Теми | DW

Теми
ФОКУС
- Balkan Booster
- Студирање во Германија
Медија центар
- ТВ во живо
- Сите содржини
Учење германски
Курс по германски
Deutsch XXL
Community D
Предавање германски

Mazedonien Regierungssitz in Skopje (DW/P. Stojanovski)

Теми на денот пред 11 часови

Владата ги укинува, привремените вработувања се множат

Иако уште лани, Министерството за информатичко општество најави укинување на привремените вработувања поради можни злоупотреби, половина година подоцна, се потрошиле рекордни суми токму за таа намена. Отвори го текстот

Печат

Бунт на германските стопанственици против ограничување на бројот работници од Балкан 15.08.2020

Symbolbild Baurbeiter Wirtschaft Rezession (Imago/photothek/T. Koehler)

Т.н. Западнобалканско правило на луѓето од овој регион им овозможува да работат во Германија. Берлин планира да го ограничи приливот на 25.000 луѓе, но германските стопанственици протестираат, пишува „Ханделсблат“.

Од Балканот кон Германија заминуваат стручни работници

Германски фирми се жалат на недостаток на работници од Балканот

Германија ја продолжува вонредната дозвола за доаѓање на работна сила од Балканот

Неколку совети за аплицирање за работа во Германија

Коментар

Збогување од палестинска држава пред 7 часови

Felsendom Jerusalem (picture-alliance/Zumapress/S. Qaq)

Постигнатиот договор меѓу Обединетите Арапски Емирати и Израел со посредување на САД, и најавата за воспоставување дипломатски односи за регионот е добар знак, но тука постои и еден трагичен губитник, смета Рајнер Золих.

Израел и ОАЕ воспоставуваат дипломатски односи

Абас го откажува договореното со Израел и САД

Град на судири: комплексната историја на Ерусалим

Фокус

Што сѐ се промени во светот поради коронавирусот 15.08.2020

Symbolbild Coronavirus & Mundschutz (picture-alliance/Fotostand/Schmitt)

Пакети за финансиска помош и работа од дома: корона-кризата покажа дека промените може да се спроведат побрзо од очекуваното. Политички, економски и општествено.

Милијарди од ЕУ само ако се почитува правната држава?

Епохален чекор на ЕУ

Жртвите на коронавирусот на пазарот на труд

Thailand | Coronavirus | Schulstart (Getty Images/L. DeCicca)

Пандемија

Корона: Училишна настава со пречки

Во многу земји повторно расте бројот на новозаразени со коронавирус. Тоа во светски рамки ги става и училиштата пред големи предизвици. Како различни земји се справуваат со проблемот?

Шведска

Што е успешно во шведскиот корона-модел? 15.08.2020

Coronavirus | Schule in Schweden (picture-alliance/AP Photo/TT/J. Gow)

Опуштената политика на Шведска во борбата против коронавирусот е честа тема во медиумите. Скептиците кои се против стриктните правила во многу земји и завидуваат на скандинавската држава. Но колку е успешен тој модел?

Ковид-19: „Не одете по шведскиот пат“

Шведска изолирана во Скандинавија поради корона-бројките

Видео прилог

Дали е ова најскапата маска во светот? 15.08.2020

18 каратно бело злато, 3.600 скапоцени камења, црни и бели дијаманти... Цена: 1,5 милиони долари. Погледнете како изгледа оваа екстравагантна маска за заштита од коронавирусот.

Фотографија на денот: Златна заштита од Ковид-19

Како уметниците работат со корона-маските

Kinderkurheim Mövennest auf Borkum (Quelle: Heimatverein Borkum)

Истражување

Нацистички злосторници воделе детски одморалишта во повоена Германија

Милиони деца од Западна Германија биле испраќани во брутални „одморалишта“ меѓу 1950 и 1980 година каде што биле малтретирани и трауматизирани. Дел од домовите ги воделе поранешни нацисти.

Гледај видео 01:10

Владата ги укинува, привремените вработувања се множат

Повеќе видео прилози

Владата ги укинува, привремените вработувања се множат

Ölpest auf Mauritius (AFP/Satellite Images/2020 Maxar Technologies)

Еколошка тревога во рајот

Schottland - Stonehaven - Zugunglück in der Nähe von Aberdeenshire (AFP/M. Wachucik)

Истрага за железничката несреќа во Шкотска

Still | DW Magazin The 77 Percent #35 -Diversity Dolls (DW)

Со кукли играчки против расизмот

Symbolbild I UEFA (picture-alliance/dpa/S. Stein)

Завршница на Лига Европа во Германија

Champions League Barcelona Bayern München Tor Müller (Getty Images/AFP/M. Fernandez)

Фотографија на денот

Бајерн ја „прегази“ Барселона со 8:2

Фудбалскиот клуб Бајерн Минхен ѝ нанесе историски пораз на Барселона во четвртфиналниот двобој на Лига на шампиони

Топлотен бран во западна Европа: Последица на климатските промени?

Рекордни топлотни бранови

Во летото 2019 година се забележани топлински рекорди низ целиот европски континент. Во јули, во Германија беше измерена највисоката температура досега од 42,6 Целзиусови степени. Франција го урна својот рекорд на горештина двапати во 2019 година, со највисока измерена температура од 46 Целзиусови степени во јули. Климатските промени ја зголемуваат фрекфенцијата на топлотните бранови.
Топлотен бран во западна Европа: Последица на климатските промени?

Венеција под вода

Во ноември 2019 година, италијанскиот град архипелаг Венеција доживеа повеќе поплавувања и високо ниво на водата од 1,5 метри, кое беше достигнато трипати во една недела, за прв пат во историјата. Прогнозираното покачување на нивото на морето како резултат на климатските промени може во иднина да ги направи овие настани уште почести.
Топлотен бран во западна Европа: Последица на климатските промени?

Шумски пожари во Шпанија

Истиот топлотен бран што донесе рекордни температури во Франција ги предизвика најлошите шумски пожари кои ја погодија Шпанија во последните 20 години. На шпанскиот остров Гран Канарија, пожарите во август го уништија националниот парк на популарниот туристички остров. Повисоките температури и сувиот воздух како резултат на климатските промени го зголемуваат ризикот од пожари.
Топлотен бран во западна Европа: Последица на климатските промени?

Германските шуми изумираат

Комбинацијата од суша, невреме и екстремна топлина ги осиромашува германските шуми. Според БДФ, група за заштита на шумите, во Германија, повеќе од 1 милион дрва умреле од 2018 година. „Ова веќе не се поединечни невообичаени временски настани. Ова се климатските промени“, вели претставник на БДФ.
Топлотен бран во западна Европа: Последица на климатските промени?

Исчезнуваат глечерите на Алпите

Глечерот на италијанската страна на Мон Блан доживеа забрзано топење во 2019 година. И ентузијастите одржаа „погреб“ за глечерот Пизол на швајцарските Алпи, кој речиси целосно исчезна. Научниците велат дека климатските промени го забрзуваат топењето на глечерите на Алпите.
Топлотен бран во западна Европа: Последица на климатските промени?

Сушата влијае врз производството на храна

Сушата во Германија две години по ред силно ги погоди земјоделците. Во 2018 година, рекордната суша предизвика големи загуби кај земјоделските култури, а топлотните бранови во 2019 година, дополнително ги оштетија земјоделските култури. „Климатските промени значат почести суши и екстремни временски услови во Германија“, изјави потпретседателот на германската служба за временски услови Паул Бекер.

DW Projekt, HA Europa, Let's face it: stay or go? / Mazedoniscch

Да се остане, или да се замине? 18.07.2019

Facebook Datenschutz (Symbolbild) (picture-alliance/dpa/A. Weigel)

Следете нѐ на Фејсбук 15.03.2017

Следете нѐ на Твитер 15.03.2017

Polen Krakau Solidaritätsproteste mit Belarus (picture-alliance/NurPhoto/B. Zawrzel)

Колумна

Како автократите си честитаат едни на други

Дали времето на траење на автократите истекува? Сосема сигурно дека не, но она што се случува во Белорусија сигурно е вознемирувачко за многумина од нив. Пишува Љупчо Поповски

Најчитани теми

А замрзнување на комуникацијата со сезонските „експерти“?

Лош ден на Џафери, а неизвесен за „премиерот Албанец“

Танго на македонски начин

Кој и зошто го урива Заев?

Nordseeküste bei Internet-Portal Airbnb besonders gefragt (picture-alliance/dpa/I. Wagner)

Досие Патување во Германија

Патнички предупредувања, ризични региони, задолжителна изолација: правилата за влез во Германија за многумина се нејасни

Coronavirus - Virus Sars-CoV-2 COVID-19 (picture-alliance/AP/NIAID-RML)

Досие Во клештите на коронавирусот

Светот живее во време на пандемија на коронавирусот. Стравот е присутен насекаде. Додека научниците трескавично се обидуваат да најдат вакцина и лек, државите преземаат драстични мерки.

Досие Balkan Booster во време на корона

Како Балканот пулсира во корона-пандемија? Еве како учесниците во проектот Balkan Booster го документираат времето на карантини и социјална изолација:

Гледај видео 12:19

Дивата страна на Скопје

Скопје и неговата околина во себе крие многу природни вредности. Како што градот растел и се проширувал, така се менувал изгледот на котлината. Денес како во мали џепови опстојуваат само неколку значајни природни подрачја. Движејќи се низ нив, секојдневно, скопјани се сепак несвесни за нивното постоење. Време е да се запознаеме со дивата страна на Скопје. #Дома #ИКС

Повеќе видео прилози

Дивата страна на Скопје

93-годишниот Херберт го победи коронавирусот

Deutschland Berlin | Polizeigewalt | Proteste gegen Rassismus (Reuters/C. Mang)

Солидарност со револтот во САД

Затвор или огромни парични казни за неносење маска

„Тука сум за две минути“

Држи дистанца!

Како да разговарате со децата за коронавирусот?

Како правилно се мијат рацете!

Студирање во Германија

Mazedonien Kica Kolbe Schriftstellerin (Privat)

Колумна на Кица Колбе 19.03.2019

Колумна на Гордан Георгиев 19.03.2019

Nord-Mazedonien Journalist Erol Rizaov (privat)

Колумна на Ерол Ризаов 12.12.2019

Колумна на Петар Арсовски 22.07.2019

Nord-Mazedonien Nikola Todorov, ehemaliger Minister für Gesundheit und Bildung (DW/B. Gerogvievski)

Колумна на Никола Тодоров 12.12.2019

Mazedonien Arsim Zekolli (DW/K. Blazevska)

Колумна на Арсим Зеколи 19.03.2019

Колумна на Ивор Мицковски 22.07.2019

Mazedonien Ljupco Popovski (Petr Stojanovski)

Колумна на Љупчо Поповски 19.03.2019

DW NEWS IN ENGLISH

Belarus: Lukashenko rejects foreign mediation

Belarus opposition leader: This freedom 'can't be broken with police batons'

EU foreign ministers greenlight new Belarus sanctions

Фотографии на денот

Робот кој доставува храна

Автономното возило ДелиРо од овој месец доставува храна во Токио. Се движи со брзина од 6 километри на час и може да носи товар до 50 килограми. Муштериите во јапонскиот главен град храната ја порачуваат на интернет, а исто таму и ја плаќаат, а потоа ова мало возило во црвена, сина или жолта боја, со големи очи како од цртани филмови, им доставува храна на куќна адреса.
Фотографии на денот

Миење раце во училиште против коронавирус – а вода нема

Во борбата против пандемијата на коронавирус екстремно важна е основна хигиена како темелно миење раце. УНИЦЕФ алармира: стотици милиони деца не можат да ги спроведат препораките. Околу 818 милиони деца во светот во своите училишта немаат неопходни услови за миење раце. 295 милиони од децата се од Африка јужно од Сахара, 462 милиони деца посетуваат училишта во кои нема вода.
Фотографии на денот

Тага и гнев во Либан

Една недела по катастрофалната експлозија во пристаништето во Бејрут, жителите организираа комеморација за жртвите и повторно го обвинија раководството за несреќата. Бројот на жртви во меѓувреме се искачи на 171, повеќе од 6.000 луѓе се повредени, а околу 300.000 останаа без покрив над главата. Либанската влада поднесе оставка, но протестите на револтираните граѓани продолжуваат.
Фотографии на денот

Бран жештини ја притиска Германија

Во Германија продолжуваат екстремно високите температури за овдешни услови, кои ни ноќе не се спуштаат под 20 степени. Големите горештини и високата влажност на воздухот на многу луѓе тешко им паѓаат, на некои им предизвикуваат и здравствени проблеми. На отворените базени, каде бројот посетители поради пандемијата на коронавирус е ограничен, тешко е да се најде слободно место.
Фотографии на денот

Илјада балони за корона-жртвите во Бразил

Бразил премина стравичен праг – бројот на смртни случаи како последица на коронавирус се искачи на над 100.000. Со тоа Бразил стана втора земја по погоденост од пандемијата на Ковид-19 во светот, по САД. Роднините на починатите поставија 100 крстови и 1.000 црвени балони на познатата плажа Копакабана во Рио де Жанеиро во спомен на жртвите на коронавирус.
Фотографии на денот

Освежување од горештините

Германија е зафатена од топлотен бран. Речиси во целата земја температурите се над 30 Целзиусови степени. Тогаш метеоролозите зборуваат за горештини. За тоа е „виновен“ антициклонот Детлеф. Екстремно високите температури ќе траат повеќе од една недела. Разладување се бара на секаков начин! Осумгодишниот Матис од германското место покрент посегна по цревото за вадење на градината.
Фотографии на денот

Опасниот глечер

На италијанската страна на Мон Блан, големи делови на глечер во топење се движат кон блиската долина. Постои ризик од тешко расцепување на мразот. Властите веќе евакуираа 70 лица во регионот. Според експертите, околу 500.000 кубни метри мраз би можеле во лавина да паднат во долината - што е приближно еквивалентно на 200 полни олимписки базени.
Фотографии на денот

Не патувајте во Антверпен!

Поради значително зголемување на бројот на корона-инфекции, германското министерство за надворешни работи предупредува од туристички патувања во белгиската провинција Антверпен со истоимениот пристанишен град. Министерството посочува дека во Белгија и новите инфекции и бројот на смртни случаи од Ковид-19 повторно се зголемува од крајот на јули.
Фотографии на денот

Корона-хигиена во лифт

Куќниот совет на една станбена зграда во индиската метропола Мумбаи со навистина досетливо решение за превенција на ширењето на коронавирусот. Сунѓер на кој се забодени дрвени чепкалки за заби е залепен во внатрешноста на лифтот. Секој кој влегува во лифтот треба со чепкалката да го притисне копчето на катот на кој треба да оди. Чепкалките се разбира се за само една употреба.
Фотографии на денот

Незгодна положба

Пандемијата од циркуските уметници и изведувачите изискува посебни вратоломии: нивните претстави се откажани во многу делови на светот, а така отпаѓа и нивната заработувачка. Во главниот град на Гватемала, артисти од најмалку 30 циркуси бараат поддршка од државата. Оваа акробатка со сопственото тело го изразува она што веројатно многу нејзини колеги го чувствуваат во моментот.
Фотографии на денот

Огнен пекол во Калифорнија

Против ваков огнен ѕид, каков што пустоши на југот на Калифорнија дури и 1.300 пожарникари можат да сторат малку. Речиси 8000 луѓе веќе ги напуштија своите домови во месноста Чери Валеј источно од Лос Анџелес. Во моментов на југозападот на САД и посебно во Калифорнија, посебно силни се злогласените ветришта „Санта Ана“ - а во сувата вегетација, една искра е доволна за катастрофални пожари.
Фотографии на денот

Честит Илинден!

117 години од Илинденското востание и 76 години од Првото заседание на АСНОМ - честит Илинден!
Фотографии на денот

Убавецот Мон Сен Мишел

Убавецот заспива - така веројатно би можела да се нарече оваа #ФотографијаНаДенот, направена во Нормандија. Ридот Мон Сен Мишел во Франција е местото на кое на карпа е изграден манастирот на Свети Михаил. Тој е на многу ранг листи на најубавите дестинации во светот. Поради пандемијата на коронавирусот, ова туристичко светилиште беше затворено за посетители. Сега повторно ги отвори вратите.
Фотографии на денот

Колачи за Курбан Бајрам

Кога е празник, трпезата, по можност, треба да е богата. Овој човек подготвува печива за Курбан Бајрам во мала традиционална пекарница во Кабул.Во Авганистан поради големиот исламски празник на сила стапи тридневен прекин на огнот. Граѓаните се надеваат дека тој ќе продолжи, со оглед на најавите на претседателот Ашраф Гани и на талибанците дека по празникот сакаат да почнат со мировни разговори.
Фотографии на денот

Улични блокади во Бугарија

Протестите во Бугарија ескалираат со улични блокади. Демонстрантите кои веќе три недели бараат оставка на владата блокираа многу големи улици и важни раскрсници во Софија. Освен тоа, блокиран беше и мостот на Дунав кон Романија кај Русе. Протести имаше и во Пловдив, Варна, Бургас... Демонстрантите ја обвинуваат владата за корупција и зависност од олигарсите.
Фотографии на денот

Подготовки за Курбан Бајрам

Исламскиот празник на принесување жртва Курбан Бајрам е еден од најзначајните празници во исламот. Според традицијата, секое семејство треба да заколе животно на ритуален начин. Во главниот град на Сенегал, Дакар, цените на овците и јагнињата пред празникот се искачуваат и до 7000 американски долари. На нашата #ФотографијаНаДенот младиот овчар во Дакар сака претходно да ја искапе овцата во морето.
Фотографии на денот

Болни шуми

Сѐ повеќе дрвја во германските шуми мора да се сечат поради тоа што се нападнати од штетници. Според Сојузниот завод за статистика, од 2017 до 2019 година количеството на дрвја кои биле пресечени поради напади од штетници се зголемило од 6 на 32 милиони кубни метри. Дрвјата се ослабени, односно особено подложни на напади на штетниците, поради сушата и фазите на горештини во последните две години.
Фотографии на денот

Казна од илјада евра за неносење маска

Со драстични казни во борба против короната - оној кој во италијанскиот регион Кампанија не носи маска во затворени простории и во јавниот сообраќај, ризикува казна од илјада евра. Првите остри казни се веќе изречени на сопственици на бар и фризерница во Салерно. Трговците кои нема да ја спроведуваат обврската за носење маски, ќе бидат соочени и со затворање на дуќаните во период од 5 до 30 денови
Фотографии на денот

Молњи над Големото јаболко

Жителите на Њујорк доживеаја вистински светлосен спектакл на небото на градот. Силно невреме ја погоди американската метропола. Светскиот трговски центар, највисоката зграда во САД, притоа во повеќе наврати беше погоден од молњи. Оваа импресивна сцена од ударот на молња во облакодерот ја вековечи еден локален фотограф - навистина спектакуларен мотив.
Фотографии на денот

Кино на вода

Во Париз, деновиве започна "Cinema Sur L'Eau"- Киното на вода. За да уживате во оваа невообичаена кино-вечер на реката Сена, при која патем, со оглед на пандемијата, без проблеми се одржува физичка дистанца, дури и не мора да имате сопствен брод. Имено организаторите изнајмуваат 38 електрични чамци.
Фотографии на денот

Чевли како опомена од Ковид-19

Овие болнички чевли не лежат случајно пред Капитолот, седиштето на американскиот Конгрес во Вашингтон. Најголемата организација на медицинскиот персонал на САД ги постави чевлите за да предупреди на поголема заштита на медицинските сестри, болничарите и негувателите од последиците на Ковид-19. Преку 160 чифта чевли ги претставуваат исто толку нивни колеги кои починале од болеста досега.
Фотографии на денот

Перфектни кулиси

Не, ова не е француска Прованса, туку Јапонија! Бидејќи и во префектурата Фурано Хакаидо во јули цутат полињата на лаванда - и ги пленат бројните посетители со нивниот нежен мирис и интензивна боја. Младите исто така сакаат да дојдат овде - и да направат совршено селфи во рурална идила. Кој сака, можете да резервира и 15-минутна тура низ полињата.
Фотографии на денот

Дооолга редица

Оваа фотографија е направена во Пекинг, каде многу фанови на производите на Епл и покрај пандемијата на коронавирусот едноставно не сакаа да го пропуштат отворањето на новата продавница во населбата Санлитун. Влез во продавницата беше можен само со физичка дистанца, заштитна маска и измерена телесна температура. Колку долго, тогаш, мораше да чека последната личност во редицата?
Фотографии на денот

Што е поризично?

Полицијата го забрани 70-то годишно натпреварување во скокање од Швањскиот мост кај Ѓаковица на Косово затоа што на гледачите не се придржуваа кон правилото за одржување на физичка дистанца. Овој скокач во знак на протест поради одлуката на полицијата изведе скок од 22 метри високиот мост. Прашање е дали е поопасна неговата акција - или стоењето во големото толпа луѓе под мостот.
Фотографии на денот

Никогаш поблиску до Сонцето

Ова е најпрецизен поглед на Сонцето и прва снимка на вселенската сонда Орбитер која во февруари ја испрати ЕСА. Фотографиите направени на оваа бранова должина ја прикажуваат горната атмосфера на Сонцето, короната со температура од околу еден милион степени. Станува збор за голем подвиг, зашто Сонцето и на оддалеченост од 42 милиони километри уште зрачи со 500 степени Целзиусови.
Фотографии на денот

Миризливото богатство на Прованса

Расцветани полиња со лаванда со прекрасна виолетова боја, до каде стига погледот, прекрасна глетка во Пуимуасон, во регионот Прованса-Алпи-Азурен Брег во Франција. Овде традиционално се одгледува ова ароматично растение од кое со дестилација се добива етерично масло кое пак се употребува во козметичката индустрија и фармацијата. Од исушените цветови на лаванда се вари и вкусен и лековит чај.
Фотографии на денот

Бетовен на поле со пченка

На поле покрај баварското езеро Амерзе, земјоделците Корина и Ули заедно со тим од 15 луѓе направиле лавиринт со предимензиониран лик на познатиот композитор Лудвиг ван Бетовен. Инспирација за овој потфат им била 250-годишнината од раѓањето на овој музички гениј. Полето било посеано уште во април.
Фотографии на денот

Галактичка заштита од инфекции

Оваа средба изгледа прилично „ вселенска“! Но, не станува збор за астронаути од НАСА, кои залутале на Копакабана во Рио де Жанеиро, туку за Терсио и Алесиа Галдино. 66-годишниот Бразилец страда од белодробна болест и мора да се штити од инфекции. Тој и неговата сопруга, заради штос, специјалната заштитна облека ја прекроиле малку за да личи на астронаутска.
Фотографии на денот

Лебдење во воздух?

