Трка рамо до рамо на Трамп и Клинтон | Свет | DW | 03.09.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Трка рамо до рамо на Трамп и Клинтон

Најновите анкети сугерираат речиси изедначена трка во предизборната кампања за претседателските избори во САД. Доналд Трамп успеа да ја престигне Хилари Клинтон

Според резултатите од последната анкета на Ројтерс/ Ајпсос, Доналд Трамп ја престигнал според популарноста својата ривалка од Хилари Клинтон, која само до пред кратко време во анкетите бележеше двоцифрена предност пред Трамп.

Меѓутоа кандидатот на Републиканската партија за американските претседателски избори, очигледно во последните недели успеал да ја зацврсти поддршката меѓу веројатните гласачи во неговата партија.

Анкетата спроведена во текот на седмицата од 26-ти август до 1-ви септември, покажува дека 40 отсто од веројатните гласачи би го поддржале Доналд Трамп, а 39 процени би гласале за кандидатката на Демократската партија, Хилари Клинтон. Истовремено, 20 отсто од испитаниците се изјасниле против двајцата кандидати.

Во случајот, кога на испитаниците им било предложено да изберат еден од четворицата кандидати за претседателската функција, Трамп и Клинтон биле изедначени според поддршката со 39 отсто. Меѓу републиканските избирачи, дека ќе гласаат за Трамп се изјасниле 78 отсто од испитаниците. Анкетата била спроведена интернет во сите 50 сојузни држави на САД, и со неа биле опфатени 1.804 испитаници.

Поранешната прва дама и државна секретарка на почетокот од август во анкетата на Ројтерс/Ајпсос имаше предност од рекордни дванаесет а потоа пред неколку седмици од осум процентни поени пред републиканскиот кандидат.

Збирните резултати од неколку големи анкети покажуваат дека последните седмици предноста на Хилари Клинтон се намалува, но според тие анкети таа сепак уште изнесува меѓу 3 и 7 процентни поени. Некои, пак, анкети покажуваат дека разликата меѓу двата претседателски кандидата е уште помала.

Телевизиските дуели меѓу кандидатите на Републиканската и на Демократската партија се закажани за 26-ти септември, и 9-ти и 19-ти октомври.

Инаку впечатливо од збирните резултати од анкетите е дека и Трамп и Клинтон и натаму имаат високо ниво на непопуларност, 59 отсто за републиканецот и 51 процент за демократката. Претседателските избори во САД се оддржуваат на 8 ноември. Демократот Барак Обама по два мандата на функцијата нема право да се кандидира одново .

DW.COM

Поврзана содржина

Реклама