Унгарската опозиција се обединува против Орбан | Свет | DW | 21.12.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Унгарската опозиција се обединува против Орбан

Шест унгарски опозициски партии се договорија да формираат сојуз со намера да го сменат од власт премиерот Виктор Орбан и неговата владеачка партија Фидес на парламентарните избори во 2022 година.

Најзначајните опозициски партии во Унгарија се договорија да имаат една изборна листа на државно ниво и по еден заеднички кандидат кој ќе се спротистави на Фидес во секоја изборна единица. Тие ќе избираат и еден заеднички кандидат за премиер кој ќе се спротистави на Орбан, кој трипати по ред победуваше на изборите и ја води земјата од 2010 година.

Идеолошки различните партии, либерални, десничарски и еколошки, соопштија дека ги оставаат на страна разликите за да дојде до „историски промени“. „Унгарскиот народ има прва вистинска шанса во последните 10 години да се ослободи од корумпираното и нечесно владеење на Фидес“, се наведува во соопштението.

Неодамнешните истражувања на јавно мислење покажуваат дека обединета опозицијата може да го загрози останувањето на власт на Фидес, по едно десетлетие.

Повеќе:

-Унгарија: Секс-скандалот го потресува системот на Виктор Орбан

-Илјадници Унгарци на протест за слобода на медиумите

-Практичната траума на Виктор Орбан

Ноемвриското истражување на „Паблик рисрч“ покажа дека 6 опозициски партии заедно имаат 4 поени предност во однос на Фидес, додека според резултатите на друга агенција, кои се објавени месецов, поддршката за владеачката партијаопаднала за 6 поени во однос на август. Фидес и натаму е најпопуларна партија во Унгарија.

Меѓународните набљудувачи парламентарните избори во Унгарија во 2014 година ги опишаа како „слободни, но не и чесни“, а Организацијата за европска безбедност и соработка во извештајот по изборите во 2018 година, наведе оти изборната кампања ја обележале „заплашување и ксенофобна реторика, пристрасност на медиумите и нетранспарентно финансирање на кампањата“.

На крајот на ноември Орбан го собори 130-годишнот рекорд и стана унгарски премиер со најдолг стаж во историјата, вклучувајќи го и неговиот прв мандат од 1998 до 2002 година.Опозициските партии во заедничкото соопштение ветија дека ќе ја исчистат земјата од корупција, ќе ја вратат слободата на медиумите, ќе изградат нов устав и ќе ги изменат изборните закони.