Учениците од септември веројатно ќе останат дома | Северна Македонија | DW | 11.08.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Учениците од септември веројатно ќе останат дома

Онлајн настава без физичко присуство на учениците во училиштата е предлогот на Комисијата за заразни болести кој денеска го соопшти министерот за здравство Венко Филипче. Само првоодделенците ќе одат на настава.

Сите ученици, освен првооделенците, од 1 септември наместо на училиште ќе ја следат наставата од дома онлајн. Тоа го предлага Комисијата за заразни болести поради страв од натамошно ширење на заразата со коронавирус во земјата. Министерот за здравство Венко Филипче денеска го соопшти планот на Комисијата кој треба да се разгледува и од Владата. Конечната одлука треба да се донесе за неколку дена откако ќе се дискутира и со Министерството за образование. 

„Во оваа ситуација стравуваме дека транспортот од и до училиште, комуникацијата на децата на одморите, за време на влез во училиштето, во заедничките простории, во ходниците, во оваа ситуација, во есен во која едноставно не знаеме со што се соочуваме, што може да не чека, не само ние, ниту една земја во Европа, ќе биде многу ризично да дозволиме децата да се вратат без никакво ограничување во затворена просторија“, изјави денеска Филипче. 

- повеќе на темата: Коронавирусот и училиштата: Како функционира тоа во Германија
Денеска Владата го разгледа Планот за одржување на наставата во училиштата во учебната 2020/2021 година на Министерството за образование и донесе заклучок тој да биде споделен со Комисијата за заразни болести, по што врз основа на мислењето на Комисијата да биде донесена одлука за моделот за организирање и спроведување на наставата.

Комисијата и Министерството досега не успеаја да се договорат за тоа како треба да изгледа наставата од 1 септември, а последниот состанок закажан за денеска беше откажан. Утре ќе се одлучува за почеток на работа на градинките. 
Денеска во земјата беа регистрирани 141 новозаразени од коронавирус. 

Гледај видео 01:21

Како до ефикасна настава преку интернет?

DW.COM

Реклама