Теми | DW

Теми
ФОКУС
- Balkan Booster
- Студирање во Германија
Медија центар
- ТВ во живо
- Сите содржини
Учење германски
Курс по германски
Deutsch XXL
Community D
Предавање германски

Теми

Теми на денот пред 14 часови

Европската економска зона не е замена за ЕУ

На С.Македонија не и треба само економија и профит, туку демократија и политичко искуство, вели шефот на државата Стево Пендаровски. Отвори го текстот
Теми на денот пред 22 часови

Запалено бугарско знаме, испратен остар демарш

На денешен ден пред 29 години Република Бугарија беше првата држава што ја призна независноста на Република Македонија. Отвори го текстот
Теми на денот пред 12 часови

Ниски плати и покрај субвенциите во зоните

Директорот на ТИРЗ, Јован Деспотовски вели дека нема да се даваат субвенции за да се поттикнат компаниите во зоните да ги зголемат платите, туку ќе се поттикнува продуктивноста. Отвори го текстот

Nord-Mazedonien Skopje | Staatspräsident - Stevo Pendarovski

Европската економска зона не е замена за ЕУ

Belgien EU-Rat | stellv. Ministerpräsidentin von Bulgarien Ekaterina Zaharieva

Запалено бугарско знаме, испратен остар демарш

Ниски плати и покрај субвенциите во зоните

Пандемија

Бајката за рамномерна распределба на корона-вакцините 15.01.2021

Во трката за пристап до вакцини против коронавирусот, Светската здравствена организација критикува дека досега 95 проценти од сите вакцинации биле направени само во десет земји. СЗО побара поголема солидарност од Европа.

Ковид-19: Повеќе вакцини за ЕУ – на пролет

Држење дистанца- креативно!

Ковид-19 и (не)фер распределбата на вакцината ширум светот

Коронавирус

Дали Ивермектин навистина помага против Ковид-19? 15.01.2021

Група медицинари од САД советува употреба на Ивермектин, лекот што во Латинска Америка наголемо го фалат, во лекувањето против коронавирус, без оглед на сомнежот во неговата ефикасност.

Коронавирус: Лекот Ивермектин пристигнува во Македонија за две недели

Природен лек против Ковид-19?

Имунизација

Можам ли и по вакцинирањето да ги заразам другите? 15.01.2021

Оној кој ќе се вакцинира и верува дека потоа може да се однесува како пред коронавирусот, се лаже. И потоа ќе важат строги правила, за да не се заразат другите. Но, многу нешта и натаму се нејасни.

„Швајцарска мутација“ на Ковид-19 пристигна и во Северна Македонија

Ковид-19: Повеќе вакцини за ЕУ – на пролет

Држење дистанца- креативно!

Како германски фирми профитираат од корона-вакцинацијата

Економија

Бајден: „Сега мора да дејствуваме!“ 15.01.2021

Тој сè уште не е на функција - но идниот претседател на САД не губи време: Џо Бајден во телевизиски говор го претстави својот предлог-пакет за помош во корона-кризата. Обемот: 1,9 билиони долари.

Што го натера Трамп (сепак) да стави потпис на помошта во пандемија

Кои се избраниците за новиот кабинет на Џо Бајден?

Фокус

Цензура или спречување на антидемократско подбуцнување 15.01.2021

Kritik an Twitter Sperre für Donald Trump

Блокирањето на Твитер профилот на Доналд Трамп предизвика дискусија ширум светот за слободата на изразување и за регулирањето на социјалните мрежи. Настаните внимателно се следат и во Кина и во Русија.

И Јутјуб го блокираше Трамп

Како течеше упадот на поддржувачите на Трамп во Капитол

Italien Regierung Matteo Renzi 17.02.2014

Европа

Италија: перфидни интриги на Ренци

Среде корона-пандемија најмалиот коалициски партнер ја втурна италијанската влада во опасна криза. Критичарите велат дека виновен е исклучиво партискиот шеф Матео Ренци и неговиот порив да добие признание.

Германија

20 години Википедија: Седум нешта, кои вреди да се знаат

Википедија слави роденден. Веќе 20 години луѓето во онлајн лексиконот пребаруваат информации кои пак се ставени на располагање од други луѓе.

Видео прилог

80 години на дното на морето

По откривањето на германскиот воен брод „Карлсруе“ на дното на морето пред на брегот на Норвешка, истражувачите работат на откривање повеќе детали за бродот. И самото пронаоѓање се смета за чудо бидејќи локацијата на неговото потонување за време на Втората Светска Војна беше непозната со децении.

Гледај видео 01:04

Мајмунска трампа

Долгоопашестите макаки мајмуни на островот Бали развиле посебна стратегија на размена. Тие им крадат предмети на луѓето и ги разменуваат потоа за храна. Кој сака да му се врати предметот, мора да направи „трампа“.

Повеќе видео прилози

Мајмунска трампа

На тротинет- за чисти улици

Како германски фирми профитираат од корона-вакцинацијата

Автомобил или велосипед на иднината: Кој е вашиот избор?

Македонски гејмери направија мега-хит видео игра

Поплави во јужна Србија - многумина се без вода и струја

Надојдени потоци потопија села

По долги и обилни врнежи, надојдени потоци и реки во јужна Србија ги поплавија околните места. Уште ноќта меѓу недела и понеделник беше поплавена општина Бабушница со околните села во Пиротски округ, каде се изли реката Лужница. Многу старопланински села се отсечени од светот. Водата навлезе во куќите, а мештаните и домашните животни се евакуирани. Сообраќајот во многу места е отежнат.
Поплави во јужна Србија - многумина се без вода и струја

Во Власина пливаат тополи и ѓубре

На сосем другиот крај, кај Лесковац, реката Јабланица ги поплави полињата. Кај Власотинци се изли реката Власина. Со голема сила буицата корнеше високи тополи кои запреа кај браната во село Власотинци. Тука се насобра и надонесено ѓубре кое, заедно со дрвјата и гранки, допрва треба да биде отстрането од коритото на реката Власина.
Поплави во јужна Србија - многумина се без вода и струја

Подземните води и канализацијата - проблем со години

Мештаните велат дека не се проблем само надојдените реки и потоци, туку и подземната вода и канализација кои постојано надоаѓаат. Од последните големи поплави во 2014 година, велат тие, не е направено речиси ништо. Беше прашање само на време кога дождовите ќе предизвикаат повторно проблеми.
Поплави во јужна Србија - многумина се без вода и струја

Вода од селските чешми

Власина повторно се врати во коритото, но мештаните од почеток немаат вода за пиење. „Немаме ни техничка, ни вода за пиење. Цело место го покриваат само две цистерни и неизводливо е да се снабдат сите куќи. Доаѓаме овде, на оваа селска чешма да налееме вода. Велат дека без вода ќе останеме сигурно до крај на неделата“, вели еден мештанин.
Поплави во јужна Србија - многумина се без вода и струја

Опасно по живот

Меѓу Лесковац и Власотинци се наоѓа и трафостаница, исто така под вода. Според зборовите на надлежните, тоа претставува голема опасност за животот на луѓето. Официјалните податоци велат дека од цела јужна Србија се евакуирани 85 лица, најмногу од општина Дољевац, која се наоѓа на патот меѓу Лесковац и Ниш. Во вкупно 12 локални самоуправи е прогласена вонредна ситуација.
Поплави во јужна Србија - многумина се без вода и струја

Претурање на водата

Милан Станковиќ, жител на Лесковац, има куќа веднаш покрај поплавениот пат. „Освен што водата ми ја поплави куќата, имам и дополнителен проблем, зашто целата испумпана вода од патот практично ми ја уфрлаат во мојот двор. Не знам што да правам. Повикав полиција и пожарникари, но сите велат дека тоа не е нивна надлежност“, вели Станковиќ.
Поплави во јужна Србија - многумина се без вода и струја

Нишава рамна со кејот

На територијата на Нишавскиот округ ситуацијата е стабилна, иако Нишава во самиот Ниш е на работ да се излее од коритото. Претставници на МВР сметаат дека Нишава целосно ќе се повлече, а дежурни екипи на Електродистрибуција отклонуваат дефекти на електромрежата на местата каде жителите останаа без струја.
Поплави во јужна Србија - многумина се без вода и струја

Нова опасност во горниот тек на Нишава

Во текот на вчерашниот ден Нишава се изли во близина на Бела Паланка, во село Црвена Река. Селото е целосно поплавено, а во таа општина се евакуирани 28 лица. Затоа во долниот тек на Нишава и на вливот во Јужна Морава граѓаните се спремни да ставаат вреќи со песок во случај на изливање. Судејќи според временската прогноза, која најавува слаб снег, тие веројатно нема да бидат потребни.
Поплави во јужна Србија - многумина се без вода и струја

Сообраќајници и селски патишта под вода

Многу делови од јужна Србија уште се отсечени од остатокот од земјата. Освен ниви и домаќинства, под вода се и бројни селски патишта и сообраќајници од втора и трета категорија. Полицијата е на терен. Спасувачките екипи од поплавените објекти спасиле животи на еден работник во близина на Ниш, на старица опколена од вода во околината на Житораѓе и еден земјоделец во близина на Димитровград.

Автор: Јелена Ѓукиќ-Пејиќ

Колумна

Пандемијата како изговор и слепост

Преплавени со вестите за ковид и новите варијанти, процесот на вакцинација или неговото отсуство, заборавивме што друго се случува низ светот, регионот, па и кај нас дома. Пишува Ивор Мицковски.

Најчитани теми

ФАЦ: Мали шанси за полноправно членство во ЕУ на земјите од Западниот Балкан

Хаос и бирократија - Британците дури сега сфаќаат што значи Брегзит

„Еуроактив“: Бугарија ја менува тактиката кон С.Македонија

Дождот го враќа животот во Охридското Езеро

Фотографија на денот

Во недогледната пустина

Денеска се вози последната етапа на годинешното Рели Дакар низ недогледната саудиска пустина.

Знаете ли што ги остава автократите без сон? 22.09.2020

Балканците и идентитетот 02.09.2020

Досие Претседателски избори во САД 2020

На 3. ноември во САД се одржаа претседателски избори. Во трка за Белата куќа беше и претседателот Доналд Трамп, но најголем број гласови освои противкандидатот Џо Бајден.

Nordseeküste bei Internet-Portal Airbnb besonders gefragt

Досие Патување во Германија 16.07.2020

Патнички предупредувања, ризични региони, задолжителна изолација, тестирање: правилата за влез во Германија во време на пандемија за многумина се нејасни.

Досие Во клештите на коронавирусот

Светот живее во време на пандемија на коронавирусот. Додека научниците се обидуваат да најдат вакцина и лек, државите преземаат драстични мерки.

Гледај видео 04:24

Пандемијата дополнително го отежнува секојдневието на лицата со попреченост

Илина Ѓеорѓиева е едно од многуте лица со попреченост кои во моментов следат онлајн настава. Како последица на пандемијата, денот и на неа и е многу поинаков, без контакти. Таа е тажна и не сака ова да трае вечно. Светлина за Илина се тренинзите по пливање на Специјална олимпијада Македонија. Со нив ја надополнува неопходната социјализација

Повеќе видео прилози

Пандемијата дополнително го отежнува секојдневието на лицата со попреченост

Самохраните мајки во пандемија

#dw_BalkanBooster: Без кафе не можам

Младите од Западен Балкан: Се чувствуваме ли како Европејци?

Хорор-торти

#dw_BalkanBooster: Не бидете поткупливи и борете се за своите идеи

#dw_BalkanBooster: „Мора да се движам на коловоз, а таму главата е секогаш в торба“

Такси под облаци

Колумна на Кица Колбе 19.03.2019

Колумна на Гордан Георгиев 19.03.2019

Колумна на Ерол Ризаов 12.12.2019

Колумна на Петар Арсовски 22.07.2019

Nord-Mazedonien Nikola Todorov, ehemaliger Minister für Gesundheit und Bildung

Колумна на Никола Тодоров 12.12.2019

Колумна на Арсим Зеколи 19.03.2019

Колумна на Ивор Мицковски 22.07.2019

Колумна на Љупчо Поповски 19.03.2019

DW NEWS IN ENGLISH

Pfizer, BioNTech cut back vaccine deliveries to EU at 'short notice'

Dutch government resigns over child benefits scandal

Germany's ruling CDU set to elect new leader

Фотографии на денот

Скијање на дистанца во Шварцвалд

Властите вршат контроли, предупредуваат и изрекуваат казни за да ги одвратат луѓето да ги преплават зимските туристички места, во кои не работат ресторани, хотели и ски лифтови, но сепак има посетители, посебно на викенд. Затоа е подобро да се побараат помирни предели и да се запазува дистанца. На овие двајца скијачи во Шварцвалд тоа им успеало, но многу други мора да се воздржуваат.
Фотографии на денот

Почнува ракометниот мундијал со учество на Македонија

Поради бројните позитивни резултати од тестовите на коронавирусот, и Чешка и САД ги повлекоа своите тимови на еден ден пред почетокот на Светското првенство. Северна Македонија и Швајцарија ги зазедоа нивните места во мундијалските групи. За македонската репрезентација ова значи континуитет во настапите на ракометните мундијали.
Фотографии на денот

Новогодишна елка како деликатес

До вчера сè уште беа прекрасни украси во многу дневни соби, а денес веќе се отпад покрај патот: таква е судбината на многу новогодишни елки овие денови. Но, многу зоолошки градини - како овде во Двур Кралове во Чешка - се среќни што добиваат донации од непродадени или искористени новогодишни елки. На пример, за слоновите и ya камилите, нивните иглички и кора се вистински деликатеси.
Фотографии на денот

Славје на полнолетните

Во Јапонија, младите не стануваат полнолетни додека не наполнат 20 години, но тогаш навистина слават. „Денот на возрасните“ секогаш се слави на вториот понеделник во јануари. На овој државен празник, на новите полнолетни лица на церемонии низ целата земја им се честитаат за новите права и должности. Жените често носат кимоно - а оваа година, поради коронавирусот, и заштитни маски.
Фотографии на денот

2020 – најтопла година во Европа

Изминатата година била најтопла во Европа од почетокот на редовна евиденција на температурите. Европската служба за климатски промени, Коперникус од Лондон соопшти дека со 2020 година заврши и досега најтоплата евидентирана декада. Во Европа 2020 била во просек 1,6 степени Целзиусови потопла отколку годините во периодот од 1981 до 2010 и за 0,4 степени потопла од досегашната рекордна 2019 година.
Фотографии на денот

Крвави траги во Капитол

Во Конгресот се расчистува по упадот на поддржувачите на Доналд Трамп и дивеењето кое го извршија. Оваа биста на 12. американски претседател Закари Тејлор е покриена со пластична фолија, по неа е размачкана крв. Полицијата паралелно со расчистувањето во Капитол собира и траги од насилниците, истрагата е во тек.
Фотографии на денот

Во редица за тест за Ковид-19

Автомобили наредени во шест колони на паркингот на еден стадион во Лос Анџелос во САД пред тест-центар за коронавирус. Луѓето во возилата стрпливо чекаат да дојдат на ред за да се тестираат за коронавирус. Бројот на нови инфекции во земјата во последните 24 часа се зголемил за 218.000, на вкупно преку 20,7 милиони, додека бројот на починати достигна над 353.000 лица.
Фотографии на денот

Вакцината - оружје против коронавирусот

Вакцината е она во што луѓето во цел свет гледаат единствен спас од пандемијата на Ковид-19. Уметник од Калкута го довршува графитот на кој е претставена голем шприц со вакцина против коронавирусот. Индиските здравствени власти досега издадоа итна дозвола за употреба на две вакцини. Но, додека овој уметник да дојде на ред за вакцинирање, можеби ќе потрае во земјата со 1,3 милијарди жители.
Фотографии на денот

Новогодишно капење

Короната промени многу, но некои традиции се задржаа. Во Рим, на првиот ден од новата година во студените води на реката Тибер скокаат храбри мажи. Еден од нив беше и скокачот ветеран Џузепе Палмули, на нашата фотографија. Вообичаено овој традиционален новогодишен спектакл во Рим го следат многу гледачи. Но, овојпат, пандемијата ги помати сметките - во Италија важат строги рестрикции за излегување
Фотографии на денот

Среќна нова 2021-ва!

Со оваа фотографија од Берлин ве пренесуваме во моментите на дочекот на Новата година во главниот град на Германија и ви посакуваме добро здравје, среќа и успех. И, се разбира, желбите кои годинава се посебни - во 2021-ва да ја оставиме зад себе пандемијата и повторно да имаме блиски контакти со луѓето кои ги сакаме.
Фотографии на денот

Клуч за среќа

„Клуч за среќа“ - пишува на оваа анонимна инсталација на дрво во гратчето Лих, Германија. Дали токму овој клуч, закачен на шешир, кој во меѓувреме е обложен со дебел мов, е вистинскиот за да ја отвори портата на среќата, не знаеме. Но, на крајот на годината посакуваме наредните 12 месеци да бидат посреќни од изминатите.
Фотографии на денот

Петриња е разурната

Петриња, Хрватска, по земјотресот со јачина од 6,4 степени според Рихтеровата скала. Голем број објекти се разурнати или оштетени. Соопштено е дека загинаа најмалку седум лица, но се претпоставува дека бројот на жртвите ќе се зголемува. Спасувачките екипи се обидуваат со кучиња трагачи да пронајдат преживеани под урнатините. Во меѓувреме, тлото во централна Хрватска не престанува да се тресе.
Фотографии на денот

Снег во Италија

Силните снежни наноси на северот од Италија предизвикаа огромни проблеми. Откорнати се дрвја, сообраќајот се одвива отежнато, а во неколку региони противпожарните единици мораа да интервенираат десетици пати. На нашата #ФотографијаНаДенот, меѓутоа, е прикажана другата страна на вчерашниот ден, онаа поубавата - снег паѓа врз катедралата во Милано и создава глетка како создадена за разгледница.
Фотографии на денот

Протест против „локдаунот“

Новиот, трет, строг „локдаун“ во Израел предвидува движење во радиус од само еден километар оддалеченост од домот. Најголемиот дел од продавниците се затворени, училиштата работат само делумно. Новите мерки ги ограничуваат многу строгите верници во нивниот верски живот, па поради тоа тие протестираат. На #ФотографијаНаДенот полицијата растура нивен протест со водени топови.
Фотографии на денот

Божикна гозба и за рибите

И овие риби празнуваат Божик: нуркач ги храни жителите на аквариумот во малезиската престолнина Куала Лумпур - маскиран во Дедо Мраз. Се чини дека рибите се помалку изненадени од некои посетители.
Фотографии на денот

Божикна трпеза

Вака некако изгледа традиционалната божикна трпеза во многу домови во Германија. Се прославува Христовото раѓање, а тоа не само тука, традиционално значи и прекрасно јадење. Риба во Скандинавија, мисирка во САД, божиќна гуска во Германија - каде и да се слави Божиќ, луѓето јадат добро.
Фотографии на денот

Малку Божик среде урнатините

Улиците на Мосул, големиот град во Ирак, се едвај расчистени само колку оваа дама во костум на Дедо Мраз и со заштитна маска на лицето да може да вози велосипед.Сѐ на сѐ необична сцена. Можеби акцијата има врска со фактот дека Божиќ пред неколку дена беша прогласен за официјален празник во Ирак.
Фотографии на денот

УНИЦЕФ ја избра „Фотографијата на годината“

На фотографијата се гледа како децата бегаат од запалениот бегалски камп Морија на островот Лезбос. Направена е од грчки фотограф. Фотографијата на Ангелос Цорцинис ја доловува храброста, запрепастеноста и несебичноста на децата во услови на огромна опасност и нужда во една потресна слика, ја образложи својата одлука Фондот за деца на ОН.
Фотографии на денот

Предбожикна празнина

Волку празно, кратко пред Божик, не било никогаш. Во целата земја во сила се остри корона-рестрикции. Улиците и плоштадите на Франкфурт во овој период од годината вообичаено се преплавени со луѓе, собрани на прекрасните божикни панаѓури во градот. Сега, во финансиската метропола, сето изгледа сосема поинаку и само ретки поминувачи можат да се видат на пустите украсени улици во центарот на градот.
Фотографии на денот

Игра на замрзнато езеро

Температурите веќе подолго време се под нулата за огромна радост на ова момченце на езерото Мич, десетина километри северно од Отава, главниот град на Канада. Хокејот во Канада официјално е национален спорт, а околу тоа цели три децении се расправаа вљубениците во хокејоти љубителите на лакрос, спорт на канадските домородци. На крајот на 90-те години и двата спорта беа прогласени за национални.
Фотографии на денот

Продавач на балони - малку шаренило во сивилото

Овој продавач на балони на периферијата на Кабул има доволно години за да се сеќава на деновите кога немало војна. Во Авганистан речиси непрекинато се пука преку четири децении. Прво комунистички пуч, па советската интервенција, потоа граѓанска војна и талибански терор, на крајот западната интервенција. Децата кои можеби ќе ги израдува некој шарен балон нее знаат што е тоа мир.
Фотографии на денот

Ѕвездата од Витлеем

Младата месечина е лево, горе десно е Сатурн, а долу десно е Јупитер. Двете планети во конјукција на 21 декември од Земјата можат да се видат како една ѕвезда. Ваква констелација се случува само на 20 години, во целосно форма последен пат пред 400 години. Таква постоела и во шестата година пред Христос. Дали тоа била ѕвездата од Витлеем? Оваа фотографија е направена во Анталија, во Турција.
Фотографии на денот

Важно да е маска

На некои обичните заштитни маски, задолжителен реквизит во корона времињата, им станаа досадни. Зошто за игра со фрлање топки снег да не се стави маска на куче? Таа штити од студ, исто така и од топките снег, а веројатно и од коронавирус. Така се чини верува овој човек на Тајмс сквер во Њујорк, кој изгледа се обидува да ужива во малкуте можности за забава кои се уште достапни во време на пандемија
Фотографии на денот

Охрабрувачки пораки на крајот на кризната година

Зрак на надеж во тешки времиња: на фасадата на дворецот Белви во Берлин, резиденција на германскиот претседател Франк Валтер Штајнмајер, се проектираат слики и пораки кои на луѓето на крајот на оваа година на пандемијата на коронавирус треба да им влеат надеж и храброст. Свои пораки испратија луѓе од цела Германија. На нашата фотографија актуелната порака гласи: „Оптимизам“.
Фотографии на денот

