Сѐ повеќе деца меѓу жртвите во војните | Свет | DW | 28.06.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Сѐ повеќе деца меѓу жртвите во војните

Повеќе од 10.000 деца биле убиени или осакатени во војните во текот на 2017 година. Генералниот секретар на ОН, Антонио Гутереш, оцени дека тоа е „шокантно“.

Во војните во светот гинат и страдаат сѐ поголем број деца. Специјалниот ополномоштеник на ОН за деца и вооружени конфликти, Вирџинија Гамба, извести дека само во 2017 година имало 21.000 тешки повреди на правата на децата. Покрај смртта и осакатувањето, тука се вбројуваат и сексуалното насилство, киднапирање или затворање деца од страна на вооружени групи, напади врз училишта и болници или регрутирање деца војници.

Во 2016 година бројот на ваквите случаи бил 15.000. Тогаш во вооружени конфликти биле убиени или осакатени околу 8000 деца. Оттука, зголемувањето на бројот на убиени или осакатени деца во 2017 година е драматично.

Syrien - Kinder im Krieg (picture-alliance/AA/H. Nasar)

ОН критикуваат и поради опсадите на многу места во Сирија, поради кои изгладнуваат и страдаат многу деца

Најголемиот број злосторства врз деца се извршени во Сирија, се вели во извештајот на специјалниот ополномоштеник на ОН. Особено многу убиени или осакатени деца имало и во Ирак, Мјанмар и Авганистан. Земји каде многу деца биле жртви се Нигерија, Централноафриканската Република, Демократска Република Конго, Јужен Судан и Јемен.

Повеќе: 

Во конфликтите свесно се жртвуваат деца

Деца-војници: оружје наместо детство

Вирџинија Гамба упатува критики и поради опсадите и изгладнувањето на децата во одредени места, како што постојано се случува во Сирија.

DW.COM

Реклама