Не, ова е само фотографски фатен моментен сегмент од гимнастичка вештина на човек на плажа во градот Газа, центар на густо населената истоимена палестинска област на брегот на Средоземно Море. Во петокот во овој регион, кој се наоѓа под израелска блокада, беа олабавени рестрикциите поради пандемијата на коронавирус. Во Израел пак започна втор бран на Ковид-19 и се воведуваат построги ограничувања.
Фотографии на денот

Баварски бранови

Велосипедската патека во селцето Кирхдорф, недалеку од Минхен, е долга 2 километри и чинела дури 3,3 милиони евра. Испаднала брановита, со пет вештачки „ритчиња“ на 500 метри. Надлежните тврдат дека не е грешка – патеката е изградена пониско од патот за да се заштеди, а височините се наопходни за тракторите да можат преу патеката да стигнат до нивите. Може да стане атракција за велосипедистите.
Фотографии на денот

Златна заштита од Ковид-19

Индија е на третото место на листата на најпогодени земји од коронавирусот со преку 700 илјади инфицирани лица. Посебно погоден е градот Пуне. Локалниот бизнисмен Шанкар Курхаде ја почитува мерката за носење на заштитна маска со доза на екстраваганција. Неговата маска е направена од злато, тешка е 50 грама и чини 3870 американски долари.
Фотографии на денот

Акробатски протест на 3000 метри

Изведувачката уметност е една од најпогодените од строгите мерки за справување со коронавирусот ширум светот. Уметниците се борат за „голо преживување“ и протестираат на досетливи начини. Акробатката Шила Николоди со други колеги, таа подготви протестен спектакл на еден швајцарски глечер на 3000 метри надморска височина.
Фотографии на денот

Вухан во кризен режим

И повторно е погодена централната кинеска метропола. По карантинот поради коронавирусот на почетокот на годината кинескиот град Вухан сега страда од последиците на поројните дождови. По излевањето на реката Јангце во градот е проглесена тревога од втор степен.
Фотографии на денот

Невести на протест

Невести облечени во нивните венчаници протестираат пред прочуената фонтана Треви во Рим поради одложувањето на нивните венчавки и свадби поради корона-рестрикциите.
Фотографии на денот

Роденденска забава

И пандите сакаат торта за нивниот роденден. Јуан Заи наполни седум години во зоолошката градина во Тајпеј. Нејзините родители станаа познати преку т.н. „панда дипломатија“ меѓу Кина и Тајван.
Фотографии на денот

На дистанца од Ван Гог

Постојат многу актуелни причини за строгите правила за физичка дистанца во изложбените простории, на кои музеите и галериите мора да реагираат креативно. Таков пример е и оваа мултимедијала изложба во канадската метропола во Торонто, на која посетителите на треба да ја визуелизираат туку можат и да ја почувствуваат агонизирачката осаменост на големиот холандски уметник- Винсент ван Гог.
Фотографии на денот

Меркел првпат фотографирана со маска

Прашањето со носењето маска е решено - германската канцеларка Ангела Меркел е првпат фотографирана со заштитна маска. Таа носи маска со логото на германското претседателство со ЕУ.
Фотографии на денот

Русите прифатија уставни промени

На референдумот засенет со обвинувања за манипулации, граѓаните на Русија го прифатија новиот Устав. Критичарот на Кремљ, Алексеј Навални, резултатите ги нарече „огромна лага“. Можноста Путин да владее уште 16 години не им се допаѓа и на многу други граѓани. Оваа жена, која вчера во Москва учествуваше на протестите против уставни промени, носи плакат на кој стои: „Долу царот!“
Фотографии на денот

Голтка оризово вино

Со Националниот ден на оризот во Непал се слави почетокот на сезоната на садење ориз. На овој ден полињата се подготвуваат садење, а селаните се молат за плодна жетва. Многу од нив притоа носат традиционална непалска облека и се честат со по некоја голтка оризово вино. Фестивалот е омилен и кај туристите.
Фотографии на денот

Меркел и Макрон на вечера

Тој ѝ беше прв гостин со кого се сретна лично - германската канцеларка Ангела Меркел во дворецот Мезеберг го прими францускиот претседател Емануел Макрон. Високиот гостин од Париз е првиот странски државник на гости кај канцеларката по пауза од цели три и пол месеци. Поради пандемијата на коронавирусот канцеларката досега имаше само видео-конференции и водеше телефонски разговори.
Фотографии на денот

Половина милион починати од Ковид-19

Забранета зона „Човек“? Пред ЕЦБ се поставени кукли од излог излепени со селотејп-лента. Инсталацијата се вика „Така е како што е“, а дело е на студентот по уметност Јозеф Мезег. Ваквите ленти вообичаено се ставаат на површини кои се забранети за пристап. Тоа сега важи и за човекот. Во време на корона важи правилото „Држи дистанца!“ Досега од Ковид-19 починаа над половина милион луѓе во светот.
Фотографии на денот

На приколка како на плажа

Додека мажот вози со мотоциклот по улиците на Пном Пен, главниот град на Камбоџа, неговата сопатничка се сместила удобно на висечка лежалка на приколката. Жената, држејќи го мобилниот телефон во раката и удобно легната во лежалката, како да е далеку од улиците и бучавата на градот, глетка која асоцира на некоја егзотична плажа.
Фотографии на денот

Искачување по работ на бездна

Околу 500 крави во придружба на искусни сточари ги совладуваат последните пречки пред пристигнувањето на богатите алпски планински пасишта. Стадото се дижи полека и внимателно кон целта, тоа е Енстлигеналп, највисока висорамнина во западните швајцарски Алпи. За на тесната патека вдолж планинскиот раб да ја совладаат стрмнината од 600 метри, им треба повеќе од еден час.
Фотографии на денот

Коцкести лубеници, за цената не прашувајте

Првите годинешни коцкести лубеници стигнаа на пазарот во префектурата Кагава во западна Јапонија. Формата ја добиваат зашто растат во специјални калапи. Можеби се затоа позгодни од тркалезните за сместување во фрижидер, но затоа цената им е прилично солена – 10.000 јена, што е околу 83 евра по парче.
Фотографии на денот

Светлечки повик за помош

Дворецот Сансуси во Потсдам, дел од културното наследство на Унеско, осветлен во црвена боја во рамките на манифестацијата „Ноќ на светлоста“ - повик за спас на културно-организаторската бранша во корона-кризата. Повеќе објекти низ Германија, меѓу кои и Бранденбуршката порта во Берлин, станаа светлечки апели за спас на агенциите за организација на настани, кина, театри, конференциски хотели...
Фотографии на денот

Плажа само за двајца

Една двојка на сончев ден ужива во убавините на езерото Лангвидер во германската покраина Баварија. На оваа #ФотографијаНаДенот снимена со дрон, изгледа како целата плажа да е резервирана само за нив двајцата. Од толкава височина не се гледа кој се сонча, а кој се разладува во водата.
Фотографии на денот

Туширање на плоштад

Деца се разладуваат на оригинална фонтана во Вилнус. Во главниот град на Литванија е невообичаено топло за овој период од годината, во последните денови температурата е постојано над 30 степени Целзиусови. Квартот каде се наоѓа оваа фонтана се вика Северно гратче и во 19 век бил претворен во воен кварт на царска Русија, а подоцна и на Советскиот Сојуз. Сега спаѓа во најмодерните делови на Вилнус.
Фотографии на денот

Предвесници на гладот

Бројни земји во Африка и во Азија покрај со Ковид-19, мора да се справуваат и со наезда од скакулци. Земјоделец во Индија на фотографијава држи шест мртви скакулци во раката. Шест од милиони од кои се состојат роевите. Животните јадат сè што наоѓаат на растенијата - и со тоа уништуваат цели жетви. Ова е катастрофа, особено за луѓето во руралните области кои заработуваат за живот од земјоделството.
Фотографии на денот

Тивок спомен на жртвите од Ковид-19

Коронавирусот продолжува да се шири низ целиот свет. Во Латинска Америка а особено во Бразил, расте како бројот на нови инфекции и така и стапката на смртност. За да им се даде лик на илјадниците жртви од Ковид-19, направени беа овие скулптури од песок плажата во Рио де Женеиро, прочуената Копакабана.
Фотографии на денот

Македонскиот јазик „се враќа“ во училиштето во Љубојно

По повод двегодишнината од потпишувањето на Преспанскиот договор, владата вчера ја обелодени иницијативата за обнова на старото училиште „Димитар Влахов“ во преспанското село Љубојно. Планот е во обновената зграда на училиштето да се формира Центар за грижа и промоција на македонскиот јазик.
Фотографии на денот

Држење дистанца- нацртано

Во овој шопинг центар во Џакарта ништо не му е препуштено на случајот, во борбата против ширењето на коронавирусот. Или подобро кажано, на посетителите им е буквално нацртано каде смеат да стојат на ескалаторот за прописно да одржуваат растојание едни од други. Одржувањето на физичка дистанца е една од главните „заповеди“ во борбата против пандемијата во светот, па така и во Индонезија.
Фотографии на денот

И Оскарот ќе доцни поради коронавирусот

Поради пандемијата на коронавирус, доделувањето на најпрестижните филмска награди во светот во наредната година ќе биде одложено, соопшти Американската филмска академија. Наместо на планираниот датум 28-ми февруари, сега е предвидено 93-та гала-вечер на доделување на Оскарите да се одржи на 25 април. Номинациите за најважната филмска награда во Холивуд треба да бидат објавени на 15 март.
Фотографии на денот

Лисиците на земја

Расизам и прекумерна употреба на насилство? Многу француски полицајци се спротивставуваат на ваквите обвинувања.Тие протестираа во Париз против планираните реформи на полицијата. Притоа бројни патролни автомобили возеа со вклучени сини светла. Некои полицајци ги фрлаа лисиците на земја во знак на протест против плановите на министерот за внатрешни работи Кристоф Кастанер за реформа на полицијата.
Фотографии на денот

Розова сол со вкус на малини

Откако Крим беше анектиран од страна на Русија во 2014 година, солта од Крим веќе не се извезува. Тоа е последица на меѓународните санкции воведени против Москва. Розовата сол има карактеристичен, малку сладок вкус и боја која се должи на алгите Дуналиела Салина. Туристите на Крим се во потрага по добра фотографија од езерото Сасик Сиваш за својот семеен албум.
Фотографии на денот

Крстови на Копакабана поради корона-политиката во Бразил

Во знак на протест поради корона-политиката на бразилската влада и во знак на сеќавање на починатите, на плажата Копакабана во Рио де Жанеиро се поставени 100 надгробни крстови. Во акцијата на невладината организација Рио де Паз за секој крст е ископан и по еден празен гроб. „Ова беше најтешкиот протест во нашата историја“, напиша претседателот на организацијата Антонио Коста на Твитер.
Фотографии на денот

Уништени статуи на Колумбо

На протестите против расизмот и полициското насилство во Сент Пол, Минесота, демонстрантите демонтираа статуа на италијанскиот морепловец Кристофер Колумбо. По смртта на Афроамериканецот Џорџ Флојд, во САД се разгоре дискусија за расната нееднаквост. Домородците во северна Америка го отфрлаат оддавањето чест на Колумбо, велејќи дека неговата експедиција во Америка овозможила колонизација и геноцид
Фотографии на денот

Во очекување на гости

Штарнбершко Езеро се наоѓа на 25 км оддалеченост од Минхен и е едно од најубавите езера во Германија. На езерото е се‘ уште релативно мирно и празно. Од крајот на мај хотелите, затворени поради пандемијата, добија дозвола за повторно отворање, но дури на почетокот на летниот распуст, на крајот на јуни, ќе се види колку туристи навистина ќе бидат „магнетизирани“ од привлечната сила на езерото.
Фотографии на денот

На колена за Џорџ Флојд

Водечките американски демократи во Конгресот клекнаа на колена 8 минути и 46 секунди во знак на сеќавање на Џорџ Флојд. Членови на партијата, меѓу кои и спикерот на Претставничкиот дом, Ненси Пелоси, со тоа му оддадоа чест на Флојд, црнец кој почина откако полицаец белец го држеше притиснат со колено врз вратот 8 минути и 46 секунди.
Фотографии на денот

Тропската бура Кристобал удри на брегот на САД

Тропската бура Кристобал го погоди југоисточниот дел на американската сојузна држава Луизијана, носејќи со себе силен ветер, обилни дождови и опасност од поплави. Кристобал произлезе од бурата Аманда, која претходно во централна Америка однесе 30 животи и предизвика поплави и лизгање на земјиштето. На нашата #ФотографијаНаДенот бран удира во пристаништето во Њу Орлеанс.
Фотографии на денот

„Соба“ со поглед

Уметниците Франк и Патрик Риклин во „спалната соба“ без ѕидови и покрив сместена над Валенското езеро во Швајцарија. Тоа е дел од нивната уметничка инсталација „Zero Real Estate“, во чии рамки во Швајцарија и во Истанбул се поставени седум вакви „соби“ за многу попријатна изолација поради пандемијата на коронавирусот. „Собите“ можат да се резервираат од 1 јули.
Фотографии на денот

На крајот на патот околу светот

Школскиот едреник Седов стигнува во пристаништето во Владивосток, на Пацификот, откако го заврши патот околу светот, кој го започна минатата година. Седов е еден од трите руски бродови кои учествуваа во потфатот на обиколка на светот во чест на 200-годишнината од откривањето на Антарктикот и 75-годишнината од победата во Втората светска војна.
Фотографии на денот

Пица од автомат

Пресно печена пица од автомат, нон стоп 24 часа – со оваа идеја Марко Пелицари, пекар од Аугсбург го погодил „нервот“ и вкусот на муштериите. Бесконтактна продажба - вистински концепт во време на корона. Машините инаку потекнуваат од Италија и во меѓувреме ги има во неколку германски градови. Во апаратот со големина на шкаф на лагер се ставаат околу 80 замрзнати пици.
Фотографии на денот

Напасник со маска

Рускиот уметник Анатолиј Коненко кој изработува минијатури, му ставил маска на устата на препариран скакулец. Овие инсекти не претставуваат само библиска напаст, туку и денес, кога ќе нападнат во огромни роеви, уништуваат посеви и зад себе оставаат оголени површини, што за земјоделците значи огромни загуби и осиромашување, како и опасност од криза со храна и глад.
Фотографии на денот

Селфи кај црвеното солено езеро на Крим

Сасиск Сиваш е најголемо солено езеро на полуостровот Крим, има специфична црвенкасто розева боја поради големиот процент на сол и посебниот вид алги - Dunaliella Salina. Во близина на езерото има солана, а солта која таму се добива и има розева боја, гурманите посебно ја ценат поради специфичната слаткаста нота. Поради санкциите против Русија која го анкетираше Крим, солта не се извезувана Запад
Фотографии на денот

Надеж за нов старт по корона-кризата

Во Венеција, гондолиерите го чекаат сигналот за старт на натамошните ублажувања на мерките во пандемијата. Се надеваат на брзо враќање на туристите, кои потоа сигурно ќе сакаат да уживаат во возењето со гондола. Италија беше особено тешко погодена од пандемијата на коронавирусот, во која досега починаа повеќе од 33.000 луѓе. Земјата сега се надева на нов почеток, особено во туризмот.
Фотографии на денот

Базенот повторно работи

Конечно пливање! На човекот на оваа #ФотографијаНаДенот не му пречеше ладната вода во базенот на Шенбрун во Виена. Во повторно отворените базени во Австрија важат строги правила за одржување физичка дистанца: во водата- едно лице на шест квадратни метри, а на лежалките- едно лице на десет квадратни метри.
Фотографии на денот

Заштитна маска од шишиња за рециклирање

Дали заштитната маска на овој филипински уметник ќе го задржи коронавирусот, е големо прашање. Но во секој случај таа целосно може да се рециклира а и самата е во форма на вирусот. Лирој Њу позира со маска во облик на коронавирусот, која самиот ја направил од пластични шишиња. Со неа уметникот од своето студио во Манила упатува на главната „заповед“ во пандемијата: Држете физичка дистанца!
Фотографии на денот

Риболовот идеален за корона-времиња

Постојат активности кои се чини како да се створени за пандемијата на коронавирусот- на пример, спортскиот риболов.Определено растојание, и без тоа, мора да се држи од колегата риболовец, што секако е една од главните „заповеди“ во борбата против коронавирусот. Освен тоа, човек е во природа, а успехот кога рибата ќе се фати на јадицата е мелем за душата.
Фотографии на денот

Коронавирус на вратот

Златар од Јордан е инспириран од актуелната ситуација и изработува златен приврзок во облик на коронавирус. Ако носењето ваков приврзок некому му е премногу морбидно, кај мајсторот за филигранска изработка на накит може да купи и приврзок во форма на имоџи со маска за заштита на устата и носот.
Фотографии на денот

Зелено-бело-црвено небо над Милано

По повод празникот на Републиката на 2 јуни и во спомен на жртвите од Ковид-19, девет авиони на аеробатската ескадрила „Тробојни стрели“ над северно-италијанските градови Тренто, Кодоњо, Милано, Торино и Аоста, го обоија небото во националните бои. Земјата со повеќе од 230 илјади регистрирани инфекции и близу 33 илјади починати е една од најтешко погодените од пандемијата во Европа и во светот.
Фотографии на денот

Голиот каубоец без публика

Прочуениот плоштад Тајмс Сквер во Њујорк деновиве е главно морничаво празен поради пандемијата на коронавирусот. Но, тој и натаму е тука секој ден- голиот каубоец со гитара.Уличниот музичар Џон Бурк свири на Менхетен уште од 1998 година. Последниве два месеца, во кои градот беше американски епицентар на корона-кризата, оваа њујоршка жива легенда остана без својата публика.
Фотографии на денот

Подготвено за навала- со дистанца

Како и тука на главната плажа во Травеминде, така и на многу други места долж германското морско крајбрежје се беше повторно подготвено за изнајмување на типичните сончеви корпи пред голем наплив на Германци во одморалиштата долж Балтичкото и Северното море по долгата забрана поради пандемијата. Корпите сега се да оддалечени 3,5 метри една од друга и се дезинфицираат пред секое ново изнајмување.
Фотографии на денот

Заштитна маска за глуви лица

Носењето маски оневозможува да се видат реакциите на лицето на соговорникот. На глувите лица веројатно им е најтешко. За нив обврската за носење маски е речиси рамно на драма. Сега од Бразил доаѓа модел на маски кај кој делот кај устата е изработен од проѕирен пластичен материјал. Така глувите лица можат да го гледаат мрдањето на усните на својот соговорник.
Фотографии на денот

Пиво без опасност од корона

Роботи кои точат пиво или сервираат храна - тоа би можело да реши дел од проблемите со короната во гастрономијата. Но, со тоа се губи и шармот на одењето во кафуле или бар. Зашто, роботите и не се нешто расположени за разговори со гостите „за времето и светот“. Овој робот во кафуле во Севилја може да сервира до 600 чаши пиво на час.
Фотографии на денот

Кругови со креда за одржување дистанца

Жителите на Бруклин, во Њујорк, добија помош за уредна посета на паркот „Домино“ во време на корона - кругови нацртани со креда во кои смее да се седи за да се одржува дистанца со соседот. На територија на САД досега има 1.486.367 инфицирани лица, односно една третина од вкупниот број регистрирани случаи во светот. Бројот на починати во САД во меѓувреме се зголеми на речиси 90.000.
Фотографии на денот

Почна Бундеслигата - дресови наместо гледачи

На германските стадиони повторно се игра фудбал! Бундеслигата е прва европска топ-лига која продолжи по корона-паузата. Но, ништо веќе не е исто: топките се дезинфицираат, славјето по постигнат гол е без гушкање, а на трибините нема гледачи. Некаде се ставени макети од картон со ликови на верните фанови, а некаде, како на фотографијава направена на стадионот на ФЦ Келн, на столчињата има дресови.
Фотографии на денот

Кога поштата доаѓа со кајче...

Во Шпревалд, Германија, почна сезоната на доставување пошта со чун – еден месец подоцна од обично поради пандемијата. Веќе 123 години Шпревалд, мочуришна област со речни канали, ги добива поштата и пакетите на овој начин, барем во летните месеци. Поштарката Андреа Бунар секоја недела во селото Леде доставува преку 600 пратки - писма и поштенски картички, како и околу 70 пакети.
Фотографии на денот

Штрковите и промената на климата

Според истражување на Унгарското друштво за орнитологија и заштита на природата, популацијата на бели штркови во земјата во последните 5години е намалена за една четвртина. Освен тоа, порано унгарските штркови за да презимат летале дури до јужна Африка. Сега често презимуваат во Франција или Шпанија. Овој тренд се забележува во последните 10 години. Причина веројатно е промената на климата.
Фотографии на денот

„Најтешкиот бран на светот“

Теахупо - малото, живописно место на брегот на Тахити му е познато на секој сурфер: Брановите кој се разбиваат пред тамошното крајбрежје се огромни, крајно шупливи и моќни - при соодветна морска струја. По 11-дневна пауза, повторно дојде времето: злогласните планини од вода беснееја над гребенот на Теахупо. За сурферите малку слобода во корона-карантинот, кој важи и за Тахити.
Фотографии на денот

Последниот здив на зимата

Секоја година во мај зимата уште еднаш се навраќа на кратко, барем така гласи едно прастаро германско народно верување. Панкратиус (12.05.), Серватиус (13.05.), Бонифатиус (14.05.) и „студената Софи" (15.05.) се „четворицата ледени светци", на чии имендени повторно е можен мраз. Барем годинава, тоа се потврди, последните ноќи во повеќе делови на Германија се регистрирани температури под нулата.
Фотографии на денот

Конечно повторно во теретана, иако со маска!

Во некои германски покраини, меѓу кои Северна Рајна Вестфалија и Баварија, по повеќенеделна пауза поради пандемијата на коронавирус, повторно се отворени фитнес клубовите. Во Келн на пример уште од полноќ пред влезот во теретана во се создаде редица од стотина „жедни" за спорт. За вежбање во теретаните во сила се строги правила, држење растојание, дезинфицирање, тушевите не смеат да се користат.
Фотографии на денот

Трпеза за верверица

На еден балкон во германската покраина Баварија децата, додека престојуваат дома за време на корона-кризата, направиле минијатурна маса и клупа како во пивница. На мала чинија се сервирани ореви и лешници, а тука е и типичната пивска кригла. Една верверица се охрабрила да дојде на балконот и да се почести. Но, се чини дека повеќе од оревите и лешниците ја интересира пивото. Типично за Баварија.
Фотографии на денот

Азурниот брег спроти укинувањето на карантинот

Осамен шетач на прочуената променада на Англичаните во Ница на француската ривиера. Од 17 март во земјата во сила е забрана за излегување поради пандемијата на Ковид-19, која од денеска постепено ќе биде олабавена. Во Франција, која е една од најтешко погодените земји од коронавирусот во Европа, со денови се намалуваат бројките на починати и на заразени.
Фотографии на денот

Тивка прослава на најважниот верски празник

Најголемиот будистички празник Весак, милиони верници во светот годинава мораа да го прослават дома. Поради пандемијата на коронавирусот, сите свечености во чест на раѓањето,просветлувањето и смртта на Буда беа откажани. Весак е најважниот празник во будизмот. На овој ден се слават роденденот на Сидарта Гаутама, неговото просветлување под дрвото на смоква и влезот на Буда во нирвана.
Фотографии на денот

Зоолошките под клуч, животните онлајн

Поради кризата со коронавирусот, зоолошките градини и аква-парковите во цел свет се затворени. Дали е тоа време за опуштање и одмор на животните? Не секаде! Аква-паркот Шинагава во Токио во својата понуда има онлајн-шоу за деца и семејства. Така, пингвините Момо и Омохи преку компјутерските монитори влегоа во домовите на Јапонците.
Фотографии на денот

Заштитна маска со вашето лице

Носењето маска е задолжително во многу земји кои се справуваат со пандемијата на коронавирусот. Така и во Германија...Доминик Клос носи и покажува фото-маски кои ги изработува по нарачка во неговата мала печатница за текстил во Хамбург. Клос среде корона-кризата дојде на идеја со ваквите „маски со сопственото лице“, колку-толку да ја поттикне речиси замрената работа на печатницата.
Фотографии на денот

Танц со визири

Тие се повторно тука - традиционалните танчерки во храмот Ераван во Бангкок. Но, поради коронавирусот танцувањето сега е дозволено само со заштитни визири. Тајланд од почетокот на мај делумно ги ублажи рестрикциите поради Ковид-19.
Фотографии на денот

Спорт на отворено по седум недели

Шпанците повторно уживаат во излегувањето надвор и спортувањето на отворено по речиси седумнеделната строга забрана за излегување поради коронавирусот. По цели 48 дена многу строги правила за движење, оваа дама во Валенсија беше во можност да вежба на отворено.
Фотографии на денот

Угостителите бараат помош

СОС - повикот за помош e напишан со помош на столчиња поставени од угостители на демонстрации во Дрезден. Акцијата „Празни столови“ треба да го сврти вниманието кон проблемите на гастрономите, хотелиерите и организаторите на манифестации поради рестрикциите воведени заради справување со пандемијата на коронавирусот, а се спроведува во 80 градови во Германија.
Фотографии на денот

Мај почнува со дожд

Мај во Германија почнува наоблачен, во делови од земјата дури и со силен ветер и обилен дожд. Иако дневните температури се движат од 11 до 20 степени, не е исклучено во текот на ноќта тие некаде да паднат дури и на нула степени. Би било убаво кога би било поубаво, би рекле некои. Ова лутиче, кое се капе во дожд во парк во Диселдорф, не се жали на временските услови. Тоа едноставно зрачи со убавина
Фотографии на денот

Вештерките од Тале

Ноќта помеѓу 30 април и 1 мај е Валпургиска ноќ. Во Харц илјадници луѓе се собираат на панаѓури, вообичаено во костуми на вештерки или ѓаволи, и го прославуваат доаѓањето на пролетта. Но годинава, поради пандемијата на коронавирус собирите се откажани. Со или без прослава, Пеги Фидлер од работилницата во Тале која произведува кукли вештерки и годинава ги прикажува гордо фигурите од рачна изработка
Фотографии на денот

Маски од автомат

Ги немаше никаде, а сега може да се купат дури и од автомат - овој автомат за маски е поставен на една од железничките станици во Берлин. Оние кои немаат маска, а потребна им е за да влезат во воз, можат да се послужат од автоматот. Цена на една маска - 5,50 евра. Германците имаат целосна слобода во изборот на маска. Дозволено е да се носат и маски од рачно производство, како и шалови и шамии.
Фотографии на денот

Со рикша против коронавирусот

Во Индија е на сила строга забрана за излегување. Но, не сите се придржуваат до тоа. Овој човек во Ченаи, источна Индија, со својата рикша, која ја има преправено во обликот на коронавирусот, се обидува да ја изостри свеста дека треба да се остане дома. Индија на средината од април ги продолжи мерките за изолација за 19 дена.
Фотографии на денот

И куклите носат маски

Од 27 април во јавниот сообраќај во Германија и речиси насекаде во продавниците е задолжително носење маски. Медицинска маска не е неопходна, доволно е да се заштити устата. Предвид доаѓаат и рачно сошиени маски, шалови или шамии. На #ФотографијаНаДенот направена во бутик во Лудвигсбург, Андреа Кинле-Барч ги декорира со маски и куклите во продавницата.
Фотографии на денот

Покрај короната, сега уште и суша

Во цел април во Германија речиси и да немаше дожд, па и водостојот на реката Рајна е низок. Од сувото корито на Рајна погледот на фотографијава се пружа кон катедралата во Келн. Земјоделците во целата земја се загрижени, ова би била трета сушна година по ред, нивните приходи лани делумно беа преполовени. Првиот квартал од оваа година во земјите од ЕУ беше најтопол во последните 100 години.
Фотографии на денот

Рамазан со заштитни маски

Муслимански свештеници се молат во Капштад чекајќи на појавата на Млада месечина, која го означува почетокот на Рамазан. Муслиманите ширум светот, почнаа да го слават празникот, но овојпат во ограничени услови. Поради пандемијата на коронавирус, џамиите во многу земји се празни, верниците се молат дома или на отворено во помали групи.
Фотографии на денот

За секој ден по една маска

Овие седум рачно изработени заштитни маски на фотографијата, за секој ден во неделата по една, се закачени во канцеларија во Фридрихсхафен. Поради коронавирусот, во сите германски покраини, најдоцна од понеделник, 27. април, во јавниот превоз и во продавниците е задолжително носење маски кои ги покриваат носот и устата.
Фотографии на денот

Светлост и сенки

Со 880 метри надморска височина, Фелдберг е највисока точка на планинскиот масив Таунус, од каде што се пружа поглед на јужниот дел од германската покраина Хесен. Затоа не е чудо што многумина, без оглед на опасноста од коронавирусот, тука уживаат во залезот на соцето. Но, кристално чистиот воздух има и своја темна страна: влажноста на тоа место е многу ниска, па често се случуваат шумски пожари.
Фотографии на денот

