Силен земјотрес и 87 афтершокови на Филипини | Свет | DW | 11.02.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Силен земјотрес и 87 афтершокови на Филипини

Во земјотрес со јачина од 6,7 степени според Рихтеровата скала на југот на Филипините загинаа најмалку 6 лица. Повеќе од сто луѓе се повредени.

Покрај големиот потрес, во градот Суригао на островот Минданао цела ноќ имаше афтершокови. Многу луѓе ја минаа ноќта на отворено. Илјадници жители на градот, поради страв од можно цунами, побегнаа во повисоки региони.

Мануел Сервантес раскажува:

„Моето семејство и јас веќе бевме заспани кога околу 22 часот почна сѐ да се тресе. Беше навистина силен потрес.“

Во провинцијата Суригао дел Норте дојде до прекини на електричната мрежа. Повеќе објекти, меѓу кои и два моста, се урнати.

Суригао дел Норте се наоѓа на 730 километри јужно од главниот град Манила. При последниот голем земјотрес на Филипини, во октомври 2013 година, загинаа повеќе од 220 лица.

Гледај видео 01:27

„Беше навистина силен потрес“

Аудио и видео прилози на оваа тема

Реклама