„Кина е нашиот најважен партнер и претставува фундаментална и извонредна можност за нас, затоа што е подготвена да инвестира и да ја обнови нашата земја“, вели Муџахид за италијанскиот весник Република.
Тој додава дека Новиот пат на свилата- инфраструктурна иницијатива со која Кина сака да го зголеми своето глобално влијание со отворање трговски рути- се смета за многу важна меѓу талибанците.
Минералното богатство на Авганистан
Откако талибанците ја презедоа контролата врз државата, а западните трупи си заминаа од земјата, западните држави значително ја ограничија исплатата на помош за земјата. Со помош на Кина, талибанците ќе се борат за економско опоравување, вели портпаролот.
Авганистан има „богати рудници на бакар, кои, благодарение на Кинезите, можат да се вратат во погон и модернизираат. Дополнително, Кина е нашиот пасош за пазарите низ целиот свет“.
Рудник за сол во Авганистан
Муџахид потврди дека на жените ќе им биде дозволено да продолжат да студираат на универзитетите во иднина. Тој тврди дека жените ќе можат да работат како медицински сестри, во полицијата, или како секретарки во министерствата, но нема да можат да бидат министерки.
-
Жените во Авганистан пред талибанците
Модернизација
Оваа фотографија, направена есента 1962 година, прикажува две авганистански жени пред зградата на Радио Кабул. Всушност, жените во Авганистан за првпат добиваат права во 1920-те години за време на владеењето на кралот Аманулах. Била промовирана еднаквост на жените, а семејствата биле охрабрувани да ги испраќаат своите ќерки во училиште.
-
Жените во Авганистан пред талибанците
Студентки по медицина
Иако обидот да ги интегрира жените во општеството на кралот Аманулах завршува неуспешно, таквата политика продолжува повторно по Втората светска војна. Во 1959 година за првпат две жени се „откриваат“ во јавност- тоа се кралицата Хумаира и принцезата Билкис. Примерот потоа го следеа и многу други жени во урбаните средини, како овие студентки по медицина во Кабул во 1962 година.
-
Жените во Авганистан пред талибанците
Уставот од 1964
Две студентки по медицина разговараат со својата професорка. Фотографијата е снимена во 1962 година во Кабул. Уставот од 1964 година им дава еднакви права на жените во Авганистан, иако дел од нив можеле да се вклучат во општествениот живот и претходно.
-
Жените во Авганистан пред талибанците
На аеродром
На оваа фотографија од 1967 година се четири модерно облечени жени пред зградата на аеродромот во Кабул. Сепак, ваквите слики биле забележувани само во урбаните центри на земјата. Во руралните региони, жените ретко уживале било какви права поради патријархалните сфаќања и племенските обичаи.
-
Жените во Авганистан пред талибанците
Стјуардеси
Ова е женскиот персонал на државната авиокомпанија „Аријана Афган Ерлајнс“ фотографирани во 1970 години.
-
Жените во Авганистан пред талибанците
Студентки
Студентки на Политехничкиот универзитет во Кабул: во средината на 1970 години тоа било нешто сосема нормално во урбаните центри. Само дваесетина години подоцна на жените ќе им биде забране пристапот до тој универзитет, но и до образованието воопшто.
-
Жените во Авганистан пред талибанците
Ерата на комунизмот
Правата на жените во Авганистан доживуваат процут за време на комунистичкото владеење од 1978 година. Се прави обид таквата политика да се прошири и на руралните региони каде истата наидува на жесток отпор од конзервативците. На фотографијата: мајка со своите две деца во Кабул.
-
Жените во Авганистан пред талибанците
Советска окупација
Студентки и студенти во Кабул во 1981 година: Советската окупација на Авганистан претставува еден од најтешките периоди за земјата, но комунистичката управа им дава еднакви права на жените и го форсира нивното образование и вработување. До 1991 година повеќе илјади жени биле дел од процесот на високо образование- имало 190 професорки и над 22 илјади учителки.
-
Жените во Авганистан пред талибанците
Ерата на талибанците
Правата на жените им се одземени по крајот на граѓанската војна во 1996 година и прогласувањето на Исламската држава. Под власта на талибанците, жените мораат да носат бурка и да бидат придружувани од член на семејството. Дури и по падот на талибанците, многу жени плашејќи се од последиците продолжуваат целосно да се покриваат, како што покажува оваа фотографија од 2002 година.