Свадба на дистанца во Вухан

Млада невеста позира на езерото Ист Лејк кај Вухан, град кој долго ќе остане запаметен како место од каде почна ширењето на коронавирусот. Двојката го планирала венчавањето за в лето, но ја одложиле свадбата поради пандемијата. Но сепак оваа криза не е причина да не се организира фото шутинг на невестата - на дистанца од зетот, во очекување на целосно нормализирање на животот.
Фотографии на денот

Кога гондолите пренесуваат храна

Глетката не е толку живописна колку што сме навикнати да биде, кога е во прашање Венеција. Но акцијата е сепак корисна. Хуманитарна организација ги користи венецијански гондоли за пренесување храна на стари и болни лица. две жени од хуманитарна организација им доставуваат храна на старите и болни лица кои не можат да го напуштат својот дом поради страв од инфекција.
Фотографии на денот

Една свеќа за секоја жртва од Ковид-19

Илјадници свеќи светат во градината на Гертруд Шоп: 60-годишната католичка од од едно мало место во германската покраина Тирингија со секоја свеќа сака да ги потсети на жртвите од коронавирусот во Германија. Кон средината на март таа започна со околу 150 свеќи, во меѓувреме повеќе од 4.000 свеќи светат на нејзиниот имот. Со акцијата таа изразува и незадоволство од забраната за јавни богослужби.
Фотографии на денот

Корона-колачи

Овој таблет со разнобојни колачи е снимен во слаткарницата Мас во германскиот град Дрезден. Се продаваат под името „Корона антивируси“.Коронавирусот го доминира нашето секојдневие во секој поглед, па еве стигнува на ваков начин и до храната. Дали кај некого овие „антивирусни“ топчиња со рум и бело чоколадо ќе го поттикнат апетитот или ќе имаат спротивен ефект?
Фотографии на денот

Лалиња за во отпад

Колку и да е убаво ова поле со лалиња - цвеќињата годинава не се ништо повеќе од прекрасна кулиса за фотографии. Трговијата со овие цвеќиња е речиси целосно прекината поради кризата со пандемијата на коронавирусот. Оваа фотографија е направена во германската покраина Северна Рајна-Вестфалија. Од другата страна на границата, во Холандија, пак, дури веќе не е возможно ни фотографирање.
Фотографии на денот

На гласање со маска и пластични ракавици

Среде пандемијата на коронавирусот во Јужна Кореја на 15.04. се одржаа парламентарни избори. Гласањето се одвиваше со посебни заштитни мерки. Јужна Кореја важи за една од земјите која добро се справува со пандемијата на коронавирусот, преку агресивно следење на синџирите на инфекција, меѓу другото и со мобилна апликација и преку масовно тестирање.
Фотографии на денот

Социјално дистанцирање или потрага по осаменост

Да се држи растојение од другите е девизата за опстанок во ова време на пандемија. На ова езеро во Велс, тоа е лесно да се направи. Местото на брегот се чини дека е намерно избрано. Тука овој човек нема контакт со никого. Односно тој лесно се придржува кон актуелните правила за социјално дистанцирање, кои важат и во Велика Британија, која е особено тешко погодена од пандемијата на Ковид-19.
Фотографии на денот

Сам во црква- па сепак не сосема сам

Католичкиот свештеник Жонатан Коста е сам на Велигденската богослужба во црквата Сантуарио Дом Боско во Бразилија. Но тој е сам ... само на прв поглед. Имено ка клупите во црквата има фотографии од верниците. Ваквите богослужби за Велигден, кои се емитуваат на интернет , може да им помогнат на оние што се чувствуваат осамено во изолација поради пандемијата на коронавирусот.
Фотографии на денот

Велигденска поддршка за здравствените работници

Нашата #ФотографијаНаДенот овојпат доаѓа од Саутборн, Велика Британија. Огромниот зајак е поставен од станарите на зградата во знак на поддршка на британските здравствени работници кои се на првата линија на фронтот против Ковид-19.
Фотографии на денот

Црква претворена во импровизирана болница

Англиканската катедрала во Менхетн, Њујорк, е претворена во импровизирана болница за најмалку 200 пациенти. Освен тоа, дел од просториите на црквата се отстапени за медицински персонал. Една од најголемите цркви во светот изградени во готски стил сака во корона-кризата да и’ помогне на заедницата и да стои на располагање како прибежиште во тешки времиња. Њујорк е епицентар на корона-кризата во САД
Фотографии на денот

Со полициски дронови во корона-акции

Полицијата во Холандија со дрон на којшто има прикачен мегафон ги контролира луѓето и од нив бара да го почитуваат барањето за социјално дистанцирање. Дронот на оваа фотографија се употребува во Херлен, обично на паркинзите и местата околу булеварите со цел да се спречи ширење на инфекцијата со коронавирус. Вакви дронови полицијата употребува во неколку европски земји.
Фотографии на денот

„Полна“ црква и богослужба со стримување

Богослужби во празна црква веќе нема. Свештеникот Јоахим Гизлер во Ахерн, во германската покраина Баден Виртемберг, мораше да смисли нешто посебно, зашто во време на пандемијата на коронавирусот се забранети и собири во верските објекти. Верниците сепак се присутни, но во форма на испечатени селфи-фотографии. Верниците можат да ја следат богослужбата во живо преку стримување.
Фотографии на денот

Луѓето во карантин, животните на улица

Забрани за излегување и препораки да се остане дома поради коронавирусот има во многу европски земји. И додека луѓето се затворени, на улиците може да се видат пешаци од друг вид, како на пример овие патки во Брисел. Конечно доволно места за прошетка, си помислиле веројатно тие додека спокојно ги водат своите малечки во обиколка.
Фотографии на денот

Љубов со граници во време на корона

На границата помеѓу Германија и Швајцарија, затворена поради пандемијата, сега е поставена и втора ограда, со цел вљубените двојки да не се приближуваат. Саканиот или саканата на зелената граница помеѓу Констанц и Кројцлинген сега може да се види само на оддалеченост од два метра. Откако беа затворени границите, овде имаше една ограда, па двојките доаѓаа до оградата и стапуваа во директен контакт.
Фотографии на денот

Ограда за подароци - помош во корона-криза

Огради за ситни донации во цела Германија има одамна, но посебно се заживеани во сегашната криза со коронавирусот. Секој кој има нешто отповеќе или сака да донира за најранливите категории граѓани: животни продукти, производи за хигиена или облека, може да го обеси спакувано во кеса или торба на оградата. Бездомниците и сиромашните во секое време можат да земат нешто од тоа.
Фотографии на денот

Самокрунисување во време на коронавирус

Претседателот на Здружението на производители на шпаргли (аспарагус) во јужен Хесен, Ролф Мајнхарт, клечи на пропишано растојание од Саскија Кинцер од Дармштат, годинешна кралица на шпарглите. Таа мораше да се круниса сама себе си поради правилата за дистанцирање кои важат поради пандемијата на коронавирус. Изостана и големата фешта која се одржува традиционално секоја година, собири се забранети.
Фотографии на денот

Љубов во време на коронавирус: Двојката која се среќава преку граница

Пандемијата на коронавирусот предизвика многу ограничувања и проблеми за луѓето. Но Инга од Данска и Карстен од Германија не се предаваат. И покрај затворената граница тие наоѓаат начин да се гледаат. Секој ден, 85-годишната Инга Расмусен, и 89-годишниот Карстен Хансен се среќаваат на границата за да помуабетат, да ручаат, да се напијат кафе или Геле Ком- популарен пијалок во регионот.
Фотографии на денот

Аматерски фризер во Оксфорд

Косата израстува се подолга, а фризерските салони насекаде се затворени поради кризата со коронавирусот. Нема друга опција, човек ја зема работата во свои раце. Сцена како од Азија во срцето на Велика Британија: момче го потстрижува својот пријател на покривот на фризерски салон во Оксфорд, затворен поради пандемијата на коронавирус. Тешко е единствено со предвидената дистанца од 1,5 метри.
Фотографии на денот

Паркинг за спиење во корона-криза

Бездомници во Лaс Вегас спијат на паркинг просторот на Кешман-центарот, секој во својот обележан квадрат. Градските власти се обидуваат вака да одржат дистанца меѓу луѓето и да спречат натамошно ширење на коронавирусот. САД се инаку земја со најголем број регистрирани случаи на коронавирус во светот.
Фотографии на денот

Корона-кацига

Во борбата против коронавирусот Индија воведе најголем карантин во светот. 1,3 милијарди луѓе мора да останат дома, а полицијата против прекршителите спроведува главно остри а понекогаш и досетливи мерки. Полицискиот инспектор Раџеш Бабу избра соодветна кацига за дежурство на контролен пункт во Ченај, метропола на југоисток во Индија, им објаснува на моторциклистите зошто не можат да поминат.
Фотографии на денот

Папата сам на молитва за пандемијата

„Нашите плоштади, улици и градови се обвиени со голем мрак...Ни стана јасно дека сите сме во ист чамец, сите слаби и без ориентација, но сите еднакво важни и неопходни, зашто сите сме повикани да весламе заеднички“, рече папата Франциско, кој им оддаде чест на сите кои работат на надминување на кризата. Благословот го даде на најцрниот ден за Италија во корона-кризата, на кој починаа 969 луѓе.
Фотографии на денот

Рози во изобилство, за жал

Со нив би требало да се изрази нежност и да се израдуваат луѓето на кои им се подаруваат. Но, белите рози на фармата „Блис Флора“ во Кенија би можеле да завршат во отпад пред да бидат продадени. Европскиот пазар за цвеќиња се распадна како последица на корона-кризата. Транспортот на цвеќе станува невозможна мисија. Само во „Блис Флора“, секој ден се собираат околу 120.000 рози за извоз.
Фотографии на денот

Цутењето на црешите и коронавирусот

Јапонците не можат да му одолеат на раскошот на расцутените цреши и покрај опасноста од Ковид-19. Илјадници луѓе деновиве согласно традицијата, која потекнува уште од 12. век се собираат под крошните на штотуку процутените црешови дрва за да уживаат во нивната убавина. За тоа сведочи и оваа #ФотографијаНаДенот направена во паркот Уено во Токио.
Фотографии на денот

Свадба без гости

Прослава на големиот ден без семејството и пријателите? За многумина тоа едноставно беше незамисливо - сè до пандемијата на коронавирусот. Koj ja испланирал својата венчавка во следните неколку недели, за жал ќе мора да го направи тоа без голема прослава - впрочем како и Џастин и Jуле Николас од германскиот град Визбаден. Сите нивни планови беа поништени и двојката сама отиде во матичната служба.
Фотографии на денот

Скапоцена тоалетна хартија

Психолозите не можат да објаснат зошто токму тоалетната хартија е толку барана во кризата со коронавирусот. Луѓето оваа недоумица ја решаваат со шеги. Така во Берлин се појави графит на кој е насликан Голум, ликот од трилогијата „Господар на прстените“ како ги изговара неговите прочуени зборови „Моја скапоценост“. Но тој наместо прстенот од филмот во раката држи една ролна тоалетна хартија.
Фотографии на денот

Силен земјотрес го потресе Загреб

Силен земјотрес од 5,3 степени придружен со уште три помали го погоди хрватскиот главен град. Ударот предизвика голема материјална штета во градот. Оштетена е и катедралата во центарот на градот откако колабираше една од двете кули. Катедралата беше реновирана откако беше тешко оштетена во последниот голем земјотрес во градот во 1880 година.
Фотографии на денот

Коронавирус во Њујорк - балет со заштитна маска

Во време на коронавирус, кога се препорачува социјална изолација и речиси сѐ е замрено, балерината Ешли Монтагју одлучи да танцува. Таа со заштитна маска на лицето танцува на Тајмс Сквер во Њујорк, додека болеста Ковид-19 во градот се шири сѐ повеќе. Њујорк е еден од најпогодените градови од коронавирус во САД, бројот на инфекции изнесува околу 4000.
Фотографии на денот

Празни возови поради коронавирусот

Кристина Филипс од Јонкерс, САД, седи сосема сама во возот за Хадсон и чека на поаѓање од Централната станица во Њујорк. Надлежните од Метрополитен Транспорт велат дека се соочуваат со „финансиска катастрофа“ поради тоа што бројот на луѓето кои патуваат секојдневно до работното место и бројот на другите патници е драстично намален. Секој кој може да остане дома, во време на коронавирусот е дома.
Фотографии на денот

Сакам да останеш дома!

„Сакам да останеш дома!“ стои на постерот кого го фотографира жена во Барселона. Бројот на инфицирани со коронавирус во Шпанија се зголеми на над 4000. Досега починаа 309 лица. Шпанската влада прогласи вонредна состојба како дел од мерките против ширење на КОВИД-19. Во светот досега се регистрирани 175.530 инифицирани. Најголем број жртви има во Кина - 3213, потоа во Италија - 2158 и Иран - 853.
Фотографии на денот

Останете дома!!!

Германија, колебливо, а некои вирулози во земјата велат и задоцнето, воведува силни ограничувања во секојдневниот живот во обидот да се забави заразата со коронавирусот. Властите и експертите апелираат да не се излегува од дома. Значи сѐ уште станува збор за апели, за разлика од многу земји, каде властите одредија забрана за излегување од дома, освен за купување храна, лекови и одење на работа.
Фотографии на денот

Ким Јонг Ун - отпорен на коронавирус?

Генералите на севернокорејската армија не само што мора да ја штитат земјата од западните непријатели, туку и себе си од коронавирус. Високи офицери на војската на воени маневри носат заштитни маски за уста, иако како што се гледа на фотографијата, не сите ги ставиле правилно. Изгледа дека само на лидерот Ким Јонг Ун не му е потребна заштита. Можеби е отпорен на вирусот?
Фотографии на денот

Балкон на небото

Њујорк има нова атракција: Застаклената платформа „Раб“ како некој клун се издига од облакодерот „30 Хадсон Јардс“ со 100 ката. Од вчера на посетителите им е официјално дозволен пристап до новата платформа „на небото“, која такаречи „виси во воздух“ и пружа прекрасна и незаборавна глетка врз Менхетен.
Фотографии на денот

Епидемијата во Кина попушта

Нареден според боите на болничките униформи, медицинскиот персонал на привремена болница во жариштето на епидемијата на коронавирусот во Вухан го слави затворањето на установата. Во регионот Хубеи беа подигнати 16 привремени болници. Во милионскиот кинески град Вухан дел од претпријатијата, оние кои се важни за глобалните индустриски синџири, повторно почнуваат со работа.
Фотографии на денот

Супер Месечина

Супер Месечина синоќа над нашата планета и во прeден план авион кој полетува од франкфуртскиот аеродром - спектакуларна глетка. Супер Месечина е појава кога Месечината се наоѓа на најблиското растојание од Земјата во својата елипсовидна орбита - што резултира со малку поголема од вообичаената очигледна големина на лунарниот диск гледано од Земјата.
Фотографии на денот

Предвесници на пролетта

Во многу делови од Германија се навестува пролетта со нејзините раскошни бои.Така е и на оваа ледина полна со ранопролетното цвеќе шафран во Зигерланд- впечатлива игра на боите. Без оглед што моментно можеби не` преокупираат други поважни работи, секогаш се исплаќа да се погледнат и убавите нешта.
Фотографии на денот

Страдаат и најмалите

Бегалската криза на турско-грчката граница влегува во втората недела. Додека на копнената граница и натаму има илјадници мигранти, Турција веќе не дозволува бегалците по морски пат да преминуваат на грчките острови. Бебето на оваа фотографија направена во селото Скала Сикаминијас на Лезбос беше во последните чамци со мигранти кои успеаја преку Егејско Море да пристигнат од Турција,
Фотографии на денот

Уморен како пес

На оваа пудла ѝ е потребна кратка пауза. Имено, не е лесно да се настапува на најголемата изложба на кучиња во светот, која веќе 129 години се одржува во градот Бирмингем во Велика Британија. Првата награда на изложбата „Crufts“ важи за најважно признание за одгледувачот и неговиот пес.
Фотографии на денот

Традицијата и коронавирусот

Јужна Кореја е една од земјите кои се најсилно погодени од коронавирусот. Но, животот тече натаму а луѓето се прилагодуваат. Чуварот пред палатата Кјонбокунг во јужнокорејската престолнина Сеул, како што може да се види на оваа #ФотографијаНаДенот повеќе не носи само традиционална униформа, туку сега основен дел од опремата е и заштитната маска.
Фотографии на денот

Летечки трабант

Трабант- култниот автомобил од поранешната Германска Демократска Република е важен дел од новата атракција во Берлин. Реплика на трабантот или како што Германците милуваат да го нарекуваат „траби“ овие денови виси на сајли веднаш до познатата телевизиска кула во главниот град на Германија. Станува збор за рекламна акција, која веќе ги воодушеви Берлинчани.
Фотографии на денот

Предвесници на пролетта како зрак на надеж

Додека Кина и натаму се бори против епидемијата на коронавирусот, пролетта се најавува со своите предвесници. Како впрочем на оваа #ФотографијаНаДенот на која се гледа патот низ една плантажа за чај во централната провинција Шанѓи. Можеби ова е нешто како зрак на надеж: експертите имено се надеваат дека новиот коронавирус полека ќе исчезнува со растечките температури.
Фотографии на денот

Демони ја протераа зимата

Поради појавата на коронавирус во земјата, македонските власти ги откажаа карневалите во Струмица и во Прилеп. Во соседна Србија, пак, нема инфицирани од новиот вирус и за Прочка традиционално се славеше. На карневалот за Прочка, во костуми направени од тикви, волна, пердуви неженети мажи шетаа по улиците на српското село Лозовиќ.
Фотографии на денот

Мува наместо путер?

Белгиски научници истражуваат дали маснотијата од ларви на инсекти може да служи како замена за путер. Путерот е содржан во многу производи. А тоа е проблем, зашто за кравите е потребна голема количина храна, вода и тие произведуваат гас метан. Поинаку е со инсектите. Од ларви на еден вид мува научниците од Универзитетот Гент во Белгија екстрахирале маснотија и ја употребиле за печење колачи.
Фотографии на денот

Да живеат пабовите!

Поддржувач на кампањата „Да живеат пабовите“ протестира пред парламентот во Лондон во огромна чаша против високиот данок на пивото. На британските пабови им се заканува умирање поради намален број гости. Со 0,33 евра по шише од 0,33 литри, данокот на пиво во Велика Британија е на пример 11 пати повисок отколку во Германија. Петицијата за намалување на данокот на пиво ја потпишаа 200 илјади луѓе.
Фотографии на денот

Стерилизација на кинески начин

Вухан е во карантин поради коронавирусот. На жителите на кинескиот град зеленчук им се носи со мотоцикли. Од безбедносни причини, спакуван е во пластични кеси. Епидемијата на коронавирусот во Кина, според шефот на експертската владина комисија, Жонг Наншан, ќе трае уште долго. „Се надеваме дека до крајот на април ќе го ставиме под контрола ширењето на вирусот“, изјави професорот.
Фотографии на денот

Карневалскиот оптимизам контра коронавирусот

На годинешниот карневал во Рајнската област во Германија „на удар“ на карневалската сатира е новиот коронавирус, кој се чини незапирливо се шири ширум светот, сеејќи неизвесност и страв. Карневалистите во Диселдорф на коронавирусот му го спротиставуваат „карневалскиот вирус“. Но, „петото годишно време“ на безгрижност и славје завршува со т.н „Среда Пепелница“.
Фотографии на денот

Збогување со Коби Брајант

Илјадници луѓе, меѓу кои и супер-ѕвезди, на комеморација во Лос Анџелес се простија од кошаркарската легенда Коби Брајант, кој загина во хеликоптерска несреќа. При падот на хеликоптерот на 26 јануари годинава покрај него и ќерката настрадаа уште седум други лица. На #ФотографијаНаДенот - мурал во Лос Анџелес посветен на Коби и Џана Брајант.
Фотографии на денот

Карневалска „пресметка“ со политичарите

Уличните карневали во карневалските упоришта Келн, Диселдорф и Мајнц привлекоа стотици илјади посетители. Цел на карневалската сатира- и политичари од светската сцена. Низ Келн продефилираа „Светски дрвени глави“: кинескиот претседател Ши Џинпинг, британскиот премиер Борис Џонсон, рускиот претседател Владимир Путин, американскиот претседател Доналд Трамп и севернокорејскиот лидер Ким Конг Ун.
Фотографии на денот

Дигитална фискална сметка

Влегувате, купувате, сметката ја добивате на апликација - тоа е иднината на купувањето, или барем така се надеваат фирмите кои на германскиот пазар вадат апликации за дигитални фискални сметки. Проблемот е само што има многу различни апликации во тест фаза, па решението засега не е баш идеално.
Фотографии на денот

Илјадници луѓе против омразата во Германија

Илјадници луѓе ширум Германија им оддадоа почит на жртвите во нападот во Ханау. Собири имаше во над 50 градови (фото: собирот во Минхен). Претседателот Штајнмајер нападот го оцени како брутален терористички акт и повика на отпор против говорот на насилство и омраза. Во Ханау напаѓач уби 9 луѓе и повреди повеќемина во два шиша-барови. На крајот осомничениот ја убил мајка си, а потоа се самоубил.
Фотографии на денот

Ден на пресечени вратоврски

Во германските градови долж реката Рајна почна уличниот карневал. Според обичајот, на денешниот ден наречен „Вајберфастнахт“ жените ја преземаат власта со „освојување“ на општинските згради преку симболичниот гест: сечење на вратоврските на мажите! Во канцелариите, мажите по правило денеска носат само стари вратоврски, оти знаат што ги очекува.
Фотографии на денот

И кучињата со маски за заштита од корона-вирусот

Заштитна маска не само за луѓето, туку и за домашните миленичиња - овие две кучиња носат маски како превенција од корона-вирусот додека се шетаат низ шопинг-зоната на Шангај.
Фотографии на денот

На удар на бурата Денис

Бурата „Денис“ предизвика поплави, сообраќаен хаос и прекин на електричната енергија во Велика Британија. Стотици летови беа откажани, на југот на Велс беше прогласен највисок степен на аларм поради силните дождови. Најмалку едно лице загина во големата бура. „Денис“ во меѓувреме ја зафати и Франција. Во Бретања, во Сан Геноле, е направена нашата #ФотографијаНаДенот.
Фотографии на денот

Што сонуваат лавчињата?

Родени се кон крајот на декември и сега за првпат се претставени пред јавноста: новите лавчиња во зоолошката градина во Лајпциг. Петте младенчиња напредуваат добро и веќе почнуваат да јадат месо. Кога ќе пораснат, тие ќе бидат преселени во поголем простор во зоолошката градина во овој германски град. Тие се тука засега и во моментов спијат, пссст!
Фотографии на денот

Недела на модата во Њујорк

Букет од рози како украс на главата - розите се од штоф, а креацијата е дел од колекцијата на Марк Џекобс прикажана вчера, на крајот на Неделата на модата во Њујорк. Големото модно шоу годинава помина во знакот на прашањето - дали овој настан сѐ уште е во чекор со времето. Дотолку повеќе што од година во година се намалува бројот на големи имиња од светот на модата кои се присутни во Њујорк.
Фотографии на денот

Знамето на НАТО пред македонскиот парламент

Оваа #ФотографијаНаДенот е белешка за историскиот момент кога припадниците на почесната гарда го креваат знамето на НАТО за време на свечената церемонија пред зградата на парламентот во Скопје, откако пратениците го ратификуваа протоколот за пристапување на земјата кон НАТО. За ратификацијата гласаа 114 од вкупно 120 пратеници, а немаше гласови против, ниту пак воздржани.
Фотографии на денот

Вирусот и Ѕидот

Во Вухан- најсилно загрозениот град од коронавирусот но и во останатите кинески градови во моментов ретко кој шета по улиците, а и кога шета, заштитната маска за лице е речиси обврзувачка. Жената на оваа #ФотографијаНаДенот во една станица на подземната железничка во Пекинг проаѓа покрај постер на Кинескиот ѕид, кој е затворен за посетители од избувнувањето на корона-вирусот.
Фотографии на денот

„Сабине“ ја парализира Германија

Зимскиот оркан „Сабине“ протатне низ Германија. Повеќе луѓе беа сериозно повредени од паднати дрва. Возовите стоеја, стотици летови беа откажани. Искорнатите и паднати дрва и гранки нанесоа и огромни материјални штети, за што сведочи и оваа #ФотографијаНаДенот направена во градот Бохум на западот на земјата.
Фотографии на денот

Качунките и пролетта

Веќе е пролет? Па, не баш. Но, природата е далеку понапред од календарот. Предвесниците на пролетта, качунките, веќе ги разубавуваат ливадите во Германија. Овие убавици се фотографирани на брегот на реката Елба, кај Дрезден. Температурите на почетокот на февруари некаде се искачија и до 15 степени Целзиусови.
Фотографии на денот

Спајдермен се штити од корона-вирусот

Заштитната медицинска маска не изгледа којзнае како, а и двојна заштита е секогаш подобро решение. Ова момченце во Кина едноставно преку маската за заштита си ја облекло и својата Спајдермен-маска за да биде што е можно побезбедно од инфекција со корона-вирусот. Во Кина бројот на жртвите се зголемува и натаму.
Фотографии на денот

Распарчен авион на аеродромот во Истанбул

При слетување на аеродромот во Истанбул, авион со 183 патници и членови на екипажот излета од пистата и се распарчи на повеќе делови. Притоа животот го загубија најмалку три лица, а 179 луѓе се повредени. Гувернерот на Истанбул, Али Јерликаја, изјави дека авионот прво се лизгал на пистата 50 до 60 метри, а потоа од висина од околу 30 до 40 метри паднал во просторот кој лежи пониско од пистата.
Фотографии на денот

Пелоси го искина говорот на Трамп

Минатата година му аплаудираше со потсмев, а сега демократката Ненси Пелоси буквално го искина говорот на американскиот претседател. Доналд Трамп во Конгресот повеќе од еден час ги набројуваше своите политички успеси, а неговата противничка Пелоси потоа му покажа што мисли за неговиот говор за состојбата на нацијата. Таа говорот го нарече „Манифест на невистини“.
Фотографии на денот

„Сакаме слобода, ве молиме помогнете ни“

Стотици луѓе од преполните бегалски кампови на грчкиот остров Лезбос маршираа против условите во камповите и за слобода. Ова дете носи плакат од картон на којшто пишува „Сакаме слобода! Ве молиме помогнете ни!“. Бегалците го напуштија преполниот камп Морија и тргнаа во главниот град на островот, Митилини. По неколку барања на полицијата да се вратат назад, полициските сили употребија солзавец.
Фотографии на денот

Заштита од корона-вирусот

Човек во Хонгконг носи пластично шише на лицето во обид да се заштити што е можно повеќе од корона-вирусот. Во Кина за само еден ден се регистрирани нови 2.800 пациенти инфицирани со вирусот. Со тоа бројот на инфицирани се зголеми на над 17.000. За еден ден и бројот на починати се зголеми за дури 57 лица и сега изнесува 361.
Фотографии на денот

Површината на Сонцето

Златно-портокалови меури кои треперат, стануваат поголеми и така ја менуваат својата надворешност - никогаш досега човекот му се нема толку многу приближено на Сонцето. Снимките се направени со помош на телескопот „Daniel K. Inouye“, најголем соларен телескоп во светот, кој се наоѓа на Хаваи. Она што изгледа како површина од неколку сантиметри се всушност „клетки“ со големина колку две Германии!
Фотографии на денот

Збогум Велика Британијо!

