ТПП продолжува и без Американците | Економија | DW | 11.11.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Економија

ТПП продолжува и без Американците

Еден од првите потези на Трамп како претседател беше повлекување на САД од договорот за слободна трговија ТПП. Другите 11 држави на самитот на АПЕК се договорија да продолжат без Американците.

Државите кои се дел од договорот за слободна трговија ТПП сметаат дека треба да се одржи „духот на договорот“ и продолжуваат и покрај повлекувањето на САД, потврди виетнамскиот министер за трговија Тран Туан Ан на маргините на Азиско-пацифичкиот самит (АПЕК) во Виетнам. Меѓутоа, на земјите од ТПП треба да им се овозможи изоставување на одредени клаузули од договорот. Според предлог-изјавата која ја подготвија преостанатите земји од ТПП, неопходни се натамошни преговори. Од канадската делегација се вели дека е потребно да се заврши уште многу работа.

Дел од ТПП остануваат Австралија, Чиле, Брунеи, Јапонија, Канада, Малезија, Мексико, Нов Зеланд, Перу, Сингапур и Виетнам. Тие се за продолжување на Транспацифичкото партнерство кое, меѓу другото, предвидува укинување на царините на земјоделските и индустриските производи.

Договорот, по долгогодишни преговори, беше потпишан лани од страна на 12 држави, кои заедно имаат удел од 40% во светското економско постигнување.

Trump unterzeichnet Dekrete (picture alliance/Newscom/R. Sachs)

Трамп го потпиша декретот за повлекување од ТПП на 23 јануари 2017 година

Американскиот претседател Доналд Трамп, непосредно по стапувањето на функцијата во јануари годинава, најави повлекување на САД од проектот. На самитот на АПЕК Трамп рече дека тој е за билатерални, а не за мултилатерални договори, кои според него, се на штета на САД и ги загрозуваат работните места во земјата.

 

DW.COM

Реклама