денот

Божиќна регата во Венеција

Гондолиери облечени како Дедо Мраз и годинава беа дел од предбожиќната регата во Венеција, која се одржа пред малку гледачи. Во Италија од пред неколку дена важат заострени мерки против Ковид-19. Сите туристи од ЕУ во Италија треба да покажат не само доказ дека се вакцинирани или дека ја имаат прележано болеста, туку и негативен корона-тест. Невакцинираните лица мора да поминат 5 дена во карантин.
Фотографии на денот

Раскошот на Амазонија

Изложбата Фрутс: Амазонијан Тајмс во Рио де Женеиро, ги презентира раскошните природни богатства на Амазонија и сака да укаже на важноста на зачувување на најголемата тропска шума во светот. Со изложбата се опфатени раскошот на Амазонија, нејзините природни богатства, етничките групи кои живеат таму и нивните обичаи. Изложбата ќе биде отворена до јуни наредната година.
Фотографии на денот

Змеј од уништена шума

Скулптурата на змејот „Ваја Драгон“ е направена од остатоци од дрвја уништени од големото невреме „Ваја“ во октомври 2018 година. Во силната бура „Ваја“ во 2018 година исчезнаа илјадници хектари шуми во регионот Венето во североисточна Италија. Венецијанскиот уметник Марко Марталар прави вакви скулптури без никаков алат, само со голи раце.
Фотографии на денот

Билет за закуска

Возење без стрес – вака градското јавно сообраќајно претпријатие во Берлин (BVG) го рекламира својот „канабис билет“. Хартијата на која се наоѓа картичката може да се јаде и е премачкана со масло од канабис, безопасно по здравјето. Билетите се во продажба само до 17 декември, а БВГ тестира колку општествено е прифатлива идејата за легализација на канабисот во Германија.
Фотографии на денот

Зимско задоволство за најтврдокорните

Дефинитивно не е за зимурливи: При пливањето во замрзнатото езеро Бољшој Садови во Москва, капачите мора да издржат минусни температури. Нивната награда: ваквото капење освежува и пред сѐ зајакнува. Љубителите на пливањето на ниски температури исто така веруваат дека тоа ја прочистува душата.
Фотографии на денот

По торнадата, во Кентаки се надеваат на чудо

Серијата торнада во САД оставија пустош зад себе, посебно во сојузната држава Кентаки. Уште не е познат точниот број на жртви. Гувернерот Енди Бешир се моли да не се остварат најлошите стравувања. Претседателот Џо Бајден вети помош на настраданите, истакнувајќи дека очекува службите за заштита на животната средина на испитаат колкава е улогата на климатските промени во најновата серија торнада.
Фотографии на денот

Снежни серпентини

Возачите во многу делови на Германија треба да внимаваат – деновиве падна првиот снег, а коловозите се лизгави. Возењето треба да се прилагодува на условите во сообраќајот, посебно на овој пат полн со кривини во регионот Таунус во близина на Франкфурт.
Фотографии на денот

Дедо Мраз во аквариум

Ова е доказ дека Дедо Мраз стигнува насекаде. Во аквариум во Бангкок плива со маска и перки меѓу ајкулите. И рибите би требало да знаат дека доаѓа Божик, веројатно помислиле двајцата вработени во „Sea Life“ во Бангкок. Во костими на Дедо Мраз и со рогови од ирвас го извеле својот секојдневен ритуал на хранење на морските животни во аквариумот пред очите на воодушевената публика.
Фотографии на денот

Црно - бело: конечно снег

Календарски, уште е есен, но на снегот се чини тоа му е сеедно, во германскиот град Фројденберг се погрижи за впечатливи глетки. Ова не е црно-бела фотографија, иако можеби изгледа така. Покривите на куќите во Фројденберг, град во германската покраина Северна Рајна Вестфалија, забелеа од снег. Иако наврнаа само неколку сантиметри, снегот придонесе за впечатливи глетки.
Фотографии на денот

Светилки во време на корона

Новогодишната „елка“ во еден од најголемите центри за вакцинација во романскиот главен град Букурешт е висока три метри, ја сочинуваат 19.000 празни стаклени дози вакцини против коронавирус, кои соработниците за овој проект ги собирале од март оваа година. Во некои од празните ампули вработените ставиле ЛЕД-светилки во шарени бои.
Фотографии на денот

Москва доби спектакуларна електрана на културата

Спроти Кремљ, поранешна електрана е претворена во културен центар од 36.000 квадратни метри. Проектот го финансираше најбогатиот човек во Русија - со стремеж да го трансформира градот. Пропадната и деактивирана електрана ГЕС-2 од почетокот на 20 век, ја врати во живот никој друг, туку познатиот италијански архитект Ренцо Пијано.
Фотографии на денот

Осаменото божиќно дрво

Божиќно дрво кое осамено стои на брегот на реката Ар - четири месеци по катастрофалните поплави, во долината Ар сѐ уште многу луѓе се во привремени сместувалишта. Долината Ар во Германија е далеку од враќање во нормалноста. Многу семејства сѐ уште немаат греење, животот во недоградени објекти е секојдневие. Зимата уште повеќе ја влошува состојбата.
Фотографии на денот

Папата планира да земе со себе 50 мигранти од Кипар

Папата Франциско од Кипар со себе ќе земе 50 мигранти, се вели во Никозија. Ватикан сѐ уште молчи. Во малата црква на Светиот крст треба да се случи голем момент од посетата на папата на Кипар. Црквата која се наоѓа среде граничната линија меѓу турскиот и грчкиот дел на Кипар, треба да биде место каде папата ќе се сретне со мигранти. На оваа фотографија, чесни сестри го чистат патот пред црквата.
Фотографии на денот

Запалени светлата на најпознатото божиќно дрво во светот

Со традиционалното палење на повеќе од 50.000 сијалички на веројатно најпознатото божиќно дрво во светот, во Њујорк официјално започна божиќната сезона. Спектаклот пред центарот Рокфелер лани беше без публика поради пандемијата. Палењето на сијаличките во ваква форма во Њујорк се изведува од 1930-тите. Спектаклот се смета за една од најомилените традиции на жителите на Њујорк.
Фотографии на денот

Нема веќе бесплатни пластични кеси

За да се намали пластичниот отпад и да се подигне свеста за заштита на животната средина, работите во трговијата во Северна Македонија се менуваат. Од 1.12.2021 македонските трговци ќе смеат да продаваат само биоразградливи кеси, кои ќе чинат 15 денари за парче.
Фотографии на денот

Меси е најдобриот

Лионел Меси е повторно победник! Тој по седми пат ја освои Златната топка. Меси на церемонијата на доделување на Ballon d'Or дојде во придружба на сопругата Антоанела и трите синови, кои носеа идентични светликави костуми и беа видливо горди на својот татко, кој е рекордер во освоени Златни топки.
Фотографии на денот

Силен земјотрес во Перу

Земјотрес со јачина од 7,5 степени го погоди северот на Перу. Повредени се најмалку 10 лица, а оштетени се повеќе објекти. Епицентарот на земјотресот бил во ретко населен регион, на сто километри источно од градот Санта Марија де Ниева. Во регионот погоден од потресот веднаш замина претседателот на Перу, Педро Кастиљо (на фотографијата лево), кој на граѓаните им порача дека не се сами и вети помош
Фотографии на денот

Ковид божиќни украси - празни шишенца од вакцина

Соработниците на интернистичка ординација дошле на необична идеја за рециклирање и декорирање. Рачно изработени светлечки ламбички од празни, искористени шишенца од вакцината на Биотек/Фајзер се божиќна декорација во лекарска ординација во Штокелсдорф, во близина на германскиот град Либек. Тие висат во чекалницата, во собата за вакцинирање и во ходникот на ординацијата.
Фотографии на денот

Краткотрајно задоволство

Нов рекорд на новозаразени со коронавирусот во Германија. Состојбата е драматична во сите покраини а тоа со себе повлекува нови ограничувања. По само два дена, имено, божиќниот панаѓур во Ерфурт беше повторно затворен. Новите корона-инфекции во сојузната покраина Тирингија се меѓу највисоките во Германија. Седумдневната инциденца на 100.000 жители е над 770.
Фотографии на денот

Со гумен чамец преку Ламанш – кобниот пат на мигрантите

Најмалку 27 луѓе се удавија во каналот Ламанш во обид од Франција да стигнат во Велика Британија. Чамецот во кој се наоѓале се превртил, меѓу жртвите се и три деца и седум жени, од кои една била бремена. Двајца од мигрантите се спасени, но се наоѓаат во животна опасност. Петмина шверцери, за кои се претпоставува дека се вмешани во неуспешниот обид за премин на Ла Манш, се уапсени.
Фотографии на денот

Денови на жалост

Македонската влада вчера прогласи тридневна жалост на територијата на целата држава за жртвите од страотната сообраќајна несреќа во Бугарија, во која загинаа 44 патници, а седум лица беа повредени откако македонски автобус се запали на магистралниот пат „Струма“ на потегот Софија – Благоевград. Меѓу загинатите, 12 се деца. Ден на жалост за настраданите е прогласен и во Бугарија и во Косово.
Фотографии на денот

Во потрага по причините за трагедијата кај Боснек

Бугарското јавно обвинителство спроведува истрага на местото на страотната сообраќајна незгода со која треба да се утврдат причините за запалувањето на македонскиот автобус. Бугарските власти се сомневаат во две причини. Грешка на возачот или ненадеен технички дефект на автобусот се можни причини за несреќата во Бугарија, во која загинаа најмалку 45 лица, а седум се повредени.
Фотографии на денот

Самрак без крај

Утринска идила со чамец и галеби на река - би помислил некој. Всушност, глетката на Јамуна го покажува степенот на загадување на воздухот во индиската престолнина Њу Делхи. Повеќе од една недела густ облак од смог ја обвива метрополата. Градската управа затоа веќе воведе вонредни мерки - меѓу другото, училиштата ќе останат затворени.
Фотографии на денот

Крвава Месечина на врвот на пирамидата

Се чини како црвено обоеното небесно тело да лебди над пирамидалниот врв на споменикот на Џорџ Вашингтон во главниот град на САД. Делумното помрачување на Месечината предизвикува таа да зрачи во темно црвена до виолетова боја и затоа овој небесен феномен го носи името крвава Месечина. Ова беше најдолгото делумно затемнување на Месечината во последните 580 години.
Фотографии на денот

Европските земји ги заоструваат ковид-рестрикциите за невакцинираните

Словачка, Грција и Чешка воведуваат нови ограничувања за јавниот живот на луѓето кои не се вакцинирани против коронавирус. Сите три земји, впрочем како и многу други европски земји, бележат рекордни инфекции во актуелниот бран на пандемијата.
Фотографии на денот

Виолетово- за сите предвремено родени бебиња

По повод Светскиот ден на предвремено родените деца, бројни знаменитости ширум светот светеа во виолетова боја. Германскиот град Ханау се одлучи за споменикот на браќата Грим. Во Германија годишно предвремено се раѓаат 63 илјади бебиња. Со тоа тие се најголемата група на пациенти во земјата, а големото оптоварување за децата и за родителите се засили поради пандемијата на коронавирусот.
Фотографии на денот

На Божиќен панаѓур, но со корона-потврда

По две години пауза поради пандемијата, во повеќе германски градови годинава повторно се подготвуваат Божиќните панаѓури. Некои веќе се отворени, како овој во Оберхаузен, но, пристап имаат само оние кои се вакцинирани, кои ја прележале болеста или имаат актуелен негативен тест на коронавирус.
Фотографии на денот

Поскапо од злато

Во ден кога златото чини околу 50.000 евра за килограм, на ова перниче се наоѓаат 850 грама „бело злато“, бел тартуф од регионот Алба во Италија, кој традиционално се продава на аукција. За парчето тартуф се платени дури 103.000 евра, купувач е Умберто Бомбана, готвач кој има ексклузивен ресторан во Хонгконг. Белиот тартуф е вид печурка, една од најретките и најскапи во светот.
Фотографии на денот

Никогаш поблиску до Мундијалот

Македонската фудбалска репрезентација продолжува да пишува историја. По настапот на Европското првенство, таа сега ќе игра и бараж за Светското првенство во Катар. Избраниците на Благоја Милевски во решавачки натпревар во Скопје го победија Исланд со 3:1 и со тоа завршија на второто место во групата Ј, зад Германија. Во летото најдобрата репрезентација за првпат учествуваше на Европско првенство.
Фотографии на денот

Дедо Мраз почна со работа во Химелпфорт

Пристигна на електро-велосипед, сосема во духот на времето, и веднаш се фати за работа - од овој викенд сѐ до Божик, Дедо Мраз во својата канцеларија во Химелпфорт ќе одговара на детските писма. Поради пандемијата, за жал, годинава нема да може да се влезе во неговата канцеларија, но затоа неговата работа може да се набљудува преку прозорец.
Фотографии на денот

Светски рекорд со балон

Спектакуларен светски рекорд на балон - Французинот Реми Уврар стоејќи на балон, кој го управуваше татко му, се искачи на висина од 4.016 метри! Со својата акција Уврар собираше пари за донаторска акција на телевизија. Тој си ја имаше поставено целта да стигне до висина од 3637 метри, алудирајќи на бројот на кампањата за донации - 3637.
Фотографии на денот

На границата помеѓу Полска и Белорусија е катастрофално

На температури околу нулата илјадници луѓе на границата помеѓу Белорусија и Полска чекаат и натаму помош. Државните белоруски медиуми, меѓу другото, објавија видеа на кои се гледаат деца како се туркаат околу камион со вода. На оваа фотографија е прикажано делењето на помош за мигрантите од страна на Црвениот крст во Белорусија во регионот на Гродно.
Фотографии на денот

Пауза за ручек

Илјадници бели пеликани во резервоарот Мишмар Хашарон, Израел, прават пауза на својот исцрпувачки пат кон Африка. Во резервоарот добиваат храна доставена од надлежните служби за заштита на природата. Стотици милиони птици секоја сезона кога застудува тргнуваат на југ, а напролет се враќаат кон Европа и Азија. Околу 45.000 од нив се гладни пеликани, кои се вбројуваат во најголемите птици преселници
Фотографии на денот

Четворица астронаути од ИСС се вратија на Земјата

По шест месеци поминати на Меѓународната вселенска станица ИСС, четворица астронаути се вратија на Земјата. Вселенската капсула „Змај“ на приватната компанија SpaceX слета во Мексиканскиот Залив, пред брегот на американската сојузна држава Флорида. Брод кој беше „паркиран“ во околината потоа ја извлече капсулата од вода, а астронаутите беа префрлено на копно со хеликоптер.
Фотографии на денот

Срце за луѓето кои бараат мерки за заштита на климата

Скулптурата од мраз на уметникот Енви ги претставува стотиците илјади луѓе во Велика Британија кои бараат мерки против промените на климата. Таа беше откриена во Глазгов, каде се одржува Светската конференција за климата. Додека светските лидери дискутираат за промените на климата, многу групи за заштита на климата протестираат барајќи да се направи вистински напредок во решавање на проблемите.
Фотографии на денот

Заштитата на шумите на погрешен пат

Индонезија го потпиша договорот за заштита на шумите на светскиот климатски самит КОП26 во Глазгов. Но високи политичари во земјата го критикуваа планираното стопирање на уништувањето на шумите и веќе го релативизираат договорот. Цик-цак курс на патот кон заштитата на климата? Да се надеваме дека овој огромен сплав натоварен со дрва во Борнео не е лошо претскажување за дождовните шуми ...
Фотографии на денот

Светски рекорд на фестивал на светлата

Повеќе од 900.000 светилки за хинду фестивалот на светлата Дивали. Во северниот индиски град Ајодја, жителите влегоа во Гинисовата книга на рекорди годинава со нивната светлосна инсталација инсталација за Дивали.
Фотографии на денот