Првпат во историјата на Европската унија една земја ја напушта заедницата - збогум вели Велика Британија. Со нејзиното заминување ЕУ ќе стане помала за 66 милиони жители и ќе загуби околу 5,5% од својата територија. Доколку Велика Британија некогаш повторно сака да стане ЕУ-членка, за неа ќе важат вообичаените критериуми за прием како и за останатите земји.
Фотографии на денот

Последниот чин во драмата Брегзит

Европскиот парламент со големо мнозинство гласаше за договорот за излегување на Велика Британија од Европската унија. На #ФотографијаНаДенот претседателот на Европскиот парламент, Давид Сасоли, по седницата на пратеничката група на социјалдемократите стои среде пратениците од Велика Британија.
Фотографии на денот

Клоца за блискоисточниот план на Трамп

Американскиот претседател Доналд Трамп го претстави својот мировен план за конфликтот на Блискиот Исток и „доби нога“ од Палестинците. На оваа #ФотографијаНаДенот Палестинец минува покрај графити кои се дело на палестински демонстранти, а на кои е прикажан отпечаток од стапало врз лицето на американскиот претседател.
Фотографии на денот

Корона-вирусот стигна во Германија

Во Германија е потврдена инфекција со корона-вирус. Маж од округот Штарнберг, во Баварија, е инфициран со вирусот кој потекнува од Кина, соопштија надлежните здравствени власти. На #ФотографијаНаДенот лаборантка во Институтот за вирологија во болницата Шарите во Берлин сортира проби во рамки на испитувањата на корона-вирусот.
Фотографии на денот

Загина легендарниот Коби Брајант

Кошаркарската легенда Коби Брајант загина во хеликоптерска несреќа. Во несреќата животот го загуби и неговата 13-годишна ќерка Џана и седум други лица. 41-годишниот Брајант бил на пат за кошаркарски натпревар на кој требало да игра ќерка му. На #ФотографијаНаДенот е фатен моментот кога Коби Брајант ги поздрави фановите по својот последен НБА-натпревар во април 2016 година.
Фотографии на денот

Воз над реката

Оваа зима на западот на Германија е невообичаено топла. Од снег нема ни трага, а речиси секој ден има барем неколку сончеви часови. И тогаш на зајдисонце настануваат мотиви како на оваа #ФотографијаНаДенот: над пареата која се крева од реката Рур кај местото Хердеке се протега железнички вијадукт. Првобитно изграден во 1879 година, овој мост бил обновен по Втората светска војна.
Фотографии на денот

Змејовите мируваа поради вирусот од Вухан

Често прославите за дочекот на кинеската Нова Година започнуваат веќе неколку денови порано. Годинава поради заканата од новиот коронавирус во многу места пред сѐ во Кина тоа останаа и единствените прослави...
Фотографии на денот

Вонредна состојба во Вухан

Властите во кинескиот Вухан го забранија целокупниот авионски и железнички сообраќај од градот, додека Кина се бори против ширењето на новиот вирус од кој досега починаа 17 а заболеа стотици лица. Властите уште побараа од жителите на 11-милионската метропола да не го напуштаат градот без конкретни причини. Не возат ниту градските и меѓународните автобуси, подземната железница и траектите.
Фотографии на денот

Илјадниците тапани во Сан Себастијан

Се собираат еднаш годишно во јануари, и ги има илјадници од сите возрасти, маршираат и удираат во тапаните најсилно што можат. „Ла Тамборада“ е фестивал во чест на заштитникот на Сан Себастијан, градот во шпанската провинција Баскија. Со него им се оддава почит и на храбрите Баскијци кои со силно тропање на тавчиња и тенџериња некогаш одамна ги исмевале окупаторските трупи на Наполеон.
Фотографии на денот

Тмурно над Сиднеј

Австралија едноставно неможе да земе здив од екстремните временски непогоди и катастрофи. Силно невреме проследено со огромен град зафати делови од источниот брег на Австралија во последниве два дена. Оваа #ФотографијаНаДенот е направена во Сиднеј непосредно пред налетот на силното невреме кое се случи непосредно по „апокалиптичните“ песочни бури кои ги зафатија областите погодени од суша.
Фотографии на денот

Водици на Волга

Големиот христијански празник Богојавление традиционално значи и пливање по крстот- без оглед колку е ладно. А ретко каде е поладно отколку овде во Волгоград, рускиот град наречен по огромната река на чие крајбрежје се наоѓа. Годинава меѓутоа верниците влегоа во невообичаено топлите води на Волга: температурата изнесуваше само минус три степени.
Фотографии на денот

Родео - во прегратка со бикот

Човекот против животното на традиционалниот тамилски натпревар Џаликат во Индија. Родео во Индија: пред очите на бројни гледачи момчињата се обидуваат да го скротат бикот. Оние кои ќе успеат во тоа, се сметаат за исклучително храбри. Спектаклот е дел од фестивалот Понгал. Се одржува секоја година во средината на јануари и трае четири дена.
Фотографии на денот

Бели лавчиња во Магдебург

Уште немаат имиња, но ветеринарите велат дека се сосема здрави и напредни. Ги добиле и првите вакцини. Неполни два месеци откако се родени, овие младенчиња на бел лав пет пати ја зголемија својата тежина. За Зоолошката градина во Магдебург ова е голем успех, ова е четврти пат да има принова од бел лав. Овде се родени дури 13 лавчиња од овој загрозен вид.
Фотографии на денот

Најдолга торта на светот

Околу 1500 пекари и готвачи во индиската сојузна држава Керала направија торта долга 6,5 километри, десет сантиметри широка и тешка околу 27.000 килограми. Дали е ова доволно за Гинисов рекорд? Гинисовиот комитет уште ја нема објавено својата оценка. Досегашниот рекорд го држеа кинеските пекари од регионот Цикси, кои во 2018 година подготвија речиси 3,2 километри долга овошна торта.
Фотографии на денот

Пупки среде зима

На брегот на езерото Амерзе, во германската покраина Баварија, среде јануари дрво пуштило пупки. Оваа фотографија е направена ноќе, во сјајот на месечината, во близина на местото Шондорф. Како и во цела Германија, и во Баварија годинава владее исклучително блага зима со невообичаено високи температури за овој период од годината, тие во делови повремено достигнуваат и до 15 степени Целзиусови.
Фотографии на денот

Опасна вулканска ерупција на Филипини

Вулканот Таал со денови исфрла пепел, поради што околните места се сосема сиви. Во последниве часови е забележано дека исфрла и лава, а регистрирани се стотина вулкански потреси. Таал се наоѓа на главниот филипински остров Лузон, околу 70 километри јужно од главниот град Манила. Тамошниот аеродром е привремено затворен, откажани се стотина авионски летови.
Фотографии на денот

Победа на стартот на ракометното ЕП

Македонската репрезентација со победа ја започна групната фаза на Европското првенство во ракомет. Во Виена беше совладана Украина со 26-25 (13-10). Најефикасни во македонскиот национален тим беа Кире Лазаров, кој со гол во последните секунди ја донесе и победата, како и Дејан Манасков, кој постигна шест гола. Меѓу хероите на вечерта се вбројува и одличниот голман Никола Митревски.
Фотографии на денот

Рани од пожарите

Посумот со изгореници добива помош од волонтер во Меримбула, Австралија. Тој е само едно од милионите повредени животни во катастрофалните пожари, во кои досега, според податоците на Светскиот фонд за заштита на природата, загинаа 1,25 милијарди животни, притоа не сметајќи ги тука инсектите и некои безрбетници, како и жабите.
Фотографии на денот

Паричка за среќа

Стави пари во туната и помоли се за среќа - во храмот Нишиномија, Јапонија, тоа се прави секогаш на почетокот на Тока Ебису фестивалот (9-11 јануари). Ебису е божество на риболовот и економскиот просперитет. Во храмот Нишиномија, посветен на Ебису, секоја година луѓето ставаат пари во туната, овојпат тешка околу 200 килограми и долга околу 2 метра, во надеж дека ќе имаат напредок во новата година.
Фотографии на денот

Авионска несреќа во Техеран

Фотографија која сведочи за една голема трагедија - во близина на аеродромот во Техеран се урна украински авион и притоа загинаа сите 176 патници и членови на екипажот. Боингот 737 на авиокомпанијата Украина Интернационал, според изјава на шефот на иранските спасувачки сили, се запалил непосредно по полетувањето од Техеран.
Фотографии на денот

Честит Божик!

Фотографија направена во Соборниот храм во Скопје. Верниците го прославуваат Христовото раѓање и си посакуваат здравје, успех и среќа, а порака до нив традиционално упати архиепископот охридски и македонски, како и голем број политичари. „Да го чуваме тоа што е наш идентитет - и духовен и национален“, порача во својата божиќна порака поглаварот на Македонската православна црква, г.г. Стефан.
Фотографии на денот

Уништена статуа на Ибрахимовиќ

Статуата на шведската фудбалска ѕвезда Златан Ибрахимовиќ, поставена пред стадионот на Малме ФФ, е повторно уништена. Ибрахимовиќ потекнува од Малме и своите први години како професионален фудбалер ги помина во Малме ФФ. На крајот на ноември минатата година тој најави дека ќе стане сопственик на акции во стокхолмскиот клуб Хамарби ИФ, што предизвика голема лутина во Малме.
Фотографии на денот

Змеј на мраз

Во Кина со векови постои традиција на трки со „змејски чамци“. Но, овие во Шенјанг се на лизгалки и помали од обично, а сепак се чини задоволството е огромно. Клучна улога во „змејскиот чамец“ на мраз игра оној кој го дава ритамот и го мотивира својот тим, тој е „срцето“ на екипата. Трките со „змејски чамци“ во спортскиот регион во североисточна Кина привлекуваат бројни посетители.
Фотографии на денот

Тага по пожарот во зоолошката градина во Крефелд

Во пожарот кој избувна во сместувалиштето за мајмуни веднаш по полноќ во новогодишната ноќ загинаа 30-тина животни- горили, орангутани, шимпанзи...Пред портите на богатата со традиција зоолошка градина во германскиот град, бројни граѓани положија свеќи, цвеќе, писма и плишани животни. Пожарот бил предизвикан од пиротехничко средство, кое е забрането за приватна употреба во Германија.
Фотографии на денот

Среќна Нова 2020!

Со желби за здравје, љубов, радост и среќа до вас драги читатели, тука во редакцијата на македонски јазик на Дојче Веле го започнавме првиот ден од новата година. Нашата #ФотографијаНаДенот е направена во моментите на спектакуларниот огномет над Бранденбуршката капија.Токму во Берлин се одржа најголемата прослава за дочек на новата 2020 година во Германија.
Фотографии на денот

Свечен дочек на 2020

Пацифичките острови Самоа и Кирибати беа првите места во светот кои ја дочекаа новата 2020 година. Во главниот град на островската држава Самоа, Апиа 2020 беше дочекана со спектакуларен огномет. Оваа #ФотографијаНаДенот е направена во Оукленд, Нов Зеланд, и сведочи за еуфоријата на дочекот на Новата година. Оукленд беше првиот поголем град во кој беше дочекана Новата Година.
Фотографии на денот

Подготовки за годината на стаорецот

Годината на свињата полека се ближи кон крајот. Од 25 јануари 2020 година започнува годината на стаорецот. Така барем вели кинескиот календар. За дочекот на новата година на стаорецот се подготвува и морскиот лав на оваа #ФотографијаНаДенот направена во забавниот парк Хакеџима Си Парадајз во јапонскиот град Јокохама. Тој, имено, веќе научи да го напише зборот стаорец со кинеско писмо.
Фотографии на денот

Амазонски папагали летаат низ Штутгарт

Куриозитет на природата среде град - во Штутгарт речиси 30 години живеат на слобода десетици жолтоглави папагали. Посебно во зима, кога дрвјата се оголени, папагалите можат лесно да се забележат. Амазонскиот жолтоглав папагал или папагал со двојно жолто чело, како што уште се нарекува, потекнува инаку од Мексико.
Фотографии на денот

Божиќно капење во Прага

Пет степени над нулата и мраз ладната вода на реката В`лтава не ги одвратија најхрабрите пливачи од Прага од традиционалниот зимски спектакл. Бројни граѓани се нурнаа во водите на В`лтава на вториот ден од Божиќ, а многу поголем број останаа на брегот за да се восхитуваат на глетката.
Фотографии на денот

Помрачување на сонцето

Помрачување какво што ретко се гледа - во големи делови од Азија луѓето се восхитуваа на редок подарок од небото. Месечината се постави помеѓу Земјата и Сонцето и го покри Сонцето, но не комплетно, туку остави светлечки круг. Затоа ова помрачување се нарекува огнен венец. Ова трае само околу две минути, но доживувањето е интензивно, велат оние кои беа сведоци на небесната претстава.
Фотографии на денот

„Раната на Витлеем“

Инсталацијата која асоцира на насилството на Блискиот Исток, тешката ситуација на Палестинците и ѕидовите кои ги подига Израел, се наоѓа во хотелот „Заѕиданите“ во Витлеем, а е дело на уметникот кој работи под псевдонимот Бенкси. Класичната сцена во шталата со фигури на Марија, Јосиф и тукушто родениот Исус и животни, е сместена пред бетонски ѕид со дупка од куршум во форма на Ѕвездата на Витлеем.
Фотографии на денот

Божик во поплавена Венеција

Божик е време кога би требало да се заборават секојдневните грижи, кога се сонува за поубав свет. Но, во Венеција годинава тоа не е можно - градот е повторно под вода. Овој Дедо Мраз морал да облече високи чизми за да прошета низ улиците на Венеција. Светското културно богатство на УНЕСКО со недели страда од невообичаено големи поплави.
Фотографии на денот

Мајка Тереза не може да дише

Статуата на Мајка Тереза во Приштина овие денови доби нов детал - граѓаните и` ставија маска за дишење во знак на протест против загадениот воздух. Приштина е редовно во врвот на листата на градови со најзагаден воздух во светот, а на неа оваа година често се појавуваат и многу други градови од Балкан, меѓу кои и Скопје, Тетово, Белград, Сараево...
Фотографии на денот

Дедо Мраз на камила

Дедо Мраз на санка која ја влечат ирваси - тоа е мотив кој е познат ширум светот. Но, што кога нема ирваси? Според принципот „снајди се“, се користи она што е на располагање. Така, овој палестински Дедо Мраз, инаку актер од Ерусалим, бил креативен и наместо на ирвас, јава на камила. На калуѓерката покрај него тоа, како што се чини, ѝ се допаѓа!
Фотографии на денот

Најдобра УНИЦЕФ-фотографија за 2019

Ова е победничката фотографија на УНИЦЕФ за 2019. Направена е во Манила, а носи наслов „Децата, отпадот и смртта“. Хартмут Шварцбах ја фотографира 13-годишната Вени и други деца кои во морето од отпад секојдневно се обидуваат да пронајдат предмети кои може да ги продадат и да заработат малку пари. Фотографијата отсликува три трагедии: сиромаштија, загадување на животната средина и детска работа.
Фотографии на денот

Вонредна состојба поради пожарите во Австралија

Во австралиската сојузна држава Нов Јужен Велс е прогласена седумдневна вонредна состојба поради „катастрофалните временски услови“. Се очекуваат температури околу 45 степени Целзиусови. Северно од Сиднеј и натаму беснее голем пожар. Оваа коала со своето младенче лежи во зоолошката градина Таронга во Сиднеј, откако беа спасени од пожарот на Модра Планина.
Фотографии на денот

Смог и магла

Фотографијата која доаѓа од Косово, според многу германски медиуми е меѓу најдобрите фотографии на денот. Човек во Приштина се движи низ смогот, кој поради светлоста добива посебна виолетова нијанса. Загадувањето на воздухот на Балканот е огромно деновиве. Во текот на изминатите месеци Приштина беше еден од градовите со најлош квалитет на воздухот во светот.
Фотографии на денот

Џамија на тркала

Невообичаен транспорт - на југоистокот на Турција почна преместувањето на џамија од 15. век. Причина се градежни работи на браната Илису. На местото каде што досега се наоѓаше џамијата треба да се создаде вештачко езеро на реката Тигар. Според наводи на турските власти, за таа цел џамијата ќе биде поделена на четири дела.
Фотографии на денот

Виенски божиќен сон

Во австрискиот главен град во предбожиќниот период осветлено и соодветно украсено е и прочуеното Виенско панорамско тркало. Тоа е изградено во 1897 година по повод 50-годишнина од седнувањето на тронот на царот Франц Јозеф. Оттогаш, тоа стана неизоставен дел од градската панорама.
Фотографии на денот

Подготовки за дочекот на 2020-та година

До преминот во следната година остануваат уште две недели, но подготовките за пречек во светот се одвиваат со полна пареа. Во најомилените цели за дочек на новата година спаѓа Њујорк. Овие светлечки бројки, кои работниците на #ФотографијаНаДенот ги истоваруваат на Тајмс сквер на Менхетен, на 31. декември на полноќ ќе бидат во фокусот на стотици илјади луѓе, кои ќе го слават преминот во 2020.
Фотографии на денот

Ризична мисија на вулканскиот остров во Нов Зеланд

Без оглед на големата опасност од повторна вулканска ерупција, елитна единица на новозеландската војска стигна на Вајт Ајленд и ги најде телата на шест жртви, кои потоа се транспортирани со хеликоптер од островот. Во понеделникот дојде до ерупција на вулканот Вакаари, при што загинаа 16 луѓе, а многумина се повредени, некои од нив имаат изгореници од највисок степен.
Фотографии на денот

Планините се важно природно богатство

11 декември е Светски ден на планините, прогласен од ОН во 2003 г., за да ја подигне свеста за проблемите на планинските предели и да укаже на начините на кои може да се профитира од нив. Тие особено сензитивно реагираат на последиците од промена на климата. Температурите на Алпите на пример растат побрзо од просекот во светот, со катастрофални последици за флората и животот на луѓето и животните
Фотографии на денот

Стоп-Брегзит на планинска турнеја

Ова не е редовна автобуска линија во шкотскиот планински предел кај Глен Коу, туку изборниот автобус на шкотската премиерка, која во борбата по гласови во пресрет на парламентарните избори оваа недела завлегува и до најзафрлениот агол на земјата. Населението во Шкотска е мнозински против излезот на Велика Британија од ЕУ, но сепак можеби ќе мора да ги сноси последиците од Брегзит.
Фотографии на денот

Шарени ленти против бомби

Во демилитаризираната зона меѓу Северна и Јужна Кореја постојат огради. Но, луѓето сепак се надеваат на мир и тоа го изразуваат на пример преку шарените ленти кои ги врзуваат на оградата во паркот Имџингак. Паркот потсетува и на многуте фамилии кои се разделени поради поделбата на двете Кореи. Дали шарените ленти му се допаѓаат и на Ким Јонг Ун на другата страна на границата, е прашање.
Фотографии на денот

Сиднеј - венчавка во жолто

Сиднеј е обвиен со сенишен жолт превез од отровен чад. Чадната покривка над градот станува се` погуста- воздухот во метрополата е веќе опасен по здравјето. Со недели на источниот брег на Австралија беснеат катастрофални пожари, кои сега се споија во „мега пожар“. Пожарникарите се беспомошни. Оваа двојка сепак не сака да се откаже од својата венчална фотографија.
Фотографии на денот

„Џокер“ протестира во Франција

Дали е добра идеја тоа што демонстрантот на протестот во францускиот град Марсеј многу личи на филмскиот карактер? Демонстрантите во Франција имаат сериозни барања и грижи (во прв ред најавената пензиска реформа од страна на претседателот Емануел Макрон) - и чистото насилство не треба да се вбројува меѓу тоа.
Фотографии на денот

Без почит кон кралот

Гордо, златниот елен ги крева своите моќни рогови кон небото: кралот на шумата со право е почестен со статуа во Штудгарт. Но, сите субјекти не му ја искажуваат неопходната почит. Две врани ја чекаат зората во германската метропола. Тие притоа удобно се сместија на роговите на позлатена скулптура на елен, на врвот на зградата на Виртембершкото уметничко здружение (Württembergische Kunstverein).
Фотографии на денот

Танц на небото

Маневрите кои ги изведуваат сколовранците додека летаат во јато се вчудовидувачки. На патот кон југ јатото сколовранци на оваа #ФотографијаНаДенот е во потрага по соодветно место за одмор. Птиците со маневрите кои ги изведуваат всушност се штитат од непријателите- птиците грабливци. Летањето во јато и постојаното движење им отежнува на грабливците да издвојат една жртва.
Фотографии на денот

Колку се здодевни галебите?

Во секој приморски град на западот на Европа ќе видите знак: „Не ги хранете галебите!“ За тоа има добри причини...Прво, галебите знаат и сами да најдат доволно храна. Второт, доколку ги храните, ќе ви додеваат цело време. Може дури буквално да ви се качат на глава!. Како на оваа жена на нашата #ФотографијаНаДенот, која шета покрај Амерското езерто (Амерзе) во германската покраина Баварија.
Фотографии на денот

Смрзнување со причина

Иако е релативно мало, Синото езеро или Блаузе е едно од најпознатите планински езера во Швајцарија. Езерото е настанато на карпа пред повеќе од 15 илјади години, но е откриено пред само 150 години. Од 2016 , пак, традиционално се плива во овој период од годината во студената вода на Блаузе и тоа за добротворни цели. Така беше и годинава а температурата на водата изнесуваше 4,9 Целзиусови степени
Фотографии на денот

Крава со ВР-очила

Руските крави во иднина би требало да продуцираат повеќе млеко со помош на очила за виртуелна реалност и дигитални слики од зелени ливади. Животните, со помош на симулирани полјани и зеленило, можат подобро да се опуштат во текот на студената руска зима. Министерството за земјоделство во Москва смета дека на тој начин ќе го поттикне производството на млеко.
Фотографии на денот

Илјадници земјоделци на протест со трактори

Без земјоделци нема храна и нема иднина - стои на плакатот кој беше еден од многуте на протестот на илјадници земјоделци од цела Германија собрани во Берлин. Тие го блокираа главниот град за да стават до знаење дека со постојаното заострување на прописите за заштита на животната средина и заштита на инсектите и на водата се загрозува нивната егзистенција.
Фотографии на денот

Најтежок земјотрес во Албанија со децении

Во најтешкиот земјотрес што ја погоди Албанија во последните три децении загинаа повеќе лица. Потресот, според наводите на Американската агенција за геолошки истражувања УСГС, имал јачина од 6,4 степени, а епицентарот се наоѓал на 30 километри западно од Тирана, на длабочина од 10 километри. По првиот потрес следуваа уште неколку силни афтершокови.
Фотографии на денот

Стоп за насилството врз жените!

Црвени чевли во Брисел во знак на протест против насилството врз жените - на Меѓународниот ден против насилство врз жените ширум светот се потсетува на жртвите и се бара казнување на насилниците. Според ОН, во 2017-та просечно дневно 117 жени и девојчиња биле убиени од својот партнер или член на семејството. Многу од жртвите биле убиени поради својот статус на жена, љубомора или страв од напуштање
Фотографии на денот

Ќе не` надживеат ли медузите?

