Фотографија на денот: Алфа, Бета, Гама – СЗО ги „прекрсти“ варијантите на коронавирус | Панорама | DW | 01.06.2021

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Панорама

Фотографија на денот: Алфа, Бета, Гама – СЗО ги „прекрсти“ варијантите на коронавирус

Заради избегнување дискриминација, Светската здравствена организација во иднина мутациите на коронавирус нема да ги нарекува „британска“ или „индиска“. Наместо тоа, за вирусните варијанти ќе се користат само грчки букви

Варијантите на коронавирус добиваат нови имиња. Светската здравствена организација вчера објави дека мутациите во иднина ќе бидат именувани со букви од грчката азбука и тоа редоследно по нивното откривање: варијантата која беше прва откриена во Велика Британија ќе носи име „Алфа“, од Јужна Африка ќе се нарекува „Бета“, откриената во Бразил – „Гама“, а онаа од Индија – „Делта“. 
„Ниедна земја не треба да биде стигматизирана поради откривањето и пријавувањето на варијанти на Ковид-19“, објасни епидемиологот од СЗМ, Мариа Ван Керкхове. Нема веќе да се употребуваат ниту комбинациите од броеви и букви, како на пример Б.1.351.
„Овие научни ознаки имаат свои предности, но тие се тешки за изговарање и не се погодни за натамошна општа употреба“, истакна експертката од СЗО. 
На одлуката за користење на грчките букви претходеа повеќемесчни размислувања, објаснува бактериологот Марк Пален, кој бил вклучен во процесот. Експертите во предвид имале и имиња на грчки богови, како и псевдо-класични зборовни кованици. Но, сите овие идеи биле отфрлени, зашто многу од тие имиња веќе се користат од страна на претпријатија за нивни брендови.