Рекорден број ковид-новоинфицирани во Германија

Бројот на пријавени нови инфекции од коронавирусот во Германија во четвртокот (04.11) го надмина рекордот од вториот бран во зимата 2020 и изнесува речиси 33.949, соопшти Институтот Роберт Кох. Досегашната највисока вредност на дневно регистрирани нови инфекции изнесуваше 33.777 и беше забележана на 18 декември 2020 година.
Фотографии на денот

Венеција стравува од поплавување

Некои знаменитости, како плоштадот Свети Марко веќе се поплавени. Се очекуваат бура и нови поројни дождови. Властите во Венеција стравуваат дека нивото на водата би можело да порасне и до 1,35 метри и го активираа градскиот систем за одбрана од поплави, т.н. Мосе. Системот Мосе, се состои од 78 бариери кои градот може да ги подигне на трите влеза и е во функција од 2020 година.
Фотографии на денот

Заврши тренингот за Марс

Шест астронаути во пустината Негев во Израел симулираа мисија на Марс. Меѓународниот тим истражуваше во вселенски костуми и беше изолиран во пејзаж кој наликува и има геолошки сличности со оној на Црвената планета. Астронаутите од Португалија, Шпанија, Германија, Холандија, Австрија и од Израел беа отсечени од светот речиси еден месец. Симулацијата на животот на Марс траеше од 4 до 31 октомври.
Фотографии на денот

Успешна премиера

Првите македонски избори на кои беа употребени апарати за отпечаток од прст завршија успешно, гласи оценката на ДИК. Во вториот круг на локалните избори беа избрани градоначалници во 43 општини и во Скопје. Според претседателот на Државната изборна комисија, Александар Даштевски, ова биле едни од најтешките избори во поновата во поновата историја на државата.
Фотографии на денот

Уметност во пустинскиот песок

За првпат се организира уметничка изложба пред 4.500 години старата локација од листата на УНЕСКО на светско наследство. Покрај сфингата и пирамидите, на оваа #ФотографијаНаДенот може да се види и делото „Вечност сега“ (Eternity Now) на Американката Жизела Колон: елипсовидната купола долга девет метри му оддава почит на историското наследство на древниот Египет.
Фотографии на денот

Закерберг го прекрсти своето чедо - Фејсбук стана Мета

Концернот Фејсбук во иднина ќе се вика Мета, соопшти основачот Марк Закерберг, но социјалната мрежа го задржува своето име. Името Фејсбук веќе не може да ја одрази целата палета на понуди на концернот, изјави Закерберг, затоа тој во иднина ќе се Мета. Со новото име Закерберг сака фокусот да го стави на новиот виртуелен свет „Метаверзум“, во кој ја гледа иднината на дигиталната комуникација.
Фотографии на денот

Вулканската активност на Ла Палма ќе трае уште долго?

Вулканолозите, со оглед на натамошните силни ерупции, не очекуваат брз крај на вулканската активност на канарскиот остров Ла Палма. Вулканот Кумбре Вијеха, и пет недели по почетокот на ерупциите и натаму нуди спектакуларни слики од моќни ерупции. Вкупно 908 хектари земјиште на Ла Палма во меѓувреме се покриени со лава, што одговара на повеќе од 1200 фудбалски игралишта.
Фотографии на денот

Вулканот на Ла Палма не се смирува

Вулканот Кумбре Виеха на Канарскиот остров Ла Палма од крајот на септември исфрла лава и пепел. Експертите предупредуваат од „вулкански бомби“, смирување не е на повидок.За некои тоа претставува само природен феномен, а за други тоа е нешто што ја загрозува нивната животна егзистенција. Вулканот на островот Ла Палма повеќе од пет недели исфрла лава која уништува сѐ пред себе.
Фотографии на денот

Пост и молитва за долг живот на мажот

Хиндуистичките жени постат цел ден и се молат за добробит и долг живот на своите сопрузи. Традицијата на празникот Карва Чаут е посебно раширена во северниот дел од Индија. Во свеченостите учествуваат и немажените девојки, во надеждека постот и молитвите ќе им помогнат што побргу да најдат маж.
Фотографии на денот

Кога хаосот е нормалност

Луѓето протестираат против недостигот на гориво во Хаити и ги палат уличните барикади. Момчево е на пат на работа и носи многу литри вода на главата. И двете нешта не треба да бидат такви. И двете нешта меѓутоа не се невообичаени на Хаити. Земјата се смета за најсиромашна земја на западната хемисфера и е во сериозна политичка криза по атентатот врз претседателот Жовенел Моиз во јули годинава.
Фотографии на денот

Последниот ЕУ-самит на Меркел

Германската канцеларка Ангела Меркел беше испратена со стоечки аплаузи од нејзиниот најверојатно последен ЕУ-самит. Во 16-те години канцеларување таа учествуваше на повеќе од сто самити. Типично за неа, збогувањето во петокот (22.10.2021) во Брисел беше повеќе од едноставно.
Фотографии на денот

Протест со соблекување

Десетици поранешни стјуардеси на италијанската авиокомпанија Алиталија, која замина во историјата, во Рим протестираа во долна облека. Компанијата наследничка - ИТА Ервејс, сака да го заземе местото на Алиталија врз грбот на своите вработени. Имено, помалку од 3000 од вкупно 10.000 вработени во Алиталија треба да бидат преземени во новата авиокомпанија. Притоа, под полоши услови.
Фотографии на денот

Момчето што доби капа од папата

На аудиенција на папата Франциско во Ватикан, мало момче излезе на бината и застана пред папата. Тој му подаде рака, поприкажа со него и му дозволи дури и да седне на стол веднаш до него. Mомчето му имаше фрлено око на еден посебен сувенир - капата на папата. Папата не му ја даде на момчето својата капа, но затоа му подари друга иста таква бела капа.
Фотографии на денот

Починка во движење

Во турбулентни времиња дури и починката се прави во движење. Оваа фотографија со симболична сила е направена на улиците на авганистанскиот главен град Кабул, на кои животот е променет од корен откако власта во земјата ја презедоа талибанците. Промените не се дел од оваа фотографија. Тие се исклучени, исто како што момченцето го има исклучено движењето на велосипедот и спие сосема мирно.
Фотографии на денот

Битка со пена на денот на сувото грозје

Британскиот универзитет Сент Ендрус има чудна традиција: на Денот на сувото грозје постарите студенти ги мачкаат бруцошите со пена за бричење, по што почнува битка со пена. Сето тоа во чест на „академското семејство“, односно адопцијата на новајлиите од страна на постарите студенти. Порано бруцошите на своите ментори им се заблагодарувале со суво грозје, па оттука и името „Ден на сувото грозје“.
Фотографии на денот

Во Мека повторно молитва без дистанца

Првпат по почетокот на пандемијата на коронавирусот, верниците во Големата џамија во Мека смееја да се молат еден до друг, бeз да мора да одржуваат неопходно растојание. Претходно од подот беа отстранети означувањата со помош на кои се распоредуваа верниците на одредено растојание. Меѓутоа, верниците и натаму мора да носат маски и да докажат дека се целосно вакцинирани. Сѐ уште е затворена и Ќаба.
Фотографии на денот

Рекордна вселенска мисија на Кина

Кина лансираше тричлен екипаж космонаути, или тајконаути, како што се нарекуваат во Кина, на шестмесечна мисија на нејзината вселенска станица во изградба Тиангонг, која, како што е планирано, би требало да постигне нов рекорд во должината на времето поминато во вселената.„Шенжу-13“ е втора кинеска вселенска мисија со посада, а крајна цел е изградба на вселенската станица до крајот на 2022.
Фотографии на денот

Рекордна продажба на исечкана слика на Бенкси

Беше вистинска атракција, кога веднаш по аукцијата, продадената слика на таинствениот уметник Бенкси почна да се самоуништува. Сега преименувана таа повторно беше ставена на аукција и оствари рекордна цена на аукција од 21,8 милиони евра, што е рекорд за дело на овој уметник .
Фотографии на денот

Капетанот Кирк“ повторно во вселената

За краток момент, научната фантастика речиси стана реалност: Иконата на телевизиската серија „Ѕвездени патеки“ Вилијам Шетнер навистина за првпат стигна до вселената. 90-годишниот канадски актер во капсулата „Њу Шепард“ полета на десетминутен излет во вселената. Шетнер, кој стана прочуен по улогата „Капетан Кирк“ на вселенскиот брод „Ентерпрајз“, со тоа е најстариот астронаут во историјата.
Фотографии на денот

Најпознатата статуа на Исус Христос прослави 90 години

Пред 90 години, на ридот Корковадо над Рио де Женеиро беше откриена статуата „Кристо Редентор“, односно „Христос Спасителот“. Статуата во стилот Арт Деко, е висока 30 метри, тежи 1.145 тони. Во нејзината приближно осум метри висока основа се наоѓа и капела. Таа е заштитен знак на бразилскиот град и секако најпозната статуа на Исус Христос во светот.
Фотографии на денот

Најголемата регата во светот

Италијанскиот град Трст секоја година во октомври станува светска престолнина на едрењето. Регатата Барколана во Трстјанскиот залив е дефинитивно најмасовниот наутички натпревар во светот, со просечно над две илјади едреници и едрилици и 30 илјади едриличари.
Фотографии на денот

11 Октомври - Ден на народното востание

Северна Македонија одбележа 80 години од почетокот на Народноослободителната борба. На 11 октомври 1941 година, Првиот прилепски партизански одред го нападна полицискиот участок и телефонско-телеграфската мрежа во Прилеп, а следниот ден се огласија и партизаните од Кумановскиот одред.
Фотографии на денот

Водопад во Дубаи

На фотографијата гледате жена во подножјето на една од најголемите атракции на ЕКСПО 2020 која се одржува во Дубаи, во Обединетите Арапски Емирати. Водата се слева низ заоблените ѕидови високи 13 метри и тоа во ритам на музиката која е специјално компонирана за ЕКСПО. Но, вистински спектакл се случува ноќе, кога водата, пркосејќи ѝ на гравитацијата, почнува да тече покрај ѕидовите.
Фотографии на денот

Нафтена платформа пред Лувр

Активисти на организацијата за заштита на природната средина, Гринпис стојат пред музејот Лувр во Париз, облечени како работници во петрохемиската индустрија, пред инсталираната кула на нафтена платформа од која избива чад. На овој начин тие протестираат против француската енергетска компанија „Тотал“, која користи фосилни горива, но и против нивно глобално користење.
Фотографии на денот

Силен земјотрес во Пакистан со десетици жртви

Најмалку 20 загинати и преку 300 повредени луѓе во силен земјотрес од 5,7 степени според Рихтер, кој го потресол планинскиот дел од југозападен Пакистан, во кој се наоѓаат повеќе рудници за јаглен. Несреќата се случила утрото, кога бројни рудари веќе работеле во рудниците. Епицентарот на земјотресот бил на околу 20 километри под земјината површина кај општината Харнаи, во провинцијата Балуџистан.
Фотографии на денот

Водени топови против антиковид протестите пред ЕУ-самитот

Словенечката полиција во повеќе наврати употреби солзавец и водени топови против илјадниците демонстранти во Љубљана, кои протестираа против антиковид-мерките. Демонстрантите опколиле возило на странска делегација и се обиделе да се доближат до хотел во кој бил сместен дел од делегациите на самитот на ЕУ со Западен Балкан, но биле спречени од полицајците. Уапсени се повеќе демонстранти.
Фотографии на денот

Срце во шума

Езерото во форма на срце во близина на Москва настанало при ископување по голем шумски пожар во 1972. година, на местото каде некогаш се наоѓале два извори. Поради бојата на водата, некои го нарекуваат и „Црвено езеро“, а некои уште се сеќаваат на старото име, „Два извори“.
Фотографии на денот

Огромен тепих од нафта пред брегот на Калифорнија

Пред брегот на Јужна Калифорнија стигна нафтена дамка предизвикана од излевање од пукнатина во нафтена платформа, истечени се преку 475.000 литри нафта. Плажите кај Хантингтон Бич и Њупорт Бич се блокирани за посетители, овој дел од калифорнискиот брег инаку е многу популарен кај сурферите. Предизвикана е огромна еколошка штета, на брегот стигнуваат голем број мртви птици и риби.
Фотографии на денот

Кризата со бензин ќе ја ублажува армијата

Војниците би требало да се погрижат за тоа бензинските пумпи во Велика Британија повторно да добијат гориво, се планира ангажман на 200 војници, од кои 100 како возачи. Велика Британија во моментов се соочува со огромен проблем со бензин кој не се должи на недостиг на гориво, туку на недоволно возачи за транспорт на горивото до бензинските пумпи. Во земјата недостигаат десетици илјади возачи.
Фотографии на денот

Голем пожар во гаража за автобуси

Повеќе од 20 целосно изгорени автобуси, многу оштетена хала, најверојатно милионска штета и две лесно повредени лица - тоа е првичниот биланс на полицијата и противпожарната служба по големиот пожар што вчеравечер ја зафати гаражата на сообраќајното претпријатие ССБ во Штутгарт. Причината за пожарот сѐ уште не е позната. Не се исклучува ниту технички дефект ниту евентуално подметнување на пожарот
Фотографии на денот

Исто како Џемс Бонд

Човек облечен како Џемс Бонд изведува акробација на огромна височина на London Eye. Каскадерот, во стилот на тајниот агент, носи смокинг и виси стотици метри над земја. Фотографијата е направена неспоредно пред светската премиера на 25-тиот филм за авантурите на Џемс Бонд, во кој за последен пат во главна улога може да се види Даниел Крег. Филмот „Не е време за умирање“ во кината е од 30.09.2021.
Фотографии на денот

Лавата од вулканот на Ла Палма тече во морето

Ерупцијата на вулканот на канарскиот остров Ла Палма достигна нов степен на ескалација. Лавата стигна до морето и станува уште поопасна. При контакт на лавата, чија температура е околу илјада степени, со солената морска вода, би можело да се создадат отровни гасови. Можни се и експлозии на парчиња од лавата, како и поплави предизвикани од многу жешки бранови.
Фотографии на денот

Изборите во Германија завршија, доста со реклами!