Медузите пливаат во океаните подолго од 670 милиони години. Не ги уништиле ни промените на температурите, ниту промената на нивото на кислород во водата. А дали медузите ќе не` преживеат нас, луѓето? Таа дилема ја инспирирала театарската група „Римини Протокол“ за уметничката инсталација на оваа #ФотографијаНаДенот, претставена во Кралската академија на уметноста во Лондон.
Фотографии на денот

Христијанска традиција во Тајланд

На папата Франциско, кој е на турнеја низ Азија, во Банкок му беше приреден прекрасен пречек. Христијаните се малцинство во мнозински будистичкиот, но верски толерантен Тајланд. Папата порача дека христијаните се важен дел од тајландското општество и христијанството: без тајландските католици, на христијанската заедница ќе и` недостигаат „песни, танци и насмевки“...
Фотографии на денот

Божиќни ѕвезди и зимски волшебства

Јарки бои и раскошни листови во форма на ѕвезди кои внесуваат расположение во тмурното годишно доба. Празничната, божиќна атмосфера е веќе присутна. Градинарката во оранжериите во англискиот град Спалдинг е задоволна од годинешните Божиќни ѕвезди (lat. Euphorbia pulcherrima или Poinsettia). Наскоро саксиите со ова цвеќе ќе тргнат кон своите купувачи.
Фотографии на денот

Светски ден на тоалетите

Тоалетите се еден вид табу тема. Во светот 4,2 милијарди луѓе немаат сигурни и хигиенски санитарни простории, а 673 милиони луѓе своите физиолошки потреби мора да ги вршат на отворено - последица се болести како колера, тифус, полио или хепатитис. Една од глобалните цели е до 2030 година сите луѓе во светот да добијат пристап кон безбедни тоалети и чиста вода.
Фотографии на денот

Бегство од огнот со скокови

Пожарите во Австралија стигнаа на неколку десетици километри од Сиднеј, како и до националните паркови. Огнот однесе четири човечки жртви, причинета е огромна материјална штета, а во пламенот настрадаа и голем број кенгури и коали. Овој кенгур од Националниот парк Волеми кај Сиднеј за негова среќа преживеал и сега е во потрага по храна.
Фотографии на денот

Елките доаѓаат

Божиќните елки пристигаат! На нешто повеќе од еден месец пред Божик, елки се поставуваат во центрите на речиси сите поголеми градови во Германија. Оваа елка е висока 22 метри и ќе го краси божиќниот панаѓур во Ерфурт. Во Германија во тек е голема дискусија околу се’ пораното отворање на божиќните панаѓури.
Фотографии на денот

Снежен хаос во Франција

Големи наноси од снег предизвикаа хаос на југоистокот на Франција. Околу 300.000 домаќинства останаа без електрична енергија, а големи проблеми има и во патниот и железничкиот сообраќај. Надлежните велат дека паднал снег во толкави количества што не можат да претпостават кога луѓето повторно би добиле струја.
Фотографии на денот

Панда на компјутерска томографија

Пандата Џиао Кинг во Берлин беше подложена на компјутерска томографија. Седуммина научници и негуватели на животни ја испитуваа мечката тешка 110 килограми која беше под наркоза. Причина за скенирањето: Џиао има два бубрега со различна големина. Сега со испитување на урината и со компјутерската томографија треба да се утврди дали помалиот бубрег функционира како што треба.
Фотографии на денот

Големи поплави во Венеција

Венеција е погодена од најтешки поплави во последните 50 години. Плоштадот Свети Марко е целосно под вода, а водата им нанесе штети и на ѕидовите на базиликата Свети Марко. Градоначалникот Луиџи Бруњаро зборува за „катастрофа“. Сето ова се чини не му претставува проблем на јунакот на нашата #ФотографијаНаДенот. Тој не се откажува од перфектната поза во Венеција, макар и со вода до половината.
Фотографии на денот

Убавата страна на есента

Гранче и листови „облечени“ во иње се сончаат на есенското сонце - фотографија направена во Марктобердорф, во германската покраина Баварија. Ноември со себе носи температури под нулата и тоа е сосема нормално, велат метеоролозите. А, каде има студ, има и мраз и вакви прекрасни уметнички дела на природата.
Фотографии на денот

Куќа потоната во Темза

Групата Extinction rebellion (Бунт против истребување) направи копија на типична англиска куќа со фасада од тули и ја потона во реката Темза во Лондон. Акцијата има за со цел да упати порака до владата дека таа мора повеќе да се грижи за заштитата на климата, или во спротивно она што се случува со макетата, може да стане стварност.
Фотографии на денот

30 години од падот на Берлинскиот ѕид

На 9-ти ноември се одбележа 30-годишнината од падот на Ѕидот во Берлин, настан кој ја промени Европа и светот. Падот на Берлинскиот ѕид беше вовед во повторното обединување на Германија по 41 година поделба на земјата. Оваа фотографија е направена на Потсдамер Плац во Берлин, во судбинскиот ноември 1989 година.
Фотографии на денот

Хонгконг - комеморации за загинатиот студент

На маргините на делумно насилните антивладини протести во Хонгконг, еден 22-годишен студент загинал по пад од гаража при обидот на полицијата да расчисти протестна акција. Смртта на студентот веројатно дополнително ќе ги засили за на викенд планираните протести, продемократските демонстранти повикаа на комеморации за починатиот студент.
Фотографии на денот

Шкотска - подготовка за заминување

На небото огромно јато птици, на земјата пасат овци. Оваа фотографија е направена во селото Гретна Грин во Шкотска. Птиците се спремаат да одлетаат на југ. Ова нема врска со Брегзит, птиците напролет повторно ќе се вратат во Велика Британија.
Фотографии на денот

Борба за преживување

Овој припадник на племето Баре од Бразил се закренал на далечен пат - стигнал дури во Брисел за да укаже на кршењето на човековите права во неговата татковина. Неговата порака е: европските земји би требало да ги преиспитаат бизнисите кои ги имаат со Бразил, посебно трговијата со дрва од тропските шуми. Таа е одговорна дури и за смрт на бројни староседелци.
Фотографии на денот

Каква врска има климата со јајцата?

Големи птици - големи јајца, но улога во бојата игра друг фактор. Во горниот ред се јајца на ној, ему и црвеноврат казуар. Во долниот ред се јајца на рајска птица, на два вида тинаму, а во гнездото е јајце на колибри. Но, зошто јајцата имаат различна боја? Научниците сметаат дека птиците кои живеат во поладните региони имаат потемни јајца, за да впиваат повеќе сончева светлина и да бидат потопли.
Фотографии на денот

Празнување среде отровна пена

Во чест на хиндуистичкиот празник Чат Пуја, посветен на богот на сонцето, овие жени ја носат својата најубава облека. Но, богот изгледа последниве години не е милостив. Ритуалното капење во Јамуна, најголема притока на реката Ганг, е практично неможно - на површината на водата е насобрана отровна пена, предизвикана од индустриско загадување и различен отпад.
Фотографии на денот

„Твојата визија на небото над Берлин“

Што посакувате и на што се надевате? Одговорија 30.000 граѓани на Берлин, а нивните желби и пораки се втиснати на 150 метри долги ленти кои во форма на бран се веат над Бранденбуршката порта во германската престолнина. Уметничката акција „Визија во движење“, организирана по повод претстојната 30-годишнина од падот на Берлинскиот ѕид, го има мотото: „Твојата визија на небото над Берлин“.
Фотографии на денот

Лажни вести како хорор за Ноќта на вештерките

Лажни вести заедно со вампири, врколаци, вештерки и зомби на годишната парада за Ноќта на вештерките во Њујорк. Костумот со лажни вести, кој го носи овој Њујорчанец навистина изгледа еднакво морничаво. Меѓутоа другите костуми на чудовишта се толку користени што едвај да ќе исплашат некого. Ако истото тоа би важело и за насочените лажни вести и дезинформации, тоа сигурно би било застрашувачко.
Фотографии на денот

Пекол во Калифорнија

Во американската сојузна држава горат небото и земјата. Метеоролошка служба на САД предупредува од силни налети на ветер кои би можеле дополнително да ги распламтат постоешките пожари и да предизвикаат нови. За таа опасност сведочи и оваа #ФотографијаНаДенот на која се гледа како силниот ветер го распламтува и разнесува жарот на еден изгорен даб во моментот кога на небото прелетува ѕвезда паѓалка.
Фотографии на денот

Под заштита на хероите

„Музејот на историјата на Украина во Втората Светска Војна“ во Киев потсетува на окупацијата од страна на нацистичка Германија. Дел од трајната поставка се и монументалните бронзени статуи на храбрите борци против окупацијата. Фотомотив, кој привлекува стотици илјади посетители годишно- како девојчето на оваа #ФотографијаНаДенот , која ја искористи можноста да се слика под заштита на хероите.
Фотографии на денот

Чудовиште во Белата Куќа

Навистина се покажа добро тоа што првата дама на САД, Меланија Трамп со себе носеше корпичка со бомбони. Само така таа можеше да го одоброволи страшното чудовиште да не го изеде нејзиниот сопруг. Причината за ваквиот „сладок“ напад врз Доналд Трамп: Сезоната на Ноќта на вештерките веќе започна во Белата куќа, а овие девојчиња во dиносаурски костум успеаја да ги изненадат Трампови. Само за момент.
Фотографии на денот

Резерват за верверички

Бројот верверички во Северен Јоркшир, во Велика Британија, опаѓа, па е прогласено заштитено подрачје заради опоравување на популацијата. Оваа верверичка на #ФотографијаНаДенот живее во резерват, а се однесува како и сите од нејзиниот род - собира резерви од храна за зимата.
Фотографии на денот

Светот се превртил?

На прв поглед изгледа така, барем овде во Баварија. А фактички, капелата и кравите се огледуваат во водата на Хегратзидерско Езеро. Водата на нашата #ФотографијаНаДенот е толку мирна, ниту едно бранче не ја бранува површината за сликата да биде замачкана, па оптичката илузија е комплетна.
Фотографии на денот

Улуру, доаѓаме!

Последна шанса за искачување на најпознатиот мегалит во Австралија - Улуру! Во иднина искачувањето на 348 метри високиот Улуру е забрането. Властите со тоа им излегоа пресрет на домородците Анангу, за кои тоа е свето место. За оние кои нема да ја почитуваат забраната, казната е парична. Годишно во националниот парк Улуру-Ката Тјута доаѓаат околу 250.000 туристи.
Фотографии на денот

Дамата во црвено

Ова е Зорица Реберник со утринското кафе кое го пие во својот „црвен дом“ во Брезе, кај Тузла. Зорица е опседната со црвената боја и не само што самата комплетно се облекува во црвено, туку и во нејзината куќа сѐ е со црвена боја. „Сѐ почна кога имав 18 години“, вели 67-годишната Зорица. Сопругот Зоран не се бунтува, единствено не може да препознае кога неговата сопруга облекла нешто ново.
Фотографии на денот

„Војна“ во Чиле

Оваа #ФотографијаНаДенот доаѓа од Чиле - демонстрант со кловновски нос извикува политички пароли пред запалени барикади. Протестите и незадоволството поради високите животни трошоци не стивнуваат. Претседателот Себастијан Пињера зборува за „војна“. Тој најави реформи во полза на сиромашните граѓани. Во немирите досега загинаа 15 лица.
Фотографии на денот

Студентски обичаи

Пена за бричење не само на лицето, туку по целото тело! Студентите на универзитетот Сент Ендрус, каде студираше и британскиот принц Вилијам, имаат обичај од кој нема отстапување. Традиционално на првиот ден од семестарот постарите студенти ги мачкаат бруцошите со пена за бричење, по што почнува битка со пена. Ритуалот е извонредна прилика за фотографирање.
Фотографии на денот

Најстариот бисер на светот

Ова е веројатно најстариот бисер на светот. Потекнува од неолитот, а откриен е кај Абу Даби. Бисерот е откриен е на островот Марава, кај Абу Даби, во слоеви од почвата кои датираат од 5.800 до 5.600 година пред новата ера, односно од ерата на неолитот. Бисерите во тој период биле скапоцени и се вбројувале во категоријата луксуз, а се користеле за накит.
Фотографии на денот

Улични борби во Барселона

Ескалација на насилство на протестите на застапниците за независност на Каталонија - демонстранти подигнаа барикади во Барселона (18.10.), палеа огнови и фрлаа со камења по полицијата. Полицајците возвратија со солзавец, гумени куршуми и водени топови. Претходно имаше главно мирни протести поради осудата на долги затворски казни на 9 каталонски политичари и претставници на цивилното општество.
Фотографии на денот

Месечината „виси“ над облакодер

Крвавата месечина се прикажува зад One World Trade Center, њујоршкиот облакодер кој е висок преку 400 метри.
Фотографии на денот

Танц на вулкан за нов мандат

Боливискиот претседател Ево Моралес на изборна манифестација во градот Ел Алто изведе традиционален танц. На изборите в недела, социјалистот Моралес се кандидира за својот четврти мандат. Најостар конкурент му е историчарот Карлос Меса. Но, кој во иднина ќе танцува на чело на државата, најверојатно ќе биде одлучено дури во вториот изборен круг, во средината на декември.
Фотографии на денот

Во чест на книгата

Во Франкфурт започна најголемиот саем на книги во светот. На него се присутни околу 7450 излагачи од преку 100 земји. Минатата година имаше 285.000 посетители. Првпат на саемот свој посебен простор добиваат аудио книгите и подкастите. Почесен гостин на Франкфуртскиот саем на книгата годинава е Норвешка.
Фотографии на денот

Орел го документира топењето на глечерите

Деветгодишниот орел Виктор кружи над Алпите со задача: камерата од 360 степени на неговиот грб го бележи топењето на глечерите. Виктор тргнува секогаш од врвот и полека се спушта кон својот дресер. Фондацијата „Орелски крилја“ (Eagle Wings) на овој начин сака да им укаже на луѓето на последиците од климатските промени.
Фотографии на денот

Сѐ поретка глетка

Верверичката на #ФотографијаНаДенот направена во Шкотска собира храна за зимата. Евроазиската верверица, со црвено или темно кафеаво крзно, не се гледа често на британскиот остров, бидејќи сѐ посилно е потисната од сивата верверица. Северноамериканската роднина беше донесена во дивината во јужна Англија околу 1870. Таа со себе донесе вирус на кој е имуна, но не и домашниот вид верверица.
Фотографии на денот

Супертешка категорија

Посетителите на „Пампкин фестивалот“ во канадската провинција Онтарио секоја година во ова време можат да ги видат најголемите тикви на годината.Добро светнати и убаво презентирани- такви се тиквите кои производителите ги имаат изложено на традиционалниот фестивал во областа Брус. Но сепак најважна е големината. А тиквите тука навистина се огромни. Досегашниот рекорд изнесува 851 килограм.
Фотографии на денот

Пред изумирањето

Седум денови акција- таков е планот на заштитниците на климата ширум светот собрани во групата „Extinction Rebellion“ или „Бунт против изумирањето“, Во бројни европски и светски градови припадниците на „Extinction Rebellion“ со блокади на улици и мостови предупредуваат на катастрофалните последици на климатските промени. Во Лондон на мостот Весминстер ја оставија оваа огромна застрашувачка маска.
Фотографии на денот

Кан-кан на Монмартр - 130 години Мулен руж

Светски познатите танчерки беа во фокусот на вниманието и на јубилејното шоу. Но, кој всушност го основал париското вариете? Млади, лесно облечени жени танцуваат во двочетвртински такт: 130 години од отворањето, има малку нешто ново што би можело да се каже за Мулен руж.
Фотографии на денот

Погледни ме в очи!

Ова е само слика, позната оптичка илузија. А во замокот Аугустусбург, кај Кемниц, може да се видат многу вакви оптички мамки. Изложбата „Tricked!“ прикажува инсталации и слики кои нашиот мозок го доведуваат на „тенок мраз“. Може да се патува и низ времето. Со помош на модерни техники како Augmented Reality (AR) и Virtual Reality (VR) посетителите можат да го влезат во сосема друг свет и димензии.
Фотографии на денот

Ловецот на поларна светлост

Новинарот и фотограф Александер Кузњецов е успешен „ловец на поларна светлост“. Русинот работи во Финска, каде наоѓа извонредни мотиви. Кузњецов вели дека за да се улови светлоста на небото, која брзо се менува, е неопходна опрема, добра локација, трпение и... приказна за раскажување. Затоа тој на своите фотографии, како оваа, радо се инсценира себеси со светлоста која танцува.
Фотографии на денот

На крилјата на орелот

Оваа #ФотографијаНаДенот е всушност дел од видео кое прикажува снимки направени од грбот на орел додека тој лета над поранешните глечерски подрачја на Алпите. Организаторот, фондацијата Иглвингс, се надева дека спектакуларните слики ќе придонесат за зајакнување на свеста за последиците од промените на климата.
Фотографии на денот

150 години од раѓањето на Махатма Ганди

На 2 октомври пред 150 години е роден Махатма Ганди, човекот кој во 1947. ја ослободи Индија од колонијално ропство и личност на која многу Индијци ѝ оддаваат почест. Така е и со овие ученици, кои во училишниот двор се распоредени на начин да го претстават неговиот лик. Ганди бараше права за Далитите и жените, се бореше за помирување на хиндусите и муслиманите и против колонијалната експлоатација.
Фотографии на денот

Најголема воена парада во историјата на Кина

Народна Република Кина одбележа 70-годишнина од основањето со најголема воена парада во својата историја. На плоштадот Тјенанмен маршираа 15.000 војници, поминаа 580 тенкови и ракетни системи, прелетаа најмодерни дронови и повеќе од 160 авиони. Шефот на државата Ши Џинпинг изјави дека никој не може „да го запре напредокот на кинеската нација“.
Фотографии на денот

Фризурата на Борис Џонсон

Фризурата мора да „стои“! Британскиот премиер за потстрижување наводно плаќа само 15 фунти. Но, тоа не значи дека не му е грижа за фризурата. За ТВ-настапите пред почетокот на конгресот на конзервативците Борис Џонсон седи мирен додека фризерката се грижи секое влакно да е на свое место. Којзнае дали на крајот на денот на премиерот повторно му се „кренала косата“ на главата поради Брегзитот?!
Фотографии на денот

Медицински тест за спас на коралите

Ова ткиво не е мозок, иако личи на него, туку заболен корал во обид да биде спасен преку третман со антибиотици. Еден од бројните обиди. Болест го уништува ткивото на инфицираните корали во рок од неколку недели и од 2014 година брзо се шири низ Карибикот. На #ФотографијаНаДенот научничка од Универзитетот на САД на Девствените Острови го премачкува ткивото на корал со паста која содржи антибиотици
Фотографии на денот

Распределба на кашкавал

Од овие купчиња пити кашкавал може да се „прочита“ успешноста на една година за селаните во Јустистал во Швајцарија. Церемонијата наречена „Chästeilet", стара речиси 300 години, на крајот на септември намамува стотици посетители: еден цврсто одреден систем регулира колку сирење и кашкавал добива секој сточар за млекото кое го дале неговите крави, пасејќи на планинските пасишта во летото.
Фотографии на денот

50 години од последниот албум на „Битлси“

„Битлси“ еден по друг на пешачки премин, а зад нив Фолксваген „бубачка“- фотографија која влезе во музичката историја, а е на насловната корица на нивниот последен заеднички албум, „Abbey Road", издаден пред 50 години. Поп и рок групата од Ливерпул, формирана во 1960 година, е комерцијално најуспешна и критички најпризнат бенд во историјата на популарната музика, со продадени над билион албуми.
Фотографии на денот

Во Пекинг отворен најголемиот аеродром во светот

Аеродромската зграда има 700.000 квадратни метри, а аеродромот за во иднина има предвиден капацитет од 100 милиони патници годишно. Трошоците на изградбата изнесуваат околу 15 милијарди евра. Иако станува збор за најголемиот аеродром во светот, истиот е дизајниран на таков начин што ниту еден патник нема да мора да оди повеќе од осум минути за да стигне до некој терминал.
Фотографии на денот

Сакате ли да бидете Доналд Трамп?

Американскиот претседател има бројни критичари. Но, кога ќе дојде време за карневал, многумина сакаат да изгледаат токму како Доналд Трамп. Една фабрика во Куернавака, во Мексико, изработува маски со ликот на американскиот претседател и ги продава ширум светот. Овие на #ФотографијаНаДенот моментно се малку позелени, но на крајот ќе бидат повеќе во жолта и розова нијанса, токму како Трамп...
Фотографии на денот

Мандала- уметност за милионери

Таканаречената „Мандала“ (круг на јазикот санскрит, а во будизмот и хиндуизмот симбол на универзумот) во моментов е најпопуларен образец за цртање. И прочуениот британски уметник Демјан Хирст се потпира на силата на мотивот на кругот. Тоа може да се потврди на изложбата отворена деновиве во Лондон, на која се изложени неговите ликовни дела, кои достигнуваат високи милионски цени.
Фотографии на денот

Климата не се чува со трошки!

Додека светот протестираше против промените на климата и бара нејзина заштита, во Канцлерамтот во Берлин во тек беше мамутска седница околу мерките за заштита на климата во Германија. И додека политичарите преговараа, пред кабинетот на канцеларката лежеше огромен протестен плакат. На него, во знак на протест против недоволните мерки кои се преземаат досега, стои: „Доста е со трошки“!
Фотографии на денот

Пази каде се плазиш!

На четвороножниот припадник на почесната гарда на Холандија очигледно не му е јасна сериозноста на ситуацијата. Тој се однесува непристојно на Денот на принцовите, национален празник и ден на кој по летната пауза се отвора холандскиот парламент, а кралот во златни кочии минува низ улиците и држи значаен говор. Непристојниот четвороножен гардист можел малку да се угледа на колегата до него.
Фотографии на денот

Убавина во уништување

Огнот и жарот создаваат светлечка пламена слика на огромно дрво во прашумата во Амазонија. Колку и да изгледа величествена , дотолку повеќе е трагична оваа #ФотографијаНаДенот. Таа, имено, е своевиден зум во уништувачкото инферно на шумските пожари во Бразил. Речиси 90 илјади пожари се регистрирани во Амазонија од јануари годинава, повеќе од 6400 квадратни километри прашума се уништени.
Фотографии на денот

Бокс на нигериски

Борбата меѓу овие двајцата мажи во главниот град на Нигерија, Абуџа је навистина толку брутална, колку што изгледа на оваа #ФотографијаНаДенот. Тие практикуваат дамбе, боречка вештина, распространета главно кај народот Хауса, која важи за една од најбруталните воопшто. Во дамбе нема ринг и речиси и да нема правила. Борците не носат заштита и нивната посилна рака ја обвиткуваат со груба ткаенина.
Фотографии на денот

Уште колку, Велештрумф?

Во оригинал тој се вика „Grand Schtroumpf", а на македонски го нарекуваме Велештрумф. На оваа #ФотографијаНаДенот тој во џиновска верзија е во „инспекција“ на улиците на Брисел. Предводникот на малите сини суштества, беше една од главните атракции на „Парадата на денот на балоните“, која се одржува за време на традиционалниот фестивал на стрипот во главниот град на Белгија.
Фотографии на денот

Рекордно висок број на стогодишници

Јапонскиот „Клуб на стогодишници“ слави рекорд. Во земјата првпат има повеќе од 70.000 луѓе на возраст од сто и повеќе години. Според владата, во Јапонија има 71.238 стогодишници, од кои 88,1% се жени. Ширум светот, според податоци на ОН, живеат околу 533.000 стогодишници. На #ФотографијаНаДенот e жената која важи за најстара на светот во моментов, Јапонката Кане Танака, која има 116 години.
Фотографии на денот

Најдолгиот мост на светот

Ова е најдолгиот надводен мост на светот. Хонгконг-Жухаи-Макао мостот има 55 километри и е дваесет пати подолг од мостот Голден Гејт во САД. Кинескиот инфраструктурен проект се состои од повеќе мостови, тунели и вештачки острови. Во проектот се вградени 400.000 тони челик, односно 60 пати повеќе отколку во Ајфеловата кула. На #ФотографијаНаДенот мостот е фотографиран на изгрејсонце.
Фотографии на денот

Откриена вода на Суперземјата

Вака би можело да изгледа на планетата К2-18б, веќе наречена „Суперземја“. Астрономите открија водена пареа во атмосферата на планетата која е надвор од Сончевиот систем и е оддалечена 110 светлосни години. Според научниците, К2-18б е на вистинска оддалеченост од своето „сонце“, па ги исполнува двата основни услови за потенцијален живот: вистинска температура (ниту претопло ниту престудено) и вода
Фотографии на денот

Сеќавање на терористичките напади од 11. септември

Поминаа 18 години откако терористите на Ал Каида со авиони ги урнаа кулите на Светскиот трговски центар во Њујорк. Во нападите загинаа речиси 3.000 луѓе. На местото каде некогаш стоеја облакодерите, денес на жртвите од нападите потсетува светлечката инсталација „Tribute in Light": 88 рефлектори вперени кон небото ги оцртуваат силуетите на зградите.
Фотографии на денот

Споменик за убиените деца

3.758 училишни ранци се поставени пред седиштето на Уницеф во ОН во Њујорк - по еден за секое убиено дете во конфликтите во светот лани. Повод за акцијата на Уницеф е Генералното собрание на ОН на средината од септември. Во конфликтите ширум светот во текот на изминатата година се убиени или осакатени околу 12.000 деца, односно најмногу откако ОН почна да собира такви податоци пред 20 години.
Фотографии на денот

Калашников претворен во музички инструмент

Нежни звуци наместо гласен пукот: Ирачкиот музичар Маџед Абденур го претвори својот Калашников во музичкиот инструмент лејта. Абденур го чувал оружјето за да го заштити семејството во текот на судирите меѓу милициите во Ирак од 2006 до 2008. Откако пушката не ја употребил подолго од 10 години, тој решил да ја претвори во инструмент. Во „телото“ на лејтата се вградени пушката и кутија за муниција.
Фотографии на денот

Ориентален тепих од камен

Изгледа како вистински тепих, но направен е од мермер, „распослан“ е на Вилхелминскиот мост во пристаништето во Хамбург. За 27 метри долгиот тепих биле потребни преку 1,5 тони мермерен гранулат во различни бои, кој потоа требало да биде распореден во ориентални мотиви. На скулпторот Франк Раендехен и неговите помошници за изработка на „камениот ориентален тепих“ им биле потребни триесетина дена.
Фотографии на денот

Проблем на векот - пластичен отпад

Оваа депонија се наоѓа на улица во Манила. Според извештај на невладината организација Заштита на океаните, речиси половината од 8 милиони тони пластичен отпад кој секоја година завршува во морето, доаѓа од пет азиски држави, меѓу кои се и Филипини. Во тие земји има многу пластика за еднократна употреба, има малку место за депонирање, а се врши и увоз на пластичен отпад - од западните земји.
Фотографии на денот

Селфи во очекување на ураганот „Дориан“

Можеби последен погоден момент за селфи додека се чека на удар на ураганот „Дориан“. Според метеоролозите, ураганот може да удри на копно на брегот на Јужна или Северна Каролина. Во двете американски држави, како и во Џорџија и Вирџинија, прогласена е вонредна состојба. Експертите предупредуваат дека невремето може да донесе опасни по живот поплави и ветрови. Значи, по селфито, брзо во засолниште!
Фотографии на денот

Протести поради недостиг од бензин

Запалени гуми на улиците на Порт о Пренс. Гориво нема повеќе од една недела и низ главниот град на Хаити се шират протести. Најголем дел од бензинските пумпи се затворени, а таму каде уште има бензин, редиците се огромно долги, а цените астрономски. Хаити е една од насиромашните земји во светот, а немирите траат веќе со месеци.
Фотографии на денот

Ураганот „Дориан“ носи пустош и страв

Со брзина на ветрот од речиси 300 километри на час ураганот „Дориан“ го погоди северот на Бахамите и се движи кон Флорида. Жителите таму треперат и не знаат дали ураганот ќе го промени правецот и ќе ги одмине. Но најважно е да се задржи оптимизмот. Во пекарница во Холивуд бич, недалеку од Мајами, решиле да го направат „Дориан“ во форма на торта. Така делува помалку опасно, и е повкусен.
Фотографии на денот

Уметност или ѓубре?

