1. Прескокни до содржината
  2. Прескокни до главната навигација
  3. Кон други страници на DW
Türkei Griechenland Treffen Nikos Dendias und Mevlut Cavusoglu in Ankara
Фотографија: Adem Altan/AFP

Скандал на прес-конференцијата на Дендијас и Чавушоглу

Марко Лангер
16 април 2021

Да не беше толку сериозно, едноставно ќе можеше да се заклучи - владите на Турција и Грција веќе нема да бидат пријатели. Но, ситуацијата е сериозна. Набљудувачите велат дека ваков скандал немало одамна.

https://p.dw.com/p/3s6nG

Првата посета на еден грчки министер за надворешни работи на Турција во последните две години, заврши со скандал. На заедничката прес-конференција Никос Дендијас и неговиот турски колега Мевлут Чавушоглу се обвинуваа меѓусебно за погрешни постапки во централните конфликти - спорот околу гасот и миграциската политика.

Односите помеѓу двете земји се тензични со години. Владата во Атина го обвинува соседот дека илегално трага по земен гас во територијални води од економската зона на Грција. Анкара аргументира дека тие зони припаѓаат на постаментот на турското копно и таа има право да експлоатира земни богатства. Конфликтот ги доведе двете земји на работ на воен судир минатата година, но потоа атмосферата се олабави.

Türkei Griechenland Treffen Nikos Dendias und Mevlut Cavusoglu in Ankara
Никос Дендијас, шеф на грчката дипломатијаФотографија: Turkish Foreign Ministry/REUTERS

На почетокот на прес-конференцијата Дендијас и Чавушоглу зборуваа за позитивна и контруктивна атмосфера, но разговорот брзо ескалираше откако грчкиот министер ја опомена Турција да не шири „лажни вести“, кои „не придонесуваат за позитивна клима, за чие зајакнување постигнавме согласност“. Освен тоа, „конечно треба да се реши прашањето на Кипар“ и да се престане „со провокации и во овој регион“.

Повеќе:

Грција и Турција - координативен состанок за спорот во Егејско Море со ограничена надеж

ЕУ-Турција: Пет години договор за бегалците

Грци и Турци: Тешко пријателство

Турскиот министер за надворешни работи, кој на почетокот за Дендијас рече дека му е долгогодишен пријател, реагираше на ваквите изјави и рече дека сака да го води разговорот во пријателска атмосфера. „Но Нико Дендијас, за жал, во својот говор изнесе исклучително неприфатливи обвинувања на сметка на мојата земја“, рече Чавушоглу. Тој ја обвини Грција дека го прекршува меѓународното право и дека „фрла луѓе во морето“. Тоа не сакале да го зборуваат пред новинарите, но како што додаде турскиот министер, „застанувате овде и ја обвинувате Турција пред новинарите, за да пренесете порака во нивната земја. Тоа не можам да го прифатам.“

Türkei Griechenland Treffen Nikos Dendias und Mevlut Cavusoglu in Ankara
Мевлут Чавушоглу, шеф на турската дипломатијаФотографија: Turkish Foreign Ministry/REUTERS

Анкара ја обвинува Грција дека илегално враќа мигранти во турските територијални води за да ги спречи да стигнат во Грција. Атина ваквите обвинувања постојано ги оценува како „лажни вести“. Во однос на конлфиктот околу гасот, Дендијас ја обвини Анкара дека го смета за причина за војна проширувањето на грчката поморска граница од 6 на 12 морски милји, иако таквото проширување било покриено со меѓународното поморско право. Чавушоглу, од своја страна, ја обвини Атина дека не се држи до меѓународните договори за територијална припадност. Во однос на конфликтите генерално, турскиот министер рече дека со средбата не можеле да бидат решени сите прашања, „затоа што нашите разлики се големи, но сепак е важно дијалогот да продолжи“.

Прескокни го блокот Тема на денот

Тема на денот

Северна Македонија останува во групата „демократија со недостатоци“

Бугарија и Македонија со ниски оценки за политичка култура

Прескокни го блокот Повеќе теми
Врати се на почетната страница