Мнозинството од Германците (55%) би сакале т.н. семафор-коалиција во Германија, покажува истражувањето на Инфратест Димап. Во црвено-жолто-зелената коалиција би влегле СПД, Либералите и Зелените. И, додека партиите и нивните кандидати се во рана фаза на сондирачки разговори за коалиција, од улиците исчезнуваат големите плакти со нивните лица и пораки. Изборите завршија пред цел еден ден, време е.
Фотографии на денот

Рекордно голем Бундестаг

Новиот Бундестаг ќе има рекорден број пратеници. Како што соопшти германската Сојузна изборна комисија, новоизбраниот парламент ќе брои 735 пратеници (СПД - 206; ЦДУ/ЦСУ - 196; Зелените - 118; ФДП - 92; АфД - 83; Левица - 39; ССВ - 1). Во досегашниот состав на Бундестагот имаше 709 пратеници. И тоа имено веќе беше рекорд.
Фотографии на денот

Место за спомен и сочувство

Уметничката инсталација „Во Америка: Запомни“ е место во главниот град Вашингтон, каде секој Американец кој починал од Ковид-19 симболично добива свое бело знаменце. Роднините можат на знаменцата да ги пишуваат имиња на починатите и мали пораки до нив. Во моментов тука има над 640.000 знамиња - а нивниот број се зголемува секој ден.
Фотографии на денот

Меркел во дружба со папагали

Непосредно пред изборите за Бундестагот, германската канцеларка во заминување беше во проштална посета на својот изборен округ. Освен со локалните жители, Меркел имаше средба и со симпатични дојденци од Австралија. Цели јата австралиски папагали Лори со светли бои ја облетуваа Ангела Меркел и јадеа од нејзината рака во птичјиот парк Марлов.
Фотографии на денот

Над 1 милијарда вакцини за посиромашните земји

САД, во борбата против коронавирусот, сакаат да донираат уште 500 милиони дози од ковид-вакцините за посиромашните земји. Ова го потврди претседателот Џо Бајден на виртуелниот корона-самит. САД веќе објавија донација од 500 милиони дози вакцини пред самитот на Г7 во јуни. Вкупно, американските донаторски ветувања изнесуваат 1,1 милијарда вакцини. САД со тоа се најголемиот донатор во светот.
Фотографии на денот

Остров на спасот среде црните реки од лава

Куќата на оваа фотографија се наоѓа во местото Ла Манчас на канарскиот остров Ла Палма, кое се најде на патот на незапирливите реки на вжештена лава по ерупцијата на вулканот Кумбре Вијеха. Тие досега уништија стотици објекти меѓу нив и околу 60 приватни домови, но за среќа, како што јавуваат светските новински агенции оваа куќа барем засега ја избегнала таа судбина и останала недопрена од лавата.
Фотографии на денот

САД сакаат да ги отворат границите за вакцинираните

САД ќе ги ублажат забраните за влез во земјата за Европејците и други странци воведени поради пандемијата на корона на коронавирусот. На целосно вакцинираните странци треба да им се дозволи повторно да влезат од почетокот на ноември.Сите странски патници ќе мора да обезбедат доказ за вакцинација и негативен тест за Ковид-19 пред нивниот лет во САД.
Фотографии на денот

Масовна евакуација по вулканската ерупција на Ла Палма

Околу пет илјади жители се евакуирани по ерупцијата на вулканот Кумбре Виеха на Ла Палма. Првпат по 50 години на шпанскиот канарски остров Ла Палма, вчера проработи повторно вулкан. Шпанските медиуми јавија за повеќе големи експлозии во јужниот дел на островот, по што следело исфрлање чад, пепел и камења во височина.
Фотографии на денот

Такси – градина

Зошто да не се искористат покривот и хаубата на долго паркираните автомобили за мала градина? На идејата дошле на овој паркинг во Банкок, каде стојат околу 200 такси возила повлечени од употреба поради намалениот обем на работа во текот на пандемијата на коронавирус. Приходите од зеленчуковите градини и баричките со жаби во автомобилски гуми им помагаат во исхраната на невработените возачи.
Фотографии на денот

„Ковид пасош“ - задолжителен за сите вработени во Италија

Од 15 октомври сите вработени треба да покажат сертификат, односно доказ дека се вакцинирани, излечени или имаат негативен тест на Ковид-19, во спротивно се закануваат санкции во форма на парични казни и суспендирање од работното место, но не и отказ. Обврската за „зелен пасош“ важи како во приватниот, така и во јавниот сектор, изјави италијанскиот министер за здравство Роберто Сперанца.
Фотографии на денот

„Спејс икс“ ги однесе првите туристи во вселената

Мисијата „Inspiration 4" е првата која се одвива во орбитата на Земјата без професионални астронаути. Летот на ракетата „Спејс-икс“ е изнајмен од американскиот милијардер Џаред Исакман. „Тајм магазин“ објави дека четирите места за вселенскиот лет чинеле 200 милиони долари. Вселенското летало „Crew Dragon" на „Спејс –икс“ ќе лета подалеку од орбитата на Меѓународната вселенска станица.
Фотографии на денот

Сакате Ангела Меркел од марципан?

По 16 години на чело на германската влада, канцеларката Ангела Меркел наскоро заминува од политиката. Производителот на марципан Томас Цубер од Оденвалд сака простувањето од канцеларката на нејзините фанови да им го заслади со посебен сувенир. Бројот на произведени марципански примероци со ликот на канцеларката е ограничен на околу 500, значи вистинските симпатизери на Меркел треба да побрзаат.
Фотографии на денот

1,2 милијарди долари помош за луѓето во Авганистан

На првата донаторска конференција откако талибанците ја презедоа власта во Авганистан, многу држави истакнаа дека за нивната итна помош не се поставуваат услови, но натамошната соработка со режимот ќе зависи од односот кон странските помагачи, жени, деца и малцинствата. Според ОН, 93 % од домаќинствата во Авганистан немаат доволно храна, а снабдувањето со основни потреби во земјата е пред колапс.
Фотографии на денот

Германија - вакцинирање во автобус, стадион, продавница...

Недела на засилена вакцинална кампања во Германија- мобилни тимови се присутни и на фудбалски стадиони, спортски терени, пред граѓански здруженија, на пешачки зони, во трговски центри, библиотеки, џамии... Германската канцеларка Ангела Меркел ги повика граѓаните да ги користат понудите. „Никогаш не било поедноставно да се добие вакцина, никогаш досега не било побрзо“, истакна таа.
Фотографии на денот

20 години од нападите на 11 септември 2001

Во нападите загинаа речиси три илјади луѓе. Членови на терористичката мрежа Ал Каида насочија три киднапирани авиони кон кулите близначки на Светскиот трговски центар во Њујорк и Министерството за одбрана во Вашингтон. Четвртиот авион се урна во сојузната држава Пенсилванија, откако патници им се спротивставиле на киднаперите. САД ја одбележаа 20-годишнината од нападите со низа манифестации.
Фотографии на денот

Прв цивилен лет за евакуација од Кабул

Првпат по повлекувањето на меѓународните трупи од Авганистан, од Кабул се реализираше цивилен лет за евакуација. Со авион на Катар Ервејс во Доха беа пренесени над 100 патници од Кабул, меѓу нив и 15 граѓани на Германија, како и државјани на САД, Канада, Велика Британија, Италија, Холандија и Украина.
Фотографии на денот

Истрага за пожарот во Тетово

Петмина обвинители од Тетово и Скопје се вклучени во увидот во модуларната болница во Тетово, која изгоре во пожар на осми септември. Оваа фотографија, на која се прикажани луѓе од истрагата кои вршат увид на лице место, е направена рано изутрината на 9 септември. Од истрагата се чекаат официјални информации за бројот на жртвите и за причините за пожарот.
Фотографии на денот

30 години независност

Северна Македонија одбележува 30 години независност. Резултатите од референдумското изјаснување на 8 септември 1991 година јасно и недвосмислено ја покажаа волјата на мнозинството граѓани да живеат во сопствена држава.
Фотографии на денот

Куба почна со вакцинирање мали деца

Куба е првата земја во светот која почна со вакцинирање мали деца. Вакцинирањето на децата на возраст од две до единаесет години се врши со вакцините Абдала и Соберана, двете развиени во Куба. Вакцините меѓутоа сѐ уште не се признати од Светската здравствена организација.
Фотографии на денот

Устоличување со безредија во Црна Гора

Митрополитот на СПЦ Јоаникиј е устоличен во Цетињскиот манастир, каде со патријархот на СПЦ, Порфириј, стигнаа со хеликоптер, откако демонстранти го блокираа патот и се судрија со полицијата. Демонстрантите направија барикади од камења и автомобилски гуми, а безредијата траеја неколку часа. Во судирите се повредени и повеќе десетици луѓе, вклучително и дваесетина полицајци. Полицијата уапси 8 лица
Фотографии на денот

Светлосни магии во Берлин

Секоја есен Берлин станува град на илуминирачката уметност. Националните и интернационални уметници го претвораат Берлин во голема, блескава сцена. Светлосните магии на светски познатите знаменитости, споменици, згради и плоштади на германската престолнина го прават „Фестивалот на светлината“ еден од најпознатите фестивали на овој вид на уметност во светот.
Фотографии на денот

Воден пустош по „Ајда“

Катастрофалното невреме на североистокот на САД, предизвикано од ураганот „Ајда“ опустоши големи области и однесе дестици човечки животи. Особено се погодени сојузните држави Њујорк и Њу Џерси. „Со жалење можам да известам дека досега најмалку 23 луѓе од Њу Џерси загинаа во бурата“, напиша гувернерот на оваа американска сојузна држава Фил Марфи утрината на Твитер.
Фотографии на денот

Маратонски штрајк на машиновозачите во Германија

Во Германија е во третиот штрајк на машиновозачите, воедно и најдолгиот – најголем дел од возовите ќе стојат пет дена. Со третата рунда на штрајкот, Синдикатот на машиновозачите, ГДЛ сака да изнуди 3,2 проценти повисоки плати за рок од 28 месеци. Раководството на Дојче бан се обиде во последен момент да го спречи штрајкот и достави нова понуда во тарифниот конфликт, но без успех.
Фотографии на денот

Важна цел, неостварена надеж

Европската унија достигна важна цел во борбата против пандемијата. Според претседателката на Европската комисија, Урсула фон дер Лајен, 70 проценти од граѓаните постари од 18 години сега се целосно вакцинирани. „Тоа се повеќе од 250 милиони луѓе кои се имунизирани“, рече таа. Првичните надежи на експертите за запирање на пандемијата, меѓутоа, не се остварија.
Фотографии на денот

Последниот авион од Кабул

Најдолгата војна на САД заврши: По речиси 20 години, официјално е објавен крајот на американската воена операција на Хиндукуш . Последните американски војници се повлекоа од Авганистан.
Фотографии на денот

Уништувачкото беснеење на „Ајда“

Силниот ураган „Ајда“ го погоди копното на Луизијана на истиот ден на кој пред точно 16 години катастрофалниот ураган „Катрина“ беснееше и во и околу Њу Орлеанс. Во налетот на „Катрина“ тогаш загинаа околу 1.800 луѓе
Фотографии на денот

Подготовки за налетот на ураганот „Ида“

„Ида“ како ураган од прва категорија стигна до Куба, но на патот кон САД се очекува да се засили. Американскиот национален центар за урагани издаде предупредување од животно опасни обилни врнежи од дожд, надоаѓање реки и буици и лизгање на земјиште за западниот дел од Куба, но и за Јамајка и Кајманските острови. Илјадници луѓе се евакуирани, во Хавана е прекинат и јавниот сообраќај.
Фотографии на денот

Срце од овци – последен поздрав до тетката

Бен Џексон, одгледувач на овци од Австралија, поради локдаунот не можел да се прости од тетката која била на смртна постела. Затоа дошол на оригинална идеја – со своето стадо овци, целно поставувајќи им храна по одредена линија, формирал срце, кое го снимил со дрон од висинска перспектива. Видеото со срцето од овци потоа било прикажано и на погребот на тетката, која во меѓувреме починала.
Фотографии на денот

Акутна терористичка опасност на аеродромот во Кабул

„Напуштете го итно аеродромот“ – вакво предупредување издадоа САД, Велика Британија и Австралија вчера до своите државјани, а претходно и германската амбасада во Кабул, поради пораст на ризикот од напади, истакнувајќи дека постои зголемена опасност од терористички напад во близина или на некоја од портите на аеродромот.
Фотографии на денот

„Запрашување“ на училиштата против Ковид-19

Пред почетокот на учебната година, во Кина се преземаат превентивни мерки за спречување на инфекции со коронавирус, се врши дезинфекција на сите простории каде ќе престојуваат учениците, не само училишните згради туку и училишните дворови. Оваа фотографија е направена во градот Божоу, во источната кинеска провинција Анхуеј. Земјата спроведува ригорозна нулта политика против Делта сојот.
Фотографии на денот

Кога возовите стојат – штрајк на германските машиновозачи

Машиновозачите преку еден од нивните синдикати бараат зголемување на платите за 1,4 проценти за оваа и уште 1,8 проценти за идната година, како и еднократна премија од 600 евра. Германските железници досега ја одбиваат посебно таа премија. Некои од граѓаните имаат разбирање за барањата на машиновозачите, но не и многумина летувалци или луѓе кои секојдневно патуваат до своето работно место.
Фотографии на денот

Полна Месечина над Скопје

Прекрасна глетка: полна Месечина над Саат-кулата на Султан-муратовата џамија во Скопје, „фатена“ синоќа од објективот на Арбнора Мемети. Синоќа беше идеална можност да се набљудува доминирањето на Месечината на небото, со својот сјај таа ја затемни светлината на голем борј ѕвезди.
Фотографии на денот

Бебето од Кабул

Бебето, кое во Кабул преку ѕид со бодликава жица им беше предадено на американските војници, е повторно со својот татко. „Родителот ги молел војниците да се погрижат за детето, затоа што бебето било болно“, објасни портпаролот на Пентагон, Џон Кирби. Затоа американски војник го повлекол бебето нагоре и го однесол во норвешката болница на аеродромот.
Фотографии на денот

Четврт корона-бран во Германија

Во Германија почна четвртиот бран од пандемијата на коронавирусот, оцени институтот „Роберт Кох“ (РКИ). Од зараза се погодени пред сѐ помладите. Во најновиот извештај на РКИ се наведува дека за една недела уделот на позитивни ПЦР-тестови во лабораториите се зголемил од 4% на 6%. Во Германија 64% од граѓаните имаат примено барем една доза од вакцината против Ковид, а 58% се целосно вакцинирани.
Фотографии на денот

Пожарот кај Атина голта сѐ поголема површина

Грчки и полски пожарникари се борат против неконтролираниот шумски пожар западно од Атина. Особено е загрозено местото Вилија, чии жители се евакуирани. Портпарол на надлежните власти соопшти дека во близина на Вилија нема патишта или патеки низ шумата преку кои противпожарните служби би стигнале со возила до пожарот, па она што преку ден било изгаснато со хеликоптери, повторно се разгорува.
Фотографии на денот

По земјотресот, на Хаити дојде бурата

Страдањето се зголемува - по катастрофалниот земјотрес, Хаити се бори и со последици од бурата „Грејс“. Многу од жителите на Хаити кои поради тоа што им се разурнати куќите од земјотресот мораа да спијат на отворено, се обидоа да стигнат до шатори или каква и да е друга заштита од обилниот дожд. „Хуманитарната состојба е многу загрижувачка“, се вели од кабинетот на преодниот премиер Ариел Анри.
Фотографии на денот

Повторно евакуација од Кабул

Воените авиони повторно почнаа со евакуација на дипломати и цивили од аеродромот во Кабул. Очајните луѓе кои ја имаа окупирано пистата во текот на вчерашниот ден, во обид да го напуштат Авганистан по секоја цена, се тргнати од неа. Германскиот Бундесвер исто така ја однесе на безбедно првата група луѓе.
Фотографии на денот

Талибанците го зазедоа Кабул

Радикално исламистичките талибанци прогласија победа во Авганистан. По само неколку месеци од почетокот на повлекувањето на меѓународните трупи од земјата, екстремистите го зазедоа главниот град Кабул. Во меѓувреме голем број Авганистанци се обидуваат очајно да ја напуштат земјата преку аеродромот во Кабул. Таму се и вработените во странските амбасади.
Фотографии на денот

Најтоплиот јули откако се мери температурата

Изминатиот месец, според мерењата на Американската национална администрација за океани и атмосфера, НОАА, бил најтоплиот јули од почетокот на мерењата на температурата на Земјата во 1880 година. Јули 2021 година ги „претекнал“ истите месеци од 2016, 2019 и 2020 година, досегашните„рекордери“, за 0,01 степен Целзиусов.
Фотографии на денот

Две децении Охридски рамковен договор

Потпишувањето на Договорот значеше директен прекин на огнот во вооружениот конфликт во Македонија во 2001 година. Договорот беше потпишан на 13 август 2001 од тогашниот претседател Борис Трајковски и тогашните партиски лидери: на ВМРО-ДПМНЕ Љубчо Георгиевски, на ПДП Имер Имери, на СДСМ Бранко Црвенковски и на ДПА Арбен Џафери, во присуство на олеснувачите од ЕУ и САД, Франсоа Леотар и Џејмс Пердју
Фотографии на денот

Лек за пожарите во кањонот на Матка

Хеликоптерите на АРМ го пронајдоа „лекот“ за гаснење на пожарите во околината на Скопје во кањонот на Матка. Вода се црпеше оттаму, но и од коритото на Вардар во Скопје. Ова е моментот кога едно од леталата влезе во кањонот на Матка за да наполни вода која потоа беше истурена врз огнената стихија во близина на селото Раовиќ.
Фотографии на денот

Во првите борбени редови против стихијата

Македонските војници, полицајци, пожарникари, доброволци веќе со денови се на првата линија на фронтот во борбата против пожарите во земјата. По уште една непроспиена ноќ, многу од нив и денеска ги очекува исцрпувачки ден со битки против пламените јазици. Во гаснењето на пожарите досега се имаат вклучено околу 1.500 припадници на Армијата и над 580 полицајци.
Фотографии на денот

