Уапсениот во Стокхолм е веројатно атентаторот | Свет | DW | 08.04.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Уапсениот во Стокхолм е веројатно атентаторот

Човекот уапсен во Стокхолм, според портпарол на полицијата, е веројатно возачот на камионот кој влета во толпа луѓе и уби 4 лица. Приведувањето на втор осомничен не е потврдено.

Блокадите и полициските патроли низ Стокхолм сѐуште потсетуваат на вчерашниот атентат. Камионот кој влета во мноштво луѓе во центарот на градот, а потоа во стоковна куќа, веќе е отстранет. Возачот уби четири луѓе, а 15 се повредени.Шведската полиција и владата сметаат дека станува збор за терористичко дело.

Полицијата верува дека човекот, кој синоќа беше уапсен, е атентаторот, односно возачот на камионот. „Не исклучуваме дека ќе има натамошни апсења, но засега немаме никакви докази дека претстои натамошна општа опасност“, изјави портпарол на полицијата.

Schweden Stockholm LKW fährt in Menschenmenge (Reuters/D. Armada)

Атентаторот со камион влета во стоковна куќа

Обвинителот претходно соопшти дека приведеното лице е под сомнение за „извршено убиство преку терористички чин“. Властите засега не го соопштуваат идентитетот на човекот кој беше снимен од камерите за надзор на местото на настанот и со чија помош беше вршена потрагата по него. Шведскиот весник „Афтонбладет“ пишува дека станува збор за 39-годишен Узбекистанец, симпатизер на терористичката милиција Исламска држава.

Медиумите јавуваат и за втор уапсен човек, но полицијата не ги потврди овие информации.Во Шведска и натаму владее состојба на готовност. На границите десет дена ќе бидат контролирани сите кои излегуваат од земјата, како што истакна премиерот Штефан Лофвен.

Сепак, Стокхолм нема да дозволи да биде заплашен и луѓето да престанат да го живеат слободно својот секојдневен живот, што е целта на терористите, истакна премиерот: „Терористите никогаш не можат да ја победат Шведска “, потенцира Лофвен.

Гледај видео 00:43

Терористички напад во Стокхолм

 

DW.COM

Аудио и видео прилози на оваа тема

Поврзана содржина

Реклама