Тешка несреќа во САД - воз излета од шини | Свет | DW | 19.12.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Тешка несреќа во САД - воз излета од шини

Во тешка железничка несреќа во американската сојузна држава Вашингтон загинаа најмалку три лица, а повредени се најмалку сто.

Дел од повредените имаат тешки повреди, па се претпоставува дека бројот на загинати ќе се зголемува. Возот излетал од шините за време на првото патување по една модернизирана траса. Притоа, повеќе вагони од мост паднале на автопат. Како дошло до несреќата засега е непознато, а експерти работат на утврдување на причините.

„Одеднаш почувствувавме нишање и слушнавме силен тресок и имавме чувство како да се лизгаме по рид надолу“, изјави патникот во возот Крис Карнс за една од локалните телевизии. „Бевме исфрлени на седиштата пред нас, прозорците се искршија, застанавме и од возот почна да тече вода. Луѓето врескаа“, раскажа Карнс.

Дел од вагоните од возот кој превезувал 77 патници се урнале од мост на автопат во утринскиот сообраќаен шпиц. Притоа се оштетени пет автомобили и два камиона.

Гледај видео 00:42

Тешка железничка несреќа во САД

 

Аудио и видео прилози на оваа тема

Реклама