Мало знаменце, огромна помош

Пожарникарите од Словенија беа меѓу првите странски екипи кои пристигнаа на помош во С.Македонија. Заедно со колеги од Србија, Австрија, Бугарија, Романија тие со денови водат деноноќни битки со пожарите во земјата. Противпожарниот тим од Словенија брои 45 лица, медицинска екипа, 11 противпожарни и транспортни возила и специјализирани екипи опремени со сите можни ресурси.
Фотографии на денот

Посејдон во чад и пепел

Ситуацијата во областите во Грција зафатени од шумски пожари и натаму е драматична. Посебно е погоден островот Евија, каде е направена оваа #ФотографијаНаДенот. Чадот од големите пожари се шири над статуата на Посејдон, антички грчки бог на морето, во местото Пефки на островот Евија, околу 189 километри северно од Атина.
Фотографии на денот

Со лопата во борба за спас на Малешевијата

Нашата #ФотографијаНаДенот му ја посветуваме на овој човек кој тргна во битка против пожарите во Малешевијата „вооружен“ со лопата. Справувањето со огнената стихија во близина на селата Робово и Мачево траеше неколку денови.
Фотографии на денот

Да се спаси барем нешто пред налетот на огнот

Луѓето се обидуваат да спасат барем нешто од својот посед, додека пожар беснее во шумска област северно од Атина, огнот таму и натаму се шири, повеќе населби се евакуираат.
Фотографии на денот

И на хероите им треба оддишка

Македонските пожарникари деновиве се на првата линија на фронтот во исцрпувачката борба со пожарите кои беснеат ширум земјата. На оваа #ФотографијаНаДенот, тројца струмички пожарникари по 14 часа надчовечки напори во гаснењето на пожарот во близина на Делчево, целосно исцрпени земаат оддишка пред новите битки со огнената стихија. Пожарите во земјата не стивнуваат, активни се десетина пожари.
Фотографии на денот

Гробишта за поплавени автомобили

Поплавите во Германија предизвикаа огромни штети, меѓу другото, уништени се илјадници автомобили. На ова поле се собрани автомобилите кои се уништени во средината на јули од надојдените буици во долината на реката Ар во покраината Рајнланд-Фалц. Оттука ќе се транспортираат и ќе завршат во отпад. Фотографијата е направена од воздух, со дрон.
Фотографии на денот

Очајничка борба со огнот

Жена се обидува со гранка да го изгасне огнот кој се шири. Фотографијата е направена во Турција, но вакви глетки има и во повеќе држави на југот на Европа. Турција е посебно погодена од шумските пожари, кои се шират посебно по должината на брегот на Средоземното Море, во близина на туристичките летувалишта. Досега осум лица го загубија животот во огнената стихија во Турција.
Фотографии на денот

Роботи на Олимпијадата

Кој е најдобар кошаркар на сите времиња? На Олимписките игри во Токио претставник на поинаков вид ја презема доминацијата на теренот. Едноокиот хуманоид е висок два метра и не може да дрибла и скока, но затоа може да дава кошеви и тоа со речиси стопроцентна ефикасност. Роботот CUE на Тојота постигнува погодоци од линијата за слободни фрлања, дава тројки, а добро гаѓа и од половината на теренот.
Фотографии на денот

Снег во Бразил

Студениот бран кој го зафати Бразил, донесе снег на југот на земјата. „Феноменот, кој ги израдува туристите и мештаните, е регистриран во повеќе од десет градови во сојузната држава Санта Катарина“, извести регионалниот портал „Сао Жоаким Онлајн“. Тој снегот го нарече „убав подарок од небото“.
Фотографии на денот

Топлотен бран

Северна Македонија е во т.н. портокалова фаза, со температури до 41 степен. Поради топлотниот бран, Владата објави препораки, меѓу кои и ослободување од работните обврски на најранливите групи на населението. Од единиците на локалната самоуправа, Црвениот крст и центрите за социјални работи се бара да имаат поактивен пристап и да пружат помош на осамени стари изнемоштени лица и бездомници.
Фотографии на денот

Пожарите кај Атина зафатија и куќи

Пожарите кои беснеат северно од Атина се проширија на населено подрачје. Во подножјето на планината Пендели гори подрачје во должина од неколку километри, изјави градоначалникот на местото Дионисос, Јанис Калафателис. Огнот ги има зафатено и куќите, а населението е евакуирано. На нашата #ФотографијаНаДенот - авион за гаснење пожар во близина на селото Родополи, северно од Атина.
Фотографии на денот

Розова лагуна

Лагуната Корфо во Аргентина се обои во розово веројатно поради загадување со хемикалии. Експертите и заштитниците на животната средина велат дека менувањето на бојата се должи на ставањето на антибактериското средство натриум сулфит во водата, кое рибарските компании го користат како средство за конзервирање. Мештаните одамна се жалат на лош мирис и еколошки престапи околу лагуната и реката Чубут.
Фотографии на денот

Опомена за учесниците на Олимписките игри

По прегратките и прекршувањето на правилата за носење маска на церемонијата на доделување медали на Олимписките игри во Токио, организаторите ги опоменаа учесниците да ги почитуваат правилата. По штафетната трка во пливање слободен стил, тимовите на Австралија, Канада и САД не носеа маски на подиумот и се прегрнуваа. Слични сцени имаше и на доделувањето медали по трката на 400 метри кај мажите.
Фотографии на денот

„Жетвата“ на медали започна

До големото финале на Летни олимписки игри на 8 август 2021 година, околу 11 илјади спортисти ќе се борат со златото, среброто или бронзата. Медали можат да се освојат во вкупно 33 спортови, а злато ќе биде доделено точно 339 пати. Првиот златен медал на Олимпијадата веќе го освои кинеската репрезентативка во стрелаштво Кијан Јанг, откако триумфираше во дисциплината 10 метри воздушна пушка.
Фотографии на денот

Старт на „пандемиската“ Олимпијада

Една година подоцна и без гледачи, но затоа со нови случаи на Ковид-19. Во Токио свечено беа отворени Олимписките игри. Церемонијата, како впрочем и целите игри се во длабока секна на пандемијата.
Фотографии на денот

Две дози Бионтек/Фајзер заштитуваат од Делта сојот

Британска студија докажува висока ефикасност на вакцините на Бионтек/Фајзер и на АстраЗенека против Делта варијантата на коронавирусот. Според студијата, две дози од вакцината на Бионтек/Фајзер имаат делотворност од 88 % против симтоматско заболување од Делта сојот, споредбено со 93,7 % против Алфа. Втората доза на АстраЗенека обезбедува 67% заштита протв Делта, наспроти 74,5 против Алфа.
Фотографии на денот

Метрополата под вода

Најобилните врнежи на дожд во последните неколку децении предизвикаа огромни поплави во централната кинеска метропола Женгжу. Државните медиуми досега јавија за дванаесет загинати. Сепак, се стравува од значително повеќе жртви. Буиците го поплавија метрото, каде стотици луѓе беа заробени во возовите и во тунелите, како што објавија државните медиуми и очевидци на социјалните мрежи.
Фотографии на денот

Муслиманите го слават Курбан Бајрам

Во Саудиска Арабија во тек е аџилакот на светите места на исламот. Во исто време, муслиманите ширум светот го слават Курбан Бајрам. Поради коронавирусот, и оваа година свеченостите се делумно поскромни од вообичаеното. Саудиските власти годинава го ограничија бројот на аџии на 60.000 со живеалиште во земјата, наспроти над два милиони од целиот свет, кои вообичаено пристигнуваа во Мека.
Фотографии на денот

Катастрофата, пред и потоа

Германија е сѐ уште во шок од огромните размери на уништувањето во настраданите места од катастрофалните поплави. Водената стихија остави зад себе пустош во многу места. Оваа #ФотографијаНаДенот најдобро ги покажува размерите на катастрофата во градот Алтенар во покраината Рајнланд-Пфалц, кој беше силно погоден од поплавите. Алтенар од идилично место се претвори во купишта урнатини.
Фотографии на денот

Автопат како река

Градот Ерфтштат е меѓу најпогодените од катастрофалните поплави во западна Германија. Фотографијата е направена на автопат кој води кон градот и кој е практично претворен во река, десетици товарни возила и автомобили беа заглавени на него. Дали сите од возилата успеале да се спасат, не се знае.
Фотографии на денот

Спасот доаѓа од воздух

Поплавени сообраќајници, куќи под вода – спасувачките екипи на многу места во поплавените подрачја во Германија можат да дојдат само со чамци или со хеликоптери. Во вакви спасувачки акции од воздух учествуваат и хеликоптери на Бундесверот, како на оваа фотографија направена во Свистал, гратче во покраината Северна Рајна Вестфалија.
Фотографии на денот

Катастрофални поплави во Германија – десетици исчезнати

Невремето и обилните дождови посебно ги погодија покраините Северна Рајна Вестфалија и Рајнланд-Пфалц. Улиците во повеќе населени места се под вода, што на места целосно ја оневозможува интервецијата на екипите на противпожарната служба и на службите за медицинска помош. Од поплавите се заканува уривање на повеќе куќи, некаде водата е стигната до покривите.
Фотографии на денот

Венеција: Адио, крузери!

Венеција живее од туризам. Но, гигантските крузери го загрозуваат опстанокот на историскиот град на каналите, затоа од 1 август тие нема да смеат да впловуваат во градот. Брановите кои ги создаваат огромните пловечки колоси ги оштетуваат фундаментите на градот кој е дел од Светското културно наследство и се закана за чувствителниот еколошки баланс во лагуната.
Фотографии на денот

Задолжително вакцинирање за милиони Французи во здравството

По Италија и Грција, и Франција воведува задолжителна вакцинација за здравствените работници и негувателите, како реакција на рапидното ширење на Делта сојот на коронавирус, најави претседателот Емануел Макрон. Сите вработени во болниците и домовите за нега на стари и болни лица ќе треба да се вакцинираат најдоцна до 15 септември, во спротивно, нема да можат да работат.
Фотографии на денот

Италија им ги скрши срцата на Англичаните на „Вембли“

Со драматична серија пенали, фудбалската селекција на Италија ја совлада репрезентацијата на Англија со 3:2, откако финалето на ЕУРО2020 пред 60.000 гледачи на „Вембли“ по 120 минути игра заврши со резултат 1:1. Ова е втора европска шампионска титула за Италија по 1968 година, а сонот на Англичаните дека по 55 години ќе забележат успех, се распрсна.
Фотографии на денот

Глад во светот

Во текот на изминатата година во светот од глад биле погодени речиси шестпати повеќе луѓе отколку во годината пред тоа. Според хуманитарната организација Оксфам, зголемениот глад се должи не само на пандемијата на коронавирусот, туку и на конфликтите и промените на климата. Двајца од тројца гладни во светот живеат во земји каде што владее војна. Од глад во светот се погодени 155 милиони луѓе.
Фотографии на денот

Трета доза од вакцината на Бионтек и Фајзер?

Производителите на вакцини Бионтек и Фајзер сакаат да поднесат барање за дозвола за трета доза од нивната вакцина против Ковид-19. „Од податоците кои ги собра израелското Министерство за здравство и практиката стана јасно дека опаѓа заштитата што ја дава вакцината од инфекции и симптоматски заболувања шест месеци по втората доза“, соопштија производителите.
Фотографии на денот

Англија во финале, Англичаните во екстаза

Англичаните се надвор од себе од радост - прво финале по 55 години, шанса за освојување на европската титула во фудбал! Историската димензија на сопственото постигнување и кај хероите на Вембли предизвика силни чувства. „Неверојатно, какво чувство!“, рече Хери Кејн по натпреварот со Данска, кој по продолженијата заврши со резултат од 2:1. Во финалето, Англија игра против фаворитот Италија.
Фотографии на денот

Италија е првиот финалист на ЕУРО 2020

Италија е во еуфорија - фудбалската репрезентација е по четврти пат во финале на едно Европско првенство. Со 4:2 по изведување пенали беше совладана репрезентацијата на Шпанија. Италијанците уживаат во овој посебен триумф и се надеваат дека ќе го освојат ЕП. Овие навивачи на стадионот Вембли носеа знаме со натпис: „Доаѓа во Рим“, алудирајќи на победничкиот пехар.
Фотографии на денот

Најавен крај на корона-мерките во Англија

Од 19 јули се укинуваат сите корона-рестрикции во Англија, најави британскиот премиер Борис Џонсон. Нема да мора веќе да се држи растојание или да се носи маска, ноќните клубови може да отворат, кината, стадионите, театрите може да ги пополнат сите места. Предуслов за тоа, меѓутоа, е податоците кои ќе се добијат при проверката на ситуацијата со пандемијата на 12 јули да овозможат целосно отворање.
Фотографии на денот

Зградата во Флорида е целосно урната

Зградата во Сурфсајд, Флорида, која се урна делумно пред 11 дена, беше целосно урната со контролирана експлозија. Објектот е целосно урнат поради загриженост за стабилноста на руината, со оглед на приближувањето на тропската бура „Елза“. Потрагата по преживеани во текот на викендот беше привремено запрена и треба да продолжи по уривањето на зградата. Досега беа извлечени телата на 24-ца загинати.
Фотографии на денот

Со корона-маска на оризово поле

Индонезија се бори со еден од наjсилните бранови на коронавирус во Азија, со рекордни инфекции предизвикани од сојот Делта. Заострените мерки ја прават понеподнослива и онака тешката работа на земјоделците. Може само да се замисли колку напорна работа мора да има овој земјоделец на оризово поле во близина на Џакарта. И покрај температури од над 30 степени и висока влажност, тој носи заштитна маска
Фотографии на денот

Од принцовите за принцезата-мајка

На денот на кој починатата британска принцеза Дијана ќе наполнеше 60 години, нејзините синови принцовите Вилијам и Хари ѝ оддадоа почит со откривање на споменик во нејзина чест. Беше одржана помала церемонија во Кенсингтонската палата во Лондон, а статуата на принцезата Дијана ја нарачаа токму нејзините синови во 2017 година.
Фотографии на денот

Спектакл за големиот јубилеј

Кина ја прослави стогодишнината од основањето на владејачката Комунистичка партија со спектакуларна церемонија на плоштадот Тјенанмен во Пекинг. Кинескиот претседател Ши Џинпинг на церемонијата истакна дека кинескиот подем до светската велесила е неповратен историски процес. Кинеската комунистичка партија е основана во Шангај во летото 1921 година од страна на Мао и мала група соработници.
Фотографии на денот

Еднаш во 5 до 10 години

Многу региони на Германија беа зафатени од силно невреме со пороен дожд и силен ветер. Предизвикани беа и бројни материјални штети а имаше и повредени лица. „Ова беше невреме што се случува само на секои пет до десет години“, истакнаа германските метеоролози по силното невреме со поројни дождови, грмежи и град што предизвика хаос во делови на Германија.
Фотографии на денот

Фудбалска класика

На претпоследниот осминафинален натпревар на ЕУРО 2020 играа Германија и Англија. На лондонскиот стадион Вембли веќе се одиграле легендарни натпревари меѓу вечните ривали. Најболниот пораз за Англичаните е оној во полуфиналето на ЕП во 1996 година, со промашениот пенал на актуелниот англиски селектор Герет Саутгејт ( на насловната фотографија). Овојпат беше поинако и Англија славеше со 2:0.
Фотографии на денот

Мало разладување од рекордните горештини

Нови рекордно високи температури се забележани во Канада и во северозападниот дел на САД во долгиот топлотен бран кој го зафати овој дел од светот. Спас од опасните горештини се бара на секој начин. Ваквите горештини се сметаат за потенцијално опасни за регионот каде многумина живеат без климатизација, бидејќи ретко им е потребна.
Фотографии на денот

Втора Парада на гордоста во Скопје

Во организација на Националната мрежа против хомофобија и трансфобија– Скопје, се одржа втората официјална Парада на гордоста. „Манифестацијата е настан од и за ЛГБТИ заедницата, но и за сите поддржувачи на борбата за еднаков третман на сите луѓе. Прајдот е протест, но и прослава, на која ги реафирмираме надежите за посолидарно, похумано и поправедно општество", истакнаа организаторите.
Фотографии на денот