Последните денови на август во Алмати, Казахстан, се резервирани за најголемата велосипедска трка во централна Азија. На првиот ден од трката гледачите им оддадоа почест на професионалните велосипедисти со тоа што ги фрлија сопствените велосипеди на куп.
Фотографии на денот

Уникатен датум за свадба

Голем број двојки во Германија сакаат да го кажат судбоносното „да“ во септември. Во многу региони тоа е најомилениот месец за почеток на заеднички живот, а годинава најбаран ден е - 19.9.19. За овој ден, веројатно заради играта на бројките, речиси никаде нема слободни термини за стапување во брак. Дел од надлежните служби, како на пример во Зул и Нордхаузен, нудат дури и вечерни термини.
Фотографии на денот

Борба со домати

Шпанското гратче Буњол како поприште на битка со домати! 22.000 Шпанци и гости од странство учествуваа во традиционалната борба со домати „Ла Томатина“ се одржува секоја година во последната среда од август. Годинава како „оружје“ беа употребени 150 тони домати. Според Гинисиовата книга на рекордите, ова е најголемата битка со прехранбени намирници во светот.
Фотографии на денот

Документ на уништувањето во Амазонија

Пожарите во Бразил и соседните земји каде се распространети дождовните шуми траат со недели. Ова изгорено дрво е исправено како нем сведок на пожарите. Според експертите, постои впечатлива поврзаност помеѓу илегалното сечење на дождовните шуми и избивањето на пожарите. Тие сметаат дека најголемиот дел пожари се предизвикани од т.н. „исечи и запали“-метод на добивање обработливо земјиште.
Фотографии на денот

Меланија Трамп и чили-пиперките

Првата дама на САД, Меланија Трамп, буди сеќавања на Брижит Бардо, што на Французите секако им се допаѓа. Во рамки на „Програмата за првите дами“ (да, тоа го има дури и во 2019.) во тек на самитот на Г7 во Бијариц, Меланија Трамп во баскиското село Еспелета ја разгледува сортата на чили-пиперки од регионот. Тоа на фоторепортерот Регис Дувињо веројатно не му го привлече вниманието само поради боите
Фотографии на денот

Запрете со експлоатација на амазонските шуми!

Додека по наредба на бразилската влада во борбата против пожарите во Амазонија се вклучуваат воени авиони, во повеќе градови во земјата се одржуваат протести. Демонстрантите во Рио де Жанеиро, меѓу кои и човекот од нашата #ФотографијаНаДенот, вчера побараа запирање на експлоатацијата и поголема заштита на амазонските дождовни шуми. Во Бразил беснеат најголеми пожари во последните години.
Фотографии на денот

Перфектен бран

Сурферите се постојано во потрага по совршен бран. Едно од „жешките места“ каде веројатноста за такво нешто е голема, е натпреварот во сурфање „Tahitian Teahupoo“. Ова место на брегот на Тахити е познато по моќните бранови, идеални за сурфање на штица. Оваа #ФотографијаНаДенот го бележи моментот кога сурферот Нејтан Флоренс влегува во костец со еден таков перфектен бран на „Tahitian Teahupoo“.
Фотографии на денот

Хеклање за заштита на природата

На изложбата „Анима мунди“ (душата на светот) тајландскиот уметник Мулијана го изложува имагинарниот подводен свет кој го создал од рециклирани материјали. Многу од растенијата и рибите на оваа #ФотографијаНаДенот се хеклани. Со изложбата во весели бои во еден трговски центар во Банкок, Мулијана има цел кај минувачите да ја разбуди свеста за убавината на природата.
Фотографии на денот

Најголем паркинг за велосипеди во светот

Холандија сака да стане „рај за велосипедистите- и веќе има паркинг кој ја води чекор поблиску до целта. Најголемиот паркинг во светот се наоѓа имено во холандскиот град Утрехт на главната железничка станица. Тој нуди 12.500 места за паркирање на три нивоа, има компјутерски наведуван систем за паркирање, работи нон-стоп и паркираните велосипеди се под постојан надзор.
Фотографии на денот

Сезона на пченката на кинеските полиња

Во Кина започна сезоната на жетвата. Деновиве се бере пченката. Земјоделецот на оваа #ФотографијаНаДенот од околината на големиот град Чунгкинг во централна Кина го користи убавото време за да ја забрза жетвата. Имено, колку побргу пченката ќе се исуши, толку побргу ќе заврши во продавниците, што пак за земјоделците значи поголема заработувачка.
Фотографии на денот

Карневал на Суматра

Оваа #ФотографијаНаДенот е направена во Локсеумаве на индонезискиот остров Суматра за време на на традиционалниот карневал овојпат по повод 74-годишнината од независноста на Индонезија во провинцијата Аче. Оваа и илјадници други студентки и студенти продефилираа облечени во традиционални индонезиски костуми. Раскошната карневалска облека, согласно традицијата, беше изработена од стара хартија.
Фотографии на денот

Замина бунтовникот во седло

Питер Фонда никогаш не ја достигна славата на неговиот татко Хенри и сестрата Џејн, но ќе остане запаметен по улогата во легендарниот филм „Голи во седло“ (Easy rider). Питер Фонда никогаш не ја достигна славата на неговиот татко Хенри и сестрата Џејн, но ќе остане запаметен по улогата во легендарниот филм „Голи во седло“ (Easy rider).
Фотографии на денот

Гуливер од песок

Oваа рака е само дел од огромна скулптура на Гуливер, направена на Меѓународниот фестивал на скулптури од песок во израелскиот град Ашкелон. Таму посетителите имаат прилика да видат навистина интересни дела. Раката инаку е дел од огромната песочна скулптура на Гуливер, лик од познатиот роман на Џонатан Свифт. Фигурата е висока два, а долга е девет метри.
Фотографии на денот

Ѕвездена прашина

Персеидите оваа година беа посебно видливи во израелскиот град Мицпе-Рамон во пустината Негев. Персеидите се појава на метеорски дождови од соѕвездието Персеј, кои се појавуваат секоја година кон крајот на јули и во текот на август. Бројот на метеори обично достигнува 60 метеори на час. Исто како и повеќето метеорски дождови, Персеидите се образуваат од остатоци од опашката на некоја комета.
Фотографии на денот

Забрана за употреба на пластични кеси во Германија?

Германската министерка за екологија Свења Шулце планира закон за забрана на употреба на пластични кеси и редуцирање на пластични амбалажи. Класичните пластични кеси на касите во многу супермаркети се наплаќаат, што е резултат на доброволната обврска. Употребата на пластични кеси во земјата од 2015 година е намалена за 64%. Производство и увоз на пластични кеси инаку се забранети во 61 земја.
Фотографии на денот

Рустикална бања во тајгата

Животот на жените на оваа #ФотографијаНаДенот направена во Бобровка во Сибир, во Русија, е поврзан со многу летонски традиции. На крајот на 19 век нивните семејства се преселиле од денешна Летонија, која во тоа време му припаѓала на Руското царство. Овој крај и денес се нарекува „Мала Летонија во тајгата“. Таму до денес се негуваат бројни традиции од родината, меѓу нив и рустикална бања.
Фотографии на денот

Обединети во премреже

Момче во бегалскиот камп Атмех во сириската провинција Идлиб. Освен овцата на оваа #ФотографијаНаДенот нему и на неговото семејство им преостана речиси ништо. Бегалскиот камп во североисточна Сирија од 2011 година е прифатна станица за сириските бегалци, на кои не им успеало да ја преминат границата кон Турција. Преку 30 илјади луѓе побараа прибежиште во Атмех, половината од нив деца.
Фотографии на денот

Воени игри во Казахстан

Во вкупно десет земји во моментов се одржуваат Меѓународните армиски игри во организација на Русија. На 5. вакви игри учествуваат вкупно 6000 војници, кои натпреваруваат во дисциплини како тенковски биатлон, улични патроли или коњски трки. Меѓу земјите каде се одржуваат Игрите е и Казахстан. Оваа #ФотографијаНаДенот е направена на церемонијата на отворање во базата Отар во провинцијата Шамбил.
Фотографии на денот

„Тропска“ Германија

Ова момче воопшто не е малечко, туку овој гигантски вид на локвањ има пресек од 170 сантиметри. Необично е што оваа #ФотографијаНаДенот не е направена во некој тропски предел, каде што вообичаено расте локвањот, туку среде Германија, поточно во ботаничката градина на универзитетот во Бохум. Тропските температури и горештини, кои ова лето, повремено ја зафаќаат Германија се причината за тоа.
Фотографии на денот

Пркосење на гравитацијата

Шаолин кунг фу е далеку најпознатата кинеска боречка вештина во светот. При физички тешките и напорни вежби на Шаолин кунг фу кои многукратно се повторуваат во фокусот меѓутоа не е самоодбраната. Многу повеќе, тука станува збор за медитативната контрола врз сопственото тело. Овој будистички Шаолин монах во манастир во Кина се чини како да лебди на една Зен Шаолин музичка церемонија.
Фотографии на денот

Сурферски подготовки за Олимпијадата

Плажата Пунта Рокас во Перу е легендарен предел за сурферите од целиот свет. На плажата која се наоѓа на 60 километри јужно од перуанскиот главен град Лима деновиве се одржуваат натпреварите во сурфање на Панамериканските игри. Сурферите тука истовремено вежбаат за уште поголема задача: во наредната година во Токио сурфањето за првпат ќе биде застапено како олимписка дисциплина.
Фотографии на денот

175-ти роденден на Зоолошката градина во Берлин

Зоолошката градина Берлин ги отворила портите на 1.8.1844 година, со дозвола и помош од прускиот крал Фридрих Вилхелм, како прва зоолошка градина во Германија. Денес таа се простира на површина од 33 хектари, каде живеат 20.200 животни од околу 1.400 животински видови, меѓу кои и бројни егзотични и од изумирање загрозени животни.
Фотографии на денот

Нуклеарен туризам

До пред 10 години во нуклеарката Игналина се произведуваше електрична енергија. Сега оваа затворена атомска централа во Висагинас во источна Литванија е туристичка атракција. Причината за тоа лежи во телевизиската серија на американскиот канал ХБО во која станува збор за катастрофата во нуклеарната централа во Чернобил пред 33 години. Серијата имено е снимана е токму во Игналина.
Фотографии на денот

Отвори ја устата за освежување!

Летната горештина тешко ја поднесуваат не само луѓето, туку и животните, овој нилски коњ во зоолошка градина ужива во разладувањето со млазови вода. Во Германија не е толку жешко како во изминатата недела, но во многу делови од Европа температурата и натаму е над 30 степени. За овој нилски коњ во зоолошката градина во Прага, главниот град на Чешка, туширањето е вистинско освежување.
Фотографии на денот

Шок по убиството на детето на железничката станица во Франкфурт

Напаѓач вчера турна дете и неговата мајка од перонот на шините пред брз воз. Детето загина, мајката се спаси со тешки повреди. Осомничено лице, кое се обидело да турне и други луѓе на шините, е уапсено. Според истрагата, се работи за 40-годишен маж со еритрејско државјанство, кој наводно не ги познавал жртвите. Осомничениот, кој живееел во Швајцарија, е изведен пред истражен судија.
Фотографии на денот

Фризура во чест на кралот

За многумина жители на Тајланд, 67. роденден на нивниот крал Маха Вачиралонгкорн е повод за славење. Некои притоа имаат навистина оригинални идеи. Во чест на кралот, еден жител на Банкок дури решил да го стави неговиот портрет на својот тил. На #ФотографијаНаДенот ја гледате ексклузивната „кралска“ фризура, берберот го „копира“ ликот од фотографијата во рацете на муштеријата.
Фотографии на денот

150. роденден на гумата за џвакање

На 27 јули 1869 година, извесен Амос Тајлер од Охајо, САД, пријавил патент за „подобрено поврзување со гума за џвакање“. Тоа се смета за прва заштита на правата на лепливата маса, иако светот џвакал илјадници години пред тоа. Научниците велат дека уште пред 9000 години луѓето во Скандинавија ја џвакале смолата од брезите. Гумата за џвакање ја подобрува концентрацијата и помага при стрес.
Фотографии на денот

Издржи ги горештините!

Кој да го издржи овој пекол без разладување, си помисли слончето Бен Лонг во зоолошката градина во Лајпциг и барајќи спас од температурите од над 40 степени храбро се нурна во базенот покрај себе. Името Бен Лонг значи отприлика „Издржливост наспроти тешкотиите“. Слончето, имено, не беше прифатено од мајка си по раѓањето. Сега го чуваат неговите тетки. Бен Лонг ќе мора да издржи додека не залади.
Фотографии на денот

Бегство од пеколните температури

Рекордот е соборен! Во Германија се измерени највисоки температури откако се следат временските промени и висината на температурите. Кој мора да работи - мора, но кој не мора - бара секаков начин да се олади. Јунаците на нашата #ФотографијаНаДенот се капат под малиот водопад во Англиската градина во Минхен.
Фотографии на денот

Вера и змиски бакнеж

Овој Индиец, следбеник на индиското божество Шива, настапува со змија во Алахабад. Повод се верските празнувања и церемонии во светиот месец Шраван. Змијата е симболички тесно поврзана со божеството Шива, кому му се припишуваат позитивни влијанија, но и моќ за разорување. Загриженост за човекот со змијата не е потребна, барем додека е под будно око на Шива, едно од трите врховни божества во Индија
Фотографии на денот

Игра на границата САД-Мексико

Навидум обична детска игра во Тихуана, на границата помеѓу Мексико и САД. Сепак, ова игралиште на децата е повеќе симбол на срам, отколку на слобода. Многу мигранти паѓаат во рацете на криминалците. На границата секоја година гинат стотици луѓе. И зад оградата не чека посакуваниот рај, па сепак стотици илјади луѓе годишно сакаат да преминат на американска страна.
Фотографии на денот

Како сардини во конзерва

Конечно одмор, мир, море, само звук на бранови... Не ако одите во Бенидорм, Шпанија. Туристите тука се стискаат како сардини во конзерва, а тоа може добро да се види и на фотографијата. До крајот на јули во Шпанија се очекуваат повеќе од 39 милиони туристи, или 7% повеќе од истиот период лани. Туризмот во Шпанија е важна економска гранка. Но, некаде на мештаните им е преку глава од масите туристи.
Фотографии на денот

Првиот чекор на Месечината

Пред точно 50 години, американските астронаути Нил Армстронг и Баз Олдрин станаа првите луѓе кои стапнале на Месечината. Нивниот лунарен модул наречен „Орел“ се спушти на Месечината во 16:18 часот по американско време на 20 јули 1969 година. Околу шест часа подоцна, Армстронг ја спушти својата лева нога на површината на Месечината изјавувајќи: „Ова е мал чекор за човекот, но голем за човештвото“.
Фотографии на денот

На работа во вода до колена

Југоисточна Азија деновиве е погодена од поројни монсунски дождови, во изминатите денови имаше речиси 200 жртви. Повеќето луѓе загинаа во поплавите и лизгањата на земјиштето во Непал. Погодени се и Индија, Бангладеш и Пакистан. Но животот мора да продолжи...И работата исто така... Овој продавач на зеленчук во Лахоре, Пакистан, чека на муштерии во вода до колена.
Фотографии на денот

Во индиски стил

Не ова не е Индија, туку Германија! Прочуената индиска знаменитост Таџ Махал беше инспирација за централната бина на традиционален фестивал на електронска музика во земјата. Фестивалот „Airbeat One" во градот Нојштат Глеве во северна Германија се одржува од 2002 година. Една од најголемите смотри на електронска музика во овој дел на земјата годинава ја посетија околу 180 илјади луѓе.
Фотографии на денот

Кловн трагичар

Музичкиот фестивал во австрискиот Брегенц на Боденското езеро е познат по спектакуларните опери и сценографии како годинешната нова поставка на операта „Риголето“. „Мозокот“ зад неа е режисерот и сценограф Филип Штецл. Тој осмисли кулиси со монументална кловновска глава и огромни дланки. Но без оглед на оваа циркуска инсценација „Риголето“ и овојпат како впрочем и секојпат завршува трагично...
Фотографии на денот

Галичка свадба

Секогаш на Петровден, секогаш со автентични песни и ора, автентични обичаи и надалеку познати народни носии. Во Галичник некогаш на Петровден имало и по 40-тина венчавки, а годинава во црквата „Св. Апостол Петар и Павле“ својот завет на заеднички живот го дадоа Огнен Караѓозоски, по потекло од Галичник, и Марина Петровска.
Фотографии на денот

По вода

За луѓето во индискиот град Ченаи снабдувањето со вода од танкери е прашање на преживување. Состојбата со вода во градот, кој дневно конзумира 830 милиони литри вода, е секогаш тешка во сезоната на монсуни. Годинава таа е катастрофална. Поради тоа многу училишта се затворени. За момченцето на фотографијата, кое мајка му го транспортира во канта додека се враќа од полнење вода, тоа не е проблем.
Фотографии на денот

Стоечко веслање со куче

„Стенд-ап веслање“ во последниве години стана тренд во слободните активности и спортови во Германија. Во оригинал: „Stand-up-Paddling“ или скратено СУП. Клуч на успехот е следното: брзо се учи, а освен тоа, може да се прави дури и заедно со куќното милениче, кучето. Курсеви се организираат и овде, на езерото Штајнхудер, најголемо во северна Германија.
Фотографии на денот

Зрели боровници

На истокот на Германија деновиве во полн ек е бербата на домашните боровници. Боровницата припаѓа кон семејството билки со латинско име Vaccinium. Домашните боровници во источна Германија, од европската сорта, сѐ уште ги обојуваат јазикот и забите како мастило, но тоа не е случај со северно-американските сорти кои денес исклучиво се продаваат во супермаркетите во Германија.
Фотографии на денот

Пчеличката Маја на поле во Баварија

Пчеличката Маја и нејзиниот другар Вили сега се основа за лавиринт на едно поле во Баварија. Земјоделците Корине и Ули Ернст во Утинг, заедно со дваесетчлен тим успеаја да направат лавиринт со ликовите на инсектите од омилениот цртан филм. За таа цел на крајот на април посеаја мешавина од сончоглед, пченка, канабис, див слез, тикви, грав, дива винова лоза и хмељ.
Фотографии на денот

Петелот Морис обвинет за прегласно кукуригање

Петелот Морис не смее да кукурига - бара брачна двојка пензионери кои си купиле викендичка на францускиот остров Олерон и кои секое утро се будат рано поради кукуригањето на Морис. Случајот, кој предизвика жолчни расправи во Франција, затоа што го симболизира вечниот конфликт на мештаните и дојденците, е пред суд. Морис не се појави во судницата. Според сопственичката, тој е под стрес и е засипнат
Фотографии на денот

Трка на „кутии за сапун“

„Ред Бул“-трките во т.н. „кутии за сапун“, кои се всушност рачно направени возила, носат многу забава. Многу филозофија нема - направете свое возило, а потоа пријавете се на една од трките кои се одржуваат ширум светот. Победник не е оној кој само најбрзо ја поминал патеката, туку се вреднува и креативноста и шоу-талентот. На оваа фотографија - двајца учесници на трката во Александра Парк, Лондон.
Фотографии на денот

И рибите се бакнуваат

6 јули е Меѓународен ден на бакнежот. Кај луѓето бакнежот е израз на љубов. Се бакнуваат и животните. Но, не секогаш од љубов. На оваа #ФотографијаНаДенот направена во аквариум во Нанџинг може да се види жешкиот бакнеж на две Гурами-риби. Бакнувањето е нормална појава кај овој вид риби, но во борбата помеѓу два ривала. Противниците си ги притискаат усните сѐ додека некој не се откаже и избега.
Фотографии на денот

Големи ерупции на Стромболи

Стромболи, пред брегот на Италија, е еден од најактивните вулкани во светот и туристички магнет. Две силни ерупции предизвикаа страв и паника кај мештаните и туристите. Изгледа спектакуларно, во прв ред значи голема опасност. Еден турист од Сицилија кој се искачувал на вулканот загинал откако бил погоден од камења кои биле исфрлени во воздухот по ерупцијата.
Фотографии на денот

Помрачување. Тотално!

Небескиот спектакл привлече научници и туристи од целиот свет во Чиле и во Аргентина. Конечно целосно затемнување на Сонцето може да се види прилично ретко.Оваа #ФотографијаНаДенот е направена на небото над Кокимбо во северниот дел на Чиле, каде што природниот феномен можеше најдобро да се набљудува. Како што предвидоа метеоролозите, на небото немаше ниту едно облаче.
Фотографии на денот

„Куќна“ креација

Високата мода е уметност. Таа си игра со формите, боите и очекувањата и истотака, никогаш не се запрашува дали навистина со облека како на оваа #ФотографијаНаДенот би излегле од дома. А што се однесува до оваа „куќна“ креација на модната фирма Кристијан Диор, таа во секој случај е „погодна“ за жешките летни денови, бидејќи дозволува струење на воздухот.
Фотографии на денот

Уметност за спас од горештините

Проектот "Umbrella Sky" („Небо од чадори“) на португалската уметничка Патрисија Куња всушност требаше да внесе малку боја во секојдневието на луѓето во Екс ан Прованс. Но токму јужниот дел на Франција беше зафатен од незапамтен бран горештини со температури до 45 целзиусови степени. Така што уметноста во случајов нуди и малку заштита од сонцето.
Фотографии на денот

Торнадо од пластичен отпад

Шарено и опасно - ова момче во Ханој се исчудува на торнадо направено од пластичен отпад.Инсталацијата е поставена во Центарот за современа уметност, заедно со повеќе други уметнички дела од пластика. Неколку месеци пред изложбата „Пластична планета“, граѓаните за таа цел донирале употребени производи од пластика.
Фотографии на денот

Вулканот Раикоке од вселената

Ерупцијата на вулканот Раикоке висока повеќе километри е добро видлива од вселената. Вулканот се наоѓа на истоимениот ненаселен Курилски острв, во близина на Јапонија. Кратерот има дијаметар од околу 700 метри. Под огромниот облак од чад и гас се гледа вода која испарува. Оваа спонтана „астро-фотка“ на Земјата ја испратија астронаутите од вселенската станица ИСС.
Фотографии на денот

Сахара ли е, Германија ли е?

Сахарски горештини во Германија. Високите температури предизвикуваат проблеми на патиштата, односно испакнатини поради загреаниот асфалт. Автомобилскиот клуб АДАЦ препорачува возачите да се држат стриктно до ограничувањата на брзината поради опасност од несреќи. Овој велосипедист нема такви проблеми. Тој во утринската магла се превезува со велосипед. А, сонцето пече уште рано наутро...
Фотографии на денот

Топло, потопло, Германија!

