Стивна магичниот глас- почина Леонард Коен | Панорама | DW | 11.11.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Стивна магичниот глас- почина Леонард Коен

Пејачот и поет Леонард Коен почина во четвртокот на 82-годишна возраст. Ќе го паметиме по безбројните хитови и прекрасната лирика. Нема детали за причината за неговата смрт.

Коен беше еден од највлијателните музичари и текстописци кој се појави во 1960-те години, заедно со други легенди како Нобеловиот лауреат Боб Дилан и сонародникот Џони Мичел. Неговиот впечатлив баритон и поетската лирика раскажуваа приказни за љубов, омраза, смрт, војна и мир, со што ја заработи титулата „висок свештеник на патосот“ и „кум на мракот“. 

Гледај видео 00:53

Стивна магичниот глас- почина Леонард Коен

Неговото дело опфаќа пет децении во кои објави 14 студиски албуми, од кои последниот минатиот месец.

Коен беше роден во канадската провинција Квебек, каде како тинејџер формираше фолк група и ги издаде првите песни. По матурата се пресели на грчкиот остров Хидра од каде ја објави првата колекција поезија и две новели. 

Kanada Musik Pop Sänger Leonard Cohen (Getty Images/Evening Standard)

Леонард Коен во јануари 1980 година

Се пресели во Њујорк во 1966 и ја започна музичката кариера по средбата со фолк-пејачката Џуди Колинс. Набрзо стана познат како пишувач на песни кои имаа големо влијание врз други познати музичари од од период, вклучително и Вили Нелсон и Џејмс Тејлор.

Во следните две децении продуцираше безброј песни и албуми.

Но, во 1995 Коен ја прекина музичката кариера и стана будистички монах. Се нарекуваше себеси Џикан, што значи тишина, и не објавуваше песни цели шест години. 

Leonard Cohen

Во 1995 Коен ја прекина музичката кариера и стана будистички монах

Во 2005 беше откриено дека неговиот долгогодишен менаџер крадел пари од неговиот пензиски фонд во износ од околу 5 милиони долари. За да си ги врати средствата Коен започна епска светска турнеја меѓу 2008 и 2013, со вкупно 387 настапи.

Нема детали за причината за смртта. Во 2008 година, Коен беше примен во Рокенрол холот на славните.

 

DW.COM

Аудио и видео прилози на оваа тема

Реклама