Консумирање канабис - од протест

Поседување, продавање и користење канабис е забрането во поголем дел земји. Но, сѐ повеќе држави решаваат да ја легализираат оваа опојна дрога, како Уругвај и Канада. На ваквата идеја има многу приврзаници и во Колумбија, како оваа демонстрантка, која деновиве на протест за декриминализација на марихуаната, со нејзино користење го изразила своето незадоволство.
Фотографии на денот

Лавовска корона-маска

Жена со маска на лицето фотографира статуа на лав во парк во Сеул, Јужна Кореја, кому некој му ставил маска на челуста. Јужна Кореја релативно добро се справуваше со пандемијата на коронавирус, но моментно се соочува со најголемата криза од нејзиниот почеток. Се зголемува употребата на брзи тестови и се распоредуваат стотици полицајци и војници кои треба да им помогнат на здравствените власти.
Фотографии на денот

Дедо Мраз во меур

Дедо Мраз е во категоријата постари лица, а има и поголема телесна тежина од нормалната, па мора добро да се чува од коронавирусот. Но, мора и да си ја заврши задачата. Затоа Данците во Алборг, смислија оригинално решение - тој ги поздравува децата од пластичен меур! Не можеш да му шепнеш што сакаш за Божик, но се' уште можеш да се надеваш дека неговата магична сила ќе ги исполни сите твои желби!
Фотографии на денот

Капачката сезона е отворена

Минус 14 степени - перфектно време за капење, барем за овој човек во Омск, каде е отворена зимската сезона за капење. Приврзаници на зимско капење има секогаш, зашто, како што се вели, тоа го поттикнува крвотокот, го зајакнува имунолошкиот систем, поттикнува хормони на среќа, па дури влијае и на намалување на телесната тежина... доколку му се одолее на гладот кој настапува по капењето.
Фотографии на денот

Град од медени колачи

Мали куќички во кои има светло, панорамско тркало и железница - на прв поглед сосема нормален град во зима. Но, ако се погледне од поблиску... Ова е град направен целосно од медени колачи! Се подигна секоја година во норвешкиот град Берген, а се' е „изградено“ од доброволци. Од 1991. децата во градинките и училиштата, како и приватни лица го создаваат прекрасниот минијатурен свет „Pepperkakebyen“.
Фотографии на денот

Драјв-ин божиќен панаѓур

На ветробраните паѓа вештачки снег, варено вино и колбаси се подаваат низ отворениот прозорец, автомобилите со темпо на полжав минуваат покрај тезгите со божиќни деликатеси... Кога веќе поради пандемијата не е можно „вистинско“ функционирање на божиќните панаѓури, тогаш нека има барем некаква верзија од нив, гласи мотото на „драјв-ин“ панаѓурот во Ландсхут, Германија.
Фотографии на денот

Загаден воздух

Фотографија направена во Лахор, Пакистан. Загадувањето во градот е често големо. Квалитетот на воздухот е меѓу најлошите во светот. Според една нова студија на германски истражувачи, онаму каде загадувањето на воздухот е големо, луѓето почесто умираат од Ковид-19.
Фотографии на денот

Снегот предизвика хаос

Рекордни наноси од снег и силен дожд предизвикаа хаос во Австрија и северна Италија. Во Јужен Тирол е прогласен највисок степен на предупредување од лавини, а затворени се и патишта и железнички линии. Според мерењата, во некои делови од Австрија и Италија падна рекордно многу снег во период од едно деноноќие, како кај Бренер, каде за само шест часа паднаа 90 сантиметри нов снег.
Фотографии на денот

Палма во пламен

Ветровите Санта Ана дуваат во Калифорнија секоја есен и зима. Во моментов, тие се особено силни и распламтуваат пожари во округот Оринџ, каде што е направена оваа фотографија. Пламените језици се шират со голема брзина. Според информациите на противпожарните служби, околу 25.000 луѓе ги напуштиле своите домови како мерка на претпазливост.
Фотографии на денот

Сензационални ѕидни цртежи од леденото доба

Среде прашумата во Колумбија, археолозите откриле десетици илјади праисториски цртежи на животни и луѓе. Бидејќи на нив може да се видат и изумрени животни, се верува дека тие се стари повеќе од 12.500 години.
Фотографии на денот

Елката е спремна

Божиќното дрво кое годинава е поставено во центарот на Њујорк е високо 75 метри, осветлено е со преку 50.000 ламбички. Церемонијата на поставувањето и китењето на празничната елка пред Рокфелер центарот во метрополата оваа година траеше пократко од обично. Поради пандемијата на коронавирус, присутните беа со заштитни маски на лицата и на пропишаната физичка дистанца.
Фотографии на денот

Олимписките прстени повторно во Токио

Свежо обоени: Олимписките прстени се вратија во заливот на Токио по петмесечна работа на нивно одржување - а кај некои набљудувачи сигурно веќе предизвикуваат возбуда пред спортскиот мега-настан во 2021 година. Конструкцијата висока 15 метри и тешка 69 тони беше отстранета во август, откако претходно поради пандемијата на коронавирусот беа откажани Летните Олимписки Игри во јапонската престолнина.
Фотографии на денот

Предупредување од сидата

Денешниот Светски ден на борба против сидата се одбележува во услови на пандемија на коронавирусот. Експертите предупредуваат дека не смее да се дозволи справувањето со Ковид-19 да ја уназади борбата против вирусот ХИВ. На оваа #ФотографијаНаДенот, активисти во Катманду, Непал запалија свеќи и ги распоредија токму во обликот на црвената лента, во знак на солидарност со заболените од сида.
Фотографии на денот

Адвентски корона-венец

Адвентски венец кој се состои од 24 шишиња на пиво од марката „Корона екстра“: и во пандемија не треба да се откажеме од хумор. Божиќниот адвентски аранжман е поставен пред цвеќарата „Цвет“ во Хановер, а креацијата на флористот Тобијас Брининг наиде на бројни позитивни реакции на неговите муштерии.
Фотографии на денот

Дали овде живее Дедо Мраз?

Куќата на Андреас Краузе целата свети, украсена за Божиќ, таа е главна атракција во улицата и населбата. Андреас има 58 години и секоја година својата куќа во Дуизбург, во покраината Северна Рајна Весфалија, ја осветлува со најмалку 10.000 сијалици. Многу деца кои поминуваат покрај неа се восхитуваат и се прашуваат: дали тука живее Дедо Мраз?
Фотографии на денот

Средба на дедо и внук – по 100 дена корона карантин

Повеќе од 100 дена границата меѓу австралиските сојузни држави Нов Јужен Велс и Викторија беше затворена поради пандемијата на коронавирус. Откако бројките на новоинфицирани се намалија, повторно е можно да се патува. Речиси четири месеци дедото Алан Кинкејд од Сиднеј не можел да го прегрне својот внук Том, кој живее во Мелбурн. Радоста од повторната средба на аеродромот е огромна.
Фотографии на денот

Мистериозен столб во пустината во САД

Дело на вонземјани или реликт од некој филм за научна фантастика? Во САД возбудено се дискутира околу досега непознат метален столб, случајно откриен во пустината. Монолитот е висок три метри, површината му е сјајна, но не рефлектира светлина. Државните службеници за јавна безбедност уште немаат објаснување што претставува тој, ниту кој го поставил на таа локација.
Фотографии на денот

Ликови кои обвинуваат - насилство врз жените

Жените на овие фотографии во колумбискиот град Меделин делат трагична судбина - тие се убиени. Меѓународниот ден против насилство врз жените би требало да помогне ваква судбина да не ги снајде и други. Во светот глобално, насилството врз жените бележи пораст. Во Мексико секои дваипол часа се случува убиство на жена. Во Индија,секои 16 минути е силувана жена или девојче, 88 дневно.
Фотографии на денот

Кинескиот робот патува на Месечината

Ракетата без посада „Долг марш 5“, успешно полета од космодромот Венчанг на островот Најнан во Кина. Во мисијата „Чанг Е-5“ специјалниот робот би требало да собере примероци од камења од површината на Месечината, но и во длабина од два метри и да ги донесе на анализа на Земјата. Пред Кина тоа го направија САД и Советскиот Сојуз. Примероците треба да стигнат за 23 дена.
Фотографии на денот

15 канцеларски години на Ангела Меркел

Кога на 22 ноември 2005 година Ангела Меркел стана канцеларка, никој не мислеше дека ќе остане толку долго на чело на германската влада. „Канцеларката на слободарскиот свет“, како што ја нарече „Тајм“, е најмал заеднички именител на мнозинството Германци. Популарноста, разнишана за време на бегалската криза, ја поврати за време на пандемијата на коронавирус – денес Меркел е поомилена од било кога.
Фотографии на денот

Челична рака

Мухамед Кахримановиќ постави нов светски рекорд во отворање кокосови ореви. Овој жител на Хамбург, по потекло од Босна и Херцеговина, за 60 секунди со гола рака отвори дури 130 кокосови ореви. За да постави рекорд ќе му беа доволни и 124. Тој инаку е теквондо-мајстор, а познат е под прекарот „Рака чекан“.
Фотографии на денот

Лебедите заминуваат

Лебедите се качени, кајчето може да тргне! На реката Алстер, во Хамбург, на средината од ноември лебедите се собираат и префрлаат во Милентајх, Епендорф. Таму површината на водата не замрзнува сосема поради тоа што преку подводни пумпи се овозможува циркулирање на топла вода од дното кон површината на езерцето.
Фотографии на денот

Ерменците ги палат куќите

Додека во Ереван се бара оставка од ерменскиот премиер Пашинјан поради исходот од конфликтот со Азарбејџан, илјадници Ерменци од Нагорно Карабах се во бегство. Ги напуштаат своите домови со она што им е најважно. Многумина ја имаат загубено надежта дека ќе се вратат брзо, па ги палат своите куќи пред доаѓањето на азарбејџанските војници.Овој човек стои пред својот запален дом во селото Черектар.
Фотографии на денот

Дете Исус, направи да исчезне вирусот!

Детето Исус почна со работа во Енгелскирхен, Германија. Овојпат имаше само неколку дечиња околу себе, сите со маски, и се вклучи со видео-врска кај деца во оддалечена градинка. Сѐ е поинаку во време на корона, па и желбите на децата, меѓу кои не мал број бараат крај на пандемијата и прослава на Божик со фамилијата. Малиот Ноа, на пример, го моли Детето Исус: „Направи да исчезне вирусот!“
Фотографии на денот

Онлајн балет

Балет во време на пандемија: Во живо од Ковент гарден, Лондон, членовите на британскиот Кралски балет, танцуваат на дело на Кристофер Вилдон. Изведбата беше пренесувана како лајв-стрим, а вљубениците во балетот поради рестрикциите во време на пандемија, мораа да останат дома. За 10 фунти тие можеа преку интернет да уживаат во делото на Кристофер Вилдон „Во рамките на златниот час“.
Фотографии на денот

Прослава и награда за фудбалските херои

Во долга ноќ на еуфорија и на славје, македонските љубители на фудбалот по историскиот успех на репрезентацијата- првиот пласман воопшто на едно големо натпреварување. Навивачи, новинари и политичари ги пречекаа репрезентативците на граничниот премин Блаце. Македонската влада одлучи да ги награди фудбалерите и стручниот штаб на репрезентацијата со по 10.000 евра
Фотографии на денот

Розов дијамант продаден на аукција за 26,6 милиони долари

„Духот на розата", еден од досега најголемите брусени розови дијаманти беше продаден на аукција во Женева за само неколку минути. Купувачот на скапоцениот камен од 14,83 карати, како што соопшти аукциската куќа Сотбис, сакал да остане анонимен. Експертите го проценуваа дијамантот дури и до 32 милиони евра.
Фотографии на денот

Шаренило во локдаун

Германија се наоѓа во таканаречен локдаун воведен заради запирање на растечкиот број на инфекции во земјата. Се уште нема податоци дали затворањето на рестораните, баровите, музеите, фитнес клубовите и ограничувањето на контактите носи видливи резултати. Градските власти во Фулда со лампиони во разни бои во историскиот дел на градот сакаа да се погрижат за малку оптимизам и шаренило во кризата.
Фотографии на денот

Смогот и Ковид-19

Главниот град на Индија, повторно страда од екстремно загадениот воздух. Експертите проценуваат дека тоа е една од причините и за рекордниот број на нови случаи на Ковид-19 во Њу Делхи. Но и покрај притисокот на пандемијата и смогот, луѓето мора да продолжат со животот и работат, како впрочем и продавачот на шеќерна волна на оваа #ФотографијаНаДенот.
Фотографии на денот

Танц на радост

За време на викендот ширум САД, приврзениците на Џо Бајден ја славеа неговата победа на претседателските избори. Од Њујорк до Лос Анџелес, приврзаниците на Бајден излегоа на улиците со знамиња на САД, шишиња со пенливо вино и музички инструменти. Овие афроамериканки во Атланта н изведоа пак танцов перформанс.
Фотографии на денот

Мечето Теди замина во подобар живот во Бугарија

По триипол години поминати во кафез од два метри во штипскиот ЗОО парк, мечето Теди е пренесено во „Паркот на танцувачките мечки“ во резерватот Белица во Бугарија. Лошите услови за живот кај мечето предизвикале анксиозност, како и повреди на шепите. „Преселбата“ на Теди е оовозможена со помош на македонски активисти за заштита на животните.
Фотографии на денот

„Марш на милиони маски“ и протести против карантин во Лондон

Ова е еден од учесниците на „Маршот на милион маски“ во Лондон, годишен собир на противниците на „мерки на штедење, кршење на законите, воени злосторства на корумпираните политичари и одземање на слободите“. Годинава се поклопи со воведувањето на четиринеделниот карантин во Велика Британија.Демонстрантите против локдаунот во Лондон се судрија со полицијата, која привела преку сто демонстранти.
Фотографии на денот

Суперјунаци во корона кризата

Аплаузите од балконите одамна стивнаа, но медицинскиот персонал ширум светот и натаму паѓа од умор поради пандемијата. Оваа уметничка во Газа, главниот град на истоимената палестинска област со мурал сака да потсети на суперјунаците на ова време. И истовремено да ги потсети сонародниците дека е потребно, заради своја и заштита на другите, да се носи маска.
Фотографии на денот

Ден на одлука во САД - Трамп или Бајден

Дали Доналд Трамп ќе остане во Белата куќа или таму ќе се всели Џо Бајден? Тоа го одлучуваат американските граѓани кои го избираат својот иден претседател. Користејќи го правото поради пандемијата на коронавирус, рекорден број Американци – 98 милиони, гласаа однапред. Можно е поради времето потребно за пребројување на гласовите, победникот да не биде познат веднаш ноќта по изборите.
Фотографии на денот

Германија од денеска во делумен локдаун

Инфекциите со Ковид-19 во изминатите недели драстично се зголемија, по што канцеларката Ангела Меркел и покраинските премиери договорија поострени мерки. За разлика од пролетоска, сега остануваат отворени училиштата и градинките, продавниците, црквите. Но, затворени се сите ресторани и кафулиња, базени, фитнес –студија, на јавни места се дозволени средби на најмногу десет лица од две семејства.
Фотографии на денот

Ноќ на вештерките

Годината на пандемија на коронавирус 2020 е закопана. Празникот Хеловин поттикна многумина во САД своите маски и презентации да и’ ги посветат на короната. На нашата #ФотографијаНаДенот, направена во Норт Ендовер пред Ноќта на вештерките, маскирани скелети стојат над надгробна плоча на која пишува „Почивај во мир 2020“.
Фотографии на денот

Франција во карантин

Франција е во карантин. Новите мерки ќе траат до 1 декември. Движењето на граѓаните е ограничено и тие смеат да излезат само доколку одат на работа, купување или на лекар. Спорт е дозволен еден час дневно во радиус од еден километар од местото на живеење. За разлика од карантинот пролетоска, економијата би требало да продолжи со вообичаена работа колку што е тоа можно, а отворени се и училиштата.
Фотографии на денот

Европратеник стапи во штрајк со глад

Европратеникот Пјер Ларутуру почна штрајк со глад за да мобилизира повеќе пари за заштита на климата, здравството и социјалата. Тој бара данок на финансиски трансакции. „Непристојно е да се слуша дека нема пари за здравство, клима, вработување, а на финансиските пазари не им одело никогаш подобро“, вели Ларутуру, кој носи маска со порака: „Здравје-Клима-Работа:прво решение е 50 милијарди евра ФТТ“
Фотографии на денот

Тикви со корона-мотиви

Есен во време на корона, со тикви изрезбани со мотиви кои се карактеристични за пандемијата. Во Ботаничката градина во Чикаго до празникот Хеловин, ќе бидат изложени повеќе од илјада рачно изрезбани тикви. Тиквите се омилени и во Германија, и тоа не само во периодот пред и по Хеловин. Во 2019-та тикви биле насадени на 4200 хектари површина (околу 6000 фудбалски игралишта).
Фотографии на денот

100.000 луѓе евакуирани од пожар во Калифорнија

Шумски пожар кој се шири со голема брзина ги исплаши луѓето во регионот на околу 70 километри југоисточно од Лос Анџелес. Т.н. Силверадо-пожар во близина на Ирвин, се шири брзо поради силниот ветер и сушата. Повеќе од 100.000 луѓе мораа да ги напуштат домовите. Во Калифорнија пожари беснеат уште од средината на август. Досега се уништени над 16.000 квадратни километри шума и обработливо земјиште.
Фотографии на денот

Мечиња на стадион

15.000 плишени мечиња наместо публика на стадионот Абе Ленстра во Херенвен, Холандија. Сите носат дресови, но на стадионот не се за да го бодрат холандскиот клуб „СЦ Херенвен“, туку за да го свртат вниманието на холандската јавност на децата болни од рак. Станува збор за симболична акција на фондацијата Кика (Фондација за борба против ракот кај децата), фудбалскиот клуб и фирмата за лекови МСД.
Фотографии на денот

Вечера во меур од плексиглас

Меѓу луѓе и покрај коронавирусот? Тоа не е никаков проблем во овој ресторан во Сингапур. Малите пластични капсули во ресторанот во трговскиот центар „Капитол аутдор плаза“ во Сингапур ги штитат гостите од аеросолите од коронавирусот на соседните маси. Единствено партнерот за вечера, тука треба да биде избран дотолку подобро.
Фотографии на денот

Нов суперлатив во Дубаи!

Нова атракција во метрополата на Персискиот Залив: По највисокиот облакодер, Дубаи во Обединетите Арапски Емирати сега ја има и најголемата фонтана во светот. „Фонтаната на палмите“ има површина од 1335 квадратни метри, нејзините млазници можат да исфрлаат вода до височина од 105 метри: Новоотворената фонтана најголема од ваков вид во светот, потврди Гинисовата книга на рекорди.
Фотографии на денот

На пат со магаре и маска против коронавирус

Вака сам на запрежната кола, на овој млад Палестинец во Појасот Газа можеби заштитна маска на лицето и не му е потребна, особено што инфекцијата таму засега не е многу раширена.
Фотографии на денот

Ирска одбројува часови до повторниот „катанец“

Како прва земја од ЕУ, Ирска го враќа „корона-кризниот модус“. Рестриктивните мерки ќе траат шест недели, затворени се сите продавници освен супермаркетите, а баровите и рестораните ќе бидат ограничени на сервис за испорака на храна. Кој може, треба до почетокот на декември да работи од дома. Забранети се средби со други семејства. Меѓутоа, училиштата и детските градинки остануваат отворени.
Фотографии на денот

Исцрпени од Ковид-19

Во Шпанија протестите на лекарите не престануваат. По Мадрид, сега штрајкуваат и лекарите во Каталонија. Лоши услови за работа, ниски плати и слаби можности за усовршување: младите лекари во Каталонија го изразуваат своето незадоволство во Барселона со протестни плакати и физичка дистанца. „Ние сме на граница на силите“, порачуваат многу болници во Шпанија.
Фотографии на денот

Бенкси во англиското корона-жариште

Ново дело на мистериозниот уличен уметник Бенкси осамна на ѕид во британскиот град Нотингем, додека градот се соочува со драматичен раст на случаи на Ковид-19. На новиот мурал на прочуениот Бенкси во Нотингем е прикажано девојче кое си игра со гума за велосипед како со хулахоп. Пред ѕидната слика пак заврзан за столб стои демолиран велосипед со само една гума.
Фотографии на денот

Поларна светлина над Германија

Минувачите во германскиот град Хале ја посматраат поларната светлина на градскиот плоштад направена со помош на ласерски зраци и вештачка магла.Станува збор за светлосна инсталација под наслов „Бореалис", дело на швајцарскиот уметник Дан Архер. Таа е составен дел на програмата на овогодишниот научен и медиумски фестивал кој од 14 до 18 октомври се одржува под мотото „Мајката земја" во Хале.
Фотографии на денот

Кренат среден прст кој го разбранува Берлин

Берлинскиот сенат ја стопира анти-корона кампањата со жена која покажува среден прст на неносителите на заштитна маска. Кристијан Тенцлер, портпарол на туристичко-маркетиншката организација „Визит Берлин“ се извини ако се навредиле луѓе кои од медицински причини не смеат да носат маска, тоа е една од причините за прекин на користењето на мотивот, кој на социјалните мрежи крена голема прашина.
Фотографии на денот

Корона криза - бродови за крстарење чекаат на рециклирање

Од последиците на пандемијата на коронавирус посебно е погоден туризмот. Крстарењето на големите поморски колоси нуди секаков луксуз, но богатата, воглавно постара клиентела во доба на пандемија порадо одморот го поминува на копно. Поради тоа, вишокот на капацитети во оваа бранша, како овие бродови за крстарење всидрени во турското пристаниште Измир, мора да се рециклира.
Фотографии на денот

Холандија воведува делумен карантин

Поради наглиот раст на бројот на новоинфицирани, Холандија драстично ги заострува анти корона-мерките. Кафулињата, баровите и рестораните се затворени, забранета е продажба на алкохол по 20 часот. Граѓаните ќе смеат во своите домови да примаат најмногу тројца гости дневно, а автобуси и возови треба да користат само во итни случаи. Задолжително е носење заштитни маски на сите јавни места .
Фотографии на денот

