Смртоносно човечко стампедо во Италија | Свет | DW | 08.12.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Смртоносно човечко стампедо во Италија

Концерт во преполна дискотека кај италијанскиот пристанишен град Анкона. Кога некој наводно прснал солзавец, се создала масовна паника. Притоа животот го загубија повеќе млади луѓе.

Во метеж во ноќниот клуб во местото Кориналдо во близината на Анкона загинаа шест лица, од кои петмина малолетници, додека околу 120 луѓе се повредени, соопштија локалните власти.

Полицијата соопшти дека животот го загубиле три девојки, две момчиња и една жена, мајка која со ќерката дошла на концерт во клубот, а во тешка состојба се 14 повредени лица. Според наводите на противпожарната служба повредените биле пренесени во околните болници на брегот на Јадранското море.

Пожарникарите не можеа ги да потврдат наводите на преживеаните оти најмалку еден излез за во случај на опасност во дискотеката „Лантерна Аѕура“  бил блокиран или нефункционален, но наведоа дека сите влезови во клубот биле отворени кога стигнале спасувачките тимови.

Исто така, не се потврдени ни тврдењата оти масовната паника предизвикало користење на солзавец во спреј.

Италијанската новинска агенција АНСА пренесе дека на концертот на раперот Сфера Ебасте имало околу 1.000 посетители и оти луѓето се упатиле кон излезите откако некој прснал супстанца слична на солзавец.

Случајот во Кориналдо потсетува на масовната паника во Торино во јуни 2017 година при следењето во живо на отворено на финалето на Лигата на шампионите. Тогаш банда грабливци испрска солзавец во толпата луѓе, во обид да ги ограби. Притоа во човечко стампедо повредени беа 1500 луѓе а една жена почина од инфаркт.

 

Реклама