Торнадо опустоши села во Чешка, „летале“ автомобили

Торнадо со огромна разурнувачка сила ја погоди југоисточна Чешка, предизвикувајќи пет жртви, како и огромни материјални штети. Во неколку села се урнати објекти, однесени покриви, искршени прозорци, откорнати дрвја и оштетени далноводи, дури подигнати во воздух и автомобили, а повеќе автобуси се превртени. Се проценува дека брзината на ветрот кај торнадото изнесувала околу 300 километри на час.
Фотографии на денот

Протест во боите на виножитото

УЕФА го забрани осветлувањето на Арената во Минхен во боите на виножитото, што се толкуваше како протест против контроверзниот унгарски ЛГБТИ-закон. Многу институции најдоа други начини за „шаренолик“ израз на мислењето. Во знак на протест бројни фудбалски стадиони во Германија, на пример во Берлин, Франкфурт (на фотографијата), Диселдорф, Келн, Волфсбург и Аугсбург блескаа во шарени бои.
Фотографии на денот

Прегратка на Сонцето кај Кокино

Вака еден човек го одбележа календарскиот почеток на летото кај мегалитската опсерваторија во Кокино – симболички опфаќајќи го Сонцето На 22 јуни -денот на почетокот на летото , т.е., долгодневница, денот е најдолг а ноќта е најкратка. Мегалитната опсерваторија во Кокино, во близина на Куманово, каде е направена фотографијава, се вбројува меѓу античките опсерватории во светот.
Фотографии на денот

„Морски лиги“

Мраморно Море кај Истанбул со недели е прекриено со органски лигав слој на површината, посебно близу брегот. Желатинската маса е оаза за вируси и бактерии и се заканува на целата флора и фауна. Појавата на „морски лиги“ не е нова, но зема замав и научниците уште немаат пронајдено решение. Велат дека со глобалното загревање, во Средоземјето сѐ поголем дел од морето ќе изгледа токму вака.
Фотографии на денот

Проштален фудбалски „танц“ на Горан Пандев

Капитенот на македонската фудбалска репрезентација се прости од националниот дрес со натпреварот против Холандија. Пандев дебитираше во националниот тим во 2001 година, одигра 122 натпревар и постигна 38 гола, вклучувајќи го и првиот за Македонија на европските првенства, против Австрија. С. Македонија ги загуби шансите за пласман во осминафиналето по поразите од Австрија, Украина и Холандија.
Фотографии на денот

Апокалиптична жега во Калифорнија

Екстремна горештина со рекордни температури го зафати југозападот на САД. Калифорнија, Невада, Аризона и Јута се „варат“. На оваа фотографија направена во националниот парк Фурнас Крик во Калифорнија, е овековечена температура од дури 54 степени Целзиусови. Надлежните во националниот парк ги повикуваат туристите да носат дополнителни количества вода и „да патуваат подготвени да преживеат“.
Фотографии на денот

Горештини во Германија

До пред неколку недели како да сѐ уште да беше зима, а сега веќе е пеколно. Германија се „вари“ на високи температури, а прогнозите велат дека за време на викендот тие на места ќе бидат уште повисоки. Освен тоа, метеоролозите предупредуваат и од невреме. Воздухот ќе стане повлажен, што целата ситуација ќе ја направи уште понеподнослива.
Фотографии на денот

Бајден и Путин - ниту пријатели ниту непријатели

По многу меѓусебни непријателски гестови и обвинувања, американскиот и рускиот претседател од својот прв самит во Женева испратија претпазливи сигнали за деескалација. На одвоени прес-конференции оценија дека атмосферата била позитивна. Имало разлики во мислењата, но тие не биле претерано нагласени, рече Џо Бајден. Разговорите не биле пријателски, но немало ни непријателства, оцени Владимир Путин.
Фотографии на денот

Со параглајдер на натпреварот Германија-Франција

Во протестна акција на организацијата Гринпис со моторен параглајдер на натпреварот Германија-Франција на фудбалското Европско првенство се повредени две лица. На параглајдерот можеше да се прочита барање на еколошката организација Гринпис за „побрзо напуштање на моторите со внатрешно согорување кои се штетни за околината“. Барањето беше насочено против спонзорот на првенството Фолскваген.
Фотографии на денот

Германската репрезентација пред тежок испит

На чекањето му дојде крај - Германија го почнува Европското фудбалско првенство со дуелот против Франција. Потежок противник од актуелниот светски фудбалски првак не можеше да се падне, но избраниците на Јоахим Лев велат дека се подготвени и екстремно мотивирани. „Должни сме им на навивачите“, изјави пред натпреварот капитенот Мануел Нојер.
Фотографии на денот

Македонските навивачи - надмоќни

Дебито на македонската фудбалска репрезентација на Европското првенство заврши со пораз од Австрија од 1:3, но затоа навивачите беа надмоќни. Агенцијата СИД оценува: „Речиси неверојатна гласовна надмоќ за аутсајдерот Северна Македонија на Националната арена во Букурешт. На австриската химна ѕвонеа многу смартфони поради предупредување од невреме, а по македонската химна уште долго ѕвонеа ушите.“
Фотографии на денот

Кралски прием

Британската кралица Елизабета Втора приреди прием за лидерите на Г7, кои учествуваат на тридневниот самит кој се одржува во местото Карбис Беј во Корнвол, на југозападот на Англија. На приемот одржан во туристичката атракција „Проџект Идн“ во Корнвол, присуствува три генераци од кралското семејство, кралицата Елизабета, принцот Чарлс со сопругата Камила, принцот Вилијам и неговата сопруга Кејт.
Фотографии на денот

„Подгрицнато“ Сонце

Низ целата северна хемисфера, луѓето беа сведоци на реткиот природен спектакл на прстенесто затемнување на Сонцето. Најдобриот поглед на вчерашното затемнувањето на Сонцето имаа луѓето на крајниот север на Земјата, додека појужно во Европа тоа беше само делумно видливо. Сонцето таму изгледаше само малку „подгрицнато“.
Фотографии на денот

500 милиони вакцини за светот

САД планираат да им дадат 500 милиони дози на вакцини на 100 други земји. Вашингтон постигнал согласност со Бионтек/Фајзер за купување на вакцините, потврди американскиот фармацевтски концерн Фајзер. Првите 200 милиони дози ќе бидат распоредени годинава преку програмата Ковакс, додека останатите 300 милиони ќе чекаат на дистрибуција наредната година. Испораките на вакцините ќе започнат во август.
Фотографии на денот

Болна шлаканица

Претседателот Емануел Макрон, долго примаше изрази на поддршка од загрижените граѓани, откако еден Французин му удри шлаканица за време на неговата посета на југоисточна Франција. На видеото на Твитер се гледа како Макрон се поздравува со група граѓани, а потоа едниот од нив му ја зграпчува подлактицата и му удрира шлаканица. На снимката се слуша монархистички извик и „Долу Макрон!“.
Фотографии на денот

Њу шепард“ ќе го однесе Безос во вселената

Милијардерот Џеф Безос си го исполнува детскиот сон и патува во вселената - макар и само неколку минути. Но, тој во авантурата со капсулата на сопствената компанија не оди сам. Основачот на Амазон, Џеф Безос, соопшти дека тој и неговиот брат ќе бидат патници на првиот лет во вселената на 20 јули со неговата компанија „Блу ориџин“.
Фотографии на денот

Каде се маските?

Рестрикции, маски, дистанца? Сето тоа е лански снег, барем за посетителите на плажата во Бостон во САД. Можете да откриете барем една маска? Во убавото летно време со температура околу 35 степени, уживаа илјадници Американци на плажата "L Street" во метрополата Бостон на викендот. Масачусец спаѓа во американските федерални држави со најголема стапка на вакцинирани против коронавирус.
Фотографии на денот

Воздушен „нокаут“ за Лукашенко – ЕУ забрани прелети на белоруски авиони

Авионските компании од Белорусија веќе не смеат да летаат во воздушниот простор на ЕУ. Поради принудното приземјување на авион на Рајанер и апсењето на опозицискиот новинар Роман Протасевич, Брисел најави и натамошни економски санкции против Минск. Блогерот и неговата пријателка се наоѓаат во затвор во Белорусија, а Протасевич двапати беше принуден да дава изјави во прилог на Лукашенко на ТВ.
Фотографии на денот

Фудбал, коронавирус и насилство

Ова момче се радува што за десетина дена во Бразил почнува Копа Америка. Но, фудбалските натпревари во ек на пандемијата се цел на критики. Во земјата се регистрираат околу 80.000 нови инфекции дневно, од коронавирус умреа половина милион луѓе. Муралот укажува и на проблемот на Бразил со криминалот, стапката на убиства е меѓу највисоките во светот, а често жртви на насилство се спортисти.
Фотографии на денот

Небесен базен – за богати и храбри

Се чини како овој пливач да плива на небото, но тој се рекреира во„Sky Pool", базен кој поврзува две станбени згради на висина на десетти спрат (35 метри) во луксузен кварт на Лондон. Базенот долг 25 метри со дно од акрил, има 400 тони вода и е резервиран за жителите на скапите апартмани чија цена е од 700.000 па до шест милиони евра. Самиот базен е тежок 50 тони и е направен во Колорадо, во САД.
Фотографии на денот

Ден без смртен случај од Ковид-19 во Велика Британија

Властите во Велика Британија, првпат по јули 2020 година, во понеделникот не регистрирале смртен случај од Ковид-19 во рок од 24 часа. Во земјата, во Европа најтешко погодена од пандемијата, бројот на новозаразени во последните денови повторно бележи пораст и се движи константно околу 3000 лица, а причина е растечкото ширење на вирусната варијанта Делта, која првпат се појави во Индија.
Фотографии на денот

Алфа, Бета, Гама – СЗО ги „прекрсти“ варијантите на Ковид

Варијантите на коронавирус добиваат нови имиња. Светската здравствена организација вчера објави дека мутациите во иднина ќе бидат именувани со букви од грчката азбука и тоа редоследно по нивното откривање: варијантата која беше прва откриена во Велика Британија ќе носи име „Алфа“, од Јужна Африка ќе се нарекува „Бета“, откриената во Бразил – „Гама“, а онаа од Индија – „Делта“.
Фотографии на денот

„Паѓаат“ маските на отворено

Ублажување на ковид-рестрикциите за македонските граѓани: од 1 јуни заштитните маски не се задолжителни на отворено. Маските на сите затворени места, јавен превоз остануваат задолжителни. Се дозволува организација на свадби и прослави на отворено со максимум 50 проценти исполнетост на капацитетот во отворениот дел, но не повеќе од 100 гости. Максимум дозволен број на гости на една маса е шест.
Фотографии на денот

Бегство од пандемијата

Љубителот на гулаби Јонисбел Сантана со два гулаби на својот покрив во Хавана, е меѓу Кубанците кои ги одгледуваат птиците како форма на бегство. Повеќето луѓе во Куба престојуваат во затворени простории поради најтешкиот бран од пандемијата на коронавирус во земјата. На покривите, одгледувачите на гулаби се забавуваат гледајќи како гулабите летаат во воздухот и го фаќаат пленот.
Фотографии на денот

Речиси сите за Асад

Победникот на изборите во Сирија беше познат однапред. Официјалните резултати ја потврдуваат победата на Башар ал-Асад. Опозицијата во Сирија зборува за фарса, Западот за измама. Но, сирискиот властодржец не се возбудува - тој на претседателските избори победи со 95,1% од гласовите. Одзивот изнесува 79%. На оваа фотографија - сириски избирачи со автобус одат на гласање во Дамаск.
Фотографии на денот

Крвава Месечина над Скопје

Ретка небесна претстава - крвава Месечина над Скопје, „фатена“ од објективот на Арбнора Мемети. При целосно замрачување на Месечината, светлината се прекршува низ атмосферата така што во сенката на Земјата доаѓа само црвениот дел од светлината, па Месечината свети црвено.
Фотографии на денот

Семејството на Џорџ Флојд кај претседателот Бајден

Семејството на Џорџ Флојд, кој беше убиен во полициска акција пред една година, се сретна со американскиот претседател Џо Бајден. Средбата траеше околу еден час и се одржа зад затворени врати. По неа, Бајден побара преземање натамошни мерки против расизмот и полициското насилство. На оваа фотографија - роднините на Флојд, по средбата, со кренати раце го извикуваат неговото име пред Белата куќа.
Фотографии на денот

Врева за починатите медицински работници од Ковид-19

Најмалку 115.000 здравствени работници ширум светот се починати од Ковид-19, проценува Светската здравствена организација. На оваа фотографија жена во униформа на медицинска сестра во близина на Белата куќа во Вашингтон стои опкружена со бели обувки кои ги претставуваат медицинските сестри кои починаа од Ковид-19.
Фотографии на денот

Каде е Роман Протасевич?

„Каде е Роман?!“, стои на плакат кој го држи жена која протестира на аеродромот во Вилнус откако авионот на Рајанер слета во Литванија без уапсениот белоруски опозиционер Роман Протасевич. Авионот, кој беше на пат од Атина за Вилнус, беше принуден да слета во Минск придружуван од белоруски борбен авион. На аеродромот потоа беше уапсен критичарот на власта во Белорусија, Роман Протасевич.
Фотографии на денот

Огнена апокалипса

Грчките пожарникари и натаму се борат со повторното разгорување на жариштето на големиот шумски пожар кој од средата беснее во областа Коринт и на западот од полуостровот Атика. Пожарот досега претвори во пепел 55 квадратни километри, а чадот од пожарот достигна до Атина. Во таа област дожд не паднал цел месец.
Фотографии на денот

Прослава на примирјето

На повидок е крај на страдањата на луѓето во Израел и во Појасот Газа: во сила е прекин на огнот, на кој се согласија израелската влада и милитантните Палестинци. Во Појасот Газа одекнаа истрели од радост, а луѓето излегоа на улиците да слават. Палестинците славеа и на Западниот Брег.
Фотографии на денот

Откриен најголемиот леден брег во светот

Во Антарктикот од континенталната ледена површина се отцепил досега најголемиот леден брег во светот. Неговата површина е поголема од островот Мајорка, изнесува околу 4320 квадратни километри. Светската вселенска организација ЕСА со седиште во Париз го открила колосот преку сателитски снимки.
Фотографии на денот

Планета на птиците

На Земјата има најмалку 50 милијарди диви птици, што значи дека на нашата планета живеат шестпати повеќе птици отколку луѓе, покажува најново австралиско истражување. Најбројни меѓу птиците се домашни врапчиња, кои ги има 1,6 милијарди, а уште три останати најраспространети видови птици имаат популација од над една милијарда. Популацијата на птици се намалува насекаде во светот.
Фотографии на денот

Со пливање до подобар живот во Европа

Неколку илјади мигранти стигнаа од Мароко до шпанската енклава во северна Африка, Сеута. Најголем дел од нив пливаа околу два километри преку Средоземното море. Мигрантите, меѓу кои имало и околу 1500 деца и малолетници, тргнале од мароканскиот град Фнидек.
Фотографии на денот

Барса на европскиот фудбалски трон

Фудбалскиот клуб Барселона е годинешен победник на Лигата на шампионите. За разлика од прочуениот машки тим ова е прва ваква титула за фудбалерките на каталонскиот клуб. Тие го совладаа Челзи со 4-0 во финалето одиграно вчера во шведски Гетеборг. Така, конечно, на фудбалскиот трон на Европа, некој го замени Олимпик од Лион - францускиот женски тим, имено, беше шампион пет години по ред.
Фотографии на денот

Кинески ровер првпат слета на Марс

Кина постави нов меѓник во својата амбициозна вселенска програма – во својата прва мисија на Марс, успеа да спушти ровер на Црвената планета Роботот „Журонг“ ноќеска слета на рамнината Утопија на Марс, објавија кинеските државни медиуми, а потврди и Кинеската национална вселенска агенција (ЦНСА).
Фотографии на денот