Температури до 40 степени Целзиусови и така со денови - Германија се „крчка“ на големите горештини, а промена, барем во наредните денови, не се очекува. Поради горештините во делови од земјата степенот на аларм од пожари е на највисоко ниво. Топлото време за некого носи проблеми, но има и такви кои бескрајно му се радуваат. На пример, нашите јунаци во базенот кој плива во реката Шпреја во Берлин.
Фотографии на денот

Славје во Истанбул по победата на Имамоглу

„Сѐ ќе биде многу добро!“ - со извикување на слоганот од кампањата луѓето на главната шопинг-улица во Истанбул, Истиклал, ја прославуваа победата на кандидатот на опозициската ЦХП, Екрем Имамоглу. Имамоглу победи на повторените избори во Истанбул со уште поголема разлика отколку во март. Тој освои 54% од гласовите, односно 800.000 повеќе од својот ривал од владеачката АКП, Бинали Јилдирим.
Фотографии на денот

Бели ноќи и црвени едра

Фестивалот на црвени едра во Санкт Петербург ги носи посетителите во 18. век, во времето на едрениците. Санкт Петербург се подготвува за Фестивалот на црвени едра, кој секоја година на 24 јуни, во времето на „белите ноќи“, се организира по повод завршувањето на школската година. Фестивалот привлекува милиони посетители кои сакаат да видат бродови од 18. век.
Фотографии на денот

Заглавена верверичка

Специјална спасувачка акција во Дортмунд: верверичка останала со главата заглавена во отвор од шахта. Пожарникарите кои на повик на граѓанин дошле да ја спасуваат верверичката, констатирале дека не можат да ја извлечат, па заедно со металната шахта ја одвеле кај ветеринар. За среќа, ветеринарот со малку мака можел да ја ослободи верверичката од непријатната ситуација.
Фотографии на денот

На пат за дома

Желката Бовенајзер се враќа дома! Кога беше пронајдена, пред повеќе од два месеца, Бовенајзер беше потхранета и имаше воспаление на главните крвни садови. По престојот и лекувањето во центарот Логерхед Маринлајф во САД, желката повторно е во состојба да му се врати на самостојниот живот. Бовенајзер влегува во водата на плажата Џуно.
Фотографии на денот

Светот преполн со бегалци

Бројот на бегалци достигна нов рекорд. На крајот на 2018. во светот имало 70,8 милиони бегалци, протерани и баратели на азил, соопшти високиот комесар за бегалци Филипо Гранди. Тоа се 2,3 милиони бегалци повеќе од 2017. Меѓу бегалците е и десетгодишниот Алан Хозе од Хондурас, кој беше дел од карванот со илјадници бегалци од централна Америка упатени кон САД. Сега е во центарот Тапахула, во Мексико
Фотографии на денот

Јавање наместо молзење

Аника Бинц учи за сточарка на истокот на Германија. Дел од обуката, меѓу другото, е и јавањето крави. Кравата на оваа #ФотографијаНаДенот се вика „Mambo No. 5“ и тешка е 650 килограми. На оваа фарма има 1000 крави за молзење, но Мамбо не е една од нив. Таа е неплодна, така што не може да дава млеко. Затоа пак служи за јавање.
Фотографии на денот

Раснење во бегалство

Мајчините чевли и балетанско фустанче- кое девојче не го сака тоа? Но оваа млада Сиријка не е облечена така од желба, туку од нужда.Како што покажува оваа #ФотографијаНаДенот малото девојче чепка во ѓубрето во бегалски камп во Либан во потрага по нешто за јадење. Во малата медитеранска земја, официјално има еден милион бегалци, но властите тврдат дека се многу повеќе.
Фотографии на денот

И на тигрите им е жешко на плус 45

Пакистанскиот град Лахоре со денови е зафатен од топлотен бран во кој температурите не се спуштаат под 40 целзиусови степени а не ретко преминуваат и 45, а истовремено влажноста на воздухот е навистина голема. Од горештините на страдаат само луѓето туку и животните во градската зоолошка градина. Прашање е колку притоа помага ова базенче...
Фотографии на денот

Двојно виножито по пороен дожд

Чангчуен е главен град на провинцијата Џилин во североисточниот дел на Народна Република Кина, со силна автомобилска и дигитална индустрија. Градот заедно со приградските населби има околу 8 милиони жители. Двојното виножито беше фотографирано во изминатите денови во кои имаше невреме со поројни дождови.
Фотографии на денот

Соединети имигрантски држави

Уметникот Роберто Маркез во рамки на својата протесна акција ги напиша зборовите на знамето - „United States of Immigrants“, значи „Соединети држави на имигранти“. Негова цел е поголема почит кон мигрантите во САД и особено од страна на претседателот Доналд Трамп - оваа #ФотографијаНаДенот е сликана во Сиудад Хуарез, од мексиканската страна на ѕидот кој се наоѓа на границата меѓу двете држави.
Фотографии на денот

Седумкатница од песок

Прекрасниот замок од песок на оваа #ФотографијаНаДенот влезе во Гинисовата книга на рекорди. Замокот беше направен во рамките на Фестивалот за песочни скулптури во местото Бинц на Балтичкото море и е висок 17,66 метри. За да се собори претходниот рекорд (16,68м) беа потребни 11.000 тони песок. Претходниот обид од 2017 година да се собори рекордот беше неуспешен, но овој замок е стабилен.
Фотографии на денот

Пристигнува големиот човек

Најголемата марионета во Велика Британија е токму оваа. Таа се нарекува Big Man Walking.На оваа #ФотографијаНаДенот е доловен моментот во кој „Големиот човек“ го извлекуваат од куќата во која е вообичаено сместен, во Драмор во Единбург. Во јуни тука се одржува голем летен фестивал на кој група уметници го претвора овој регион во волшебен свет полн со џиновски кукли и змејови.
Фотографии на денот

Велосипедски автопат

Ова е првата делница од велосипедскиот автопат во германската покраина Хесен, долга само четири километри, а широка четири метри, па сепак политичарите и сообраќајните експерти ја сметаат за пресврт во сообраќајот. Зашто, автопатот наменет само за велосипеди, ќе продолжи да се гради до 2022 година, ќе биде долг 30 километри и ќе ги поврзува Франкфурт и Дармштат. Сето тоа ќе чини 43 милиони евра.
Фотографии на денот

Амазон почнува достава со дронови

Американскиот гигант за онлајн-трговија Амазон за неколку месеци почнува со доставување пакети на домашна адреса со дронови. Дроновите може на релации до 25 км да носат пакети со тежина под 2,3 килограми. За тоа ќе им бидат потребни помалку од 30 минути. Дроновите ќе тргнуваат и слетуваат вертикално, како хеликоптерите. Според најавите, дроновите може да летаат стабилно и во услови на силен ветер.
Фотографии на денот

На планина од отпад

Оваа Индијка, застаната на врвот од планината отпад на периферијата на Мумбај, и на Светскиот ден на заштита на животната средина собира отпадоци кои може да се рециклираат. Работата е опасна и го загрозува нејзиното здравје. Светскиот ден за заштита на животната средина, 5 јуни, има за цел да ја подигне свеста за заштита на околината и еколошкиот начин на живеење и да поттикне мерки за заштита.
Фотографии на денот

Шампионот Вардар е дома

#ФотографијаНаДенот од пречекот во Скопје на ракометарите на Вардар. Европскиот пехар пристигна во Скопје, граѓаните еуфорично ги поздравија своите Вардарци, пеејќи ја „Ој Вардаре македонски“, а тие пак емотивно порачуваа дека Вардар е еден и повторуваа дека за успех треба да се игра со срце.
Фотографии на денот

Вардар, пехар, солзи...

Вардарци со шампионскиот пехар в раце по финалето кое ги искачи на европскиот пиедестал, а на навивачите им донесе огромна радост и гордост. „Ланксес Арена“ беше толку полна со радост и солзи, вресоци и неверување, што и градоначалничката на Келн, Хенриете Рикер на Твитер напиша: „Ваква атмосфера има само во меката на ракометот Келн! Му честитам на Вардар на победата во ЕХФ Лигата на шампиони!“
Фотографии на денот

Радост и олеснување

Речиси илјада апсолвенти го прославија дипломирањето по четири тешки студентски години на Воздухопловната академија во Колорадо спрингс, во американската сојузна држава Колорадо. Тие на прославата беа почестени и со присуството на највисокиот можен гостин. Претседателот Доналд Трамп, како што се очекуваше, одржа патриотски говор и се ракуваше и му честиташе на секој од идните поручници поединечно.
Фотографии на денот

Почина Там

На Борнео почина последниот мажјак на Суматрански носорог, Там. На овој остров во инденезискиот архипелаг сега живее само уште еден една женка од овој животински вид. Според податоците на Светската фондација за природа (ВВФ), на светот има само уште 80-тина вакви носорози, и практично нема надеж дека тие ќе опстанат по природен пат. Последна шанса е програмата за нивно спасување.
Фотографии на денот

Зиплајн на Ајфеловата кула

#ФотографијаНаДенот од Париз, каде од денеска до втори јуни може да се возите со зиплајн поставен на Ајфеловата кула! Се тргнува од вториот кат на Алфеловата кула, а возењето завршува кај Воената Школа - патека од 800 метри која се минува за 60 секунди. Ова возење не е за плашливи, зашто брзината на движење е 88 километри на час на височина од 115 метри.
Фотографии на денот

„Заштити ме!“

Тешко е да се избегне ваков поглед. А тоа впрочем беше и целта. Уличните уметници украсија воз со мотиви кои повикуваат на заштита на животната средина. „Ноевиот воз“ тргна од Катовице во Полска веднаш по Светската конференција за климатски промени во декември 2018 година и патува низ цела Европа. Оваа #ФотографијаНаДенот е направена деновиве на железничката станица во германскиот град Лајпциг.
Фотографии на денот

Уште пошарен Европски парламент

По европските избори, владеењето со ЕУ ќе биде потешко. Поради големите згуби на гласови, демохристијаните и социјалдемократите за првпат заедно немаат мнозинство во ЕП, ќе се бараат сојузи со либералите и со зелените, кои го зголемија бројот на пратенички места. Десничарските популисти и националистите од друга страна остварија успег во големите земји на ЕУ, меѓу другото во Италија и Франција.
Фотографии на денот

Европски избори со гласачко ливче од еден метар

Право на глас на европските избори имаа над 65 милиони избирачи. Гласачкото ливче беше долго речиси еден метар. На него стоеја 41 партија и политички здруженија. Тие беа наредени според резултатите што ги постигнале на претходните европски избори, а по нив следуваа партии и здруженија кои тогаш не учествувале на изборите.
Фотографии на денот

„Бебето“ учи да плива

Нашата денешна фотографија на денот му ја посветуваме на моржот кој се роди во Зоолошката градина во Хамбург и уште нема ни име. Три недели старото „бебе“, засега, неговите негуватели нагалено го нарекуваат „куп сланина“ и „мустаклија“. Фотографијата е направена за време на неговиот прв час по пливање. Мајката Полоза притоа мораше активно да му помага на своето 80-килограми тешко младенче.
Фотографии на денот

Гласање кај пингвините

Не, не се европски избори. Фотографијата е направена за време на гласањето за изборите за парламентот во Австралија. Австралискиот тим научници на Антарктикот на овој начин го оствари своето граѓанско право. Ова е веројатно најјужната гласачка кутија во светот. И многу веројатно- најстудената. Сместена е на Антарктикот. Таму се наоѓа австралиската истражувачка станица Дејвис.
Фотографии на денот

Олдтајмерите сѐ поомилени

Бројот на олдтајмери во Германија се зголемува. До 1.01.2019. биле регистрирани 536.515 возила постари од 30 години. Тоа се 58.765 олдтајмери повеќе отколку во годината пред тоа. Најголемиот дел од возилата имаат помеѓу 30 и 39 години, а 43.000 возила имаат повеќе од 60 години. На #ФотографијаНаДенот: Фолксваген бубачка од 1950-та на саем на олдтајмери и јангтајмери „Техно Класика“ во Есен
Фотографии на денот

Европа за сите

Една недела пред европските избори стотици илјади Европејци излегоа на демонстрации против национализмот. На демонстрации повика сојузот „Европа за сите“, кому му припаѓаат околу 250 иницијативи. Денес е поважно од кога и да е да се заложиме за Европа која ќе им застане на патот на национализмот и изолацијата, порачаа организаторите.
Фотографии на денот

Хулахуп за здравје и расположение

Каков ритуал наутро имате? Прво пиете кафе или можеби вежбате? Во Кина стотици луѓе вежбаат со хулахуп! Наредени строго во линија, фановите на хухалупот во Шенијанг, во кинеската провинција Лиаонинг, тренираат групно и се забавуваат. Тренингот со тркалото му дава поддршка на кардиоваскуларниот систем, ја зајакнува мускулатурата, поттикнува размена на масти во организмот и ја подобрува кондицијата.
Фотографии на денот

Тамара не’ направи „Горди“

Тамара Тодевска се пласираше во финалето на Евросонгот во Тел Авив со композицијата „Горда“ (Proud). За првпат по седум години Северна Македонија има свој претставник на финалната вечер. „Јас сум многу горда на мојот тим, на мојата земја. Бидете горди и никогаш не ја кријте вашата големина“, порача Тамара на прес-конференцијата по настапот.
Фотографии на денот

Роденден на Ајфеловата кула

Париз на симболот на градот му посака среќен роденден со светлосно шоу и концерт. Инженерот Густав Ајфел ја создаде Ајфеловата кула за Светската изложба во Париз во 1889 година. На 15 мај пред 130 години Ајфеловата кула првпат беше отворена за посетители. Оттогаш е една од најголемите туристички атракции во светот - 324 метри високата кула годишно има по околу шест милиони посетители.
Фотографии на денот

Летото сепак доаѓа

Пролетните температури во Германија годинава се далеку од високи. Но ако се суди според активностите на плажите на Балтичко Море има зрно надеж дека сонцето конечно ќе огрее како што треба. На плажата во Тимендорф на островот Поел почна местењето на корпите за седење на плажа. Оние што се оштетени треба да се поправат, а треба да им се нанесе и малку шминка, односно боја. И сезоната може да почне!
Фотографии на денот

Пешачки премин за кокошки

Овој петел во Ертинген, Баден Виртемберг, ги почитува сообраќајните правила и улицата ја преминува на пешачкиот премин предвиден за него. На улицата постои дури и знак за пешачки премин за кокошки. Знакот, рака на срце, бил само шега на еден од жителите на соседното село, кој забележал дека кокошките и петлите ја преминуваат улицата секогаш на ова место за да се напијат вода од бунарот преку патот
Фотографии на денот

Огномет за Денот на победата

Ова е огнометот над меморијалниот парк Поклонаја Гора. Денот на победата во Русија традиционално се одбележува и со голема воена парада. Рускиот претседател Владимир Путин порача дека воената сила на земјата е осигурана. Паради и манифестации на 9 мај се одржаа во цела Русија.
Фотографии на денот

Прв Рамазан по цунамито

Овие двајца мажи во индонезискиот град Палу го чекаат заоѓањето на сонцето и крајот на постот за тој ден. Од 6 мај муслиманите го започнаа рамазанскиот пост. За жителите на Палу ова е прв Рамазан по катастрофалното цунами во септември 2018. И натаму големи делови од градот се уништени, токму како и џамијата на оваа #ФотографијаНаДенот. Стотици луѓе сѐ уште живеат во привремени сместувалишта
Фотографии на денот

Скопје го пречекува папата

Папата Франциско на скопскиот аеродром беше пречекан од претседателот Ѓорге Иванов и премиерот Зоран Заев. Кулминација на посетата беше Светата литургија со папата на плоштадот Македонија, кој за таа цел, впрочем како и целата македонска престолнина, беше „разубавен“. Ова е прва и воедно историска посета на еден папа на Северна Македонија.
Фотографии на денот

Петтиот и прв

Кандидатот на владејачката коалиција победи со предност од околу 60 илјади гласови пред кандидатката на ВМРО-ДПМНЕ. Стево Пендаровски освои 51,66 а Гордана Сиљановска-Давкова, 44,73 насто од гласовите. Излезноста на изборите изнесува 46,70 проценти. Пендаровски ќе биде петтиот македонски претседател по прогласувањето на независност и прв по промената на името на државата во Северна Македонија.
Фотографии на денот

Втор круг претседателски избори

Во трка во вториот круг од претседателските избори беа Стево Пендаровски, кандидат на СДСМ и коалицијата, и Гордана Сиљановска Давкова, кандидатка на ВМРО-ДПМНЕ и коалицијата. Се гласашњ на 3.480 избирачки места, а право на глас имаа 1.808.131 граѓани. Избирачките места беа отворени од 7 до 19 часот. Изборите ги следеа над три илјади домашни и над 500 странски набљудувачи.
Фотографии на денот

Фестивал на змии

Во малото италијанско планинско местенце Кокуло на почетокот на мај се одржува „Фестивалот на фаќачи на змии“. Во фокусот на овој фестивал е еден од најстарите и најчудни обичаи во Европа: на процесија, низ местото се носи статуа на Свети Доминик од Сора во природна големина, на која има десетици змии. Наводно од тоа како се однесуваат змиите, може да се претпостави што следува во иднина.
Фотографии на денот

Путин и рускиот интернет

Карикатурата на Сергеј Елкин го прикажува рускиот претседател Владимир Путин како го извлекува кабелот на „светскиот интернет“ од штекер. Путин го потпиша законот за руски интернет, а тој ќе стапи во сила во ноември 2019. Критичарите сметаат дека тоа е обид на владата да ги контролира содржините и да ја изолира руската мрежа. Во изминатите недели илјадници луѓе протестираа против законот.
Фотографии на денот

Очајот на Венецуела

Насилствата во Венецуела не запираат. Антивладините демонстранти имаа жестоки судири со безбедносните сили, при што се повредени многу луѓе, а загина една жена. Опозицијата сака да го зголеми притисокот врз Мадуро и повика на штрајкови во земјата, кои би се претвориле во генерален штрајк.
Фотографии на денот

Најголемото плишено мече на светот

Светот досега не видел толку големо плишено мече! На жителите на мексиканскиот град Ксонакатлан им беа потребни цели три месеци за да го наполнат мечето долго 20 метри и тешко четири тони. Мечето „Ксонита“, кое влезе во Гинисовата книга на рекорди како најголемото плишено мече на светот, сега е изложено во градот, а му се воодушевуваат не само децата, туку и возрасните.
Фотографии на денот

Танцот на вештерките

Валпургиска ноќ е ноќта помеѓу 30 април и 1 мај. Илјадници луѓе се собираат на панаѓури околу планината Брокен, се палат огнови и се танцува. Обичај е да се има костум на вештерка или ѓавол. Првата организирана прослава на Валпургиската ноќ датира од 1896. Така се прославува доаѓањето на пролетта. На #ФотографијаНаДенот актери во костуми на проба за настап во рамки на Валпургискиот отворен тетатар
Фотографии на денот

Убавина среде катастрофа

На пеперутката всушност овде не ѝ е место. Се сместила на исушената почва на резервоарот Лос Лаурелес, од каде со вода се снабдува главниот град на Хондурас, Тегусигалпа. Од овде доаѓа повеќе од половина од водата која му е неопходна на градот со 900.000 жители. Во Хондурас владее огромна суша. Исушената почва е убава единствено за фотографиите на кои се уловени моменти како овој.
Фотографии на денот

Почнува бербата на јагоди во Германија

Во германските супермаркети ги има од увоз речиси преку целата година, но сега стигнуваат и првите домашно произведени јагоди. Сезонски работник од Полска бере јагоди: во околината на Оберкир започна годинешната берба на јагоди на отворено. Сезоната на јагоди започнува во зависност од временските прилики, но обично тоа е од почетокот на мај, а трае најдоцна до крајот на јули.
Фотографии на денот

Пустинско езеро на „Патот на свилата“

Во плановите на кинеската влада и градот Дунхуанг, некогаш важна станица на древниот „Пат на свилата“, служи како важна платформа за културна размена и економска соработка меѓу земјите на новиот „Пат на свилата“. Во Пекинг деновиве (25.4-27.4.) се одржува Вториот меѓународен самит „Појас и пат“, учествуваат лидерите на земјите кои се приклучија на кинеската иницијатива за економска соработка.
Фотографии на денот

Мини предност, мини излезност

Во првиот круг од македонските претседателски избори забележан е досега најслабиот одзив досега на гласањата за избор на шеф на државата. Според податоците на ДИК на изборите излегле 41, 82 насто од граѓаните со право на глас. Покрај историски ниската излезност, минимална е и предноста на кандидатот на владејачката коалиција Пендаровски во однос на кандидатката на опозицијата Сиљановска-Давкова.
Фотографии на денот

Претседателски избори

Граѓаните на Република Северна Македонија денеска избираат претседател на државата. Во трка се тројца кандидати: Стево Пендаровски, кандидат на СДСМ и коалицијата, Гордана Силјановска Давкова, кандидат на ВМРО-ДПМНЕ и коалицијата и Блерим Река, кој ја има поддршката од Беса и Алијанса за Албанците. Право на глас имаат 1.808.131 граѓани.
Фотографии на денот

Марс за туристи

Во пустината Гоби на северозападот на Кина неделава беше отворена симулација на Марс. За разлика од слични проекти во други земји, ова не е научен проект, туку забава за туристи. За еден од првите посетители, лажниот Марс во пустината Гоби испаднал многу убаво: „Видовме монолит, кратер и пештера. Овде е подобро отколку од она како си го замислувам Марс“, рече еден 13-годишен ученик.
Фотографии на денот

Парење на штрковите

Оваа #ФотографијаНаДенот, направена во Рагов, Бранденбург, го прикажува парењето на два бели штрка во нивното гнездо. Штрковите, кои се веќе вратени од јужните краишта, се парат од почетокот на март до средината на мај. Во германската покраина Бранденбург, според Сојузот за заштита на природата, има повеќе од 1.300 двојки штркови.
Фотографии на денот

Автобуска несреќа на Мадеира

Автобус излета од патот и падна врз куќа на португалскиот туристички остров Мадеира. Притоа загинаа најмалку 29 туристи, од кои најголемиот дел Германци. Несреќата, во која има и 27 повредени, се случила откако возачот на една кривина загубил контрола врз возилото, а автобусот потоа, најверојатно превртувајќи се еднаш, паднало во населба под патот.
Фотографии на денот

Суперхерои на изборите во Индонезија

Членовите на избирачкиот одбор во Сурабаја подготвуваат гласачки ливчиња облечени во костими на суперхерои. На изборите во Индонезија право на глас имаат 193 милиони луѓе. Актуелниот претседател на државата Џоко Видодо се надева повторно на победа и на нов мандат. Токму Видодо во кампањата ги користеше Авенџерс, односно суперхероите како средство да им се приближи на младите избирачи.
Фотографии на денот

Пожарот во Нотр Дам е под контрола

Големиот пожар во катедралата Нотр Дам е „целосно под контрола“, тврди противпожарната служба во Париз. Пожарот во катедралата, која е дел од Светското културно наследство на Унеско, изби од засега непознати причини. Пожарот ја уништи средишната кула и покривот. Францускиот претседател Макрон изјави дека најлошото е спречено и дека се спасени фасадата и двете главни кули на Богородичната црква.
Фотографии на денот

Големо невреме во САД

Загинаа најмалку осум лица, меѓу нив и три деца - големото невреме кое го зафати југот на САД остави пустош зад себе. Најголемиот дел од жртвите загинале од соборени дрвја или се удавиле во надојдената вода поради невремето. Торнадото речиси сосема го уништи местото Френклин во Тексас. Во Хамилтон, Мисисипи, десетици куќи се срамнети со земја. Таква е и куќата на нашата #ФотографијаНаДенот.
Фотографии на денот

Кула од аспарагуси

Германците негуваат посебна љубов кон аспарагусот. Годинава тие можат да му се радуваат на омилениот зеленчук порано од вообичаеното. Сезоната на аспарагуси започна многу рано. На овој зеленчук му одговараат сонце и топлина, а тоа оваа пролет има доволно. Од друга страна, екстремно топлото лето во 2018 би можело да го намали годинешниот род. Германија е најголем произведувач на аспарагус во Европа
Фотографии на денот

Наградата World Press Photo за расплаканото девојче

Малата Јанела од Хондурас почнува да плаче кога еден полицаец во американската сојузна држава Тексас почнува да ја претресува мајка ѝ, Сандра Санчез. Фотографијата на Џон Мур од САД, кој работи за агенцијата „Гети“, прикажува „поинаков вид насилство, кое е психолошко“, образложи жирито на World Press Photo Award.
Фотографии на денот

Фотографија на денот: Ревија на шапки

Шапката е „very british“, односно моден детал на кој му се обрнува посебно внимание во земјата која живее во хаосот на Брегзит. Британската страст кон шапките е највпечатлива деновиве во Лондон, каде е во тек „Неделата на шапката“ (Hat Week). На неа многу дизајнери ги прикажаа своите нови креации. Зенитот на манифестацијата беше т.н. „Прошетка на шапки“ (Hat Walk) на променадата на реката Темза.
Фотографии на денот

Пеперутка на покрив

За церемонија на свечено отворање на Меѓународната изложба на градинарство зградата на театарот Гуируи во Пекинг, доби посебен покрив- во облик на живописна пеперутка. Светската изложба на хортикултура започнува на 29 април и би требало да биде шаренолика како и оваа гигантска пеперутка.
Фотографии на денот

Снег во април

Лалето со капа од снег е фотографирано во Кирхцартен, во германската покраина Баден Виртемберг. Април си прави што си сака: додека на истокот на Германија се смее сонце и температурата е над 20 степени, на југозападот од земјата се’ уште има снег. Ова лале со капа од снег е фотографирано токму во југозападниот дел од Германија, во Кирхцартен.
Фотографии на денот

Преселба на нов аеродром во Истанбул

Почна големата преселба од аеродромот „Ататурк“ на новиот мега-аеродром во Истанбул. Од недела (7.04.2019) комплетниот авиосообраќај треба да се одвива од новиот аеродром. Во рок од 45 часа треба да се пренесат 50.000 тони материјал од аеродромот Ататурк во новото воздухопловно пристаниште. Ова е престижен проект на претседателот Ердоган, а овде годишно треба да минуваат околу 90 милиони патници.
Фотографии на денот

Електроскутерите доаѓаат

Електроскутерите наскоро би требало да се возат легално и на германските улици. Владата донесе уредба, која за да стапи во сила треба да добие виза и од Бундесратот. Малите превозни средства би требало да предизвикаат миниреволуција во сообраќајот. Со е-скутер, кој не вози побрзо од 12 км на час, според предвиденото, би требало да може да се вози на тротоари, патеки за велосипеди и зони за пешаци.
Фотографии на денот

Пчелите се популарни

Пчелите, како оваа вредна работничка сликана кај Минхен, се не само омилен мотив за фотографите. Интересот за нив постојано се зголемува, а тоа го потврдуваат и податоците на Германскиот пчеларски сојуз. Имено, бројот на пчелари во земјата во изминатите 10 години е зголемен за дури една третина. Причината за тоа се гледа во зголемениот интерес за природата и за еколошките теми воопшто.
Фотографии на денот

Полуголи еко-активисти во парламент

Соблекување за заштита на климата: во британскиот парламент 11 еко-активисти се соблекоа среде дебатата за Брегзит! Нивна цел - да се забрза борбата против загревањето на климата. Тие од трибината за посетители на пратениците им префрлија дека поради дебатите за Брегзит го запоставуваат проблемот со промената на климата.
Фотографии на денот

Виножитото над Лолапалуза

Светлосен ефект во Буенос Аирес: на музичкиот фестивал Лолапалуза возбудливо беше не само на бината, туку и над главите на посетителите. Феноменот се нарекува „Глорија“ и настанува на делот од небото спротивно од делот на кој се наиоѓаат сонцето или месечината. Последица е дифракција на светлината на капките од вода. Може да се забележи на роса и на магла, но многу ретко.
Фотографии на денот

Камена пустинска роза

Под врелото сонце на Катар „процуте“ роза од камен. Арапската пустинска држава отвори спектакуларен национален музеј. Објектот во Доха е дело на прочуениот француски архитект Жан Нувел. Неговата форма наликува на пустинска роза. Во музејот, меѓу другото, треба да биде раскажана историјата на емиратот. Тој е дел од сеопфатниот план за обнова на малата држава - на пат кон културна велесила.
Фотографии на денот