Улична уметност на индиски начин

Индиската метропола Мумбаи има што да им понуди на оние кои се заинтересирани за културата. Освен галерии и музеи, има и уметност бесплатно - во форма на бројни графити на ѕидовите на куќите и на зградите. Брзо растечкиот број на инфекции од коронавирусот во Индија сега инспирира сè повеќе уметници – впрочем како и креаторите на оваа слика.
Фотографии на денот

Поради корона, во Келн геј парада на велосипеди

Опремени со знамиња и балони во боите на виножитото, во Келн околу 2.000 учесници на велосипедски протест демонстрираа против дискриминација на хомосексуалците. Поради пандемијата на коронавирус, традиционалната шарена парада за Кристофер Стрит Деј во јули, на која редовно се собираат стотици илјади учесници од цел свет во ексцентрични костими, годинава беше откажана.
Фотографии на денот

Вознемиреност поради короната, Трамп како Супермен

Бројот новоинфицирани со коронавирус во Европа на дневно ниво ја надмина првпат границата од 100.000, соопшти СЗО. Шпанија со 850.000 инфицирани е особено погодена. Се зголемува бројот на пациенти во болниците. Жена на улиците на Барселона минува покрај новото дело на стритартистот ТВБој, кој го има прикажано американскиот претседател Трамп во костум на Супермен кој лета низ Ковид-19 меури.
Фотографии на денот

Пожар во висококатница во Улсан

Пожар во кој има околу 90 повредени - катастрофа во јужнокорејскиот град Улсан. Пожарот, според претпоставките, избил помеѓу 8-от и 12-от од зградата која има вкупно 33 катови. Огнот брзо се проширил нагоре, меѓу другото, и поради силниот ветер. Која е причината за пожарот, засега не е познато.
Фотографии на денот

Короната го диктира животот

Фотографијата доаѓа од Франкфурт, каде пред Градското собрание на 8.10.202 требаше да биде отворен есенски панаѓур. Но, поради зголемениот број инфицирани лица, отворањето е одложено. Во Франкфурт од 9 октомври во шопинг-зоните важи обврска за носење маска и на отворено. Освен тоа, рестораните смеат да работат само до 22 часот, а на плоштадите, улиците и зелените површини важи забрана за алкохол.
Фотографии на денот

Во редица за на училиште

Фотографијата од птичја перспектива е направена во сириската провинција Идлиб, во камп за внатрешно раселени лица во Марат Мисрин. Деца бегалци чекаат во редица за да влезат во своите училници, кои всушност се шатори пренаменети за настава. Според податоци на ОН, во границите на Сирија во бегство се повеќе од 6,6 милиони луѓе, од кои речиси половината се деца.
Фотографии на денот

Со пушка и шамија на прaгот од куќата во Нагорно Карабах

Доаѓаат времиња кога човек мора самиот да си помогне. Тоа сега особено важи во Нагорно Карабах, каде борбите не престануваат. Кој сака да знае што значи зборот војна за обичните луѓе, нему оваа бабичка, седната со пушка на прагот од својата куќа во Степанакерт, има што да му каже. Борбите не престануваат, а Азарбејџан и Ерменија се обвинуваат меѓусебно за напади врз цивили.
Фотографии на денот

Трамп го напушти болничкиот кревет

Додека светот шпекулира за неговата здравствена состојба, американскиот претседател Доналд Трамп ја напушти болницата, но за кратко! На оваа фотографија тој им мавта на своите фанови пред болницата од црно возило. Веднаш по обиколката, американскиот претседател се врати во воената болница северно од Вашингтон.
Фотографии на денот

Ако е Лондон, мора да врне?

Тоа е еден од најтврдокорните стереотипи кој важи за британската метропола. Но, дали е навистина така? Во заднина на оваа #ФотографијаНаДенот е Лондонското око. Врне, а минувачката носи чадор, како поддршка на еден од најтврдокорните стереотипи за Лондон.Меѓутоа британската метропола има едвај сто дождливи денови годишно, па веројатноста да накиснете е поголема во Париз, Брисел или во Минхен.
Фотографии на денот

Се топат Трамп и Болсонаро

Американскиот претседател Трамп и неговиот бразилски колега Болсонаро не се познати по преголемата грижа за климата. Со цел „климатските негативци“ да ги стави на столб на срамот за Самитот за биодиверзитет на ОН, еколошката организација Гринпис во Њујорк постави ледени скулптури од нив во природна големина. За промена, двајцата шефови на држави треба да се стопат наместо мразот на Арктикот.
Фотографии на денот

Железната тупаница на Кина

Оваа жена во Пекинг позира пред цветен споменик , со кој им се оддава признание на напорите на здравствените работници во корона-кризата. Предимензионираната фигура со заштитна облека и стисната тупаница е подигната непосредно пред националниот празник на основањето на Народна Република Кина - 1 октомври.
Фотографии на денот

Поглед во иднината

Дубаи е познат по своите облакодери од челик и стакло. Но, новиот музеј на иднината во тој поглед отвора нови патишта. Неговата надворешна структура се состои од сребрен овал со отворен центар. Зградата потсетува на човечко око. Музејот треба да нуди одговори на прашањата на иднината. Предвидено е да биде отворен уште во 2020 и покрај сите проблеми настанати од пандемијата на Ковид-19.
Фотографии на денот

Ламите се спуштаат

Одгледувачите на говеда во Швајцарија во овој период од годината традиционално ги спуштаат кравите од алпските пасишта. Зимските месеци кравите потоа наместо на алпски пасишта, ги поминуваат во штали во долините. Меѓутоа, оваа семејна фарма наместо крави одгледува лами и алпаки - и сега ги спушта во долината. Животните со потекло од јужно-американски Анди одлично се прилагодиле на Алпите.
Фотографии на денот

Зимски поздрав во септември

Часовниците во Германија се уште отчукуваат според летното сметање на времето, метеоролошки пак штотуку започна есента. А во Баварија? Во многу места во оваа германска покраина веќе владее зимска идила.
Фотографии на денот

Стаорецот Магава одликуван со орден за храброст

Билансот е импресивен: торбестиот џиновски глушец во Камбоџа детектирал 39 мини и 28 неексплодирани направи. За тие заслуги, Магава е првиот глушец кој добил највисок британски орден за животни.
Фотографии на денот

Бегалски „руски рулет“ - со гумен чамец преку Ламанш

Изгледа како ноќна прошетка по плиткото море, но тоа се мигранти кај Кале во северна Франција кои со децата се подготвуваат со гумен чамец да го преминат Ламанш. Тие мора по морскиот теснец да пловат околу 34 километри, за да стигнат до својата цел - Велика Британија. Во 2020 година ваков обид направиле трипати повеќе луѓе отколку во 2019 година - имено преку 6200.
Фотографии на денот

Најмалата рубикова коцка на светот

Најмалата „магична коцка“ во светот има страница висока 9,9 милиметри и е вистински предизвик за решавање, зашто бара двојно повеќе вештина. Ја произведува корпорацијата „Мега хаус“, која е дел од системот на познатиот јапонски производител на играчки Бандаи (Bandai Co). Нејзината цена меѓутоа не е толку „ситна“, таа имено чини 198.000 јени, што изнесува приближно 1880 американски долари.
Фотографии на денот

Насмевка на најстарата жена на светот

Кане Танака е родена во 1903 година како седмо од девет деца. Уште во март 2019 година беше внесена во Гинисовата книга на рекорди како најстар жив човек на светот. Но, таа со 117 години и 265 дена е и најстара жителка на Јапонија досега. Нејзиниот внук, кој и самиот има веќе 60 години, изјави: „Запрепастувачки е што уште може добро да зборува и може самата да јаде“.
Фотографии на денот

Протест против „локдаунот“ во Израел

Високо подигнато знаме: во Тел Авив се протестира против повторниот „локдаун“ и масивните ограничувања. Најмалку три недели табу е и одењето на плажа. Израел е особено тешко погоден од последиците на Ковид-19, бележи по пет илјади новоинфицирани дневно, но големо е и незадоволството на граѓаните од владата. Но, овој човек на фотографијава е обезбеден од опасноста да се зарази од коронавирус...
Фотографии на денот

Маскираните полицајци на Лукашенко против жените

Жена облеана во солзи откако белоруската полиција привела повеќе стотини луѓе, во главно жени, на протестите во Минск на викендот. Веќе еденипол месец траат масовните демонстрации против претседателот Александар Лукашенко, кој е обвинуван за лажирање на претседателските избори. Главни опозициони фигури се храбри жени од кои голем број се уапсени или се наоѓаат во егзил.
Фотографии на денот

„Јанос“ беснее во западна Грција

Оваа фотографија е направена во местото Аргостоли на грчкиот остров Кефалонија, каде улицата пред градското пристаниште е целосно поплавена во налетот на медитеранскиот циклон со белези на ураган. Освен на Кефалонија силните ветришта и поројните дождови на медиканот „Јанос“ предизвикаа значителни штети и на островите Закинтос и Итака како и по должина на брегот на полуостровот Пелопонез.
Фотографии на денот

Сепак празни трибини на отворањето на сезоната

Со натпреварот Бајерн- Шалке започна новата сезона во Бундеслигата. Иако Минхенчани се надеваа на 7500 гледачи, градските власти поради растечкиот број случаи на Ковид-19 забранијa публика на Алијанц арената. Бајерн извојува убедлиа победа од 8:0.
Фотографии на денот

Реки на улиците

Оваа #ФотографијаНаДенот е направена во градот Пенсакола на Флорида каде во налетот на ураганот Сали улиците се претворија во реки. Поплавите на брегот на американските сојузни држави Алабама и Флорида имаа „историски и катастрофални размери“, соопшти Националниот центар за урагани.
Фотографии на денот

Црвени кругови во училишниот двор

Последни подготовки за учебната година среде пандемија: Црвените кругови во училишниот двор треба да им помагаат на учениците во пакистанските училишта да ја одржуваат неопходната дистанца за време на одморите. По затворањето на училиштата во март, тие сега се враќаат на настава. Пакистанската влада донесе одлука за повторно отворање на училиштата поради константниот пад на бројот на инфекции.
Фотографии на денот

Пет вители над Атлантикот

Ова се случува само по вторпат во историјата. Оваа сателитска фотографија ги прикажува петте тропски циклони кои во моментов се активни над Атлантикот. Од лево, најнапред се гледа ураганот Сали над Мексиканскиот залив, потоа ураганот Палет над Бермудите, остатоците од тропската бура Рене и тропските бури Теди и Вики. Последен пат тоа се случи во 1971 година.
Фотографии на денот

Пустошењето на огнената стихија

Западот на САД гори. Стотици илјади луѓе бегаат од јагленосаните пејсажи. Воздухот е токсичен на многу места, облаците се од пепел. Јагленосаната детска лулашка и изгорениот автомобил на оваа #ФотографијаНаДенот се тажните остатоци од пустошењето на огнената стихија во местото Гејтс во американската сојузна држава Орегон.
Фотографии на денот

Мртво Море

Она што изгледа како камења во вода, е всушност сол. Мртвото Море е една од најважните туристички атракции на Израел.Врз овие солени површини, кои од птичја перспектива личат на цветови, може да се стои. Малите солени острови се навистина стабилни. Тие настануваат кога од екстремно соленото море испарува повеќе вода отколку што дотекува.
Фотографии на денот

Се бара спас за децата од Морија

Катастрофата во бегалскиот камп Морија ја потресе Европа. По пожарот во кампот, Германија и Франција најавија прием на малолетни бегалци. Германското Министерство за внатрешни работи досега одбиваше преземање самостојни чекори, а дел од германските политичари бараат носење европско решение. Во Морија, наместо планираните 3000, беа сместени 12.000 бегалци во ужасни услови. Меѓу нив и ова момченце.
Фотографии на денот

Мртво Море

Она што личи на камења во вода, е всушност сол. Мртвото Море е една од најважните туристички атракции на Израел. Врз овие солени површини може да се стои. Тие се навистина стабилни, а настануваат кога од екстремно соленото море испарува повеќе вода отколку што дотекува. Феноменот на природата меѓутоа е во опасност - со сушење Мртвото Море во изминатите 50 години загуби една третина од површината.
Фотографии на денот

Гори бегалскиот камп Морија

Најголемиот европски камп за бегалци е во пламен. Кампот Морија на грчкиот остров Лезбос е евакуиран. На пожарите им претходеа немири во преполниот камп, каде се сместени над 12.000 бегалци. Причина за немирите е одлуката кампот да се стави во карантин, откако таму беше регистриран првиот случај на заболен од коронавирус. Дел од мигрантите сакаат да го напуштат кампот поради страв од зараза.
Фотографии на денот

29 години независност

Северна Македонија го празнува Денот на независноста. Пред 29 години, на 8 септември 1991 година, мнозинството граѓани се изјасни за самостојна и суверена држава. По повод празникот, македонскиот претседател Стево Пендаровски оцени дека сега треба да се работи на брзо завршување на преговорите со ЕУ.
Фотографии на денот

Ѓоковиќ дисквалификуван откако ја удри линиската судијка

Нервозата поради загубениот сервис на мечот против Шпанецот Буста, скапо го чинеше Новак Ѓоковиќ. Тој е дисквалификуван од УС Опен откако ненамерно со топче удри линиска судијка. Судијката по ударот клекна и имаше проблеми со дишењето. Светскиот тенисер број еден видливо шокиран од она што се случи, веднаш притрча кон судијката.
Фотографии на денот

Надежта во Бејрут не умира

Откриените звуци на живот од машина на чилеански спасувачки екипи во Бејрут ја подгреаја надежта дека под урнатините има уште преживеани. Во знакот на надеж е и муралот кој го работат уметници, а го прикажува Бејрут. Муслимански и христијански свештеници и многу граѓани се собраа во близина на разореното пристаниште, за да им оддадат почит на 191 загинати во големата експлозија на 4 август.
Фотографии на денот

Такси на иднината

Ербас во германскиот град Донауверт во покраината Баварија неодамна го тестираше својот летечки такси. Тоа е автономен хеликоптер со четири седишта, електричен мотор произведен од концернот Сименс, осум ротори...Овој воздушен такси би требало од 2025 година да ги намали застоите на патиштата и да ги растовари градовите преполни со автомобили.
Фотографии на денот

Уметничко „вознесение“

Дејвид Блејн виси под грозд од 52 балони наполнети со хелиум на 9.000 метри над пустината во Аризона. Акцијата е наречена „Вознесението на Дејвид Блејн“. 47-годишниот уметник - илузионист и зависник од адреналин е познат и по своите претходни атрактивни настапи. На крајот од акцијата, исполнување на неговиот детски сон, успешно слетал на земјата со помош на падобран.
Фотографии на денот

Блиска средба на астероид со Земјата

Астероидот „2011 ЕС4" пролета близу покрај земјината топка, на далечина од една третина од онаа до Месечината, конкретно тоа се околу 120.000 километри. Астрономите проценија дека астероидот има пречник меѓу 22 и 49 метри. Удар врз Земјата или негов распад во атмосферата веројатно би предизвикал одредени штети како оние на 15 февруари 2013 година во рускиот град Чељабинск од распрснат метеор.
Фотографии на денот

Рециклажа на заштитните маски- спасоносна идеја?

Луѓето користат еднократни заштитни маски за лице и ги фрлаат. Тоа станува еколошки проблем ширум светот. Новооснованата француска фирма „Плакстил“ планира да започне со рециклирање, таму велат дека искористените маски, во комбинација со пластика, можат да се употребат за производство на нови маски, визири, па дури и кваки за врати. Тоа би значело барем делумно решение на еколошкиот проблем.
Фотографии на денот

Белорусија - Лукашенко нема милост

Мировен гест - на маргините на повторните протести на викендот во Минск, кога низ градот се движеа тенкови. Тие не беа употребени, но многу демонстранти беа уапсени. Претседателот Лукашенко на јавноста и презентираше своја втора фотографија во борбена опрема и со оружје во рака. Дотолку посилен е ефектот на гестот на оваа демонстрантка на фотографијата, која клечи на колена пред кордонот полицајци
Фотографии на денот

Во чест на лекарите и медицинските сестри

Латинска Америка, која од мај беше епицентар на пандемијата, актуелно бележи најсилен пад на бројот на новоинфицирани. Можност да се здивне и да им се искаже почит на оние на првата линија на фронтот против Ковид-19. Овде мора да се погледне многу внимателно за да се препознае самиот уметник. Серхио Морелос (сценско име Еплзман) кој го црта својот огромен мурал во Мексико Сити.
Фотографии на денот

Цел Париз под маска

Поради забрзаниот раст на нови случаи на Ковид-19, на целата територија на францускиот главен град важи обврска за носење на заштитна маска на отворено. Досега, носењето на маската на отворено беше задолжително само во делови на Париз, кои беа прогласени за „црвени зони“ поради високиот број на инфекции од коронавирусот.
Фотографии на денот

„Екстремно опасен“ вртлог

Сателитска снимка го доловува моментот кога ураганот Лаура стигнува до копното на американските сојузни држави Луизијана и Тексас, како ураган од 4 категорија со максимална брзина на ветриштата од 240 километри на час.
Фотографии на денот

Адеу Барса!

20 години очигледно му се доволни за Лионел Меси. Збогум ФК Барселона! Аргентинската суперeрѕвезда сака да го напушти каталонскиот клуб. Единствено прашање е кој друг клуб може да го плати исклучителниот фудбалер.
Фотографии на денот

„Светлосен“ протест во Белорусија

Овие светлосни сигнали доаѓаат од демонстрантите во Минск кои синхронизирано мавтаа со своите смартфони, на кои беа уклучени светлата. Фотографот одобра подолга експозиција и така настанаа „светлосните кругови“ над нивните глави. По контроверзните претседателски избори на 9-ти август во Белорусија се одржуваат протести против претседателот Александар Лукашенко.
Фотографии на денот

11 натпревари, 11 победи

Бајерн Минхен ја круниса извонредната сезона со освојување на Лигата на шампионите. Во финалето во Лисабон тимот предводен од тренерот Ханзи Флик го победи Париз Сен Жермен со 1:0, постигнувајќи историски успех. Бајерн оствари единаесет победи во вкупно 11 натпревари, кои ги одигра во годинешнава сезона во Лигата на шампионите. На ниту еден тим претходно не му успеало тоа.
Фотографии на денот

Лисици среде град

Во ова време од годината, велат експертите, особено младите лисици се „на пат“. Оваа, на нашата #ФотографијаНаДенот, е „уловена“ на детско игралиште во населбата Берлин-Вилмерсдорф. И, не само што не се грижи за друштвото покрај себе, туку се чини дури и како да им позира на младите собрани на вечерна дружба.
Фотографии на денот

Пожарите во Калифорнија се шират брзо

Повеќе од 10.000 пожарникари во Калифорнија се борат против пожарите, кои делумно се шират многу брзо. Илјадници луѓе мораа да ги напуштат своите домови, а многумина се подготвени за бегство и веќе ги имаат спакувано куферите во случај да мора да бидат евакуирани. Екстремните горештини ја влошија ситуацијата во последните денови.
Фотографии на денот

Проѕирен јавен тоалет

На прв поглед личи на уметнички објект, но е сосема функционален. Ова е транспарентниот тоалет дизајниран од јапонскиот архитект Сигеру Бан, поставен во паркот Хару-но-Огава, во Токио. Неговите ѕидови стануваат непроѕирни веднаш штом ќе се заклучи одвнатре. Вакви тоалети на уште неколкумина дизајнери има во два парка во Токио. За ползата од нив жестоко се дебатира на социјалните мрежи во Јапонија.
Фотографии на денот

Разладување

Фотографија која доаѓа од Косово - мечка се разладува во засолништето за мечки, кое се наоѓа покрај езерото Бадовац, во близина на селото Мрамор. Засолништето е едно од неколкуте во Европа, а сега е затворено за посетители поради рестриктивните мерки во време на пандемија. Азилот „Четири шепи“ е изграден во 2012., откако на Косово стапи на сила законот за заштита на животна средина.
Фотографии на денот

Голи фудбалери

Голи фудбалери во Оер-Еркеншвик, Германија: Во знак на протест против се’ поголемата комерцијализација на професионалниот фудбал, играчите од два тима одиграа натпревар голи. Голите тела се израз на природност и автентичност, односно особини кои модерниот фудбал веќе ги нема, порачаа фудбалерите од стадионот Штимберг. Организатор на натпреварот беше уметникот Герит Старчевски.
Фотографии на денот

Лукашенко оди си!

Стотици илјади луѓе на опозициските протести во Белорусија бараат оставка од претседателот Александер Лукашенко. Дел од учесниците на протестите се огледуваат и во очилата на демонстрантот на оваа #ФотографијаНаДенот. Протестите, како што се најавува, нема да запрат и во деновите што доаѓаат.
Фотографии на денот

Бајерн ја „прегази“ Барселона со 8:2

Фудбалскиот клуб Бајерн Минхен ѝ нанесе историски пораз на Барселона во четвртфиналниот двобој на Лига на шампиони. Меси, Суарез и останатите фудбалери на Барселона со наведнати глави го напуштија тревникот на стадионот во Лисабон. Бајерн поведе во 4. минута со голот на Томас Милер, на нашата фотографија со победнички крената рака. Бајерн со победата се пласира во полуфиналето на Лига на шампиони.
Фотографии на денот

Робот кој доставува храна

Автономното возило ДелиРо од овој месец доставува храна во Токио. Се движи со брзина од 6 километри на час и може да носи товар до 50 килограми. Муштериите во јапонскиот главен град храната ја порачуваат на интернет, а исто таму и ја плаќаат, а потоа ова мало возило во црвена, сина или жолта боја, со големи очи како од цртани филмови, им доставува храна на куќна адреса.
Фотографии на денот

Миење раце во училиште против коронавирус – а вода нема

Во борбата против пандемијата на коронавирус екстремно важна е основна хигиена како темелно миење раце. УНИЦЕФ алармира: стотици милиони деца не можат да ги спроведат препораките. Околу 818 милиони деца во светот во своите училишта немаат неопходни услови за миење раце. 295 милиони од децата се од Африка јужно од Сахара, 462 милиони деца посетуваат училишта во кои нема вода.
Фотографии на денот

Тага и гнев во Либан

Една недела по катастрофалната експлозија во пристаништето во Бејрут, жителите организираа комеморација за жртвите и повторно го обвинија раководството за несреќата. Бројот на жртви во меѓувреме се искачи на 171, повеќе од 6.000 луѓе се повредени, а околу 300.000 останаа без покрив над главата. Либанската влада поднесе оставка, но протестите на револтираните граѓани продолжуваат.
Фотографии на денот

Бран жештини ја притиска Германија

Во Германија продолжуваат екстремно високите температури за овдешни услови, кои ни ноќе не се спуштаат под 20 степени. Големите горештини и високата влажност на воздухот на многу луѓе тешко им паѓаат, на некои им предизвикуваат и здравствени проблеми. На отворените базени, каде бројот посетители поради пандемијата на коронавирус е ограничен, тешко е да се најде слободно место.
Фотографии на денот

Илјада балони за корона-жртвите во Бразил

Бразил премина стравичен праг – бројот на смртни случаи како последица на коронавирус се искачи на над 100.000. Со тоа Бразил стана втора земја по погоденост од пандемијата на Ковид-19 во светот, по САД. Роднините на починатите поставија 100 крстови и 1.000 црвени балони на познатата плажа Копакабана во Рио де Жанеиро во спомен на жртвите на коронавирус.
Фотографии на денот

Освежување од горештините

Германија е зафатена од топлотен бран. Речиси во целата земја температурите се над 30 Целзиусови степени. Тогаш метеоролозите зборуваат за горештини. За тоа е „виновен“ антициклонот Детлеф. Екстремно високите температури ќе траат повеќе од една недела. Разладување се бара на секаков начин! Осумгодишниот Матис од германското место покрент посегна по цревото за вадење на градината.
Фотографии на денот

Опасниот глечер

На италијанската страна на Мон Блан, големи делови на глечер во топење се движат кон блиската долина. Постои ризик од тешко расцепување на мразот. Властите веќе евакуираа 70 лица во регионот. Според експертите, околу 500.000 кубни метри мраз би можеле во лавина да паднат во долината - што е приближно еквивалентно на 200 полни олимписки базени.
Фотографии на денот

Не патувајте во Антверпен!

