1. Прескокни до содржината
  2. Прескокни до главната навигација
  3. Кон други страници на DW
Spanien Madrid | NATO Gipfeltreffen: Gespräche mit Finnland und Schweden: Handshake Erdogan
Фотографија: VIOLETA SANTOS MOURA/REUTERS

Турција попушти, Финска и Шведска влегуваат во НАТО

БГ /АП
28 јуни 2022

Претседателот на Финска соопшти дека Турција ја повлекла блокадата за влез на неговата земја во НАТО, заедно со Шведска, во пресрет на самитот на Алијансата во Мадрид.

https://www.dw.com/mk/%D1%82%D1%83%D1%80%D1%86%D0%B8%D1%98%D0%B0-%D0%BF%D0%BE%D0%BF%D1%83%D1%88%D1%82%D0%B8-%D1%84%D0%B8%D0%BD%D1%81%D0%BA%D0%B0-%D0%B8-%D1%88%D0%B2%D0%B5%D0%B4%D1%81%D0%BA%D0%B0-%D0%B2%D0%BB%D0%B5%D0%B3%D1%83%D0%B2%D0%B0%D0%B0%D1%82-%D0%B2%D0%BE-%D0%BD%D0%B0%D1%82%D0%BE/a-62295108

Претседателот на Финска Саули Ниинисо соопшти дека лидерите на трите држави потпишале заеднички договор по разговорите во вторникот. Меморандумот „потврдува дека на самитот во Мадрид, Турција ќе ја поддржи поканата за членство на Финска и Шведска во НАТО“.

Двете нордиски земји побараа членство во Алијансата по руската инвазија врз Украина, откако претходно со децении опстојуваа на својата неутралност. Но турскиот претседател Реџеп Таип Ердоган го блокираше членството, инсистирајќи дека двете држави прво мора да го сменат ставот кон курдските бунтовнички групи кои Турција ги смета за терористи.

Канцеларијата на Ердоган соопшти дека Турција „го добила тоа што го сакала“ пред да дозволи членство на Шведска и Финска. 

Spanien Madrid | NATO Gipfeltreffen: Gespräche mit Finnland und Schweden: Handshake Erdogan
Турскиот претседател Реџеп Ердоган се поздравува со шведската министерка за надворешни работи Ан Линде и финскиот претседател Саули НиинистоФотографија: Bernat Armangue/AP/picture alliance

Двете земји наводно се согласиле „во целост да соработуваат со Турција во борбата против курдската ПКК“ и други милитантни групи. Шведска и Финска се согласиле и да го укинат ембаргото на извоз на оружје за Турција, кое беше наметнато како одговор на турската инвазија врз Сирија во 2019 година. Двете земји се согласија да ги забранат „регрутацијата и собирањето средства“ за курдските милитанти, и да ја „спречат терористичката пропаганда против Турција“.

Според финскиот претседател, следниот чекор е двете земји да добијат формална покана за придружува кон НАТО.

Одлуката се случува непосредно пред почетокот на самитот на НАТО во Мадрид на кој главна тема е руската инвазија врз Украина. На состанокот треба да се утврди курсот на Алијансата во следните години.

 

Прескокни го блокот Тема на денот

Тема на денот

Македонија знаме

Македонскиот руски круг

Mazedonien Ljupco Popovski
Љупчо Поповски
Прескокни го блокот Повеќе теми
Врати се на почетната страница