Смртоносен пожар во станбена зграда во Париз | Свет | DW | 05.02.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Смртоносен пожар во станбена зграда во Париз

Во пожарот кој ноќеска избувна во станбена зграда во Париз, според последните информации, загинале 8 луѓе, а најмалку 28 се повредени. Полицијата отвори истрага за пожарот и уапси жена која живеела во зградата.

Пожарот избувнал ненадејно во осумкатната зграда на улицата Ерланже во добростоечкиот 16-ти арондисман на Париз. Околу 200 пожарникари во текот на целата ноќ се бореа со огнената стихија и сѐ уште трагаат по можни преживеани или евентуални преостанати жртви и повредени. Исто така, евакуирани се и неколку околни згради на улицата Ерланже во францускиот главен град. 

Портпаролот на противпожарната служба на Париз изјави дека дваесетина станари се спасиле, така што излегле од прозорите и се качиле на покривот на зградата. Причините за пожарот сѐ уште не се соопштени, но парискиот јавен обвинител  Реми Хајц, кој го посети местото на несреќата, објави дека една жена е уапсена и оти е покрената истрага за можно подметнување на пожар. Приведената жена била станарка на опожарената зграда, но Хајц не наведе повеќе детали за причините за нејзиното приведување.

Реклама