Поради значително зголемување на бројот на корона-инфекции, германското министерство за надворешни работи предупредува од туристички патувања во белгиската провинција Антверпен со истоимениот пристанишен град. Министерството посочува дека во Белгија и новите инфекции и бројот на смртни случаи од Ковид-19 повторно се зголемува од крајот на јули.
Фотографии на денот

Корона-хигиена во лифт

Куќниот совет на една станбена зграда во индиската метропола Мумбаи со навистина досетливо решение за превенција на ширењето на коронавирусот. Сунѓер на кој се забодени дрвени чепкалки за заби е залепен во внатрешноста на лифтот. Секој кој влегува во лифтот треба со чепкалката да го притисне копчето на катот на кој треба да оди. Чепкалките се разбира се за само една употреба.
Фотографии на денот

Незгодна положба

Пандемијата од циркуските уметници и изведувачите изискува посебни вратоломии: нивните претстави се откажани во многу делови на светот, а така отпаѓа и нивната заработувачка. Во главниот град на Гватемала, артисти од најмалку 30 циркуси бараат поддршка од државата. Оваа акробатка со сопственото тело го изразува она што веројатно многу нејзини колеги го чувствуваат во моментот.
Фотографии на денот

Огнен пекол во Калифорнија

Против ваков огнен ѕид, каков што пустоши на југот на Калифорнија дури и 1.300 пожарникари можат да сторат малку. Речиси 8000 луѓе веќе ги напуштија своите домови во месноста Чери Валеј источно од Лос Анџелес. Во моментов на југозападот на САД и посебно во Калифорнија, посебно силни се злогласените ветришта „Санта Ана“ - а во сувата вегетација, една искра е доволна за катастрофални пожари.
Фотографии на денот

Честит Илинден!

117 години од Илинденското востание и 76 години од Првото заседание на АСНОМ - честит Илинден!
Фотографии на денот

Убавецот Мон Сен Мишел

Убавецот заспива - така веројатно би можела да се нарече оваа #ФотографијаНаДенот, направена во Нормандија. Ридот Мон Сен Мишел во Франција е местото на кое на карпа е изграден манастирот на Свети Михаил. Тој е на многу ранг листи на најубавите дестинации во светот. Поради пандемијата на коронавирусот, ова туристичко светилиште беше затворено за посетители. Сега повторно ги отвори вратите.
Фотографии на денот

Колачи за Курбан Бајрам

Кога е празник, трпезата, по можност, треба да е богата. Овој човек подготвува печива за Курбан Бајрам во мала традиционална пекарница во Кабул.Во Авганистан поради големиот исламски празник на сила стапи тридневен прекин на огнот. Граѓаните се надеваат дека тој ќе продолжи, со оглед на најавите на претседателот Ашраф Гани и на талибанците дека по празникот сакаат да почнат со мировни разговори.
Фотографии на денот

Улични блокади во Бугарија

Протестите во Бугарија ескалираат со улични блокади. Демонстрантите кои веќе три недели бараат оставка на владата блокираа многу големи улици и важни раскрсници во Софија. Освен тоа, блокиран беше и мостот на Дунав кон Романија кај Русе. Протести имаше и во Пловдив, Варна, Бургас... Демонстрантите ја обвинуваат владата за корупција и зависност од олигарсите.
Фотографии на денот

Подготовки за Курбан Бајрам

Исламскиот празник на принесување жртва Курбан Бајрам е еден од најзначајните празници во исламот. Според традицијата, секое семејство треба да заколе животно на ритуален начин. Во главниот град на Сенегал, Дакар, цените на овците и јагнињата пред празникот се искачуваат и до 7000 американски долари. На нашата #ФотографијаНаДенот младиот овчар во Дакар сака претходно да ја искапе овцата во морето.
Фотографии на денот

Болни шуми

Сѐ повеќе дрвја во германските шуми мора да се сечат поради тоа што се нападнати од штетници. Според Сојузниот завод за статистика, од 2017 до 2019 година количеството на дрвја кои биле пресечени поради напади од штетници се зголемило од 6 на 32 милиони кубни метри. Дрвјата се ослабени, односно особено подложни на напади на штетниците, поради сушата и фазите на горештини во последните две години.
Фотографии на денот

Казна од илјада евра за неносење маска

Со драстични казни во борба против короната - оној кој во италијанскиот регион Кампанија не носи маска во затворени простории и во јавниот сообраќај, ризикува казна од илјада евра. Првите остри казни се веќе изречени на сопственици на бар и фризерница во Салерно. Трговците кои нема да ја спроведуваат обврската за носење маски, ќе бидат соочени и со затворање на дуќаните во период од 5 до 30 денови
Фотографии на денот

Молњи над Големото јаболко

Жителите на Њујорк доживеаја вистински светлосен спектакл на небото на градот. Силно невреме ја погоди американската метропола. Светскиот трговски центар, највисоката зграда во САД, притоа во повеќе наврати беше погоден од молњи. Оваа импресивна сцена од ударот на молња во облакодерот ја вековечи еден локален фотограф - навистина спектакуларен мотив.
Фотографии на денот

Кино на вода

Во Париз, деновиве започна "Cinema Sur L'Eau"- Киното на вода. За да уживате во оваа невообичаена кино-вечер на реката Сена, при која патем, со оглед на пандемијата, без проблеми се одржува физичка дистанца, дури и не мора да имате сопствен брод. Имено организаторите изнајмуваат 38 електрични чамци.
Фотографии на денот

Чевли како опомена од Ковид-19

Овие болнички чевли не лежат случајно пред Капитолот, седиштето на американскиот Конгрес во Вашингтон. Најголемата организација на медицинскиот персонал на САД ги постави чевлите за да предупреди на поголема заштита на медицинските сестри, болничарите и негувателите од последиците на Ковид-19. Преку 160 чифта чевли ги претставуваат исто толку нивни колеги кои починале од болеста досега.
Фотографии на денот

Перфектни кулиси

Не, ова не е француска Прованса, туку Јапонија! Бидејќи и во префектурата Фурано Хакаидо во јули цутат полињата на лаванда - и ги пленат бројните посетители со нивниот нежен мирис и интензивна боја. Младите исто така сакаат да дојдат овде - и да направат совршено селфи во рурална идила. Кој сака, можете да резервира и 15-минутна тура низ полињата.
Фотографии на денот

Дооолга редица

Оваа фотографија е направена во Пекинг, каде многу фанови на производите на Епл и покрај пандемијата на коронавирусот едноставно не сакаа да го пропуштат отворањето на новата продавница во населбата Санлитун. Влез во продавницата беше можен само со физичка дистанца, заштитна маска и измерена телесна температура. Колку долго, тогаш, мораше да чека последната личност во редицата?
Фотографии на денот

Што е поризично?

Полицијата го забрани 70-то годишно натпреварување во скокање од Швањскиот мост кај Ѓаковица на Косово затоа што на гледачите не се придржуваа кон правилото за одржување на физичка дистанца. Овој скокач во знак на протест поради одлуката на полицијата изведе скок од 22 метри високиот мост. Прашање е дали е поопасна неговата акција - или стоењето во големото толпа луѓе под мостот.
Фотографии на денот

Никогаш поблиску до Сонцето

Ова е најпрецизен поглед на Сонцето и прва снимка на вселенската сонда Орбитер која во февруари ја испрати ЕСА. Фотографиите направени на оваа бранова должина ја прикажуваат горната атмосфера на Сонцето, короната со температура од околу еден милион степени. Станува збор за голем подвиг, зашто Сонцето и на оддалеченост од 42 милиони километри уште зрачи со 500 степени Целзиусови.
Фотографии на денот

Миризливото богатство на Прованса

Расцветани полиња со лаванда со прекрасна виолетова боја, до каде стига погледот, прекрасна глетка во Пуимуасон, во регионот Прованса-Алпи-Азурен Брег во Франција. Овде традиционално се одгледува ова ароматично растение од кое со дестилација се добива етерично масло кое пак се употребува во козметичката индустрија и фармацијата. Од исушените цветови на лаванда се вари и вкусен и лековит чај.
Фотографии на денот

Бетовен на поле со пченка

На поле покрај баварското езеро Амерзе, земјоделците Корина и Ули заедно со тим од 15 луѓе направиле лавиринт со предимензиониран лик на познатиот композитор Лудвиг ван Бетовен. Инспирација за овој потфат им била 250-годишнината од раѓањето на овој музички гениј. Полето било посеано уште во април.
Фотографии на денот

Галактичка заштита од инфекции

Оваа средба изгледа прилично „ вселенска“! Но, не станува збор за астронаути од НАСА, кои залутале на Копакабана во Рио де Жанеиро, туку за Терсио и Алесиа Галдино. 66-годишниот Бразилец страда од белодробна болест и мора да се штити од инфекции. Тој и неговата сопруга, заради штос, специјалната заштитна облека ја прекроиле малку за да личи на астронаутска.
Фотографии на денот

Лебдење во воздух?

Не, ова е само фотографски фатен моментен сегмент од гимнастичка вештина на човек на плажа во градот Газа, центар на густо населената истоимена палестинска област на брегот на Средоземно Море. Во петокот во овој регион, кој се наоѓа под израелска блокада, беа олабавени рестрикциите поради пандемијата на коронавирус. Во Израел пак започна втор бран на Ковид-19 и се воведуваат построги ограничувања.
Фотографии на денот

Баварски бранови

Велосипедската патека во селцето Кирхдорф, недалеку од Минхен, е долга 2 километри и чинела дури 3,3 милиони евра. Испаднала брановита, со пет вештачки „ритчиња“ на 500 метри. Надлежните тврдат дека не е грешка – патеката е изградена пониско од патот за да се заштеди, а височините се наопходни за тракторите да можат преу патеката да стигнат до нивите. Може да стане атракција за велосипедистите.
Фотографии на денот

Златна заштита од Ковид-19

Индија е на третото место на листата на најпогодени земји од коронавирусот со преку 700 илјади инфицирани лица. Посебно погоден е градот Пуне. Локалниот бизнисмен Шанкар Курхаде ја почитува мерката за носење на заштитна маска со доза на екстраваганција. Неговата маска е направена од злато, тешка е 50 грама и чини 3870 американски долари.
Фотографии на денот

Акробатски протест на 3000 метри

Изведувачката уметност е една од најпогодените од строгите мерки за справување со коронавирусот ширум светот. Уметниците се борат за „голо преживување“ и протестираат на досетливи начини. Акробатката Шила Николоди со други колеги, таа подготви протестен спектакл на еден швајцарски глечер на 3000 метри надморска височина.
Фотографии на денот

Вухан во кризен режим

И повторно е погодена централната кинеска метропола. По карантинот поради коронавирусот на почетокот на годината кинескиот град Вухан сега страда од последиците на поројните дождови. По излевањето на реката Јангце во градот е проглесена тревога од втор степен.
Фотографии на денот

Невести на протест

Невести облечени во нивните венчаници протестираат пред прочуената фонтана Треви во Рим поради одложувањето на нивните венчавки и свадби поради корона-рестрикциите.
Фотографии на денот

Роденденска забава

И пандите сакаат торта за нивниот роденден. Јуан Заи наполни седум години во зоолошката градина во Тајпеј. Нејзините родители станаа познати преку т.н. „панда дипломатија“ меѓу Кина и Тајван.
Фотографии на денот

На дистанца од Ван Гог

Постојат многу актуелни причини за строгите правила за физичка дистанца во изложбените простории, на кои музеите и галериите мора да реагираат креативно. Таков пример е и оваа мултимедијала изложба во канадската метропола во Торонто, на која посетителите на треба да ја визуелизираат туку можат и да ја почувствуваат агонизирачката осаменост на големиот холандски уметник- Винсент ван Гог.
Фотографии на денот

Меркел првпат фотографирана со маска

Прашањето со носењето маска е решено - германската канцеларка Ангела Меркел е првпат фотографирана со заштитна маска. Таа носи маска со логото на германското претседателство со ЕУ.
Фотографии на денот

Русите прифатија уставни промени

На референдумот засенет со обвинувања за манипулации, граѓаните на Русија го прифатија новиот Устав. Критичарот на Кремљ, Алексеј Навални, резултатите ги нарече „огромна лага“. Можноста Путин да владее уште 16 години не им се допаѓа и на многу други граѓани. Оваа жена, која вчера во Москва учествуваше на протестите против уставни промени, носи плакат на кој стои: „Долу царот!“
Фотографии на денот

Голтка оризово вино

Со Националниот ден на оризот во Непал се слави почетокот на сезоната на садење ориз. На овој ден полињата се подготвуваат садење, а селаните се молат за плодна жетва. Многу од нив притоа носат традиционална непалска облека и се честат со по некоја голтка оризово вино. Фестивалот е омилен и кај туристите.
Фотографии на денот

Меркел и Макрон на вечера

Тој ѝ беше прв гостин со кого се сретна лично - германската канцеларка Ангела Меркел во дворецот Мезеберг го прими францускиот претседател Емануел Макрон. Високиот гостин од Париз е првиот странски државник на гости кај канцеларката по пауза од цели три и пол месеци. Поради пандемијата на коронавирусот канцеларката досега имаше само видео-конференции и водеше телефонски разговори.
Фотографии на денот

Половина милион починати од Ковид-19

Забранета зона „Човек“? Пред ЕЦБ се поставени кукли од излог излепени со селотејп-лента. Инсталацијата се вика „Така е како што е“, а дело е на студентот по уметност Јозеф Мезег. Ваквите ленти вообичаено се ставаат на површини кои се забранети за пристап. Тоа сега важи и за човекот. Во време на корона важи правилото „Држи дистанца!“ Досега од Ковид-19 починаа над половина милион луѓе во светот.
Фотографии на денот

На приколка како на плажа

Додека мажот вози со мотоциклот по улиците на Пном Пен, главниот град на Камбоџа, неговата сопатничка се сместила удобно на висечка лежалка на приколката. Жената, држејќи го мобилниот телефон во раката и удобно легната во лежалката, како да е далеку од улиците и бучавата на градот, глетка која асоцира на некоја егзотична плажа.
Фотографии на денот

Искачување по работ на бездна

Околу 500 крави во придружба на искусни сточари ги совладуваат последните пречки пред пристигнувањето на богатите алпски планински пасишта. Стадото се дижи полека и внимателно кон целта, тоа е Енстлигеналп, највисока висорамнина во западните швајцарски Алпи. За на тесната патека вдолж планинскиот раб да ја совладаат стрмнината од 600 метри, им треба повеќе од еден час.
Фотографии на денот

Коцкести лубеници, за цената не прашувајте

Првите годинешни коцкести лубеници стигнаа на пазарот во префектурата Кагава во западна Јапонија. Формата ја добиваат зашто растат во специјални калапи. Можеби се затоа позгодни од тркалезните за сместување во фрижидер, но затоа цената им е прилично солена – 10.000 јена, што е околу 83 евра по парче.
Фотографии на денот

Светлечки повик за помош

Дворецот Сансуси во Потсдам, дел од културното наследство на Унеско, осветлен во црвена боја во рамките на манифестацијата „Ноќ на светлоста“ - повик за спас на културно-организаторската бранша во корона-кризата. Повеќе објекти низ Германија, меѓу кои и Бранденбуршката порта во Берлин, станаа светлечки апели за спас на агенциите за организација на настани, кина, театри, конференциски хотели...
Фотографии на денот

Плажа само за двајца

Една двојка на сончев ден ужива во убавините на езерото Лангвидер во германската покраина Баварија. На оваа #ФотографијаНаДенот снимена со дрон, изгледа како целата плажа да е резервирана само за нив двајцата. Од толкава височина не се гледа кој се сонча, а кој се разладува во водата.
Фотографии на денот

Туширање на плоштад

Деца се разладуваат на оригинална фонтана во Вилнус. Во главниот град на Литванија е невообичаено топло за овој период од годината, во последните денови температурата е постојано над 30 степени Целзиусови. Квартот каде се наоѓа оваа фонтана се вика Северно гратче и во 19 век бил претворен во воен кварт на царска Русија, а подоцна и на Советскиот Сојуз. Сега спаѓа во најмодерните делови на Вилнус.
Фотографии на денот

Предвесници на гладот

Бројни земји во Африка и во Азија покрај со Ковид-19, мора да се справуваат и со наезда од скакулци. Земјоделец во Индија на фотографијава држи шест мртви скакулци во раката. Шест од милиони од кои се состојат роевите. Животните јадат сè што наоѓаат на растенијата - и со тоа уништуваат цели жетви. Ова е катастрофа, особено за луѓето во руралните области кои заработуваат за живот од земјоделството.
Фотографии на денот

Тивок спомен на жртвите од Ковид-19

Коронавирусот продолжува да се шири низ целиот свет. Во Латинска Америка а особено во Бразил, расте како бројот на нови инфекции и така и стапката на смртност. За да им се даде лик на илјадниците жртви од Ковид-19, направени беа овие скулптури од песок плажата во Рио де Женеиро, прочуената Копакабана.
Фотографии на денот

Македонскиот јазик „се враќа“ во училиштето во Љубојно

По повод двегодишнината од потпишувањето на Преспанскиот договор, владата вчера ја обелодени иницијативата за обнова на старото училиште „Димитар Влахов“ во преспанското село Љубојно. Планот е во обновената зграда на училиштето да се формира Центар за грижа и промоција на македонскиот јазик.
Фотографии на денот

Држење дистанца- нацртано

Во овој шопинг центар во Џакарта ништо не му е препуштено на случајот, во борбата против ширењето на коронавирусот. Или подобро кажано, на посетителите им е буквално нацртано каде смеат да стојат на ескалаторот за прописно да одржуваат растојание едни од други. Одржувањето на физичка дистанца е една од главните „заповеди“ во борбата против пандемијата во светот, па така и во Индонезија.
Фотографии на денот

И Оскарот ќе доцни поради коронавирусот

Поради пандемијата на коронавирус, доделувањето на најпрестижните филмска награди во светот во наредната година ќе биде одложено, соопшти Американската филмска академија. Наместо на планираниот датум 28-ми февруари, сега е предвидено 93-та гала-вечер на доделување на Оскарите да се одржи на 25 април. Номинациите за најважната филмска награда во Холивуд треба да бидат објавени на 15 март.
Фотографии на денот

Лисиците на земја

Расизам и прекумерна употреба на насилство? Многу француски полицајци се спротивставуваат на ваквите обвинувања.Тие протестираа во Париз против планираните реформи на полицијата. Притоа бројни патролни автомобили возеа со вклучени сини светла. Некои полицајци ги фрлаа лисиците на земја во знак на протест против плановите на министерот за внатрешни работи Кристоф Кастанер за реформа на полицијата.
Фотографии на денот

Розова сол со вкус на малини

Откако Крим беше анектиран од страна на Русија во 2014 година, солта од Крим веќе не се извезува. Тоа е последица на меѓународните санкции воведени против Москва. Розовата сол има карактеристичен, малку сладок вкус и боја која се должи на алгите Дуналиела Салина. Туристите на Крим се во потрага по добра фотографија од езерото Сасик Сиваш за својот семеен албум.
Фотографии на денот

Крстови на Копакабана поради корона-политиката во Бразил

Во знак на протест поради корона-политиката на бразилската влада и во знак на сеќавање на починатите, на плажата Копакабана во Рио де Жанеиро се поставени 100 надгробни крстови. Во акцијата на невладината организација Рио де Паз за секој крст е ископан и по еден празен гроб. „Ова беше најтешкиот протест во нашата историја“, напиша претседателот на организацијата Антонио Коста на Твитер.
Фотографии на денот

Уништени статуи на Колумбо

На протестите против расизмот и полициското насилство во Сент Пол, Минесота, демонстрантите демонтираа статуа на италијанскиот морепловец Кристофер Колумбо. По смртта на Афроамериканецот Џорџ Флојд, во САД се разгоре дискусија за расната нееднаквост. Домородците во северна Америка го отфрлаат оддавањето чест на Колумбо, велејќи дека неговата експедиција во Америка овозможила колонизација и геноцид
Фотографии на денот

Во очекување на гости

Штарнбершко Езеро се наоѓа на 25 км оддалеченост од Минхен и е едно од најубавите езера во Германија. На езерото е се‘ уште релативно мирно и празно. Од крајот на мај хотелите, затворени поради пандемијата, добија дозвола за повторно отворање, но дури на почетокот на летниот распуст, на крајот на јуни, ќе се види колку туристи навистина ќе бидат „магнетизирани“ од привлечната сила на езерото.
Фотографии на денот