Малку радост во сириските руини

Сирискиот актер Валид Абу Рашед (со жолта перика) и негов колега актер забавуваат група деца во импровизиран куклен театар сместен меѓу урнатините на урната зграда во градот Саракиб во северната провинција Идлиб во Сирија која е под контрола на бунтовниците.
Фотографии на денот

Паркиралиште Тајмс Сквер

Ги гледаме на аеродромските писти или на специјалните „гробиштата“ за нив во пустината. На плоштадот Тајмс Сквер авиони вообичаено не се паркираат. Овој труп од авион на одамна пропадната авиокомпанија Транс Ворлд Ерлајнс сепак направи кратка „починка“ во центарот на Њујорк. Но веднаш мораше да продолжи кон аеродромот „Џ.Ф.К“. каде „пензионерските“ денови ќе ги помине како коктел лонџ бар.
Фотографии на денот

Океан од бои

Волку шарена е пролетта на цветните полиња на ранчот Карлсбад во американската сојузна држава Калифорнија. На оваа #ФотографијаНаДенот, може да се види како еден посетител ужива во фестивалот на бои на цветниот ранч во близина на калифорнискиот град Сан Диего. На поле со површина од 20 хектари во непосредна близина на Тихиот океан се простира море од лутичиња во најразлични прекрасни бои.
Фотографии на денот

Егзотични птици наместо Брегзит-главоболки

И додека приказната околу излегувањето на Велика Британија од Европската унија сѐ повеќе се вжештува, секојдневието на британското кралството семејство продолжува непроменето. Така на пример Принцот Чарлс во моментов е на турнеја по карипските острови. Премиерката Тереза Меј со оглед на сите нејзини Брегзит-главоболки, веројатно со задоволство би се менувала со него
Фотографии на денот

Кога земјоделец предлага брак

Со огромни букви на ова поле пишува „Сакаш ли да се земеме?“ на баварски дијалект. Земјоделецот Флоријан Вајс го „посеа“ на поле предлогот за брак за својата девојка. Минатата есен, фармерот го посеал јачменот со посебно прецизна машина. Требаа да минат неколку недели пред да порасне јачменот, Флоријан да ја однесе својата девојка на полето и конечно го постави прашањето. Одговорот беше позитивен
Фотографии на денот

Огнен дочек на пролетта

Во 18. век во шпанскиот град Валенсија и околината, секоја година на крајот на зимата столарите ги палеле дрвените носачи за ламби и свеќи, кои на пролет нема да им биле потребни. Во знак на сеќавање на оваа традиција, настанал фестивалот „Фалас“- единствено што сега се палат големи фигури од хартија. „Фалас“ од 2016 година е прогласен и за нематеријален споменик на културата на УНЕСКО.
Фотографии на денот

Мојсеј на нашето доба

Канадскиот уметник Бенџамин фон Вонг сакаше да укаже на тоа како денес изгледаат светските мориња и колку се загадени со пластика. Инсталацијата „Раздвојување на пластичното море“ е поставена во еден трговски центар во Хо Ши Мин, главниот град на Виетнам. Уметникот употребил 168.000 пластични цевки што му донесе и рекорд за Гинисовата книга за најголема инсталација од цевчиња.
Фотографии на денот

Знак од небото

Виножитото отсекогаш било важен елемент во многу митологии и религии во сите култури и низ сите континенти. На овој природен феномен често се гледа како на мост меѓу боговите и луѓето. Дали овој пар на британскиот брег чека инспирација од „горе"?
Фотографии на денот

Фестивал на пенисот

Јапонскиот фестивал „Хонен саи“ или фестивал на плодноста и добрата берба се прославува повеќе од 1.500 години. Секој година илјадници луѓе доаѓаат во Комаки, предградие на Нагоја. Славјето има и второ име: „Фестивал на пенисот“. Свештениците фрлаат сол на улиците низ кои минува поворката со статуата за да им го прочистат патот. Сакето е бесплатно, а добредојдени се сите.
Фотографии на денот

Глобални ученички протести за заштита на климата

(16.03.2019) Младите ширум светот го кренаа гласот против климатските промени. Учениците во преку 2000 градови во светот ја напуштија наставата за да протестираат за поголема свест кај возрасните за заштита на климата. Оваа #ФотографијаНаДенот е направена во Монтреал, Канада, каде се одржа еден од најмасовните протести во рамките на глобалниот ученички штрајк за климата.
Фотографии на денот

Смртоносен напад врз џамии во Крајстчрч

(15.03.2019) Во терористички напад врз џамии во новозеландскиот град убиени се најмалку 49 луѓе. Главноосомничен за нападот е еден Австралиец, екстремен десничар. Триесет лица беа убиени во џамијата Ал Нур во центарот на Крајстчрч. Седум лица загинаа во втората џамија во предградието Линвуд, а уште три лица надвор од таа џамија.
Фотографии на денот

По бурите и торнадо

(14.03.2019) По Еберхард дојде Франц. Уште еден оркан протатне низ Германија. Новата бура донесе поројни врнежи, силни ветришта но и торнадо. Погодено беше местото Ретген кај Ахен. На оваа #ФотографијаНаДенот пожарникари стојат пред една куќа чиј покрив беше тешко оштетен. За среќа во пустошењето на торнадото лесно беше повредено само едно лице.
Фотографии на денот

Раскошно будење на пролетта

(13.03.2019) Оваа зима во Калифорнија врнеше невообичаено многу и поројно. Резултатот може да се види: „Супер-процутот“ на дивите цвеќиња е впечатлив во многу региони во американската сојузна држава - како впрочем и на оваа #ФотографијаНаденот направена на езерото Елсинор во близина на националниот парк Сан Бернадино.
Фотографии на денот

Кучиња против Брегзит

(12.03.2019) Британските сопственици на кучиња заедно со своите миленици протестираат против излегувањето на земјата од ЕУ. Мора да лаеме пред да биде предоцна“, гласеше предупредување на овие противници на Брегзит, кои во неделата демонстрираа пред британскиот парламент спроти денешото клучно гласање за планот за Брегзит на премиерката Тереза Меј
Фотографии на денот

Сурфање на езеро

(11.03.2019) Орканот „Еберхард“ со моќни ветришта протатне низ Германија. Бурата предизвика големи материјални штети. Но за некои таа донесе и неочекувано задоволство. Химзе е најголемото езеро во Баварија, и на оваа #ФотографијаНаДенот, тоа го оправдува прекарот „Баварско море“. Под налетот на „Еберхард“ во езерото се формираа бранови, кои овозможија малку „океанско чувство“ меѓу виндсурферите.
Фотографии на денот

Коњска прошетка среде град

(09.03.2019) Кобилата Џени секојдневно оди на прошетка. И дотука не е ништо чудно. Само што Џени се шета среде град.На #ФотографијаНаДенот Џени го мириса детето на Рафаел Велштајн, кој е на пат до трамвајската станица во Фехенхајм, Франкфурт. Сопственикот на Џени секојдневно ја пушта 22 години старата кобила самата да одлучи како ќе го мине денот.
Фотографии на денот

Денот на жената - празник во Берлин

(08.03.2019) #ФотографијаНаДенот го отсликува мотото на денешните демонстрации во Берлин: „Слави, штрајкувај, продолжи со борбата“! Со демонстрациите треба да се испрати сигнал против дискриминацијата на жените, сексизмот и патријархалните структури. Берлин е единствената германска покраина каде 8 март - првпат годинава - е неработен ден, односно празник за сите.
Фотографии на денот

Розови табли за паркинг-места за жени

(07.03.2019) Сините табли за паркинг-места треба да се заменат со нови и тоа онакви кои делуваат помалку службено, препорача судот во Минхен и градот Ајхштет веднаш презема мерки. Со розови табли и дополнувањето „Ве молиме оставете го местото слободно“ градот потенцира дека се работи за препорака, односно дека може да паркираат и мажи, но постои надеж оти местата сепак ќе бидат слободни за жените.
Фотографии на денот

Почна саемот за туризам

(06.03.2019) Со претпазливи надежи за силна сезона на одмори во Берлин е отворен саемот за туризам - Меѓународна туристичка берза (ИТБ). На саемот се присутни околу 10.000 излагачи од 181 земји и региони. Земја партнер на 53. ИТБ е Малезија. На #ФотографијаНаДенот Камероновите брда во малезискиот султанат Паханг. Брдата, познати по чајот, се преплавени од туристи од цел свет.
Фотографии на денот

Укинување на промената на времето

(05.03.2019) Комисијата за сообраќај на Европскиот парламент се изјасни се укинување на промената на сметање на времето од 2021 година. Според планот, секоја земја може сама да се одлучи во која временска зона ќе остане. ЕП за укинување на промената на времето ќе гласа најверојатно на крајот на март. На #ФотографијаНаДенот часовникот кој го покажува светското време изработен од Аугуст Нол во 1885.
Фотографии на денот

Пустош од торнада во САД

(04.03.2019) Серија торнада отстави пустош зад себе на југоистокот на САД. Загинаа најмалку 22 лица, меѓу нив и деца. Торнадата со брзина на ветрот до 218 километри ги погодија американските сојузни држави Алабама и Џорџија. Во 10.000 домаќинства нема електрична енергија. На нашата #ФотографијаНаДенот оштетена куќа во Борегар, Алабама.
Фотографии на денот

Кулминација на карневалот во Венеција

(02.03.2019) Наближува зенитот на карневалската сезона. Венеција повеќе речиси и да не е место за живот, туку за туристи. За време на карневалот, градот ќе го посетат 130 илјади туристи. Нив, и покрај сѐ, ги очекуваат незаборавни моменти со прочуените венецијански карневалски маски, како на оваа #ФотографијаНаДенот.
Фотографии на денот

Заеви на балот во Виена

(01.03.2019) Оваа #ФотографијаНаДенот е направена на Оперскиот бал во Виена. На фотографијата - Зоран и Зорица Заеви заедно со своите домаќини, австрискиот канцелар Себастијан Курц и неговата животна придружничка Сузане Тиер. Оперскиот бал во Виена е општествен настан број еден во Австрија. Годинава на спектаклот беа поканети 5000 гости.
Фотографии на денот

Трамп и Ким без договор

(28.02.2019) Самитот меѓу претседателот на САД и лидерот на Северна Кореја во Виетнам заврши без заедничка изјава. Откажан беше и заедничкиот ручек. Од американска страна се вели дека двајцата државници имале многу добра и конструктивна средба и дека во иднина ќе има нови средби. Претходно од кабинетот на американскиот претседател беше соопштено дека е предвидено потпишување заедничка декларација.
Фотографии на денот

Нема водка за Ким Јонг Ун

(27.02.2019) Холандската царина заплени водка наменета за севернокорејскиот властодржец Ким Јонг Ун и армиските раководители во Пјонгјанг. 90.000 шишиња со руска водка се наоѓале во контејнер скриен под труп на авион, натоварени на брод во сопственост на кинеското претпријатие Коско Шипинг. Холандија нагласи: „ОН воведоа јасни санкции против Северна Кореја. Важно е тие да се спроведуваат.“
Фотографии на денот

Ким Јонг Ун пристигна во Ханој

(26.02.2019) Виетнамски војници во строј го пречекуваат возот со кој севернокорејскиот лидер Ким Јонг Унг допатува во Виетнам. Оваа #ФотографијаНаДенот е направена во градот Донг Данг на кинеско-виетнамската граница. Од Донг Данг, каде беше пречекан со воени почести, Ким се префрли на патување со автомобил до Ханој, каде ќе се сретне со американскиот претседател Доналд Трамп.
Фотографии на денот

Чевлите на иселените од Молдавија

(25.02.2019) Поради лошата економска состојба во Молдавија досега се иселени околу еден милион Молдавци. Тие одат во ЕУ или Русија. На протестите во главниот молдавски град Кишињев, одржани во текот на викендот, граѓаните со празни чевли го свртеа вниманието врз иселените. Чевлите симболизираат и надеж во подобри времиња - за потенцијалните повратници се чува место во нивната татковина.
Фотографии на денот

Пигкасо, свињата уметник

(23.02.2019) Звучи како Дизни-приказна: свиња која е спасена од кланица ја открива својата уметничка „жица“ и стекнува светска популарност. Ова се случи во Френшхук, Јужноафриканска Република. Сликите од уметничката ѕвезда со име Пигкасо (комбинација од англискиот збор за свиња - пиг и Пикасо) се продаваат скапо - до 2500 швајцарски франци. Пигкасо има и Фејсбук-страница со над 15.000 фанови.
Фотографии на денот

Папата бара конкретни мерки против злоставувањата

(22.02.2019) Папата Франциско се моли на почетокот на самитот во Ватикан, кој по многу нешта е единствен. Тој од присутните побара да бидат донесени конректни мерки за борба против сексуално злоставување. Католичката црква мора да размисли за промена на вековните структури на моќ, побара и ополномоштеникот на германската влада за прашања на злоставувањето Јоханес-Вилхелм Рериг.
Фотографии на денот

Супермесечината на 2019

(21.02.2019) Во изминативе денови ширум светот ноќното небо го красеше најголемата и најсветла полна месечна годинава. Февруарската супермесечина уште поетично се нарекува „снежна месечина“. Оваа #ФотографијаНаДенот е направена на еден од најфреквентните аеродроми во Европа. На небото над Франкфуртскиот аеродром полека излегува „снежната месечина“ додека патнички авион слетува на пистата.
Фотографии на денот

Прв чекор до вселенската војска на Трамп?

(20.02.2019) За почеток тоа е само декрет кој претседателот Доналд Трамп го потпиша на една од за него типични церемонии во Белата Куќа. Тој е сериозен за своја програма за вселенски воени сили ала „Војна на ѕвездите" (на оваа #ФотографијаНаДенот гледаме сцена од последниот филм во серијалот „Војна на ѕвездите“:Последниот џедај) како онаа неуспешната на поранешниот претседател на САД Роналд Реган.
Фотографии на денот

Почина легендарниот „морнар бакнувач“

(19.02.2019) Џорџ Мендонса , американскиот морнар кој беше фотографиран додека бакнува жена на њујоршкиот Тајмс Сквер на крајот на Втората Светска Војна почина два дена пред неговиот 96 роденден. На легендарната фотографија тој е сликан како ја бакнува Грета Цимер Фридман, заболекарска помошничка во униформа на медицинска сестра на 14 август 1945 година- денот на капитулацијата на Јапонија.
Фотографии на денот

Боите на слободата

(18.02.2019) Црната, црвената и златната се националните бои на Германија. Така стои во Уставот на Сојузна Република Германија. Тие беа утврдени уште за време на штотуку формираната Вајмарската Република, на 18 февруари 1919 година непосредно по Првата Светска Војна. Националните бои на знамето на земјата се симбол за единство, слобода и демократија и влечат корени уште од раниот 15 век.
Фотографии на денот

Медалот за Заев и Ципрас

(16.02.2019) На премиерите Зоран Заев и Алексис Ципрас денеска во Минхен ќе им биде врачена наградата „Евалд фон Клајст“ за 2019 година. Наградата ја доделува Минхенската безбедносна конференција, за извонреден придонес за мирот и за решавање на конфликти. Заев и Ципрас ќе добијат медали како на оваа #ФотографијаНаДенот како признание на нивните напори за решавање на спорот околу името Македонија.
Фотографии на денот

Трамп ќе прогласи вонредна состојба

(15.02.2019) На #ФотографијаНаДенот поддржувач на Доналд Трамп маскиран како граничен ѕид на просторот пред арената El Paso County Coliseum.Со прогласувањето вонредна состојба претседателот на САД сака да обезбеди пари и без согласност за средства од Конгресот.
Фотографии на денот

Денови на жалост

(14.02.2019) Тага по сообраќајната несреќа што се случи на патот Скопје-Тетово, во близина на селото Ласкарци. Владата ги прогласи четврток (14.02.) и петок (15.02) за Денови на жалост. Во несреќата загинаа 14, а повредени се преку 30 луѓе.
Фотографии на денот

Менување на таблите на границата

(13.02.2019) Преспанскиот договор со кој се решава спорот за името стапи во сила вечерта на 12.02.2019. Со тоа Република Македонија формално стана Република Северна Македонија. Македонската влада ја задолжи Царинската управа да го промени името на таблите на граничните премини и на двата аеродрома во рок од три дена. Тоа беше направено прво на граничниот премин Богородица, на 13.02. во 13:00.
Фотографии на денот

Награда за Веселинов на Берлиналето

(12.02.2019) Наградата на македонскиот актер му беше врачена на 11.02. на Берлинскиот филмски фестивал. Покрај Благој Веселинов, кој стана познат по улогата во филмот „Исцелител“, наградата ја добија уште 9 актери од Данска, Естонија, Германија, Ирска, Исланд, Норвешка, Полска, Србија и Шведска. Од Македонија пред Веселинов, оваа награда ја имаат добиено добиено Лабина Митевска и Наташа Петровиќ .
Фотографии на денот

Образование со божја помош

(11.02.2019) Оваа #ФотографијаНаДенот е направена во Катманду, Непал, во текот на фестивалот Шри Панчами, посветен на божицата на знаењето Сарасвати. Се верува дека таа помага за успех во образованието. Малото девојче гледа во насока на својот татко додека пишува на ѕидот на храмот Сарасвати.
Фотографии на денот

Зазорување во Франкфурт

(09.02.2019) Нежно утринско црвенило на небото над Стариот мост на реката Мајна во Франкфурт е нашата #ФотографијаНаДенот за сабота (09.02.2019) За викендот во делови од Германија беше најавен силен ветер, некаде проследен со дожд. Причина повеќе да се ужива во мирот кој зрачи од фотографијата.
Фотографии на денот

Пожар во Ламбрехт

(08.02.2019) Во зграда во Ламбрехт, Германија, ноќеска беснееше пожар во кој животот го загубија пет лица. Пожарот најверојатно избил во кујната во еден од становите во поткровјето, нешто пред полноќ. Загинале маж и жена кои живееле во станот и нивни гости. Меѓу загинатите нема деца. Пожарот во меѓувреме е изгаснат. Во Германија ретко се случуваат пожари со толку катастрофални последици.
Фотографии на денот

Земјата сѐ посилно се загрева

(07.02.2019) Оваа #ФотографијаНаДенот не е направена во савана во Африка, туку во Германија за време на минатото рекордно топло лето. Вакви збунувачки пејсажи во изминатите години зачестија и се повеќе од доволна причина за аларм. Изминатите четири години, според Светската метеоролошка организација на ОН, биле најтопли од почетокот на мерењето на температурите во 1880 година.

Учете германски со Дојче веле 14.09.2016

повеќе

Северна Македонија

Додека владата ги укинува, привремените вработувања се множат

Истражување: Додека владата ги укинува, привремените вработувања се множат

Nordmazedonien Wahlen Hristijan Mickoski VMRO-DPMNE Partei

А замрзнување на комуникацијата со сезонските „експерти“?

Ако Мицкоски сака да ја убеди јавноста дека се залага за владеење на правото, да одговори-зошто не е побарана кривична одговорност од Иванов за неуставно доделување на мандатот на Груевски? Коментар на Катерина Блажевска

Nord-Mazedonien Übergabe des Mandats zur Regierungsbildung

Заев го доби мандатот, најави влада за 20 дена

Претседателот на државата, Стево Пендаровски му го врачи мандатот за составување нова влада на лидерот на СДСМ, Зоран Заев. Заев најави дека ќе биде премиер во следните четири години.

повеќе

Балкан

Symbolbild Baurbeiter Wirtschaft Rezession

Бунт на германските стопанственици против ограничување на бројот работници од Балкан

Трагата на „багер-мафијата“ води на Балканот

Од Балканот кон Германија заминуваат стручни работници

Bulgarien I Proteste gegen Regierungsbeschlüsse

Протест против бугарската „држава во сенка”

повеќе

Германија

Нацистички злосторници воделе детски одморалишта во повоена Германија

Бунт на германските стопанственици против ограничување на бројот работници од Балкан

Германија: за наставниците компјутери, за учениците евтин интернет

Трагата на „багер-мафијата“ води на Балканот

повеќе

Свет

Што е успешно во шведскиот корона-модел?

Kombobild | Benjamin Netanjahu, Premierminister von Israel und Mohamed bin Zayed, Kronprinz von Abu Dhabi

Израел и ОАЕ воспоставуваат дипломатски односи

Израел и Обединетите арапски емирати, со посредство на САД, се договориле да воспостават целосни дипломатски односи. Историскиот чекор го потврдија премиерот Нетанјаху, принцот Бин Зајед и претседателот на САД, Трамп.

Schottland - Stonehaven - Zugunglück in der Nähe von Aberdeenshire

Истрага за железничката несреќа во Шкотска

Властите во Шкотска денеска започнаа истрага за причините за смртоносната железничка несреќа што се случи вчера во близина на градот Абердин.

Исправка: Германски институт не очекува вакцина за коронавирусот наесен

Водечкиот германски институт за заразни болести денеска соопшти дека вакцината против коронавирусот може да биде на располагање уште претстојната есен, но подоцна го повлече извештајот.

повеќе

Економија

Што сѐ се промени во светот поради коронавирусот

Истражување: Додека владата ги укинува, привремените вработувања се множат

Коронавирусот предизвика историски економски пад во Унгарија, Романија и Бугарија

Трите земји од регионот на југоисточна Европа забележаа историски падови на брутодомашниот производ во последниот квартал поради пандемијата на коронавирусот.

Од Балканот кон Германија заминуваат стручни работници

Над половина од жителите на Западниот Балкан кои доаѓаат да работат во Германија според посебните правила за регионот- работат како стручна работна сила, покажува студијата на Институтот за истражување на пазарот на труд

повеќе

Панорама

Дали е ова најскапата маска во светот?

Еколошка тревога во рајот

Златни песочни плажи обрабени со палми, тиркизно сина вода. Пред африканскиот брег во Индискиот Oкеан лежи малиот остров Маурициус. Речиси целосно е опкружена со корален гребен и затоа е сон за нуркачите, туристите, но и еколозите. Сега меѓутоа на еколошкиот рај му се заканува катастрофа поради истечената нафта од еден заринкан танкер.

Wohnsiedlung mit dem Kraftwerk Gersteinwerk

Топлотен бран во западна Европа: Последица на климатските промени?

Германија и западна Европа се погодени од топлотен бран со високи температури. Некогаш невообичаени, ваквите топлотни бранови и други екстремни појави станаа редовни. Како климатските промени се одразуваат во Европа?

Завршница на Лига Европа во Германија

Четири германски градови се домаќини на завршната фаза на Лига Европа. Тие се подготвени да испорачаат уште еден успешен фудбалски турнир, во услови на пандемија на коронавирусот.

ФОКУС

Курс по германски

Deutsch XXL

Community D

Предавање германски

Теми на денот пред 11 часови

Владата ги укинува, привремените вработувања се множат

Печат

Бунт на германските стопанственици против ограничување на бројот работници од Балкан 15.08.2020

Од Балканот кон Германија заминуваат стручни работници

Германски фирми се жалат на недостаток на работници од Балканот

Германија ја продолжува вонредната дозвола за доаѓање на работна сила од Балканот

Неколку совети за аплицирање за работа во Германија

Коментар

Збогување од палестинска држава пред 7 часови

Израел и ОАЕ воспоставуваат дипломатски односи

Абас го откажува договореното со Израел и САД

Град на судири: комплексната историја на Ерусалим

Фокус

Што сѐ се промени во светот поради коронавирусот 15.08.2020

Милијарди од ЕУ само ако се почитува правната држава?

Епохален чекор на ЕУ

Жртвите на коронавирусот на пазарот на труд

Пандемија

Корона: Училишна настава со пречки

Шведска

Што е успешно во шведскиот корона-модел? 15.08.2020

Ковид-19: „Не одете по шведскиот пат“

Шведска изолирана во Скандинавија поради корона-бројките

Видео прилог

Дали е ова најскапата маска во светот? 15.08.2020

Фотографија на денот: Златна заштита од Ковид-19

Како уметниците работат со корона-маските

Истражување

Нацистички злосторници воделе детски одморалишта во повоена Германија

Сподели

Владата ги укинува, привремените вработувања се множат

Владата ги укинува, привремените вработувања се множат

Сподели

Еколошка тревога во рајот

Еколошка тревога во рајот

Сподели

Истрага за железничката несреќа во Шкотска

Истрага за железничката несреќа во Шкотска

Сподели

Со кукли играчки против расизмот

Со кукли играчки против расизмот

Сподели

Завршница на Лига Европа во Германија

Завршница на Лига Европа во Германија

Повеќе видео прилози

Владата ги укинува, привремените вработувања се множат

Еколошка тревога во рајот

Истрага за железничката несреќа во Шкотска

Со кукли играчки против расизмот

Завршница на Лига Европа во Германија

Фотографија на денот

Бајерн ја „прегази“ Барселона со 8:2

Топлотен бран во западна Европа: Последица на климатските промени?

Рекордни топлотни бранови

Топлотен бран во западна Европа: Последица на климатските промени?

Венеција под вода

Топлотен бран во западна Европа: Последица на климатските промени?

Шумски пожари во Шпанија

Топлотен бран во западна Европа: Последица на климатските промени?

Германските шуми изумираат

Топлотен бран во западна Европа: Последица на климатските промени?

Исчезнуваат глечерите на Алпите

Топлотен бран во западна Европа: Последица на климатските промени?

Сушата влијае врз производството на храна

Да се остане, или да се замине? 18.07.2019

Следете нѐ на Фејсбук 15.03.2017

Следете нѐ на Твитер 15.03.2017

Колумна

Како автократите си честитаат едни на други

Најчитани теми

А замрзнување на комуникацијата со сезонските „експерти“?

Лош ден на Џафери, а неизвесен за „премиерот Албанец“

Танго на македонски начин

Кој и зошто го урива Заев?