УФО се заканува со општ штрајк | Економија | DW | 05.09.2012
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

УФО се заканува со општ штрајк

По штрајкот на кабинскиот персонал во Берлин, Франкфурт и Минхен, синдикатот УФО за петок (07.09) планира општ прекин на работата. Денеска (05.09) се откажани 20-тина летови на повеќе аеродроми.

Синдикатот на помошниот летачки персонал на „Луфтханза“ се закани дека в петок ќе прогласи генерален штрајк доколку раководството на авиокомпанијата одбие да ги прифати неговите барања за зголемување на платите и зачувување на работните места.

Стјуардите и стјуардесите вчера беа во неколкучасовен прекин на работата заради што беа откажани околу 350 летови до и од европските дестинации на германскиот авиопревозник, а погодени беа повеќе од 40 илјади патници.

Истовремено, од синдикатот УФО истакнаа дека може и да не посегнат по генерален штрајк доколку управата на компанијата се согласи за обновување на преговорите преку посредник и без претходни условувања.

Од „Луфтханза“, меѓутоа, не даваат никакви знаци дека ќе отстапат, и покрај тоа што компанијата губи милиони евра заради штрајкот.

„Луфтханза“ го обвини УФО дека води работен спор врз грбот на патниците, а со својата стратегија да објавува штрајкови само неколко часа претходно на патниците не им дава можност да си направат алтернативни планови за патување.