На колена за Џорџ Флојд

Водечките американски демократи во Конгресот клекнаа на колена 8 минути и 46 секунди во знак на сеќавање на Џорџ Флојд. Членови на партијата, меѓу кои и спикерот на Претставничкиот дом, Ненси Пелоси, со тоа му оддадоа чест на Флојд, црнец кој почина откако полицаец белец го држеше притиснат со колено врз вратот 8 минути и 46 секунди.
Фотографии на денот

Тропската бура Кристобал удри на брегот на САД

Тропската бура Кристобал го погоди југоисточниот дел на американската сојузна држава Луизијана, носејќи со себе силен ветер, обилни дождови и опасност од поплави. Кристобал произлезе од бурата Аманда, која претходно во централна Америка однесе 30 животи и предизвика поплави и лизгање на земјиштето. На нашата #ФотографијаНаДенот бран удира во пристаништето во Њу Орлеанс.
Фотографии на денот

„Соба“ со поглед

Уметниците Франк и Патрик Риклин во „спалната соба“ без ѕидови и покрив сместена над Валенското езеро во Швајцарија. Тоа е дел од нивната уметничка инсталација „Zero Real Estate“, во чии рамки во Швајцарија и во Истанбул се поставени седум вакви „соби“ за многу попријатна изолација поради пандемијата на коронавирусот. „Собите“ можат да се резервираат од 1 јули.
Фотографии на денот

На крајот на патот околу светот

Школскиот едреник Седов стигнува во пристаништето во Владивосток, на Пацификот, откако го заврши патот околу светот, кој го започна минатата година. Седов е еден од трите руски бродови кои учествуваа во потфатот на обиколка на светот во чест на 200-годишнината од откривањето на Антарктикот и 75-годишнината од победата во Втората светска војна.
Фотографии на денот

Пица од автомат

Пресно печена пица од автомат, нон стоп 24 часа – со оваа идеја Марко Пелицари, пекар од Аугсбург го погодил „нервот“ и вкусот на муштериите. Бесконтактна продажба - вистински концепт во време на корона. Машините инаку потекнуваат од Италија и во меѓувреме ги има во неколку германски градови. Во апаратот со големина на шкаф на лагер се ставаат околу 80 замрзнати пици.
Фотографии на денот

Напасник со маска

Рускиот уметник Анатолиј Коненко кој изработува минијатури, му ставил маска на устата на препариран скакулец. Овие инсекти не претставуваат само библиска напаст, туку и денес, кога ќе нападнат во огромни роеви, уништуваат посеви и зад себе оставаат оголени површини, што за земјоделците значи огромни загуби и осиромашување, како и опасност од криза со храна и глад.
Фотографии на денот

Селфи кај црвеното солено езеро на Крим

Сасиск Сиваш е најголемо солено езеро на полуостровот Крим, има специфична црвенкасто розева боја поради големиот процент на сол и посебниот вид алги - Dunaliella Salina. Во близина на езерото има солана, а солта која таму се добива и има розева боја, гурманите посебно ја ценат поради специфичната слаткаста нота. Поради санкциите против Русија која го анкетираше Крим, солта не се извезувана Запад
Фотографии на денот

Надеж за нов старт по корона-кризата

Во Венеција, гондолиерите го чекаат сигналот за старт на натамошните ублажувања на мерките во пандемијата. Се надеваат на брзо враќање на туристите, кои потоа сигурно ќе сакаат да уживаат во возењето со гондола. Италија беше особено тешко погодена од пандемијата на коронавирусот, во која досега починаа повеќе од 33.000 луѓе. Земјата сега се надева на нов почеток, особено во туризмот.
Фотографии на денот

Базенот повторно работи

Конечно пливање! На човекот на оваа #ФотографијаНаДенот не му пречеше ладната вода во базенот на Шенбрун во Виена. Во повторно отворените базени во Австрија важат строги правила за одржување физичка дистанца: во водата- едно лице на шест квадратни метри, а на лежалките- едно лице на десет квадратни метри.
Фотографии на денот

Заштитна маска од шишиња за рециклирање

Дали заштитната маска на овој филипински уметник ќе го задржи коронавирусот, е големо прашање. Но во секој случај таа целосно може да се рециклира а и самата е во форма на вирусот. Лирој Њу позира со маска во облик на коронавирусот, која самиот ја направил од пластични шишиња. Со неа уметникот од своето студио во Манила упатува на главната „заповед“ во пандемијата: Држете физичка дистанца!
Фотографии на денот

Риболовот идеален за корона-времиња

Постојат активности кои се чини како да се створени за пандемијата на коронавирусот- на пример, спортскиот риболов.Определено растојание, и без тоа, мора да се држи од колегата риболовец, што секако е една од главните „заповеди“ во борбата против коронавирусот. Освен тоа, човек е во природа, а успехот кога рибата ќе се фати на јадицата е мелем за душата.
Фотографии на денот

Коронавирус на вратот

Златар од Јордан е инспириран од актуелната ситуација и изработува златен приврзок во облик на коронавирус. Ако носењето ваков приврзок некому му е премногу морбидно, кај мајсторот за филигранска изработка на накит може да купи и приврзок во форма на имоџи со маска за заштита на устата и носот.
Фотографии на денот

Зелено-бело-црвено небо над Милано

По повод празникот на Републиката на 2 јуни и во спомен на жртвите од Ковид-19, девет авиони на аеробатската ескадрила „Тробојни стрели“ над северно-италијанските градови Тренто, Кодоњо, Милано, Торино и Аоста, го обоија небото во националните бои. Земјата со повеќе од 230 илјади регистрирани инфекции и близу 33 илјади починати е една од најтешко погодените од пандемијата во Европа и во светот.
Фотографии на денот

Голиот каубоец без публика

Прочуениот плоштад Тајмс Сквер во Њујорк деновиве е главно морничаво празен поради пандемијата на коронавирусот. Но, тој и натаму е тука секој ден- голиот каубоец со гитара.Уличниот музичар Џон Бурк свири на Менхетен уште од 1998 година. Последниве два месеца, во кои градот беше американски епицентар на корона-кризата, оваа њујоршка жива легенда остана без својата публика.
Фотографии на денот

Подготвено за навала- со дистанца

Како и тука на главната плажа во Травеминде, така и на многу други места долж германското морско крајбрежје се беше повторно подготвено за изнајмување на типичните сончеви корпи пред голем наплив на Германци во одморалиштата долж Балтичкото и Северното море по долгата забрана поради пандемијата. Корпите сега се да оддалечени 3,5 метри една од друга и се дезинфицираат пред секое ново изнајмување.
Фотографии на денот

Заштитна маска за глуви лица

Носењето маски оневозможува да се видат реакциите на лицето на соговорникот. На глувите лица веројатно им е најтешко. За нив обврската за носење маски е речиси рамно на драма. Сега од Бразил доаѓа модел на маски кај кој делот кај устата е изработен од проѕирен пластичен материјал. Така глувите лица можат да го гледаат мрдањето на усните на својот соговорник.
Фотографии на денот

Пиво без опасност од корона

Роботи кои точат пиво или сервираат храна - тоа би можело да реши дел од проблемите со короната во гастрономијата. Но, со тоа се губи и шармот на одењето во кафуле или бар. Зашто, роботите и не се нешто расположени за разговори со гостите „за времето и светот“. Овој робот во кафуле во Севилја може да сервира до 600 чаши пиво на час.
Фотографии на денот

Кругови со креда за одржување дистанца

Жителите на Бруклин, во Њујорк, добија помош за уредна посета на паркот „Домино“ во време на корона - кругови нацртани со креда во кои смее да се седи за да се одржува дистанца со соседот. На територија на САД досега има 1.486.367 инфицирани лица, односно една третина од вкупниот број регистрирани случаи во светот. Бројот на починати во САД во меѓувреме се зголеми на речиси 90.000.
Фотографии на денот

Почна Бундеслигата - дресови наместо гледачи

На германските стадиони повторно се игра фудбал! Бундеслигата е прва европска топ-лига која продолжи по корона-паузата. Но, ништо веќе не е исто: топките се дезинфицираат, славјето по постигнат гол е без гушкање, а на трибините нема гледачи. Некаде се ставени макети од картон со ликови на верните фанови, а некаде, како на фотографијава направена на стадионот на ФЦ Келн, на столчињата има дресови.
Фотографии на денот

Кога поштата доаѓа со кајче...

Во Шпревалд, Германија, почна сезоната на доставување пошта со чун – еден месец подоцна од обично поради пандемијата. Веќе 123 години Шпревалд, мочуришна област со речни канали, ги добива поштата и пакетите на овој начин, барем во летните месеци. Поштарката Андреа Бунар секоја недела во селото Леде доставува преку 600 пратки - писма и поштенски картички, како и околу 70 пакети.
Фотографии на денот

Штрковите и промената на климата

Според истражување на Унгарското друштво за орнитологија и заштита на природата, популацијата на бели штркови во земјата во последните 5години е намалена за една четвртина. Освен тоа, порано унгарските штркови за да презимат летале дури до јужна Африка. Сега често презимуваат во Франција или Шпанија. Овој тренд се забележува во последните 10 години. Причина веројатно е промената на климата.
Фотографии на денот

„Најтешкиот бран на светот“

Теахупо - малото, живописно место на брегот на Тахити му е познато на секој сурфер: Брановите кој се разбиваат пред тамошното крајбрежје се огромни, крајно шупливи и моќни - при соодветна морска струја. По 11-дневна пауза, повторно дојде времето: злогласните планини од вода беснееја над гребенот на Теахупо. За сурферите малку слобода во корона-карантинот, кој важи и за Тахити.
Фотографии на денот

Последниот здив на зимата

Секоја година во мај зимата уште еднаш се навраќа на кратко, барем така гласи едно прастаро германско народно верување. Панкратиус (12.05.), Серватиус (13.05.), Бонифатиус (14.05.) и „студената Софи" (15.05.) се „четворицата ледени светци", на чии имендени повторно е можен мраз. Барем годинава, тоа се потврди, последните ноќи во повеќе делови на Германија се регистрирани температури под нулата.
Фотографии на денот

Конечно повторно во теретана, иако со маска!

Во некои германски покраини, меѓу кои Северна Рајна Вестфалија и Баварија, по повеќенеделна пауза поради пандемијата на коронавирус, повторно се отворени фитнес клубовите. Во Келн на пример уште од полноќ пред влезот во теретана во се создаде редица од стотина „жедни" за спорт. За вежбање во теретаните во сила се строги правила, држење растојание, дезинфицирање, тушевите не смеат да се користат.
Фотографии на денот

Трпеза за верверица

На еден балкон во германската покраина Баварија децата, додека престојуваат дома за време на корона-кризата, направиле минијатурна маса и клупа како во пивница. На мала чинија се сервирани ореви и лешници, а тука е и типичната пивска кригла. Една верверица се охрабрила да дојде на балконот и да се почести. Но, се чини дека повеќе од оревите и лешниците ја интересира пивото. Типично за Баварија.
Фотографии на денот

Азурниот брег спроти укинувањето на карантинот

Осамен шетач на прочуената променада на Англичаните во Ница на француската ривиера. Од 17 март во земјата во сила е забрана за излегување поради пандемијата на Ковид-19, која од денеска постепено ќе биде олабавена. Во Франција, која е една од најтешко погодените земји од коронавирусот во Европа, со денови се намалуваат бројките на починати и на заразени.
Фотографии на денот

Тивка прослава на најважниот верски празник

Најголемиот будистички празник Весак, милиони верници во светот годинава мораа да го прослават дома. Поради пандемијата на коронавирусот, сите свечености во чест на раѓањето,просветлувањето и смртта на Буда беа откажани. Весак е најважниот празник во будизмот. На овој ден се слават роденденот на Сидарта Гаутама, неговото просветлување под дрвото на смоква и влезот на Буда во нирвана.
Фотографии на денот

Зоолошките под клуч, животните онлајн

Поради кризата со коронавирусот, зоолошките градини и аква-парковите во цел свет се затворени. Дали е тоа време за опуштање и одмор на животните? Не секаде! Аква-паркот Шинагава во Токио во својата понуда има онлајн-шоу за деца и семејства. Така, пингвините Момо и Омохи преку компјутерските монитори влегоа во домовите на Јапонците.
Фотографии на денот

Заштитна маска со вашето лице

Носењето маска е задолжително во многу земји кои се справуваат со пандемијата на коронавирусот. Така и во Германија...Доминик Клос носи и покажува фото-маски кои ги изработува по нарачка во неговата мала печатница за текстил во Хамбург. Клос среде корона-кризата дојде на идеја со ваквите „маски со сопственото лице“, колку-толку да ја поттикне речиси замрената работа на печатницата.
Фотографии на денот

Танц со визири

Тие се повторно тука - традиционалните танчерки во храмот Ераван во Бангкок. Но, поради коронавирусот танцувањето сега е дозволено само со заштитни визири. Тајланд од почетокот на мај делумно ги ублажи рестрикциите поради Ковид-19.
Фотографии на денот

Спорт на отворено по седум недели

Шпанците повторно уживаат во излегувањето надвор и спортувањето на отворено по речиси седумнеделната строга забрана за излегување поради коронавирусот. По цели 48 дена многу строги правила за движење, оваа дама во Валенсија беше во можност да вежба на отворено.
Фотографии на денот

Угостителите бараат помош

СОС - повикот за помош e напишан со помош на столчиња поставени од угостители на демонстрации во Дрезден. Акцијата „Празни столови“ треба да го сврти вниманието кон проблемите на гастрономите, хотелиерите и организаторите на манифестации поради рестрикциите воведени заради справување со пандемијата на коронавирусот, а се спроведува во 80 градови во Германија.
Фотографии на денот

Мај почнува со дожд

Мај во Германија почнува наоблачен, во делови од земјата дури и со силен ветер и обилен дожд. Иако дневните температури се движат од 11 до 20 степени, не е исклучено во текот на ноќта тие некаде да паднат дури и на нула степени. Би било убаво кога би било поубаво, би рекле некои. Ова лутиче, кое се капе во дожд во парк во Диселдорф, не се жали на временските услови. Тоа едноставно зрачи со убавина
Фотографии на денот

Вештерките од Тале

Ноќта помеѓу 30 април и 1 мај е Валпургиска ноќ. Во Харц илјадници луѓе се собираат на панаѓури, вообичаено во костуми на вештерки или ѓаволи, и го прославуваат доаѓањето на пролетта. Но годинава, поради пандемијата на коронавирус собирите се откажани. Со или без прослава, Пеги Фидлер од работилницата во Тале која произведува кукли вештерки и годинава ги прикажува гордо фигурите од рачна изработка
Фотографии на денот

Маски од автомат

Ги немаше никаде, а сега може да се купат дури и од автомат - овој автомат за маски е поставен на една од железничките станици во Берлин. Оние кои немаат маска, а потребна им е за да влезат во воз, можат да се послужат од автоматот. Цена на една маска - 5,50 евра. Германците имаат целосна слобода во изборот на маска. Дозволено е да се носат и маски од рачно производство, како и шалови и шамии.
Фотографии на денот

Со рикша против коронавирусот

Во Индија е на сила строга забрана за излегување. Но, не сите се придржуваат до тоа. Овој човек во Ченаи, источна Индија, со својата рикша, која ја има преправено во обликот на коронавирусот, се обидува да ја изостри свеста дека треба да се остане дома. Индија на средината од април ги продолжи мерките за изолација за 19 дена.
Фотографии на денот

И куклите носат маски

Од 27 април во јавниот сообраќај во Германија и речиси насекаде во продавниците е задолжително носење маски. Медицинска маска не е неопходна, доволно е да се заштити устата. Предвид доаѓаат и рачно сошиени маски, шалови или шамии. На #ФотографијаНаДенот направена во бутик во Лудвигсбург, Андреа Кинле-Барч ги декорира со маски и куклите во продавницата.
Фотографии на денот

Покрај короната, сега уште и суша

Во цел април во Германија речиси и да немаше дожд, па и водостојот на реката Рајна е низок. Од сувото корито на Рајна погледот на фотографијава се пружа кон катедралата во Келн. Земјоделците во целата земја се загрижени, ова би била трета сушна година по ред, нивните приходи лани делумно беа преполовени. Првиот квартал од оваа година во земјите од ЕУ беше најтопол во последните 100 години.
Фотографии на денот

Рамазан со заштитни маски

Муслимански свештеници се молат во Капштад чекајќи на појавата на Млада месечина, која го означува почетокот на Рамазан. Муслиманите ширум светот, почнаа да го слават празникот, но овојпат во ограничени услови. Поради пандемијата на коронавирус, џамиите во многу земји се празни, верниците се молат дома или на отворено во помали групи.
Фотографии на денот

За секој ден по една маска

Овие седум рачно изработени заштитни маски на фотографијата, за секој ден во неделата по една, се закачени во канцеларија во Фридрихсхафен. Поради коронавирусот, во сите германски покраини, најдоцна од понеделник, 27. април, во јавниот превоз и во продавниците е задолжително носење маски кои ги покриваат носот и устата.
Фотографии на денот

Светлост и сенки

Со 880 метри надморска височина, Фелдберг е највисока точка на планинскиот масив Таунус, од каде што се пружа поглед на јужниот дел од германската покраина Хесен. Затоа не е чудо што многумина, без оглед на опасноста од коронавирусот, тука уживаат во залезот на соцето. Но, кристално чистиот воздух има и своја темна страна: влажноста на тоа место е многу ниска, па често се случуваат шумски пожари.
Фотографии на денот

Свадба на дистанца во Вухан

Млада невеста позира на езерото Ист Лејк кај Вухан, град кој долго ќе остане запаметен како место од каде почна ширењето на коронавирусот. Двојката го планирала венчавањето за в лето, но ја одложиле свадбата поради пандемијата. Но сепак оваа криза не е причина да не се организира фото шутинг на невестата - на дистанца од зетот, во очекување на целосно нормализирање на животот.
Фотографии на денот

Кога гондолите пренесуваат храна

Глетката не е толку живописна колку што сме навикнати да биде, кога е во прашање Венеција. Но акцијата е сепак корисна. Хуманитарна организација ги користи венецијански гондоли за пренесување храна на стари и болни лица. две жени од хуманитарна организација им доставуваат храна на старите и болни лица кои не можат да го напуштат својот дом поради страв од инфекција.
Фотографии на денот

Една свеќа за секоја жртва од Ковид-19

Илјадници свеќи светат во градината на Гертруд Шоп: 60-годишната католичка од од едно мало место во германската покраина Тирингија со секоја свеќа сака да ги потсети на жртвите од коронавирусот во Германија. Кон средината на март таа започна со околу 150 свеќи, во меѓувреме повеќе од 4.000 свеќи светат на нејзиниот имот. Со акцијата таа изразува и незадоволство од забраната за јавни богослужби.
Фотографии на денот

Корона-колачи

Овој таблет со разнобојни колачи е снимен во слаткарницата Мас во германскиот град Дрезден. Се продаваат под името „Корона антивируси“.Коронавирусот го доминира нашето секојдневие во секој поглед, па еве стигнува на ваков начин и до храната. Дали кај некого овие „антивирусни“ топчиња со рум и бело чоколадо ќе го поттикнат апетитот или ќе имаат спротивен ефект?
Фотографии на денот

Лалиња за во отпад

Колку и да е убаво ова поле со лалиња - цвеќињата годинава не се ништо повеќе од прекрасна кулиса за фотографии. Трговијата со овие цвеќиња е речиси целосно прекината поради кризата со пандемијата на коронавирусот. Оваа фотографија е направена во германската покраина Северна Рајна-Вестфалија. Од другата страна на границата, во Холандија, пак, дури веќе не е возможно ни фотографирање.
Фотографии на денот

На гласање со маска и пластични ракавици

Среде пандемијата на коронавирусот во Јужна Кореја на 15.04. се одржаа парламентарни избори. Гласањето се одвиваше со посебни заштитни мерки. Јужна Кореја важи за една од земјите која добро се справува со пандемијата на коронавирусот, преку агресивно следење на синџирите на инфекција, меѓу другото и со мобилна апликација и преку масовно тестирање.
Фотографии на денот

Социјално дистанцирање или потрага по осаменост

Да се држи растојение од другите е девизата за опстанок во ова време на пандемија. На ова езеро во Велс, тоа е лесно да се направи. Местото на брегот се чини дека е намерно избрано. Тука овој човек нема контакт со никого. Односно тој лесно се придржува кон актуелните правила за социјално дистанцирање, кои важат и во Велика Британија, која е особено тешко погодена од пандемијата на Ковид-19.
Фотографии на денот

Сам во црква- па сепак не сосема сам

Католичкиот свештеник Жонатан Коста е сам на Велигденската богослужба во црквата Сантуарио Дом Боско во Бразилија. Но тој е сам ... само на прв поглед. Имено ка клупите во црквата има фотографии од верниците. Ваквите богослужби за Велигден, кои се емитуваат на интернет , може да им помогнат на оние што се чувствуваат осамено во изолација поради пандемијата на коронавирусот.
Фотографии на денот

Велигденска поддршка за здравствените работници

Нашата #ФотографијаНаДенот овојпат доаѓа од Саутборн, Велика Британија. Огромниот зајак е поставен од станарите на зградата во знак на поддршка на британските здравствени работници кои се на првата линија на фронтот против Ковид-19.
Фотографии на денот

Црква претворена во импровизирана болница

Англиканската катедрала во Менхетн, Њујорк, е претворена во импровизирана болница за најмалку 200 пациенти. Освен тоа, дел од просториите на црквата се отстапени за медицински персонал. Една од најголемите цркви во светот изградени во готски стил сака во корона-кризата да и’ помогне на заедницата и да стои на располагање како прибежиште во тешки времиња. Њујорк е епицентар на корона-кризата во САД
Фотографии на денот

Со полициски дронови во корона-акции

Полицијата во Холандија со дрон на којшто има прикачен мегафон ги контролира луѓето и од нив бара да го почитуваат барањето за социјално дистанцирање. Дронот на оваа фотографија се употребува во Херлен, обично на паркинзите и местата околу булеварите со цел да се спречи ширење на инфекцијата со коронавирус. Вакви дронови полицијата употребува во неколку европски земји.
Фотографии на денот

„Полна“ црква и богослужба со стримување

Богослужби во празна црква веќе нема. Свештеникот Јоахим Гизлер во Ахерн, во германската покраина Баден Виртемберг, мораше да смисли нешто посебно, зашто во време на пандемијата на коронавирусот се забранети и собири во верските објекти. Верниците сепак се присутни, но во форма на испечатени селфи-фотографии. Верниците можат да ја следат богослужбата во живо преку стримување.
Фотографии на денот

