Фон дер Лајен и Борел во воз за Киев | Свет | DW | 08.04.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Фон дер Лајен и Борел во воз за Киев

Претседателката на ЕК, Урсула фон дер Лајен и првиот ЕУ-дипломат, Жозеп Борел се на пат за Киев. Претстојат разговори со украинското раководство и повторно отворање на ЕУ-претставништвото во Украина.

Средбата со украинскиот претседател Володимир Зеленски во Киев треба да покаже дека ЕУ „повеќе од кога и да е досега“ стои на страната на Украина, тврди претседателката на Европската комисија, Урсула фон дер Лајен. Таа, заедно со високиот претставник на ЕУ за надворешна и безбеднсна политика, Жозеп Борел, во Киев патува со воз.

Борел во текот на патувањето најави дека ЕУ на Укриана ќе ѝ стави на располагање 7,6 милиони евра за обука на обвинителите задолжени за истраги во врска со сомневањата за воени злосторства. „Украина не е падната и покорена земја. И натаму има влада која може да прима посети од странство“, рече Борел пред новинарите и најави повторно отворање на дипломатското претставништво на ЕУ во Украина. Амбасадорот Мати Маасикос, кој исто така е во возот, ќе почне повторно со работа во Киев со мал тим соработници. Претставништвото на ЕУ беше комплетно евакуирано еден ден пред рускиот напад на Украина.

Борел рече дека во украинскиот главен град ќе се водат разговори за воена поддршка на Украина и за натамошни санкции против Русија. Тој изрази увереност дека државите на ЕУ ќе се согласат со неговиот предлог за дополнителни 500 милиони евра поддршка на украинските воени сили.