Вакцинираните во САД се збогуваат од маските

„Денеска е голем ден за Америка во долгата борба против коронвирусот“, изјави американскиот претседател Џо Бајден. ЦДЦ ја објави новата регулатива според која целосно вакцинираните лица не мораат да носат маска не само надвор, туку и во затворени простории. За нив не треба да важат ниту правилата за држење физичка дистанца, единствено во јавниот превоз останува општа обврска за носење маска.
Фотографии на денот

Муслиманите го слават Рамазан Бајрам

По едномесечниот пост, во кој верниците се воздржуваа од храна и пијалоци од зора до зајдисонце, во џамииите се служи утринска Рамазан-Бајрамска молитва, но верниците поради коронавирусот годинава главно остануваат на отворено, пред џамиите. Поголемиот дел верници од исламска вероисповед и во С. Македонија овој празник го слават три дена, но со почитување на мерките за епидемиолошка заштита.
Фотографии на денот

СЗО: Индискиот сој на коронавирус присутен во преку 40 земји

Индиската мутација на коронавирус е докажана во анализирани примероци од 44 земји, додека за во уште пет постои голема веројатност дека е присутна, соопшти Светската здравствена организација во Женева. Таа вчера индискиот сој го класифицираше во категоријата „загрижувачки" на глобално ниво, на ист ранг како мутациите од Велика Британија, Јужна Африка и Бразил.
Фотографии на денот

САД: Одобрена вакцината Бионтек/Фајзер за деца

По Канада, сега и САД ја одобрија вакцината на Бионтек/Фајзер за деца и младинци над 12 години, а во Европската агенција за лекови се врши проверка, одлуката се очекува во јуни, но може да биде донесена и на крајот на мај. Според производителите на вакцината, клиничка студија во старосната група од 12 до 15 години во САД покажала ефикасност на препаратот од 100 проценти.
Фотографии на денот

Со гитара и песна на улица по шест месеци полициски час

Илјадници Шпанци ширум земјата го прославија укинувањето на вонредната состојба и полицискиот час. Тие конечно можат повторно да се среќаваат со луѓе и да се прегрнуваат со блиските наместо само да разговараат преку Ватсап, Скајп или Зум, како во изминатата половина година. Само во четири од 19 шпански региони, полицискиот час и натаму останува во сила.
Фотографии на денот

Вино од вселената

Аукциската куќа Кристи во Њујорк го става на аукција француското вино Петрус кое е навистина посебно - зрееше на Меѓународната вселенска станица ИСС. Проценетата цена е еден милион долари. Доколку навистина биде постигната, тоа ќе биде најскапото шише вино во светот.
Фотографии на денот

Крвава рација во Бразил

Во полициска акција во фавела во бразилската метропола Рио де Жанеиро се убиени најмалку 25 лица. Според официјални наводи, жртви се 24 осомничени лица и еден полицаец. Безбедносните сили имале за задача да уапсат лица осомничени за врбување деца за продажба на дрога. Притоа дошло до жестока престрелка и експлозии. На фотографијата - еден од објектите по престрелката, со крв на подот и ѕидовите.
Фотографии на денот

Климатска неутралност

Емисијата на штетни издувни гасови до 2030 година да се намали за 65%, а до 2040 година за 88% - гласи новата цел на германската влада. Земјата, според наводите на министрите за финансии и за екологија, Олаф Шолц и Свенја Шулце, до 2045 година би требало да стане климатски неутрална. Досега се планираше климатска неутралност да биде постигната до 2050 година.
Фотографии на денот

Светски ден на акушерките

Од почетокот на пандемијата на коронавирусот во Ковид-центарот на Клиниката за гинекологија и акушерство (ГАК) во Скопје на лекување или породување биле примени над 450 трудници кои на свет донесле 340 новороденчиња. ГАК е единствениот центар во С. Македонија каде што се лекуваат и породуваат трудниците кои се позитивни или суспектни на коронавирусот.
Фотографии на денот

Се разведуваат Бил и Мелинда Гејтс

Основачот на Мајкрософт, Бил Гејтс и неговата сопруга Мелинда се разведуваат по 27 години брак. Тоа е развод на супер богати луѓе, но и разделба на двојка која заедно раководи со една од најголемите фондации во светот. Според објавата на Твитер, Бил и Мелинда планираат да тргнат по одвоени патишта, но имаат намера заедно да продолжат со работењето во влијателната Гејтс-фондација.
Фотографии на денот

Недостиг на пиво во англиските пабови

Гостите буквално ги преплавија англиските пабови и го испија сето пиво. Побарувачката во првите недели „ги надмина сите прогнози“, вели Фил Урбан, шеф на најголемиот ланец пабови „Мичел и Батлерс“. Доставувачите не се во состојба да ја задоволат доволно брзо побарувачката, па во најпосетените пабови сега се доставува пиво од сопствените залихи, додава Урбан.
Фотографии на денот

Готова куќа за 120 часа

Во предградие на холандскиот град Ајндховен сега стои првата куќа во Европа „излезена“ од 3Д-печатач и ги има сите потребни дозволи од властите. Двособниот бунгалов од 94 квадратни метри беше отпечатен за само 120 часа од слоеви бетон. Пензионирана брачна двојка од Амстердам која се пријави да ја испроба куќата ќе плаќа кирија од 800 евра месечно.
Фотографии на денот

Бесмртниот Трабант

Пред точно 30 години беше произведен последниот Трабант. Некогаш презрен како „мал и бучен смрдливко“, народниот автомобил на некогашната Германска Демократска Република сега е омилен кај колекционерите на олдтајмери. Трабантите беа произведувани во малиот град Цвикау во германската покраина Саксонија, која тогаш беше дел од комунистичка Источна Германија.
Фотографии на денот

Вакцини и апели

По ублажувањето на рестриктивните мерки, тежиштето на борбата против Ковид-19 на македонските здравствени власти сега се префрла на вакцинацијата и на апелите за индивидуална одговорност.
Фотографии на денот

„Паѓаат маските“ за вакцинираните Американци

Во САД, вакцинацијата против коронавирусот напредува бргу. Речиси 30% од населението е веќе целосно вакцинирано. Сега тие треба повторно да се движат малку послободно. Американските здравствени власти порачаа дека вакцинираните лицата кои се целосно имунизирани не мораат да носат маска на отворено, освен ако не се опкружени со поголем број непознати луѓе.
Фотографии на денот

50 илјади на концерт

Бендот Сикс60 одржа концерт пред 50.000 фанови во градот Оукленд во Нов Зеланд. Додека ваквата безгрижност се чини невозможна ширум светот поради коронавирусот, животот во островската држава се врати во нормала. На Нов Зеланд се гледа како на пример во справувањето со корона-кризата, поради неговите исклучително строги мерки и прецизно следење на контактите.
Фотографии на денот

Шанса за летните тераси?

Во период од 27 април до 15 мај , полицискиот час наместо од 20 би важел од 21 часот до 05 часот наредниот ден, би било дозволено отворање на летните тераси на угостителските објекти. Ова се дел опциите за можно ублажување на рестрикциите кои денеска (26.04.) ќе ги разгледа македонскиот Кризниот штаб доколку се потврди трендот на опаѓањe на бројот на заразени и на хоспитализирани лица во земјата.
Фотографии на денот

Мистериозни скулптури на пенис „никнуваат“ во Германија

Кој поставува дрвени скулптури на фалуси низ градовите во јужна Германија? Локалните жители со месеци се исчудуваат на праксата која започна минатата година. „Уметникот“ се уште не е откриен.
Фотографии на денот

Јагленот убива

Без грижа, нозете кои ги гледате под јагленот не припаѓаат на вистинска личност, туку на кукла. Но, со овој перформанс активистите на „Extinction Rebellion" од Австралија сакаат да предупредат на загадувањето кое го предизвикува јагленот како енергенс. Активистите укажуваат дека сѐуште една четвртина од потребите за енергија во светот се покриваат преку јагленот.
Фотографии на денот

Коронавирусот стигна до Монт Еверест

Најмалку една инфекција со коронавирус е пријавена од базниот камп во подножјето на највисокиот планински врв во светот. Американското списание Оутсајд, повикувајќи се на локален извор, објави дека еден алпинист кој со хеликоптер бил пренесен од базниот камп во болница во Катманду бил позитивен на вирусот. Неговиот тим е во карантин. Во други извештаи се говори дури за тројца заразени алпинисти.
Фотографии на денот

Најтажниот роденден на кралицата Елизабета Втора

Кралицата Елизабета Втора својот 95-ти роденден го слави во момент на огромна загуба – смртта на нејзиниот сопруг, принцот Филип. Прослава на роденденот, четири дена по погребот на принцот Филип, кој почина на 99 години, нема да има. Британската кралица е во длабока жалост, иако тоа не го манифестира јавно, поднесувајќи ги бремињата стоички.
Фотографии на денот

Семафор за камили

Ова е веројатно првиот семафор за камили во светот, барем така тврдат во Кина. Семафорот е поставен на шеталиштето кај Дунхуанг, град-оаза опкружен со песочни дини во провинцијата Ганс. Овој град некогаш се наоѓал на стариот Пат на свилата, а камилите до денес останале атракција за туристите. Семафорот би требало да ја исклучи можноста на судар на двогрбите животни со шетачите.
Фотографии на денот

80.000 ковид-мртви во Германија

Германското државно раководство во Берлин со централна комеморација потсети на луѓето во земјата кои починаа од Ковид-19. Претседателот Франк-Валтер Штајнмајер на блиските на речиси 80.000 жртви на коронавирусот им изрази длабоко сочувство. „Мој впечаток е дека како општество не ја изразуваме доволно свеста дека зад секоја бројка се кријат судбини, луѓе“ предупреди претседателот.
Фотографии на денот

Документот за вакцинација на Меркел

Ова е документот на надлежните здравствени власти издаден по вакцинирањето на канцеларката Ангела Меркел. Во нејзиниот жолт документ за вакцинации сега има уште една лепенка - онаа на вакцината на АстраЗенека, примена на 16 април 2021. Немаше фотографирање, сосема во стилот на канцеларката. АстраЗенека во Германија се дава на лицата над 60 години.
Фотографии на денот

Борба за станови

„Ние само сакаме станови кои ќе можеме да ги платиме“ - стои на плакатот кој оваа жена го носеше на демонстрации во Берлин. Повеќе илјади луѓе се собраа на протести против одлуката на Уставниот суд за укинување на ограничувањето на висината на станарините, т.н. „Митендекел“ (во слободен превод: капак за станарините).
Фотографии на денот

Збогум Авганистан!

20 години по почетокот на војната во Авганистан, НАТО почнува официјално со подготовки за враќање на своите војници од таа земја. Министрите за одбрана и за надворешни работи на земјите од Алијансата постигнаа согласност за почеток на повлекувањето на војниците на 1 мај годинава. Повлекувањето би требало да трае неколку месеци и да заврши до 11 септември.
Фотографии на денот

Летечки коњи

Швајцарската армија транспортира коњи со хеликоптер. Во соработка со Универзитетот Цирих се истражува најдобриот начин на спасување коњи во ургентни случаи, на пример кога се повредени или загрозени од невреме. На тестот во кантонот Јура учествуваа коњи кои ѝ припаѓаат на армијата. Се докажа дека ваков транспорт е можен, изјави шефот на ветеринарната служба на армијата Стефан Монтавон.
Фотографии на денот

Почеток на рамазанскиот пост

Верниците од исламска вероисповед го почнуваат рамазанскиот пост. Рамазан, еден од петте столбови на исламот, е во знакот на пандемијата на коронавирус втора година по ред. Многу држави со мнозинско муслиманско население воведоа рестрикции за верниците. На фотографијава индонезиски верници, почитувајќи го правилото за одржување дистанца, се собрани на молитва во Истиклал џамијата во Џакарта.
Фотографии на денот

Загубениот антички град во Египет

Стар е околу 3000 години, а го пронајдоа случајно: Загубениот антички град во Египет е веројатно многу поголем отколку што се претпоставуваше. „Пронајдовме само дел“, изјави египтологот Сахи Хавас при обиколката на археолошкото наоѓалиште. Ископувањата веројатно ќе траат со години. „Загубениот“ град е од времето на кралот Аменофис Трети кој владеел во Египет отприлика од 1391 до 1353 година п.н.е.
Фотографии на денот

7 до 10 илјади вакцинации на ден

Во моментов 3000 до 4000 македонски граѓани дневно примаат вакцина против коронавирусот. Планот на здравствените власти е таа бројка да се зголеми на 7 до 10 илјади. Најголемиот дел од граѓаните и натаму ќе се имунизираат во најголемиот пункт за вакцинација во земјата, салата „Борис Трајковски“. Досега во земјата, според министерот за здравство Венко Филипче, се вакцинирани преку 18.200 граѓани.
Фотографии на денот

Пред ерупција

Вулканот Ла Суфриер на северниот дел на карипскиот остров Сент Винсент веројатно ќе еруптира, предупредуваат итните служби на островот. Жителите во околината на вулканот беа повикани да ја напуштат областа.
Фотографии на денот

АстраЗенека – една вакцина, 27 правила за користење во ЕУ

Министрите за здравство на земјите членки на ЕУ не договорија заеднички пристап кон вакцината АстраЗенека, без оглед на повиците за координација од Брисел заради сузбивање на сомнежот во оваа вакцина. На видео-конференцијата, министрите за здравство од ЕУ не се усогласија и сите држави ги задржуваат различните препораки за вакцината. Се очекува разговорите на оваа тема да продолжат.
Фотографии на денот

Пркосење на априлската зима

Тврдокорниот студен фронт над Германија деновиве донесе ладно и многу променливо време, кое предизвика големи проблеми во одвивањето на сообраќајот и во други сегметни од секојдневниот живот. Оваа априлска зима претставува предизвик не само за човекот туку и за природата. Но, оваа љубичица во местото Баневиц во Саксонија ѝ пркоси на непријатната мешавина од дожд, снег и виулици од зрнест снег.
Фотографии на денот

Македонски локдаун

Од вторникот (06.04.2021) постепено двонеделно затворање на земјата пред налетот на британскиот сој на коронавирусот. Јавноста спори околу прашањето дали засилените рестрикции требаше да бидат воведени порано.
Фотографии на денот

3000 термини

А1 Арената односно салата „Борис Трајковски“ во Скопје е подготвена за почетокот (05. април) на масовната вакцинација против Ковид-19 со вакцината „Спутник V". 3000 граѓани треба да ја примат првата доза од руската вакцина. Македонските здравствени власти соопштија дека за првиот ден се закажани термини за 3000 граѓани.
Фотографии на денот

Втор осамен Велики петок за папата Франциско

Великопеточната процесија, Патот на солзите, на која обично учествуваат десетици илјади луѓе на Колосеум, поради пандемијата вторпат се одржа на плоштадот Свети Петар, каде папата бeше речиси сам.
Фотографии на денот

Најраното цутење на црешите во Јапонија по 1200 години

Цутењето на црешите во Јапонија се случува сѐ порано. Годинава зенитот на цутот се случил на 26 март, што е последно забележано во 812 година, според научниците од Јапонскиот универзитет во Осака. Се претпоставува дека причина за раното цутење на црешите е промената на климата. Цутењето на црешите во Јапонија има големо културолошко значење и е детално документирано 1200 години наназад.
Фотографии на денот

Чудото во Дуизбург

Вака фудбалските репрезентативци на Северна Македонија го прославија голот кој им донесе победа над екипата на Германија. Натпреварот во рамките на квалификациите за Светското првенство 2022 година заврши со триумф на фудбалската репрезентација на Северна Македонија над противничката национална селекција на Германија- 2 : 1 за гостите.
Фотографии на денот