Луѓето во карантин, животните на улица

Забрани за излегување и препораки да се остане дома поради коронавирусот има во многу европски земји. И додека луѓето се затворени, на улиците може да се видат пешаци од друг вид, како на пример овие патки во Брисел. Конечно доволно места за прошетка, си помислиле веројатно тие додека спокојно ги водат своите малечки во обиколка.
Фотографии на денот

Љубов со граници во време на корона

На границата помеѓу Германија и Швајцарија, затворена поради пандемијата, сега е поставена и втора ограда, со цел вљубените двојки да не се приближуваат. Саканиот или саканата на зелената граница помеѓу Констанц и Кројцлинген сега може да се види само на оддалеченост од два метра. Откако беа затворени границите, овде имаше една ограда, па двојките доаѓаа до оградата и стапуваа во директен контакт.
Фотографии на денот

Ограда за подароци - помош во корона-криза

Огради за ситни донации во цела Германија има одамна, но посебно се заживеани во сегашната криза со коронавирусот. Секој кој има нешто отповеќе или сака да донира за најранливите категории граѓани: животни продукти, производи за хигиена или облека, може да го обеси спакувано во кеса или торба на оградата. Бездомниците и сиромашните во секое време можат да земат нешто од тоа.
Фотографии на денот

Самокрунисување во време на коронавирус

Претседателот на Здружението на производители на шпаргли (аспарагус) во јужен Хесен, Ролф Мајнхарт, клечи на пропишано растојание од Саскија Кинцер од Дармштат, годинешна кралица на шпарглите. Таа мораше да се круниса сама себе си поради правилата за дистанцирање кои важат поради пандемијата на коронавирус. Изостана и големата фешта која се одржува традиционално секоја година, собири се забранети.
Фотографии на денот

Љубов во време на коронавирус: Двојката која се среќава преку граница

Пандемијата на коронавирусот предизвика многу ограничувања и проблеми за луѓето. Но Инга од Данска и Карстен од Германија не се предаваат. И покрај затворената граница тие наоѓаат начин да се гледаат. Секој ден, 85-годишната Инга Расмусен, и 89-годишниот Карстен Хансен се среќаваат на границата за да помуабетат, да ручаат, да се напијат кафе или Геле Ком- популарен пијалок во регионот.
Фотографии на денот

Аматерски фризер во Оксфорд

Косата израстува се подолга, а фризерските салони насекаде се затворени поради кризата со коронавирусот. Нема друга опција, човек ја зема работата во свои раце. Сцена како од Азија во срцето на Велика Британија: момче го потстрижува својот пријател на покривот на фризерски салон во Оксфорд, затворен поради пандемијата на коронавирус. Тешко е единствено со предвидената дистанца од 1,5 метри.
Фотографии на денот

Паркинг за спиење во корона-криза

Бездомници во Лaс Вегас спијат на паркинг просторот на Кешман-центарот, секој во својот обележан квадрат. Градските власти се обидуваат вака да одржат дистанца меѓу луѓето и да спречат натамошно ширење на коронавирусот. САД се инаку земја со најголем број регистрирани случаи на коронавирус во светот.
Фотографии на денот

Корона-кацига

Во борбата против коронавирусот Индија воведе најголем карантин во светот. 1,3 милијарди луѓе мора да останат дома, а полицијата против прекршителите спроведува главно остри а понекогаш и досетливи мерки. Полицискиот инспектор Раџеш Бабу избра соодветна кацига за дежурство на контролен пункт во Ченај, метропола на југоисток во Индија, им објаснува на моторциклистите зошто не можат да поминат.
Фотографии на денот

Папата сам на молитва за пандемијата

„Нашите плоштади, улици и градови се обвиени со голем мрак...Ни стана јасно дека сите сме во ист чамец, сите слаби и без ориентација, но сите еднакво важни и неопходни, зашто сите сме повикани да весламе заеднички“, рече папата Франциско, кој им оддаде чест на сите кои работат на надминување на кризата. Благословот го даде на најцрниот ден за Италија во корона-кризата, на кој починаа 969 луѓе.
Фотографии на денот

Рози во изобилство, за жал

Со нив би требало да се изрази нежност и да се израдуваат луѓето на кои им се подаруваат. Но, белите рози на фармата „Блис Флора“ во Кенија би можеле да завршат во отпад пред да бидат продадени. Европскиот пазар за цвеќиња се распадна како последица на корона-кризата. Транспортот на цвеќе станува невозможна мисија. Само во „Блис Флора“, секој ден се собираат околу 120.000 рози за извоз.
Фотографии на денот

Цутењето на црешите и коронавирусот

Јапонците не можат да му одолеат на раскошот на расцутените цреши и покрај опасноста од Ковид-19. Илјадници луѓе деновиве согласно традицијата, која потекнува уште од 12. век се собираат под крошните на штотуку процутените црешови дрва за да уживаат во нивната убавина. За тоа сведочи и оваа #ФотографијаНаДенот направена во паркот Уено во Токио.
Фотографии на денот

Свадба без гости

Прослава на големиот ден без семејството и пријателите? За многумина тоа едноставно беше незамисливо - сè до пандемијата на коронавирусот. Koj ja испланирал својата венчавка во следните неколку недели, за жал ќе мора да го направи тоа без голема прослава - впрочем како и Џастин и Jуле Николас од германскиот град Визбаден. Сите нивни планови беа поништени и двојката сама отиде во матичната служба.
Фотографии на денот

Скапоцена тоалетна хартија

Психолозите не можат да објаснат зошто токму тоалетната хартија е толку барана во кризата со коронавирусот. Луѓето оваа недоумица ја решаваат со шеги. Така во Берлин се појави графит на кој е насликан Голум, ликот од трилогијата „Господар на прстените“ како ги изговара неговите прочуени зборови „Моја скапоценост“. Но тој наместо прстенот од филмот во раката држи една ролна тоалетна хартија.
Фотографии на денот

Силен земјотрес го потресе Загреб

Силен земјотрес од 5,3 степени придружен со уште три помали го погоди хрватскиот главен град. Ударот предизвика голема материјална штета во градот. Оштетена е и катедралата во центарот на градот откако колабираше една од двете кули. Катедралата беше реновирана откако беше тешко оштетена во последниот голем земјотрес во градот во 1880 година.
Фотографии на денот

Коронавирус во Њујорк - балет со заштитна маска

Во време на коронавирус, кога се препорачува социјална изолација и речиси сѐ е замрено, балерината Ешли Монтагју одлучи да танцува. Таа со заштитна маска на лицето танцува на Тајмс Сквер во Њујорк, додека болеста Ковид-19 во градот се шири сѐ повеќе. Њујорк е еден од најпогодените градови од коронавирус во САД, бројот на инфекции изнесува околу 4000.
Фотографии на денот

Празни возови поради коронавирусот

Кристина Филипс од Јонкерс, САД, седи сосема сама во возот за Хадсон и чека на поаѓање од Централната станица во Њујорк. Надлежните од Метрополитен Транспорт велат дека се соочуваат со „финансиска катастрофа“ поради тоа што бројот на луѓето кои патуваат секојдневно до работното место и бројот на другите патници е драстично намален. Секој кој може да остане дома, во време на коронавирусот е дома.
Фотографии на денот

Сакам да останеш дома!

„Сакам да останеш дома!“ стои на постерот кого го фотографира жена во Барселона. Бројот на инфицирани со коронавирус во Шпанија се зголеми на над 4000. Досега починаа 309 лица. Шпанската влада прогласи вонредна состојба како дел од мерките против ширење на КОВИД-19. Во светот досега се регистрирани 175.530 инифицирани. Најголем број жртви има во Кина - 3213, потоа во Италија - 2158 и Иран - 853.
Фотографии на денот

Останете дома!!!

Германија, колебливо, а некои вирулози во земјата велат и задоцнето, воведува силни ограничувања во секојдневниот живот во обидот да се забави заразата со коронавирусот. Властите и експертите апелираат да не се излегува од дома. Значи сѐ уште станува збор за апели, за разлика од многу земји, каде властите одредија забрана за излегување од дома, освен за купување храна, лекови и одење на работа.
Фотографии на денот

Ким Јонг Ун - отпорен на коронавирус?

Генералите на севернокорејската армија не само што мора да ја штитат земјата од западните непријатели, туку и себе си од коронавирус. Високи офицери на војската на воени маневри носат заштитни маски за уста, иако како што се гледа на фотографијата, не сите ги ставиле правилно. Изгледа дека само на лидерот Ким Јонг Ун не му е потребна заштита. Можеби е отпорен на вирусот?
Фотографии на денот

Балкон на небото

Њујорк има нова атракција: Застаклената платформа „Раб“ како некој клун се издига од облакодерот „30 Хадсон Јардс“ со 100 ката. Од вчера на посетителите им е официјално дозволен пристап до новата платформа „на небото“, која такаречи „виси во воздух“ и пружа прекрасна и незаборавна глетка врз Менхетен.
Фотографии на денот

Епидемијата во Кина попушта

Нареден според боите на болничките униформи, медицинскиот персонал на привремена болница во жариштето на епидемијата на коронавирусот во Вухан го слави затворањето на установата. Во регионот Хубеи беа подигнати 16 привремени болници. Во милионскиот кинески град Вухан дел од претпријатијата, оние кои се важни за глобалните индустриски синџири, повторно почнуваат со работа.
Фотографии на денот

Супер Месечина

Супер Месечина синоќа над нашата планета и во прeден план авион кој полетува од франкфуртскиот аеродром - спектакуларна глетка. Супер Месечина е појава кога Месечината се наоѓа на најблиското растојание од Земјата во својата елипсовидна орбита - што резултира со малку поголема од вообичаената очигледна големина на лунарниот диск гледано од Земјата.
Фотографии на денот

Предвесници на пролетта

Во многу делови од Германија се навестува пролетта со нејзините раскошни бои.Така е и на оваа ледина полна со ранопролетното цвеќе шафран во Зигерланд- впечатлива игра на боите. Без оглед што моментно можеби не` преокупираат други поважни работи, секогаш се исплаќа да се погледнат и убавите нешта.
Фотографии на денот

Страдаат и најмалите

Бегалската криза на турско-грчката граница влегува во втората недела. Додека на копнената граница и натаму има илјадници мигранти, Турција веќе не дозволува бегалците по морски пат да преминуваат на грчките острови. Бебето на оваа фотографија направена во селото Скала Сикаминијас на Лезбос беше во последните чамци со мигранти кои успеаја преку Егејско Море да пристигнат од Турција,
Фотографии на денот

Уморен како пес

На оваа пудла ѝ е потребна кратка пауза. Имено, не е лесно да се настапува на најголемата изложба на кучиња во светот, која веќе 129 години се одржува во градот Бирмингем во Велика Британија. Првата награда на изложбата „Crufts“ важи за најважно признание за одгледувачот и неговиот пес.
Фотографии на денот

Традицијата и коронавирусот

Јужна Кореја е една од земјите кои се најсилно погодени од коронавирусот. Но, животот тече натаму а луѓето се прилагодуваат. Чуварот пред палатата Кјонбокунг во јужнокорејската престолнина Сеул, како што може да се види на оваа #ФотографијаНаДенот повеќе не носи само традиционална униформа, туку сега основен дел од опремата е и заштитната маска.
Фотографии на денот

Летечки трабант

Трабант- култниот автомобил од поранешната Германска Демократска Република е важен дел од новата атракција во Берлин. Реплика на трабантот или како што Германците милуваат да го нарекуваат „траби“ овие денови виси на сајли веднаш до познатата телевизиска кула во главниот град на Германија. Станува збор за рекламна акција, која веќе ги воодушеви Берлинчани.
Фотографии на денот

Предвесници на пролетта како зрак на надеж

Додека Кина и натаму се бори против епидемијата на коронавирусот, пролетта се најавува со своите предвесници. Како впрочем на оваа #ФотографијаНаДенот на која се гледа патот низ една плантажа за чај во централната провинција Шанѓи. Можеби ова е нешто како зрак на надеж: експертите имено се надеваат дека новиот коронавирус полека ќе исчезнува со растечките температури.
Фотографии на денот

Демони ја протераа зимата

Поради појавата на коронавирус во земјата, македонските власти ги откажаа карневалите во Струмица и во Прилеп. Во соседна Србија, пак, нема инфицирани од новиот вирус и за Прочка традиционално се славеше. На карневалот за Прочка, во костуми направени од тикви, волна, пердуви неженети мажи шетаа по улиците на српското село Лозовиќ.
Фотографии на денот

Мува наместо путер?

Белгиски научници истражуваат дали маснотијата од ларви на инсекти може да служи како замена за путер. Путерот е содржан во многу производи. А тоа е проблем, зашто за кравите е потребна голема количина храна, вода и тие произведуваат гас метан. Поинаку е со инсектите. Од ларви на еден вид мува научниците од Универзитетот Гент во Белгија екстрахирале маснотија и ја употребиле за печење колачи.
Фотографии на денот

Да живеат пабовите!

Поддржувач на кампањата „Да живеат пабовите“ протестира пред парламентот во Лондон во огромна чаша против високиот данок на пивото. На британските пабови им се заканува умирање поради намален број гости. Со 0,33 евра по шише од 0,33 литри, данокот на пиво во Велика Британија е на пример 11 пати повисок отколку во Германија. Петицијата за намалување на данокот на пиво ја потпишаа 200 илјади луѓе.
Фотографии на денот

Стерилизација на кинески начин

Вухан е во карантин поради коронавирусот. На жителите на кинескиот град зеленчук им се носи со мотоцикли. Од безбедносни причини, спакуван е во пластични кеси. Епидемијата на коронавирусот во Кина, според шефот на експертската владина комисија, Жонг Наншан, ќе трае уште долго. „Се надеваме дека до крајот на април ќе го ставиме под контрола ширењето на вирусот“, изјави професорот.
Фотографии на денот

Карневалскиот оптимизам контра коронавирусот

На годинешниот карневал во Рајнската област во Германија „на удар“ на карневалската сатира е новиот коронавирус, кој се чини незапирливо се шири ширум светот, сеејќи неизвесност и страв. Карневалистите во Диселдорф на коронавирусот му го спротиставуваат „карневалскиот вирус“. Но, „петото годишно време“ на безгрижност и славје завршува со т.н „Среда Пепелница“.
Фотографии на денот

Збогување со Коби Брајант

Илјадници луѓе, меѓу кои и супер-ѕвезди, на комеморација во Лос Анџелес се простија од кошаркарската легенда Коби Брајант, кој загина во хеликоптерска несреќа. При падот на хеликоптерот на 26 јануари годинава покрај него и ќерката настрадаа уште седум други лица. На #ФотографијаНаДенот - мурал во Лос Анџелес посветен на Коби и Џана Брајант.
Фотографии на денот

Карневалска „пресметка“ со политичарите

Уличните карневали во карневалските упоришта Келн, Диселдорф и Мајнц привлекоа стотици илјади посетители. Цел на карневалската сатира- и политичари од светската сцена. Низ Келн продефилираа „Светски дрвени глави“: кинескиот претседател Ши Џинпинг, британскиот премиер Борис Џонсон, рускиот претседател Владимир Путин, американскиот претседател Доналд Трамп и севернокорејскиот лидер Ким Конг Ун.
Фотографии на денот

Дигитална фискална сметка

Влегувате, купувате, сметката ја добивате на апликација - тоа е иднината на купувањето, или барем така се надеваат фирмите кои на германскиот пазар вадат апликации за дигитални фискални сметки. Проблемот е само што има многу различни апликации во тест фаза, па решението засега не е баш идеално.
Фотографии на денот

Илјадници луѓе против омразата во Германија

Илјадници луѓе ширум Германија им оддадоа почит на жртвите во нападот во Ханау. Собири имаше во над 50 градови (фото: собирот во Минхен). Претседателот Штајнмајер нападот го оцени како брутален терористички акт и повика на отпор против говорот на насилство и омраза. Во Ханау напаѓач уби 9 луѓе и повреди повеќемина во два шиша-барови. На крајот осомничениот ја убил мајка си, а потоа се самоубил.
Фотографии на денот

Ден на пресечени вратоврски

Во германските градови долж реката Рајна почна уличниот карневал. Според обичајот, на денешниот ден наречен „Вајберфастнахт“ жените ја преземаат власта со „освојување“ на општинските згради преку симболичниот гест: сечење на вратоврските на мажите! Во канцелариите, мажите по правило денеска носат само стари вратоврски, оти знаат што ги очекува.
Фотографии на денот

И кучињата со маски за заштита од корона-вирусот

Заштитна маска не само за луѓето, туку и за домашните миленичиња - овие две кучиња носат маски како превенција од корона-вирусот додека се шетаат низ шопинг-зоната на Шангај.
Фотографии на денот

На удар на бурата Денис

Бурата „Денис“ предизвика поплави, сообраќаен хаос и прекин на електричната енергија во Велика Британија. Стотици летови беа откажани, на југот на Велс беше прогласен највисок степен на аларм поради силните дождови. Најмалку едно лице загина во големата бура. „Денис“ во меѓувреме ја зафати и Франција. Во Бретања, во Сан Геноле, е направена нашата #ФотографијаНаДенот.
Фотографии на денот

Што сонуваат лавчињата?

Родени се кон крајот на декември и сега за првпат се претставени пред јавноста: новите лавчиња во зоолошката градина во Лајпциг. Петте младенчиња напредуваат добро и веќе почнуваат да јадат месо. Кога ќе пораснат, тие ќе бидат преселени во поголем простор во зоолошката градина во овој германски град. Тие се тука засега и во моментов спијат, пссст!
Фотографии на денот

Недела на модата во Њујорк

Букет од рози како украс на главата - розите се од штоф, а креацијата е дел од колекцијата на Марк Џекобс прикажана вчера, на крајот на Неделата на модата во Њујорк. Големото модно шоу годинава помина во знакот на прашањето - дали овој настан сѐ уште е во чекор со времето. Дотолку повеќе што од година во година се намалува бројот на големи имиња од светот на модата кои се присутни во Њујорк.
Фотографии на денот

Знамето на НАТО пред македонскиот парламент

Оваа #ФотографијаНаДенот е белешка за историскиот момент кога припадниците на почесната гарда го креваат знамето на НАТО за време на свечената церемонија пред зградата на парламентот во Скопје, откако пратениците го ратификуваа протоколот за пристапување на земјата кон НАТО. За ратификацијата гласаа 114 од вкупно 120 пратеници, а немаше гласови против, ниту пак воздржани.
Фотографии на денот

Вирусот и Ѕидот

Во Вухан- најсилно загрозениот град од коронавирусот но и во останатите кинески градови во моментов ретко кој шета по улиците, а и кога шета, заштитната маска за лице е речиси обврзувачка. Жената на оваа #ФотографијаНаДенот во една станица на подземната железничка во Пекинг проаѓа покрај постер на Кинескиот ѕид, кој е затворен за посетители од избувнувањето на корона-вирусот.
Фотографии на денот

„Сабине“ ја парализира Германија

Зимскиот оркан „Сабине“ протатне низ Германија. Повеќе луѓе беа сериозно повредени од паднати дрва. Возовите стоеја, стотици летови беа откажани. Искорнатите и паднати дрва и гранки нанесоа и огромни материјални штети, за што сведочи и оваа #ФотографијаНаДенот направена во градот Бохум на западот на земјата.
Фотографии на денот

Качунките и пролетта

Веќе е пролет? Па, не баш. Но, природата е далеку понапред од календарот. Предвесниците на пролетта, качунките, веќе ги разубавуваат ливадите во Германија. Овие убавици се фотографирани на брегот на реката Елба, кај Дрезден. Температурите на почетокот на февруари некаде се искачија и до 15 степени Целзиусови.
Фотографии на денот

Спајдермен се штити од корона-вирусот

Заштитната медицинска маска не изгледа којзнае како, а и двојна заштита е секогаш подобро решение. Ова момченце во Кина едноставно преку маската за заштита си ја облекло и својата Спајдермен-маска за да биде што е можно побезбедно од инфекција со корона-вирусот. Во Кина бројот на жртвите се зголемува и натаму.
Фотографии на денот

Распарчен авион на аеродромот во Истанбул

При слетување на аеродромот во Истанбул, авион со 183 патници и членови на екипажот излета од пистата и се распарчи на повеќе делови. Притоа животот го загубија најмалку три лица, а 179 луѓе се повредени. Гувернерот на Истанбул, Али Јерликаја, изјави дека авионот прво се лизгал на пистата 50 до 60 метри, а потоа од висина од околу 30 до 40 метри паднал во просторот кој лежи пониско од пистата.
Фотографии на денот

Пелоси го искина говорот на Трамп

Минатата година му аплаудираше со потсмев, а сега демократката Ненси Пелоси буквално го искина говорот на американскиот претседател. Доналд Трамп во Конгресот повеќе од еден час ги набројуваше своите политички успеси, а неговата противничка Пелоси потоа му покажа што мисли за неговиот говор за состојбата на нацијата. Таа говорот го нарече „Манифест на невистини“.
Фотографии на денот

„Сакаме слобода, ве молиме помогнете ни“

Стотици луѓе од преполните бегалски кампови на грчкиот остров Лезбос маршираа против условите во камповите и за слобода. Ова дете носи плакат од картон на којшто пишува „Сакаме слобода! Ве молиме помогнете ни!“. Бегалците го напуштија преполниот камп Морија и тргнаа во главниот град на островот, Митилини. По неколку барања на полицијата да се вратат назад, полициските сили употребија солзавец.
Фотографии на денот

Заштита од корона-вирусот

Човек во Хонгконг носи пластично шише на лицето во обид да се заштити што е можно повеќе од корона-вирусот. Во Кина за само еден ден се регистрирани нови 2.800 пациенти инфицирани со вирусот. Со тоа бројот на инфицирани се зголеми на над 17.000. За еден ден и бројот на починати се зголеми за дури 57 лица и сега изнесува 361.
Фотографии на денот

Површината на Сонцето

Златно-портокалови меури кои треперат, стануваат поголеми и така ја менуваат својата надворешност - никогаш досега човекот му се нема толку многу приближено на Сонцето. Снимките се направени со помош на телескопот „Daniel K. Inouye“, најголем соларен телескоп во светот, кој се наоѓа на Хаваи. Она што изгледа како површина од неколку сантиметри се всушност „клетки“ со големина колку две Германии!
Фотографии на денот

Збогум Велика Британијо!

