Си замина „морскиот волк“ | Панорама | DW | 30.07.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Панорама

Си замина „морскиот волк“

Легендарниот Оливер Драгојевиќ почина во неделата во 71. година од животот, по долго и тешко боледување. Неговите песни ќе останат вечно сеќавање на големиот музичар

Оливер Драгојевиќ ја загуби битката со ракот на белите дробови во сплитската болница во неделата, на 29 јули, во 5 часот наутро.

Роден во Сплит во 1947 година, Оливер детството го минал во Вела Лука, на островот Корчула. Драгојевиќ имаше кариера која траеше четири децении и беше сметан за музичка икона во Хрватска, но и на Балканот.

Беше еден од ретките хрватски музичари кои настапија во њујоршкиот Карнеги Хол, во лондонскиот Ројал Алберт Хол, како и во париската Олимпија. Соло кариерата на Драгојевиќ започна во 1974 година на Сплитскиот фестивал, каде победи со песната „Ча че ми Копакабана“.

Musiker Oliver Dragojevic (Imago/Pixsell/O. Karabegovic)

Оливер Драгојевиќ на концерт во Загреб во 2013 година

Една година подоцна, заедно со композиторот Зденко Руњиќ ја издадоа песната „Галеб и Јас“ која стана голем хит и го издигна Оливер во врвот на југословенската музика.

Неговите прекрасни балади се слушаат и децении подоцна. Зад себе ги остави сопругата Весна и синовите Дино, Дамир и Давор.

Гледај видео 01:30

Хрватска и Балканот тагуваат по Оливер

 

Аудио и видео прилози на оваа тема

Реклама