Вулкански хот дог на Исланд

Човек грее виршли на вулканска лава на полуостровот Рејкјанес, недалеку од Рејкјавик. Бројни граѓани на Исланд доаѓаат да ја гледаат ерупцијата на вулканот Фаградалсфјал. Приодот во почетокот беше забранет, но од викендот е дозволен. Но, властите во „земјата на оган и мраз“, предупредуваат дека иако ерупцијата е релативно мала, не треба да се ризикува животот поради неколку фотографии на Инстаграм
Фотографии на денот

Ослободен бродот „Евер Гивен“ во Суецкиот канал

Заринканиот брод со контејнери кој го блокираше Суецкиот канал е ослободен, важната поморска сообраќајница е повторно пловна. Со денови траеја обидите да се ослободи бродот со помош на багери и шлепери, а плимата предизвикана од полната месечина им помогна во напорите. Притисокот врз надлежните растеше, заглавениот брод предизвика застој – чекаа 370 брода, меѓу кои и 25 танкери со нафта.
Фотографии на денот

Штрковите се вратија

Првите штркови во Германија доаѓаат вообичаено уште во февруари и март. Пристигнуваат исцрпени од долгиот пат кој го минале за да се вратат од местата каде презимиле. Според организацијата за заштита на природата во Германија, НАБУ, многу штркови веќе не летаат до Африка за таму да минат неколку месеци на топло, дел презимуваат во Шпанија или на југ и исток на Франција поради промена на климата
Фотографии на денот

Настава среде кози

Десетгодишната Фиамета е на онлајн-настава опкружена со стадото на нејзиниот татко овчар во Калдес, Италија. Мајка ѝ работи во болница, а татко ѝ морал да се грижи за козите, па Фиамета по затворањето на училиштето поради короната требало да остане сама дома. Затоа му се придружила на татко ѝ на ливадите под замокот Самоклево. Сега следи настава додека околу неа се слушаат кози и цвркот на птици.
Фотографии на денот

Реставрација на статуата на Исус Христос

Сонцето изгрева пред статуата на Христос Спасителот во Рио де Жанеиро. Оваа фотографија е направена пред реставрацијата на статуата по повод нејзиниот 90-ти роденден. Целта е таа за посетителите да биде доведена во „најдобра форма“. Статуата е висока 39,6 метри, тежи околу 700 тони, а се наоѓа на надморска височина од 709 метри. Во 2007-та е прогласена за едно од новите седум светски чуда.
Фотографии на денот

Рекордна цена за корона-сликата на Бенкси

Британскиот стритарт-уметник Бенкси ја подари сликата „Game Changer“ на една болница. Таа сега на аукција е продадена за речиси 17 милиони фунти. Парите (околу 19,5 милиони евра) би требало да отидат кај целиот персонал на британската здравствена служба НХС. Сликата од мај 2020 година виси во ходникот на болницата во Саутемптон.
Фотографии на денот

Коронавирус од стакло

Направена е од стакло со дијаметар од 23 сантиметри, или отприлика 2 милиони пати поголема од вистинскиот вирус. Скулптурата на Лук Џерам е изработена по повод годишнината од првиот национален локдаун во Велика Британија. Профитот од продажбата треба да отиде кај организацијата Лекари без граници со цел да им се помогне на заедниците кои се погодени тешко од пандемијата.
Фотографии на денот

Доста со локдаунот

Доаѓањето на пролетта и наближувањето на Велигден ја засилуваат желбата на Германците за излез од долгиот локдаун. „Доста е со локдаунот“, стои на овој плакат, кој го носеа демонстранти против корона-рестрикциите во Касел во текот на викендот. Но, она што го содржат предлог заклучоците за средбата меѓу сојузот и покраините го покажува спротивното. Таму се бара продолжување на локдаунот до 18 април
Фотографии на денот

40 илјади земјотреси и ерупција

Во југозападниот дел од Исланд, на полуостровот Рејкјанес еруптираше вулканот Фаградалсфјал по илјадници мали потреси на ова подрачје во последните недели, соопшти исландскиот метеоролошки завод. Фаградалсфјал се наоѓа околу 30 километри југозападно од главниот град Рејкајвик. Полуостровот Рејкјанес е сеизмичко жариште, во кое во последните недели имаше најмалку 40.000 потреси.
Фотографии на денот

„Златната кокошка“ на пандемијата

Германските статистичари имаат нова величина во надворешната трговија: заштитните маски. Тие биле увезени во вредност од шест милијарди евра во 2020 година. Доходовен бизнис за аптеките и за главниот производител Кина.
Фотографии на денот

Чинија која донесе куп пари

Чинија која лани еден човек ја купил за 35 долари на бувљак во САД, на аукција во Њујорк продадена 20.000 пати поскапо. На прв поглед спонтано купениот предмет во сојузната американска држава Конектикат не изгледа нешто посебно. Но, експертизата на стручњаците од аукциската куќа Сотбис покажала: станува збор за многу ретка чинија од кинеската династија Минг меѓу 14 и 17 век.
Фотографии на денот

2000 години стари фрагменти од Библијата

На југот од Јудејската пустина се пронајдени делови од 2.000 години стар библиски пергамент, еден од најважните пронајдоци по Кумранските списи или седумте свитоци откриени во пештера близу Мртвото Море. Делови од ракописот, напишани на грчки, според израелските археолози овозможиле реконструкција на дел од Стариот завет, поточно од Книгата за пророкот Захарие и Книгата за пророкот Нахум.
Фотографии на денот

Со АстраЗенека и во црквите

Додека редица европски земји, ја суспендира вакцинацијата со АстраЗенека, Британците продолжуваат на големо да вакцинираат со неа и отвораат сѐ повеќе нови локации за вакцинирање... како во случајов Вестминстерската катедрала во Лондон.
Фотографии на денот

За трговците со оружје, пандемија нема

Надежите дека коронавирусот може малку да ги расипе зделките на најголемите извозници на оружје во светот досега не се остварија. Како што наведува Стокхолмскиот институт за истражување на мирот-СИПРИ во својот нов извештај, обемот на испораки на оружје на големи средства за вооружување како што се тенкови и подморници е сè уште близу до рекордот по завршувањето на Студената војна.
Фотографии на денот

27 милиони долари отштета

Речиси една година по убиството на Афроамериканецот Џорџ Флојд од страна на полицијата , градот Минеаполис постигна договор со неговите роднини. Семејниот адвокат говореше за силна порака дека „црниот живот е важен“. Американскиот град се согласи да плати 27 милиони долари на семејството на Афроамериканецот Џорџ Флојд, кој беше убиен за време на апсењето, кое се откажа од судската тужба.
Фотографии на денот

ЕУ се прогласи за „ЛГБТ слободна зона“

Како реакција на полската политика на дискриминација на луѓето со поинаква сексуална ориентација, Европскиот парламент упати јасен сигнал за поддршка на личните слободи. Со мнозинство гласови европратениците во Брисел ја прифатија резолуцијата со која ЕУ се прогласува за „слободна зона за ЛГБТ-лицата“. Од 2019 досега преку 100 полски општини се прогласени за „ЛГБТ ослободени зони“.
Фотографии на денот

1900 милијарди

Историскиот пакет за помош на економијата во справувањето со корона-кризата на американскиот претседател ја мина последната пречка во Конгресот. Претставничкиот дом ја одобри помошта во износ од околу 1,9 билиони долари. Тоа е најголемиот пакет за економска помош на сите времиња. Тоа е најважниот симбол на штотуку започнатото претседателство на Џо Бајден.
Фотографии на денот

Кралицата сака мир со Меган и Хари

По бризантното интервју и обвинувањата од принцот Хари и неговата сопруга Меган, британската кралица Елизабета Втора со соопштение: „Покренатите прашања, посебно оние за расизам, се загрижувачки“. Кралицата е многу тажна по сознанието во колкави размери изминатите години биле предизвикувачки за Хари и Меган, таа порача – тие секогаш ќе бидат сакан дел од фамилијата.
Фотографии на денот

Правда за Џорџ Флојд

Десет месеци по смртта на Афроамериканецот Џорџ Флојд, во Минеаполис започна судски процес против белиот полицаец Дерек Шовин. Смртта на Флојд на 25 мај 2020 година, ја разбранува американската и светската јавност, предизвика и бурни протести. Шовин на улица при апсење околу девет минути со колено го притискаше вратот на Џорџ Флојд, иако тој повеќе од 20 пати се жалеше дека нема доволно воздух.
Фотографии на денот

„Не“ за бурка во Швајцарија

Со тесно мнозинство, на референдум е изгласана забрана за носење шамија, никаб и бурка, на иницијатива на десно конзервативно здружение. Забраната за покривање на лицето треба да биде внесена во уставот. Со неа е опфатено религиозното покривање на жените како бурка и никаб, но и затскривањето на лицето, на пример на хулиганите на фудбалските натпревари и на демонстрантите.
Фотографии на денот

На работа со жичарница

Ова е новата жичарница во Мексико Сити, која ги превезува патниците многу побрзо. Новиот систем за превоз на патници во воздух се вика Кејблбус, а во употреба е пуштена првата од четирите планирани линии. Наместо два часа со автомобил, со жичарницата се стигнува за само 30 минути до саканата дестинација. Дали воздушниот јавен сообраќај е решение за иднината?
Фотографии на денот

Ирак се подготвува за пречек на папата

Папата Франциско е во посета на Ирак, прва посета на поглавар на Римокатоличката црква во земјата која носи големи рани од војни и поделеност. Од некогашните 1,5 милиони христијани, во Ирак, според проценките, се останати само помеѓу 200 и 400 илјади христијани. На оваа фотографија вработени во градот Багдад чистат пред плакат со ликот на папата поставен пред католичката црква Сајидат-ал-Нејат.
Фотографии на денот

Српски вакцини за Босна од пријателот Вучиќ

Србија и' испорача на Босна и Херцеговина 10.000 дози од вакцината АстраЗенека. Српскиот претседател Александар Вучиќ во Сараево изјави дека е подготвен да испорача и вакцини од некои други производители. Тој ги отфрли наводите дека со донацијата на вакцини за БиХ, Србија се обидува да наметне доминација во регионот. Вучиќ рече дека Србија се однесува „вообичаено, како сосед и како пријател“.
Фотографии на денот

Ослободени киднапираните девојчиња во Нигерија

Киднапираните девојчиња од Нигерија се повторно на слобода! Вооружени напаѓачи во петокот го нападнаа училиштето Јангебе во Замфара и, според наводи на полицијата, киднапираа 317 деца. На дел од нив им успеа да избегаат. Причините за нападот сѐ уште не се познати. Џихадистичката терористичка организација Боко Харам и други криминални групи со години го тероризираат населението во северна Нигерија.
Фотографии на денот

Пролет во февруари

Ако на средината од месецов беа регистрирани температури од минус 23 степени, крајот на февруари е топол, со температури од 18 степени. Метеоролозите предвидуваат дека високите температури ќе траат уште некој ден, а потоа доаѓа повторно студен бран. Причина повеќе во текот на викендот многумина да излезат на отворено и да уживаат во сонцето. Меѓу нив и Лена и нејзиниот коњ Смила на Балтичко Море.
Фотографии на денот

„Болката“ на физичката дистанца

Уметничкиот проект на членовите на балетскиот ансамбл од Штутгарт има за цел да укаже како физичката дистанца за време на пандемијата влијае врз луѓето и колку е важна блискоста како дел од општественото заедништво. Дистанцата ја симболизираат пластичните балони кои истовремено укажуваат на драматичната состојба на уметниците и на институциите за култура во време на коронавирусот.
Фотографии на денот

Од 1 до 101.214

На 26 февруари 2020 беше потврден првиот случај на Ковид-19 во С. Македонија, кај жена од Скопје, која престојувала во Италија. Една година подоцна, пандемијата уште не стивнува. Оттогаш до 26 февруари 2021 во земјата беа регистрирани 101.214 случаи на Ковид-19, а од бројот на починати изнесуваше 3.111.
Фотографии на денот

Преку планини и долини - за вакцинирање

Приоритет за вакцинирање во Турција имаат постарите лица, а многу од нив живеат во далечни и тешко пристапни села - предизвик за лекарите кои вршат вакцинирање. Лекарот Акај Каја и медицинската сестра Јилдиз Ајтен стигнуваат во зафрленото село Гунајјамач во источна Турција. Причината е вакцинација на жителите кои имаат 65 години или се постари, со кинеската вакцина Синовак – КоронаВак.
Фотографии на денот

Огнениот спектакл продолжува

Ерупциите на Етна, најактивниот европски вулкан, траат со денови. Спектакуларни „фонтани“ од лава кои го осветлуваат сицилијанското небо ги изненадија дури и искусните вулканолози. Вулакнологот Борис Бенке од Националниот институт кој се занимава со набљудување на Етна вели дека вулканот имал ерупција каква што искусните вулканолози ретко виделе во последните децении.
Фотографии на денот

Половина милион

Пандемијата на коронавирусот донесе незамисливо страдање во САД. Повеќе од половина милион Американци починаа од последиците на Ковид-19.Претседателот Џо Бајден, првата дама Џил Бајден, потпретседателката Камала Харис и нејзиниот сопруг Даглас Емхоф им оддадоа почит на жртвите- со наведнати глави, едноминутно молчење , рацете споени во молитва.
Фотографии на денот

Што се случува со авионите на Боинг?

По сличен таков случај во САД, еден ден претходно, метални делови од авион на компанијата Боинг паднаа од небото и во Холандија. И во двата случаја е избегната поголема несреќа и погодените авиони безбедно слетаа.
Фотографии на денот

Сини кучиња - руски град пред загатка

Во близина на напуштена фабрика во градот Џершинск во Русија е пронајден чопор кучиња скитници со сина боја на влакната. Според локалните власти, во ветеринарната клиника во градот се донесени вкупно седум кучиња со сина боја за испитување, на прв поглед не им фали ништо. Тие биле откриени на просторот на напуштена фабрика за плексиглас, каде можеби паднале во бакарен сулфат.
Фотографии на денот

Има ли живот на Марс?