Првпат во историјата на Европската унија една земја ја напушта заедницата - збогум вели Велика Британија. Со нејзиното заминување ЕУ ќе стане помала за 66 милиони жители и ќе загуби околу 5,5% од својата територија. Доколку Велика Британија некогаш повторно сака да стане ЕУ-членка, за неа ќе важат вообичаените критериуми за прием како и за останатите земји.
Фотографии на денот

Последниот чин во драмата Брегзит

Европскиот парламент со големо мнозинство гласаше за договорот за излегување на Велика Британија од Европската унија. На #ФотографијаНаДенот претседателот на Европскиот парламент, Давид Сасоли, по седницата на пратеничката група на социјалдемократите стои среде пратениците од Велика Британија.
Фотографии на денот

Клоца за блискоисточниот план на Трамп

Американскиот претседател Доналд Трамп го претстави својот мировен план за конфликтот на Блискиот Исток и „доби нога“ од Палестинците. На оваа #ФотографијаНаДенот Палестинец минува покрај графити кои се дело на палестински демонстранти, а на кои е прикажан отпечаток од стапало врз лицето на американскиот претседател.
Фотографии на денот

Корона-вирусот стигна во Германија

Во Германија е потврдена инфекција со корона-вирус. Маж од округот Штарнберг, во Баварија, е инфициран со вирусот кој потекнува од Кина, соопштија надлежните здравствени власти. На #ФотографијаНаДенот лаборантка во Институтот за вирологија во болницата Шарите во Берлин сортира проби во рамки на испитувањата на корона-вирусот.
Фотографии на денот

Загина легендарниот Коби Брајант

Кошаркарската легенда Коби Брајант загина во хеликоптерска несреќа. Во несреќата животот го загуби и неговата 13-годишна ќерка Џана и седум други лица. 41-годишниот Брајант бил на пат за кошаркарски натпревар на кој требало да игра ќерка му. На #ФотографијаНаДенот е фатен моментот кога Коби Брајант ги поздрави фановите по својот последен НБА-натпревар во април 2016 година.
Фотографии на денот

Воз над реката

Оваа зима на западот на Германија е невообичаено топла. Од снег нема ни трага, а речиси секој ден има барем неколку сончеви часови. И тогаш на зајдисонце настануваат мотиви како на оваа #ФотографијаНаДенот: над пареата која се крева од реката Рур кај местото Хердеке се протега железнички вијадукт. Првобитно изграден во 1879 година, овој мост бил обновен по Втората светска војна.
Фотографии на денот

Змејовите мируваа поради вирусот од Вухан

Често прославите за дочекот на кинеската Нова Година започнуваат веќе неколку денови порано. Годинава поради заканата од новиот коронавирус во многу места пред сѐ во Кина тоа останаа и единствените прослави...
Фотографии на денот

Вонредна состојба во Вухан

Властите во кинескиот Вухан го забранија целокупниот авионски и железнички сообраќај од градот, додека Кина се бори против ширењето на новиот вирус од кој досега починаа 17 а заболеа стотици лица. Властите уште побараа од жителите на 11-милионската метропола да не го напуштаат градот без конкретни причини. Не возат ниту градските и меѓународните автобуси, подземната железница и траектите.
Фотографии на денот

Илјадниците тапани во Сан Себастијан

Се собираат еднаш годишно во јануари, и ги има илјадници од сите возрасти, маршираат и удираат во тапаните најсилно што можат. „Ла Тамборада“ е фестивал во чест на заштитникот на Сан Себастијан, градот во шпанската провинција Баскија. Со него им се оддава почит и на храбрите Баскијци кои со силно тропање на тавчиња и тенџериња некогаш одамна ги исмевале окупаторските трупи на Наполеон.
Фотографии на денот

Тмурно над Сиднеј

Австралија едноставно неможе да земе здив од екстремните временски непогоди и катастрофи. Силно невреме проследено со огромен град зафати делови од источниот брег на Австралија во последниве два дена. Оваа #ФотографијаНаДенот е направена во Сиднеј непосредно пред налетот на силното невреме кое се случи непосредно по „апокалиптичните“ песочни бури кои ги зафатија областите погодени од суша.
Фотографии на денот

Водици на Волга

Големиот христијански празник Богојавление традиционално значи и пливање по крстот- без оглед колку е ладно. А ретко каде е поладно отколку овде во Волгоград, рускиот град наречен по огромната река на чие крајбрежје се наоѓа. Годинава меѓутоа верниците влегоа во невообичаено топлите води на Волга: температурата изнесуваше само минус три степени.
Фотографии на денот

Родео - во прегратка со бикот

Човекот против животното на традиционалниот тамилски натпревар Џаликат во Индија. Родео во Индија: пред очите на бројни гледачи момчињата се обидуваат да го скротат бикот. Оние кои ќе успеат во тоа, се сметаат за исклучително храбри. Спектаклот е дел од фестивалот Понгал. Се одржува секоја година во средината на јануари и трае четири дена.
Фотографии на денот

Бели лавчиња во Магдебург

Уште немаат имиња, но ветеринарите велат дека се сосема здрави и напредни. Ги добиле и првите вакцини. Неполни два месеци откако се родени, овие младенчиња на бел лав пет пати ја зголемија својата тежина. За Зоолошката градина во Магдебург ова е голем успех, ова е четврти пат да има принова од бел лав. Овде се родени дури 13 лавчиња од овој загрозен вид.
Фотографии на денот

Најдолга торта на светот

Околу 1500 пекари и готвачи во индиската сојузна држава Керала направија торта долга 6,5 километри, десет сантиметри широка и тешка околу 27.000 килограми. Дали е ова доволно за Гинисов рекорд? Гинисовиот комитет уште ја нема објавено својата оценка. Досегашниот рекорд го држеа кинеските пекари од регионот Цикси, кои во 2018 година подготвија речиси 3,2 километри долга овошна торта.
Фотографии на денот

Пупки среде зима

На брегот на езерото Амерзе, во германската покраина Баварија, среде јануари дрво пуштило пупки. Оваа фотографија е направена ноќе, во сјајот на месечината, во близина на местото Шондорф. Како и во цела Германија, и во Баварија годинава владее исклучително блага зима со невообичаено високи температури за овој период од годината, тие во делови повремено достигнуваат и до 15 степени Целзиусови.
Фотографии на денот

Опасна вулканска ерупција на Филипини

Вулканот Таал со денови исфрла пепел, поради што околните места се сосема сиви. Во последниве часови е забележано дека исфрла и лава, а регистрирани се стотина вулкански потреси. Таал се наоѓа на главниот филипински остров Лузон, околу 70 километри јужно од главниот град Манила. Тамошниот аеродром е привремено затворен, откажани се стотина авионски летови.
Фотографии на денот

Победа на стартот на ракометното ЕП

Македонската репрезентација со победа ја започна групната фаза на Европското првенство во ракомет. Во Виена беше совладана Украина со 26-25 (13-10). Најефикасни во македонскиот национален тим беа Кире Лазаров, кој со гол во последните секунди ја донесе и победата, како и Дејан Манасков, кој постигна шест гола. Меѓу хероите на вечерта се вбројува и одличниот голман Никола Митревски.
Фотографии на денот

Рани од пожарите

Посумот со изгореници добива помош од волонтер во Меримбула, Австралија. Тој е само едно од милионите повредени животни во катастрофалните пожари, во кои досега, според податоците на Светскиот фонд за заштита на природата, загинаа 1,25 милијарди животни, притоа не сметајќи ги тука инсектите и некои безрбетници, како и жабите.
Фотографии на денот

Паричка за среќа

Стави пари во туната и помоли се за среќа - во храмот Нишиномија, Јапонија, тоа се прави секогаш на почетокот на Тока Ебису фестивалот (9-11 јануари). Ебису е божество на риболовот и економскиот просперитет. Во храмот Нишиномија, посветен на Ебису, секоја година луѓето ставаат пари во туната, овојпат тешка околу 200 килограми и долга околу 2 метра, во надеж дека ќе имаат напредок во новата година.
Фотографии на денот

Авионска несреќа во Техеран

Фотографија која сведочи за една голема трагедија - во близина на аеродромот во Техеран се урна украински авион и притоа загинаа сите 176 патници и членови на екипажот. Боингот 737 на авиокомпанијата Украина Интернационал, според изјава на шефот на иранските спасувачки сили, се запалил непосредно по полетувањето од Техеран.
Фотографии на денот

Честит Божик!

Фотографија направена во Соборниот храм во Скопје. Верниците го прославуваат Христовото раѓање и си посакуваат здравје, успех и среќа, а порака до нив традиционално упати архиепископот охридски и македонски, како и голем број политичари. „Да го чуваме тоа што е наш идентитет - и духовен и национален“, порача во својата божиќна порака поглаварот на Македонската православна црква, г.г. Стефан.
Фотографии на денот

Уништена статуа на Ибрахимовиќ

Статуата на шведската фудбалска ѕвезда Златан Ибрахимовиќ, поставена пред стадионот на Малме ФФ, е повторно уништена. Ибрахимовиќ потекнува од Малме и своите први години како професионален фудбалер ги помина во Малме ФФ. На крајот на ноември минатата година тој најави дека ќе стане сопственик на акции во стокхолмскиот клуб Хамарби ИФ, што предизвика голема лутина во Малме.
Фотографии на денот

Змеј на мраз

Во Кина со векови постои традиција на трки со „змејски чамци“. Но, овие во Шенјанг се на лизгалки и помали од обично, а сепак се чини задоволството е огромно. Клучна улога во „змејскиот чамец“ на мраз игра оној кој го дава ритамот и го мотивира својот тим, тој е „срцето“ на екипата. Трките со „змејски чамци“ во спортскиот регион во североисточна Кина привлекуваат бројни посетители.
Фотографии на денот

Тага по пожарот во зоолошката градина во Крефелд

Во пожарот кој избувна во сместувалиштето за мајмуни веднаш по полноќ во новогодишната ноќ загинаа 30-тина животни- горили, орангутани, шимпанзи...Пред портите на богатата со традиција зоолошка градина во германскиот град, бројни граѓани положија свеќи, цвеќе, писма и плишани животни. Пожарот бил предизвикан од пиротехничко средство, кое е забрането за приватна употреба во Германија.
Фотографии на денот

Среќна Нова 2020!

Со желби за здравје, љубов, радост и среќа до вас драги читатели, тука во редакцијата на македонски јазик на Дојче Веле го започнавме првиот ден од новата година. Нашата #ФотографијаНаДенот е направена во моментите на спектакуларниот огномет над Бранденбуршката капија.Токму во Берлин се одржа најголемата прослава за дочек на новата 2020 година во Германија.
Фотографии на денот

Свечен дочек на 2020

Пацифичките острови Самоа и Кирибати беа првите места во светот кои ја дочекаа новата 2020 година. Во главниот град на островската држава Самоа, Апиа 2020 беше дочекана со спектакуларен огномет. Оваа #ФотографијаНаДенот е направена во Оукленд, Нов Зеланд, и сведочи за еуфоријата на дочекот на Новата година. Оукленд беше првиот поголем град во кој беше дочекана Новата Година.
Фотографии на денот

Подготовки за годината на стаорецот

Годината на свињата полека се ближи кон крајот. Од 25 јануари 2020 година започнува годината на стаорецот. Така барем вели кинескиот календар. За дочекот на новата година на стаорецот се подготвува и морскиот лав на оваа #ФотографијаНаДенот направена во забавниот парк Хакеџима Си Парадајз во јапонскиот град Јокохама. Тој, имено, веќе научи да го напише зборот стаорец со кинеско писмо.
Фотографии на денот

Амазонски папагали летаат низ Штутгарт

Куриозитет на природата среде град - во Штутгарт речиси 30 години живеат на слобода десетици жолтоглави папагали. Посебно во зима, кога дрвјата се оголени, папагалите можат лесно да се забележат. Амазонскиот жолтоглав папагал или папагал со двојно жолто чело, како што уште се нарекува, потекнува инаку од Мексико.
Фотографии на денот

Божиќно капење во Прага

Пет степени над нулата и мраз ладната вода на реката В`лтава не ги одвратија најхрабрите пливачи од Прага од традиционалниот зимски спектакл. Бројни граѓани се нурнаа во водите на В`лтава на вториот ден од Божиќ, а многу поголем број останаа на брегот за да се восхитуваат на глетката.
Фотографии на денот

Помрачување на сонцето

Помрачување какво што ретко се гледа - во големи делови од Азија луѓето се восхитуваа на редок подарок од небото. Месечината се постави помеѓу Земјата и Сонцето и го покри Сонцето, но не комплетно, туку остави светлечки круг. Затоа ова помрачување се нарекува огнен венец. Ова трае само околу две минути, но доживувањето е интензивно, велат оние кои беа сведоци на небесната претстава.
Фотографии на денот

„Раната на Витлеем“

Инсталацијата која асоцира на насилството на Блискиот Исток, тешката ситуација на Палестинците и ѕидовите кои ги подига Израел, се наоѓа во хотелот „Заѕиданите“ во Витлеем, а е дело на уметникот кој работи под псевдонимот Бенкси. Класичната сцена во шталата со фигури на Марија, Јосиф и тукушто родениот Исус и животни, е сместена пред бетонски ѕид со дупка од куршум во форма на Ѕвездата на Витлеем.
Фотографии на денот

Божик во поплавена Венеција

Божик е време кога би требало да се заборават секојдневните грижи, кога се сонува за поубав свет. Но, во Венеција годинава тоа не е можно - градот е повторно под вода. Овој Дедо Мраз морал да облече високи чизми за да прошета низ улиците на Венеција. Светското културно богатство на УНЕСКО со недели страда од невообичаено големи поплави.
Фотографии на денот

Мајка Тереза не може да дише

Статуата на Мајка Тереза во Приштина овие денови доби нов детал - граѓаните и` ставија маска за дишење во знак на протест против загадениот воздух. Приштина е редовно во врвот на листата на градови со најзагаден воздух во светот, а на неа оваа година често се појавуваат и многу други градови од Балкан, меѓу кои и Скопје, Тетово, Белград, Сараево...
Фотографии на денот

Дедо Мраз на камила

Дедо Мраз на санка која ја влечат ирваси - тоа е мотив кој е познат ширум светот. Но, што кога нема ирваси? Според принципот „снајди се“, се користи она што е на располагање. Така, овој палестински Дедо Мраз, инаку актер од Ерусалим, бил креативен и наместо на ирвас, јава на камила. На калуѓерката покрај него тоа, како што се чини, ѝ се допаѓа!
Фотографии на денот

Најдобра УНИЦЕФ-фотографија за 2019

Ова е победничката фотографија на УНИЦЕФ за 2019. Направена е во Манила, а носи наслов „Децата, отпадот и смртта“. Хартмут Шварцбах ја фотографира 13-годишната Вени и други деца кои во морето од отпад секојдневно се обидуваат да пронајдат предмети кои може да ги продадат и да заработат малку пари. Фотографијата отсликува три трагедии: сиромаштија, загадување на животната средина и детска работа.
Фотографии на денот

Вонредна состојба поради пожарите во Австралија

Во австралиската сојузна држава Нов Јужен Велс е прогласена седумдневна вонредна состојба поради „катастрофалните временски услови“. Се очекуваат температури околу 45 степени Целзиусови. Северно од Сиднеј и натаму беснее голем пожар. Оваа коала со своето младенче лежи во зоолошката градина Таронга во Сиднеј, откако беа спасени од пожарот на Модра Планина.
Фотографии на денот

Смог и магла

Фотографијата која доаѓа од Косово, според многу германски медиуми е меѓу најдобрите фотографии на денот. Човек во Приштина се движи низ смогот, кој поради светлоста добива посебна виолетова нијанса. Загадувањето на воздухот на Балканот е огромно деновиве. Во текот на изминатите месеци Приштина беше еден од градовите со најлош квалитет на воздухот во светот.
Фотографии на денот

Џамија на тркала

Невообичаен транспорт - на југоистокот на Турција почна преместувањето на џамија од 15. век. Причина се градежни работи на браната Илису. На местото каде што досега се наоѓаше џамијата треба да се создаде вештачко езеро на реката Тигар. Според наводи на турските власти, за таа цел џамијата ќе биде поделена на четири дела.
Фотографии на денот

Виенски божиќен сон

Во австрискиот главен град во предбожиќниот период осветлено и соодветно украсено е и прочуеното Виенско панорамско тркало. Тоа е изградено во 1897 година по повод 50-годишнина од седнувањето на тронот на царот Франц Јозеф. Оттогаш, тоа стана неизоставен дел од градската панорама.
Фотографии на денот

Подготовки за дочекот на 2020-та година

До преминот во следната година остануваат уште две недели, но подготовките за пречек во светот се одвиваат со полна пареа. Во најомилените цели за дочек на новата година спаѓа Њујорк. Овие светлечки бројки, кои работниците на #ФотографијаНаДенот ги истоваруваат на Тајмс сквер на Менхетен, на 31. декември на полноќ ќе бидат во фокусот на стотици илјади луѓе, кои ќе го слават преминот во 2020.
Фотографии на денот

Ризична мисија на вулканскиот остров во Нов Зеланд

Без оглед на големата опасност од повторна вулканска ерупција, елитна единица на новозеландската војска стигна на Вајт Ајленд и ги најде телата на шест жртви, кои потоа се транспортирани со хеликоптер од островот. Во понеделникот дојде до ерупција на вулканот Вакаари, при што загинаа 16 луѓе, а многумина се повредени, некои од нив имаат изгореници од највисок степен.
Фотографии на денот

Планините се важно природно богатство

11 декември е Светски ден на планините, прогласен од ОН во 2003 г., за да ја подигне свеста за проблемите на планинските предели и да укаже на начините на кои може да се профитира од нив. Тие особено сензитивно реагираат на последиците од промена на климата. Температурите на Алпите на пример растат побрзо од просекот во светот, со катастрофални последици за флората и животот на луѓето и животните
Фотографии на денот

Стоп-Брегзит на планинска турнеја

Ова не е редовна автобуска линија во шкотскиот планински предел кај Глен Коу, туку изборниот автобус на шкотската премиерка, која во борбата по гласови во пресрет на парламентарните избори оваа недела завлегува и до најзафрлениот агол на земјата. Населението во Шкотска е мнозински против излезот на Велика Британија од ЕУ, но сепак можеби ќе мора да ги сноси последиците од Брегзит.
Фотографии на денот

Шарени ленти против бомби

Во демилитаризираната зона меѓу Северна и Јужна Кореја постојат огради. Но, луѓето сепак се надеваат на мир и тоа го изразуваат на пример преку шарените ленти кои ги врзуваат на оградата во паркот Имџингак. Паркот потсетува и на многуте фамилии кои се разделени поради поделбата на двете Кореи. Дали шарените ленти му се допаѓаат и на Ким Јонг Ун на другата страна на границата, е прашање.
Фотографии на денот

Сиднеј - венчавка во жолто

Сиднеј е обвиен со сенишен жолт превез од отровен чад. Чадната покривка над градот станува се` погуста- воздухот во метрополата е веќе опасен по здравјето. Со недели на источниот брег на Австралија беснеат катастрофални пожари, кои сега се споија во „мега пожар“. Пожарникарите се беспомошни. Оваа двојка сепак не сака да се откаже од својата венчална фотографија.
Фотографии на денот

„Џокер“ протестира во Франција

Дали е добра идеја тоа што демонстрантот на протестот во францускиот град Марсеј многу личи на филмскиот карактер? Демонстрантите во Франција имаат сериозни барања и грижи (во прв ред најавената пензиска реформа од страна на претседателот Емануел Макрон) - и чистото насилство не треба да се вбројува меѓу тоа.
Фотографии на денот

Без почит кон кралот

Гордо, златниот елен ги крева своите моќни рогови кон небото: кралот на шумата со право е почестен со статуа во Штудгарт. Но, сите субјекти не му ја искажуваат неопходната почит. Две врани ја чекаат зората во германската метропола. Тие притоа удобно се сместија на роговите на позлатена скулптура на елен, на врвот на зградата на Виртембершкото уметничко здружение (Württembergische Kunstverein).
Фотографии на денот

Танц на небото

Маневрите кои ги изведуваат сколовранците додека летаат во јато се вчудовидувачки. На патот кон југ јатото сколовранци на оваа #ФотографијаНаДенот е во потрага по соодветно место за одмор. Птиците со маневрите кои ги изведуваат всушност се штитат од непријателите- птиците грабливци. Летањето во јато и постојаното движење им отежнува на грабливците да издвојат една жртва.
Фотографии на денот

Колку се здодевни галебите?

Во секој приморски град на западот на Европа ќе видите знак: „Не ги хранете галебите!“ За тоа има добри причини...Прво, галебите знаат и сами да најдат доволно храна. Второт, доколку ги храните, ќе ви додеваат цело време. Може дури буквално да ви се качат на глава!. Како на оваа жена на нашата #ФотографијаНаДенот, која шета покрај Амерското езерто (Амерзе) во германската покраина Баварија.
Фотографии на денот

Смрзнување со причина

Иако е релативно мало, Синото езеро или Блаузе е едно од најпознатите планински езера во Швајцарија. Езерото е настанато на карпа пред повеќе од 15 илјади години, но е откриено пред само 150 години. Од 2016 , пак, традиционално се плива во овој период од годината во студената вода на Блаузе и тоа за добротворни цели. Така беше и годинава а температурата на водата изнесуваше 4,9 Целзиусови степени
Фотографии на денот

Крава со ВР-очила

Руските крави во иднина би требало да продуцираат повеќе млеко со помош на очила за виртуелна реалност и дигитални слики од зелени ливади. Животните, со помош на симулирани полјани и зеленило, можат подобро да се опуштат во текот на студената руска зима. Министерството за земјоделство во Москва смета дека на тој начин ќе го поттикне производството на млеко.
Фотографии на денот

Илјадници земјоделци на протест со трактори

Без земјоделци нема храна и нема иднина - стои на плакатот кој беше еден од многуте на протестот на илјадници земјоделци од цела Германија собрани во Берлин. Тие го блокираа главниот град за да стават до знаење дека со постојаното заострување на прописите за заштита на животната средина и заштита на инсектите и на водата се загрозува нивната егзистенција.
Фотографии на денот

Најтежок земјотрес во Албанија со децении

Во најтешкиот земјотрес што ја погоди Албанија во последните три децении загинаа повеќе лица. Потресот, според наводите на Американската агенција за геолошки истражувања УСГС, имал јачина од 6,4 степени, а епицентарот се наоѓал на 30 километри западно од Тирана, на длабочина од 10 километри. По првиот потрес следуваа уште неколку силни афтершокови.
Фотографии на денот

Стоп за насилството врз жените!

Црвени чевли во Брисел во знак на протест против насилството врз жените - на Меѓународниот ден против насилство врз жените ширум светот се потсетува на жртвите и се бара казнување на насилниците. Според ОН, во 2017-та просечно дневно 117 жени и девојчиња биле убиени од својот партнер или член на семејството. Многу од жртвите биле убиени поради својот статус на жена, љубомора или страв од напуштање
Фотографии на денот

Ќе не` надживеат ли медузите?

Медузите пливаат во океаните подолго од 670 милиони години. Не ги уништиле ни промените на температурите, ниту промената на нивото на кислород во водата. А дали медузите ќе не` преживеат нас, луѓето? Таа дилема ја инспирирала театарската група „Римини Протокол“ за уметничката инсталација на оваа #ФотографијаНаДенот, претставена во Кралската академија на уметноста во Лондон.
Фотографии на денот

Христијанска традиција во Тајланд

На папата Франциско, кој е на турнеја низ Азија, во Банкок му беше приреден прекрасен пречек. Христијаните се малцинство во мнозински будистичкиот, но верски толерантен Тајланд. Папата порача дека христијаните се важен дел од тајландското општество и христијанството: без тајландските католици, на христијанската заедница ќе и` недостигаат „песни, танци и насмевки“...
Фотографии на денот

Божиќни ѕвезди и зимски волшебства

Јарки бои и раскошни листови во форма на ѕвезди кои внесуваат расположение во тмурното годишно доба. Празничната, божиќна атмосфера е веќе присутна. Градинарката во оранжериите во англискиот град Спалдинг е задоволна од годинешните Божиќни ѕвезди (lat. Euphorbia pulcherrima или Poinsettia). Наскоро саксиите со ова цвеќе ќе тргнат кон своите купувачи.
Фотографии на денот

Светски ден на тоалетите

Тоалетите се еден вид табу тема. Во светот 4,2 милијарди луѓе немаат сигурни и хигиенски санитарни простории, а 673 милиони луѓе своите физиолошки потреби мора да ги вршат на отворено - последица се болести како колера, тифус, полио или хепатитис. Една од глобалните цели е до 2030 година сите луѓе во светот да добијат пристап кон безбедни тоалети и чиста вода.
Фотографии на денот

Бегство од огнот со скокови

Пожарите во Австралија стигнаа на неколку десетици километри од Сиднеј, како и до националните паркови. Огнот однесе четири човечки жртви, причинета е огромна материјална штета, а во пламенот настрадаа и голем број кенгури и коали. Овој кенгур од Националниот парк Волеми кај Сиднеј за негова среќа преживеал и сега е во потрага по храна.
Фотографии на денот

Елките доаѓаат

Божиќните елки пристигаат! На нешто повеќе од еден месец пред Божик, елки се поставуваат во центрите на речиси сите поголеми градови во Германија. Оваа елка е висока 22 метри и ќе го краси божиќниот панаѓур во Ерфурт. Во Германија во тек е голема дискусија околу се’ пораното отворање на божиќните панаѓури.
Фотографии на денот

Снежен хаос во Франција

Големи наноси од снег предизвикаа хаос на југоистокот на Франција. Околу 300.000 домаќинства останаа без електрична енергија, а големи проблеми има и во патниот и железничкиот сообраќај. Надлежните велат дека паднал снег во толкави количества што не можат да претпостават кога луѓето повторно би добиле струја.
Фотографии на денот

Панда на компјутерска томографија

Пандата Џиао Кинг во Берлин беше подложена на компјутерска томографија. Седуммина научници и негуватели на животни ја испитуваа мечката тешка 110 килограми која беше под наркоза. Причина за скенирањето: Џиао има два бубрега со различна големина. Сега со испитување на урината и со компјутерската томографија треба да се утврди дали помалиот бубрег функционира како што треба.
Фотографии на денот

Големи поплави во Венеција

Венеција е погодена од најтешки поплави во последните 50 години. Плоштадот Свети Марко е целосно под вода, а водата им нанесе штети и на ѕидовите на базиликата Свети Марко. Градоначалникот Луиџи Бруњаро зборува за „катастрофа“. Сето ова се чини не му претставува проблем на јунакот на нашата #ФотографијаНаДенот. Тој не се откажува од перфектната поза во Венеција, макар и со вода до половината.
Фотографии на денот

Убавата страна на есента

Гранче и листови „облечени“ во иње се сончаат на есенското сонце - фотографија направена во Марктобердорф, во германската покраина Баварија. Ноември со себе носи температури под нулата и тоа е сосема нормално, велат метеоролозите. А, каде има студ, има и мраз и вакви прекрасни уметнички дела на природата.
Фотографии на денот

Куќа потоната во Темза

Групата Extinction rebellion (Бунт против истребување) направи копија на типична англиска куќа со фасада од тули и ја потона во реката Темза во Лондон. Акцијата има за со цел да упати порака до владата дека таа мора повеќе да се грижи за заштитата на климата, или во спротивно она што се случува со макетата, може да стане стварност.
Фотографии на денот

30 години од падот на Берлинскиот ѕид

На 9-ти ноември се одбележа 30-годишнината од падот на Ѕидот во Берлин, настан кој ја промени Европа и светот. Падот на Берлинскиот ѕид беше вовед во повторното обединување на Германија по 41 година поделба на земјата. Оваа фотографија е направена на Потсдамер Плац во Берлин, во судбинскиот ноември 1989 година.
Фотографии на денот

Хонгконг - комеморации за загинатиот студент

На маргините на делумно насилните антивладини протести во Хонгконг, еден 22-годишен студент загинал по пад од гаража при обидот на полицијата да расчисти протестна акција. Смртта на студентот веројатно дополнително ќе ги засили за на викенд планираните протести, продемократските демонстранти повикаа на комеморации за починатиот студент.
Фотографии на денот

Шкотска - подготовка за заминување

На небото огромно јато птици, на земјата пасат овци. Оваа фотографија е направена во селото Гретна Грин во Шкотска. Птиците се спремаат да одлетаат на југ. Ова нема врска со Брегзит, птиците напролет повторно ќе се вратат во Велика Британија.
Фотографии на денот

Борба за преживување

Овој припадник на племето Баре од Бразил се закренал на далечен пат - стигнал дури во Брисел за да укаже на кршењето на човековите права во неговата татковина. Неговата порака е: европските земји би требало да ги преиспитаат бизнисите кои ги имаат со Бразил, посебно трговијата со дрва од тропските шуми. Таа е одговорна дури и за смрт на бројни староседелци.
Фотографии на денот

Каква врска има климата со јајцата?

Големи птици - големи јајца, но улога во бојата игра друг фактор. Во горниот ред се јајца на ној, ему и црвеноврат казуар. Во долниот ред се јајца на рајска птица, на два вида тинаму, а во гнездото е јајце на колибри. Но, зошто јајцата имаат различна боја? Научниците сметаат дека птиците кои живеат во поладните региони имаат потемни јајца, за да впиваат повеќе сончева светлина и да бидат потопли.
Фотографии на денот

Празнување среде отровна пена

Во чест на хиндуистичкиот празник Чат Пуја, посветен на богот на сонцето, овие жени ја носат својата најубава облека. Но, богот изгледа последниве години не е милостив. Ритуалното капење во Јамуна, најголема притока на реката Ганг, е практично неможно - на површината на водата е насобрана отровна пена, предизвикана од индустриско загадување и различен отпад.
Фотографии на денот

„Твојата визија на небото над Берлин“

Што посакувате и на што се надевате? Одговорија 30.000 граѓани на Берлин, а нивните желби и пораки се втиснати на 150 метри долги ленти кои во форма на бран се веат над Бранденбуршката порта во германската престолнина. Уметничката акција „Визија во движење“, организирана по повод претстојната 30-годишнина од падот на Берлинскиот ѕид, го има мотото: „Твојата визија на небото над Берлин“.
Фотографии на денот

Лажни вести како хорор за Ноќта на вештерките

Лажни вести заедно со вампири, врколаци, вештерки и зомби на годишната парада за Ноќта на вештерките во Њујорк. Костумот со лажни вести, кој го носи овој Њујорчанец навистина изгледа еднакво морничаво. Меѓутоа другите костуми на чудовишта се толку користени што едвај да ќе исплашат некого. Ако истото тоа би важело и за насочените лажни вести и дезинформации, тоа сигурно би било застрашувачко.
Фотографии на денот

Пекол во Калифорнија

Во американската сојузна држава горат небото и земјата. Метеоролошка служба на САД предупредува од силни налети на ветер кои би можеле дополнително да ги распламтат постоешките пожари и да предизвикаат нови. За таа опасност сведочи и оваа #ФотографијаНаДенот на која се гледа како силниот ветер го распламтува и разнесува жарот на еден изгорен даб во моментот кога на небото прелетува ѕвезда паѓалка.
Фотографии на денот

Под заштита на хероите

„Музејот на историјата на Украина во Втората Светска Војна“ во Киев потсетува на окупацијата од страна на нацистичка Германија. Дел од трајната поставка се и монументалните бронзени статуи на храбрите борци против окупацијата. Фотомотив, кој привлекува стотици илјади посетители годишно- како девојчето на оваа #ФотографијаНаДенот , која ја искористи можноста да се слика под заштита на хероите.
Фотографии на денот

Чудовиште во Белата Куќа

Навистина се покажа добро тоа што првата дама на САД, Меланија Трамп со себе носеше корпичка со бомбони. Само така таа можеше да го одоброволи страшното чудовиште да не го изеде нејзиниот сопруг. Причината за ваквиот „сладок“ напад врз Доналд Трамп: Сезоната на Ноќта на вештерките веќе започна во Белата куќа, а овие девојчиња во dиносаурски костум успеаја да ги изненадат Трампови. Само за момент.
Фотографии на денот

Резерват за верверички

Бројот верверички во Северен Јоркшир, во Велика Британија, опаѓа, па е прогласено заштитено подрачје заради опоравување на популацијата. Оваа верверичка на #ФотографијаНаДенот живее во резерват, а се однесува како и сите од нејзиниот род - собира резерви од храна за зимата.
Фотографии на денот

Светот се превртил?

На прв поглед изгледа така, барем овде во Баварија. А фактички, капелата и кравите се огледуваат во водата на Хегратзидерско Езеро. Водата на нашата #ФотографијаНаДенот е толку мирна, ниту едно бранче не ја бранува површината за сликата да биде замачкана, па оптичката илузија е комплетна.
Фотографии на денот

Улуру, доаѓаме!

Последна шанса за искачување на најпознатиот мегалит во Австралија - Улуру! Во иднина искачувањето на 348 метри високиот Улуру е забрането. Властите со тоа им излегоа пресрет на домородците Анангу, за кои тоа е свето место. За оние кои нема да ја почитуваат забраната, казната е парична. Годишно во националниот парк Улуру-Ката Тјута доаѓаат околу 250.000 туристи.
Фотографии на денот

Дамата во црвено

Ова е Зорица Реберник со утринското кафе кое го пие во својот „црвен дом“ во Брезе, кај Тузла. Зорица е опседната со црвената боја и не само што самата комплетно се облекува во црвено, туку и во нејзината куќа сѐ е со црвена боја. „Сѐ почна кога имав 18 години“, вели 67-годишната Зорица. Сопругот Зоран не се бунтува, единствено не може да препознае кога неговата сопруга облекла нешто ново.
Фотографии на денот

„Војна“ во Чиле

Оваа #ФотографијаНаДенот доаѓа од Чиле - демонстрант со кловновски нос извикува политички пароли пред запалени барикади. Протестите и незадоволството поради високите животни трошоци не стивнуваат. Претседателот Себастијан Пињера зборува за „војна“. Тој најави реформи во полза на сиромашните граѓани. Во немирите досега загинаа 15 лица.
Фотографии на денот

Студентски обичаи

Пена за бричење не само на лицето, туку по целото тело! Студентите на универзитетот Сент Ендрус, каде студираше и британскиот принц Вилијам, имаат обичај од кој нема отстапување. Традиционално на првиот ден од семестарот постарите студенти ги мачкаат бруцошите со пена за бричење, по што почнува битка со пена. Ритуалот е извонредна прилика за фотографирање.
Фотографии на денот

Најстариот бисер на светот

Ова е веројатно најстариот бисер на светот. Потекнува од неолитот, а откриен е кај Абу Даби. Бисерот е откриен е на островот Марава, кај Абу Даби, во слоеви од почвата кои датираат од 5.800 до 5.600 година пред новата ера, односно од ерата на неолитот. Бисерите во тој период биле скапоцени и се вбројувале во категоријата луксуз, а се користеле за накит.
Фотографии на денот

Улични борби во Барселона

Ескалација на насилство на протестите на застапниците за независност на Каталонија - демонстранти подигнаа барикади во Барселона (18.10.), палеа огнови и фрлаа со камења по полицијата. Полицајците возвратија со солзавец, гумени куршуми и водени топови. Претходно имаше главно мирни протести поради осудата на долги затворски казни на 9 каталонски политичари и претставници на цивилното општество.
Фотографии на денот

Месечината „виси“ над облакодер

Крвавата месечина се прикажува зад One World Trade Center, њујоршкиот облакодер кој е висок преку 400 метри.
Фотографии на денот

Танц на вулкан за нов мандат

Боливискиот претседател Ево Моралес на изборна манифестација во градот Ел Алто изведе традиционален танц. На изборите в недела, социјалистот Моралес се кандидира за својот четврти мандат. Најостар конкурент му е историчарот Карлос Меса. Но, кој во иднина ќе танцува на чело на државата, најверојатно ќе биде одлучено дури во вториот изборен круг, во средината на декември.
Фотографии на денот

Во чест на книгата

Во Франкфурт започна најголемиот саем на книги во светот. На него се присутни околу 7450 излагачи од преку 100 земји. Минатата година имаше 285.000 посетители. Првпат на саемот свој посебен простор добиваат аудио книгите и подкастите. Почесен гостин на Франкфуртскиот саем на книгата годинава е Норвешка.
Фотографии на денот

Орел го документира топењето на глечерите

Деветгодишниот орел Виктор кружи над Алпите со задача: камерата од 360 степени на неговиот грб го бележи топењето на глечерите. Виктор тргнува секогаш од врвот и полека се спушта кон својот дресер. Фондацијата „Орелски крилја“ (Eagle Wings) на овој начин сака да им укаже на луѓето на последиците од климатските промени.
Фотографии на денот

Сѐ поретка глетка

Верверичката на #ФотографијаНаДенот направена во Шкотска собира храна за зимата. Евроазиската верверица, со црвено или темно кафеаво крзно, не се гледа често на британскиот остров, бидејќи сѐ посилно е потисната од сивата верверица. Северноамериканската роднина беше донесена во дивината во јужна Англија околу 1870. Таа со себе донесе вирус на кој е имуна, но не и домашниот вид верверица.
Фотографии на денот

Супертешка категорија

Посетителите на „Пампкин фестивалот“ во канадската провинција Онтарио секоја година во ова време можат да ги видат најголемите тикви на годината.Добро светнати и убаво презентирани- такви се тиквите кои производителите ги имаат изложено на традиционалниот фестивал во областа Брус. Но сепак најважна е големината. А тиквите тука навистина се огромни. Досегашниот рекорд изнесува 851 килограм.
Фотографии на денот

Пред изумирањето

Седум денови акција- таков е планот на заштитниците на климата ширум светот собрани во групата „Extinction Rebellion“ или „Бунт против изумирањето“, Во бројни европски и светски градови припадниците на „Extinction Rebellion“ со блокади на улици и мостови предупредуваат на катастрофалните последици на климатските промени. Во Лондон на мостот Весминстер ја оставија оваа огромна застрашувачка маска.

Следете нѐ на Фејсбук 15.03.2017

Следете нѐ на Твитер 15.03.2017

повеќе

Северна Македонија

Ниски плати и покрај субвенциите - како работат индустриските зони во С. Македонија

Директорот на ТИРЗ, Јован Деспотовски вели дека нема да се даваат субвенции за да се поттикнат компаниите во зоните да ги зголемат платите, туку ќе се поттикнува продуктивноста.

Некрстени денови: запалено бугарско знаме, испратен остар демарш

На денешен ден пред 29 години Република Бугарија беше првата држава што ја призна независноста на Република Македонија.

Пандемијата како изговор и слепост

Deutschland Berlin | Treffen EU-Außenminister | Nikos Dendias, Griechenland

Сонцето од Вергина уште е „трн во око“ за Грција

Грција бара прекин на антиквизацијата и целосна имплементација на Договорот од Преспа. Во замена се нуди како најдобар сојузник на патот кон ЕУ.

повеќе

Балкан

Kroatien Zagreb | Video-Gipfel EU & Westbalkan-Länder | Andrej Plenkovic, Premierminister

ФАЦ: Мали шанси за полноправно членство во ЕУ на земјите од Западниот Балкан

Поплави во јужна Србија - многумина се без вода и струја

Заврши ли малтретирањето на Македонија

Serbien Belgrad | Balkanroute unbegleitete minderjährige Flüchtlinge

Белград: Деца-бегалци на улица

повеќе

Германија

Deutschland Covid-19 | PK im Bundeskanzleramt Merkel

Коронавирус: Дали Меркел ќе ја стави Германија во „мега-локдаун“

Deutschland | Norbert Roettgen, Armin Laschet und Friedrich Merz

Избор на шеф на ЦДУ – кој ќе влезе во „чевлите на Меркел“?

Deutschland Coronavirus - Porsche Produktion

Германската економија со пад од пет проценти во 2020

BdTD Deutschland Winter | Feldberg im Schwarzwald

Фотографија на денот: Скијање на дистанца во Шварцвалд

повеќе

Свет

Цензура или спречување на антидемократско подбуцнување

Италија: перфидни интриги на Ренци

Бајката за рамномерна распределба на корона-вакцините

Пандемијата како изговор и слепост

повеќе

Економија

Пендаровски: Европската економска зона не може да биде замена за членството во ЕУ

На С.Македонија не и треба само економија и профит, туку демократија и политичко искуство, вели шефот на државата Стево Пендаровски.

Бајден: „Сега мора да дејствуваме!“

Германската економија со пад од пет проценти во 2020

Економијата во Германија во 2020 забележала масивен пад, но не во обем како во финансиската криза и помал во однос на останатите европски економии.

Како германски фирми профитираат од корона-вакцинацијата

За милијарди дози на вакцината против коронавирусот на Бионтек и Фајзер треба да се произведат и огромен број специјални фрижидери , како и стаклени шишенца. Извонредна деловна шанса за некои германски претпријатија.

повеќе

ФОКУС

Курс по германски

Deutsch XXL

Community D

Предавање германски

Теми на денот пред 14 часови

Европската економска зона не е замена за ЕУ

Теми на денот пред 22 часови

Запалено бугарско знаме, испратен остар демарш

Теми на денот пред 12 часови

Ниски плати и покрај субвенциите во зоните

Европската економска зона не е замена за ЕУ

Запалено бугарско знаме, испратен остар демарш

Ниски плати и покрај субвенциите во зоните

Пандемија

Бајката за рамномерна распределба на корона-вакцините 15.01.2021

Ковид-19: Повеќе вакцини за ЕУ – на пролет

Држење дистанца- креативно!

Ковид-19 и (не)фер распределбата на вакцината ширум светот

Коронавирус

Дали Ивермектин навистина помага против Ковид-19? 15.01.2021

Коронавирус: Лекот Ивермектин пристигнува во Македонија за две недели

Природен лек против Ковид-19?

Имунизација

Можам ли и по вакцинирањето да ги заразам другите? 15.01.2021

„Швајцарска мутација“ на Ковид-19 пристигна и во Северна Македонија

Ковид-19: Повеќе вакцини за ЕУ – на пролет

Држење дистанца- креативно!

Како германски фирми профитираат од корона-вакцинацијата

Економија

Бајден: „Сега мора да дејствуваме!“ 15.01.2021

Што го натера Трамп (сепак) да стави потпис на помошта во пандемија

Кои се избраниците за новиот кабинет на Џо Бајден?

Фокус

Цензура или спречување на антидемократско подбуцнување 15.01.2021

И Јутјуб го блокираше Трамп

Како течеше упадот на поддржувачите на Трамп во Капитол

Европа

Италија: перфидни интриги на Ренци

Германија

20 години Википедија: Седум нешта, кои вреди да се знаат

Видео прилог

80 години на дното на морето

Сподели

Мајмунска трампа

Мајмунска трампа

Сподели

На тротинет- за чисти улици

На тротинет- за чисти улици

Сподели

Како германски фирми профитираат од корона-вакцинацијата

Како германски фирми профитираат од корона-вакцинацијата

Сподели

Автомобил или велосипед на иднината: Кој е вашиот избор?

Автомобил или велосипед на иднината: Кој е вашиот избор?

Сподели

Македонски гејмери направија мега-хит видео игра

Македонски гејмери направија мега-хит видео игра

Повеќе видео прилози

Мајмунска трампа

На тротинет- за чисти улици

Како германски фирми профитираат од корона-вакцинацијата

Автомобил или велосипед на иднината: Кој е вашиот избор?

Македонски гејмери направија мега-хит видео игра

Поплави во јужна Србија - многумина се без вода и струја

Надојдени потоци потопија села

Поплави во јужна Србија - многумина се без вода и струја

Во Власина пливаат тополи и ѓубре

Поплави во јужна Србија - многумина се без вода и струја

Подземните води и канализацијата - проблем со години

Поплави во јужна Србија - многумина се без вода и струја

Вода од селските чешми

Поплави во јужна Србија - многумина се без вода и струја

Опасно по живот

Поплави во јужна Србија - многумина се без вода и струја

Претурање на водата

Поплави во јужна Србија - многумина се без вода и струја

Нишава рамна со кејот

Поплави во јужна Србија - многумина се без вода и струја

Нова опасност во горниот тек на Нишава