Роверот на Американската вселенска агенција Наса успешно слета на површината на Марс и ипрати прва фотографија. Тој беше лансиран на 30 јули 2020 година од Флорида со задача да истражи и собере докази за постоење живот на оваа планета. Роверот слета во кратерот „Езеро“, наречен по место во БиХ. Оваа мисија на Марс ја чинеше НАСА скоро три милијарди долари.
Фотографии на денот

Смрзнат животот во Тексас

Властите на американската сојузна држава предупредија на „катастрофа во катастрофа“ по незапамтениот поларен бран. Милиони луѓе се без греење и вода за пиење. На жителите во повеќе од 100 окрузи во Тексас им беше кажано да зовриваат вода, бидејќи електраните продолжуваат да се соочуваат со неможноста да ги активираат своите системи. Околу 2,7 милиони домаќинства немаат електрична енергија,
Фотографии на денот

Спектакуларна ерупција на вулканот Етна

Вулканот Етна на Сицилија повторно е активен и нуди спектакуларни слики. Од него се лизга лава, но за околните села не постои опасност, велат експертите кои сепак будно ја следат ситуацијата. 3300 метри високата Етна е најголемиот активен вулкан во Европа. Тој редовно се активира веќе околу 500.000 години. Планината спаѓа во природното културно наследство на УНЕСКО.
Фотографии на денот

Холандска зимска идила на лизгалки

Минусни температури со денови во Холандија се реткост, но зимава замрзаа и каналите, па граѓаните во повеќе градови, посебно во Амстердам, ја искористија можноста за да се лизгаат. Властите не беа одушевени, зашто при масовното лизгање често не се запазувало потребното растојание пропишано со мерките против коронавирусот.
Фотографии на денот

Карневал во време на коронавирус

Карневалот оваа година во Германија е откажан поради пандемијата на коронавирус.Најзагреаните карневалисти не се откажуваат, тоа важи и за костимираните на нашата фотографија: да слават и пеат тие можат и во својот автомобил. Додека ја следат карневалската седница во едно автокино во Бон, со карневалска музика, лудо се забавуваат и ништо, па и короната не може да им го расипе расположението.
Фотографии на денот

Цутење на црешите

Февруари го бои Далечниот Исток во розово - почнува цутeње на црешите. Времето на цутење не може да се предвиди точно и секоја година е различно, но тоа не спречува милиони туристи од тој дел на светот и пошироко долго да го планираат своето патување и да ги посетуваат регионите каде се' е розово. На фотографијата- расцутени цреши во ботаничка градина во Жанпинг, во кинеската провинција Фуџијан.
Фотографии на денот

Карневал дома

Без стотици илјади луѓе по улиците, без конфети и костими - почетокот на карневалот во западна Германија беше невообичаено мирен.Поради пандемијата на корона оваа година нема карневалски поворки и забранети се групирања и конзумирање алкохол на отворено. Освен тоа, и угостителските објекти се затворени, а на многу од нив има плакати како овој: „Годинава нема карневал. Маска наместо маскарада“.
Фотографии на денот

Под мраз

Чамци оковани во мраз на реката Елде, североисточна Германија, снимени со дрон од птичја перспектива. Природата како конкурент на уметниците! Прекрасната фотографија ја прикажува поубавата страна на зимата овој февруари во Германија. Земјата, меѓутоа, и натаму се бори со студот и снегот.
Фотографии на денот

Зимскиот хаос и досетливите Германци

Кога на улиците има многу снег, па движењето е отежнато, кога на автобус или трамвај се чека долго на огромен студ, потребни се иновативни решенија. Овој жител на Лајпциг размислувал практично, па за да стигне онаму каде што треба, се качил на скии. Германија и натаму се бори со снегот и мразот, но ситуацијата полека се подобрува и нема колони возила на автопатите со часови.
Фотографии на денот

Нов живот за кучињата

Благодарение на меѓународната организација за заштита на животни „Човекот што спасува кучиња“ овие повредени кучиња во Тајланд можат повторно да трчаат. Станува збор за улични кучиња кои организацијата ги има собрано во Чонбури. „Изгледа како кучињата воопшто да не знаат дека имаат хендикеп“, вели соработник на организацијата. Кучињата во Чонбури се среќни и уживаат во нивната секојдневна трка.
Фотографии на денот

Снежна бура во Германија

Германија е во цврста зимска прегратка. Германските метеоролози во текот на ноќта предупредија од нови снежни наноси во централниот дел на земјата. Германската железница најави дека се очекуваат големи проблеми во јавниот сообраќај. На #ФотографијаНаДенот трамвај со плуг за снег го расчистува снегот од пругите во Магдебург, каде поради големите наноси снег јавниот сообраќај беше привремено запрен.
Фотографии на денот

Мега-настанот во мини-издание

Коронавирусот не можеше да го запре американскиот фудбал. И така, годишниот Супербоул се одржа во недела (07.02) по локално време. Спектакуларното финале во НФЛ овојпат беше во мини издание. Супербоул е зенитот на секоја сезона во американски фудбал во САД. Годинава на финалето во Националната фудбалска лига (НФЛ) доминира една тема: Коронавирусот. Без забави, без големо шоу и речиси без навивачи
Фотографии на денот

Да се слави или не?

Кинеската нова година се смета за најважен традиционален кинески празник и исто така се слави во многу други земји во Азија. И покрај малиот број нови инфекции од коронавирусот, големо славје нема да има.
Фотографии на денот

Возот ѝ пркоси на поплавата

По Рајна веќе речиси и да не пловат бродови поради надоаѓањето на реката, но во Нидерау во Хесен железницата не се предава. Континуираниот силен дожд и топењето на снегот во големи делови од Германија предизвикаа надојдување на реките и поплави.
Фотографии на денот

Добредојдовте во музеите на Ватикан!

Откако беа затворени 88 дена, Ватиканските музеи повторно ги отворија портите за посетителите. Спектакуларните спирални скали се една од најголемите туристички атракции. Изградени се во 1932 година по примерот на Браманте скалите кои, исто така, се наоѓаат во музејот, но можат да се видат само за време на специјални посети.
Фотографии на денот

Нема купувачи за карневалските маски

Карневалот во Венеција требаше да започне во саботата (30.01.), но поради пандемијата на Ковид-19 тоа не беше можно. Сепак карневалот не е целосно откажан и ќе се прославува виртуелно. Карневалските маски изложени во венециската занаетчиска продавница на Гвалтиеро Дал'Осто чекаат купувачи.
Фотографии на денот

Зимска идила

Шума покриена со дебела обвивка на снег под чисто небо, облеана од сончевите зраци - Фихтелберг во Рудните планини изгледа бајковито по изминатата ледена ноќ. На истокот од Германија, зимата ја покажува својата најубава страна овие денови - по неделата на бурни временски услови, со континуирани врнежи од снег на северот и поплави на југозападот.
Фотографии на денот

Бунт на фризерите

Мелани Тилерт (39) веќе не може да трпи: „Станува збор за нашите егзистенции“, изјави фризерката на демонстрациите на кои вчера во Солинген учествуваа преку стотина нејзини колеги, застаната зад симболичен гроб за фризерскиот занает. Фризерските салони низ цела Германија се затворени од средината на декември, исто како и многу други услужни дејности и продавници.
Фотографии на денот

Грижа за куќните миленици во Ковид-пандемијата

Секако, луѓето се во прв план, но и домашните миленици треба да се заштитат од коронавирус, а некои имаат очигледно доста идеи и пари да ги спроведат Жена со маска позира со куче во текот на манифестација во Провиденција во Чиле. Градоначалничката на Провиденција на сопствениците на куќни миленици им обезбедила дезинфицирани чинии за храна за да се спречи ширењето на коронавирусот меѓу животните.
Фотографии на денот

Зимска бајка на финското небо

Аурора Бореалис е сон на многу посетители на крајниот север на Финска. Речиси секоја втора јасна ноќ меѓу септември и март може да се видат поларните светла во северна Финска. Небескиот спектакл настанува на висина од повеќе од 100 километри од атмосферските гасови кои се придвижени од соларните ветрови. Но, како што одненадеж се појавуваат, така светлата ненадејно и исчезнуваат.
Фотографии на денот

Вакцинирање во народна носија

Вакцинацијата за некои е свечен чин: овој Индонезиец се вакцинира облечен во традиционалната народна носија наречена „вајанг“, во болница во Соло, централната провинција Јава. Индонезија, најголемата островска држава во светот, вчера ја надмина границата од еден милион инфицирани со коронавирус. 270-милионската земја досега има регистрирано 28.000 смртни случаи од или поврзани со Ковид-19.
Фотографии на денот

Сте виделе ли бела верверица?

Оваа верверица е снимена во Сасекс, Велика Британија и не е некоја посебна врста, туку – албино. Албинизмот е природна и наследна неспособност на организмот да создава пигмент меланин, таа се јавува кај луѓето, животните и растенијата.
Фотографии на денот

Стигна вакцина!

Во време на пандемија на коронавирус, при првиот поглед на оваа фотографија некој би помислил дека сега дури и авионите ги дезинфицираат. Но, не е тоа во прашање: Бразилците едноставно го слават пристигнувањето на авион од Индија во Рио де Жанеиро, кој во викендот им ги донесе првите дози вакцина кои стигнуваат во земјата, два милиони дози на вакцината од АстраЗенека против коронавирус.
Фотографии на денот

Со капење во топла вода против стрес

Капење во топла вода не сакаат само луѓето. И јапонските макаки-мајмуни го обожаваат тоа, особено во зима. Но, тие тоа не го прават за првенствено да се згреат, туку за да се ослободат од стресот кој им го носи зимата. До ваков заклучок дојдоа научници од јапонскиот Универзитет Кјото. Капењето во топла вода веројатно ги зголемува шансите на мајмуните за преживување и продолжување на родот.
Фотографии на денот

Вакцинирање во црква

За да се успеее во вакцинирање на милиони луѓе за само неколку недели, Велика Британија се одлучува и за невообичаени локации. Стотици луѓе, на пример, беа вакцинирани во катедралата во Солсбери, а притоа слушаа музика од оргули. Со оглед на тоа што во многу региони богослужбите, поради пандемијата, се одржуваат онлајн, многу цркви се празни, па просторот во дел од нив се користи за вакцинирање.
Фотографии на денот

Прва фотографија од коронавирусот

Значи, вака изгледаш! Од коронавирусот досега имаше само компјутерски графики. Сега научниците првпат го фотографираа SARS-CoV-2. Фотографиите се 3Д-илустрации на вистински SARS-CoV-2 вирус од вкочанети проби. Фотографиите се од фирмата Нанографикс, огранок на Технички Универзитет Виена. Тие се базираат врз податоци од научници од Универзитетот Цинхуа во Пекинг.
Фотографии на денот

Капитол пред инаугурацијата

Финални подготовки пред 59-та претседателска инаугурација во САД. Две недели по упадот и безредијата во Капитол, голема е загриженоста од ново насилство. Тоа и пандемијата на корона се причина оваа инаугурација да тече сосема поинаку од вообичаено. Таа ќе се одвива под драконски мерки за безбедност. Освен тоа, на церемонијата нема да присуствува ниту претседателот на заминување Доналд Трамп.
Фотографии на денот

Вакцинирање во Бразил

Во Бразил почна вакцинирањето против коронавирусот. Државата засега на располагање има 6 милиони дози од вакцината Синовак. Во Рио де Жанеиро први вакцина примија 80-годишната Терезина Консесиао и 59-годишната Дулчинела да Силва Лопес. Тие вакцината ја примија кај статуата на Исус Христос, по што Дулчинела да Силва Лопес ги крена рацете како статуата, во знак на олеснување и радост.
Фотографии на денот

Вулканот Мерапи не се смирува

Вулканот Мерапи во Индонезија станува се' поактивен. Од него почна да тече лава која наликува на огнена река. На планината Мерапи, чие име во превод е огнена планина, со недели се регистрира зголемена сеизмичка активност. Околу три илјади метри високиот вулкан во последните две години еруптираше неколкупати, но притоа немаше жртви.
Фотографии на денот

Внимателно, диносаурусот гризе!

Во Пасадена, близу Лос Анџелес, некои суштества се вратија од праисториските времиња за повторно да ја населат Земјата. Во „Џурасик Кваст“ посетителите можат да шетаат низ дивината на периодот Јура и да се сретнат со диносауруси. Се разбира, сè е во согласност со мерките за борба против коронавирусот, кој ја држи во костец Калифорнија - посетата на забавниот парк единствено е можна со автомобил.
Фотографии на денот

Во недогледната пустина

Возилото повлекува долг облак прашина зад себе, со огромни карпи кои се издигнуваат во задината - сцена од релито Дакар, легендарната пустинска автомобилска и мото-трка што годинава се возеше по 43-ти пат и за првпат во Саудиска Арабија. 310 ентузијасти во автомобилизам и мотоциклизам учествуваа во двонеделното рели.
Фотографии на денот

Скијање на дистанца во Шварцвалд

Властите вршат контроли, предупредуваат и изрекуваат казни за да ги одвратат луѓето да ги преплават зимските туристички места, во кои не работат ресторани, хотели и ски лифтови, но сепак има посетители, посебно на викенд. Затоа е подобро да се побараат помирни предели и да се запазува дистанца. На овие двајца скијачи во Шварцвалд тоа им успеало, но многу други мора да се воздржуваат.
Фотографии на денот

Почнува ракометниот мундијал со учество на Македонија

Поради бројните позитивни резултати од тестовите на коронавирусот, и Чешка и САД ги повлекоа своите тимови на еден ден пред почетокот на Светското првенство. Северна Македонија и Швајцарија ги зазедоа нивните места во мундијалските групи. За македонската репрезентација ова значи континуитет во настапите на ракометните мундијали.
Фотографии на денот

Новогодишна елка како деликатес

До вчера сè уште беа прекрасни украси во многу дневни соби, а денес веќе се отпад покрај патот: таква е судбината на многу новогодишни елки овие денови. Но, многу зоолошки градини - како овде во Двур Кралове во Чешка - се среќни што добиваат донации од непродадени или искористени новогодишни елки. На пример, за слоновите и ya камилите, нивните иглички и кора се вистински деликатеси.
Фотографии на денот

Славје на полнолетните

Во Јапонија, младите не стануваат полнолетни додека не наполнат 20 години, но тогаш навистина слават. „Денот на возрасните“ секогаш се слави на вториот понеделник во јануари. На овој државен празник, на новите полнолетни лица на церемонии низ целата земја им се честитаат за новите права и должности. Жените често носат кимоно - а оваа година, поради коронавирусот, и заштитни маски.
Фотографии на денот

2020 – најтопла година во Европа

Изминатата година била најтопла во Европа од почетокот на редовна евиденција на температурите. Европската служба за климатски промени, Коперникус од Лондон соопшти дека со 2020 година заврши и досега најтоплата евидентирана декада. Во Европа 2020 била во просек 1,6 степени Целзиусови потопла отколку годините во периодот од 1981 до 2010 и за 0,4 степени потопла од досегашната рекордна 2019 година.
Фотографии на денот

Крвави траги во Капитол

Во Конгресот се расчистува по упадот на поддржувачите на Доналд Трамп и дивеењето кое го извршија. Оваа биста на 12. американски претседател Закари Тејлор е покриена со пластична фолија, по неа е размачкана крв. Полицијата паралелно со расчистувањето во Капитол собира и траги од насилниците, истрагата е во тек.
Фотографии на денот

Во редица за тест за Ковид-19

Автомобили наредени во шест колони на паркингот на еден стадион во Лос Анџелос во САД пред тест-центар за коронавирус. Луѓето во возилата стрпливо чекаат да дојдат на ред за да се тестираат за коронавирус. Бројот на нови инфекции во земјата во последните 24 часа се зголемил за 218.000, на вкупно преку 20,7 милиони, додека бројот на починати достигна над 353.000 лица.
Фотографии на денот

Вакцината - оружје против коронавирусот

Вакцината е она во што луѓето во цел свет гледаат единствен спас од пандемијата на Ковид-19. Уметник од Калкута го довршува графитот на кој е претставена голем шприц со вакцина против коронавирусот. Индиските здравствени власти досега издадоа итна дозвола за употреба на две вакцини. Но, додека овој уметник да дојде на ред за вакцинирање, можеби ќе потрае во земјата со 1,3 милијарди жители.
Фотографии на денот

Новогодишно капење

Короната промени многу, но некои традиции се задржаа. Во Рим, на првиот ден од новата година во студените води на реката Тибер скокаат храбри мажи. Еден од нив беше и скокачот ветеран Џузепе Палмули, на нашата фотографија. Вообичаено овој традиционален новогодишен спектакл во Рим го следат многу гледачи. Но, овојпат, пандемијата ги помати сметките - во Италија важат строги рестрикции за излегување

Датум 19.10.2020
Автор СН/агенции
Теми Коронавирус
Клучни зборови бенкси, нотингем, коронавирус, улична уметност, панорама, жариште, ковид-19
Ваш коментар: Коментар
Печати Испечати ја страната
Пермалинк https://p.dw.com/p/3k7Iq

Повеќе од оваа рубрика

Гинеколошка амбуланта крстари по Македонија 21.05.2022

Повеќе од една третина од жените во Македонија не биле на гинеколошки преглед во последните пет години. Во некои општини во државата воопшто нема матични гинеколози. За ублажување на проблемите, во погон е мобилната гинеколошка амбуланта.

Фотографија на денот: Пчелите се загрозени

Фотографија на денот: Пчелите се загрозени 20.05.2022

Денеска е Светски ден на пчелите. Тие се едни од најважните корисни животни, но нивната заштита мора да се подобри, бара ФАО.

Фотографија на денот: Лето во мај

Фотографија на денот: Лето во мај 19.05.2022

Сончево, со температури над 30 степени! Во Германија летото дојде во мај. Базените на отворено се полнат. На оваа фотографија е овековечен скок од десетметарска скокалница на посетител на еден од базените во Келн.

Датум 19.10.2020
Автор СН/агенции
Теми Коронавирус
Клучни зборови бенкси, нотингем, коронавирус, улична уметност, панорама, жариште, ковид-19
Коментар
Печати Испечати ја страната
Пермалинк https://p.dw.com/p/3k7Iq