Силен земјотрес во Италија: „Сѐ е разурнато“ | Свет | DW | 24.08.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Силен земјотрес во Италија: „Сѐ е разурнато“

Централна Италија во текот на ноќта беше погодена од земјотрес со јачина од 6,1 степен според Рихтеровата скала. Бројот на жртвите изнесува најмалку осумнаесет.

Најмногу погодени од земјотресот се местата Аматриче и Акумоли. Службата за цивилна заштита соопшти дека десет жртви има во местото Пескара дел Тронто, петмина во Аматриче, а една жртва во Акумоли. Се стравува дека бројот на жртвите ќе се зголемува.

Градоначалникот на малото гратче Акумоли, Стефано Петручи, за телевизијата РАИ изјави дека под урнатините се уште четири лица - семејство со две деца. Улиците во местото се блокирани, а струја нема. „Сега, кога сонцето изгреа, гледаме дека е полошо отколку што стравувавме“, изјави Петручи. Еден од жителите на Акумоли за РАИ рече: „Сѐ е разурнато.“

И местото Аматриче е тешко погодено од земјотресот. Се претпоставува дека и тука има луѓе кои се под урнатините. „Три четвртини од местото ги нема“, оцени градоначалникот на Аматриче, Серџо Пироци.

Земјотресот, кој се случи во 03:36 часот изутрина, е почувствуван во регионите Умбрија, Марке, како и во главиот град на Италија, Рим. Околу еден час потоа регистриран е и втор потрес со јачина од 5,5 степени. Италија е постојано потресувана од земјотреси. Во 2009 година силен земјотрес го разурна градот Л'Аквила. Тогаш животот го загубија повеќе од 300 луѓе.

Гледај видео 00:45
Now live
00:45 минути

Италија: земјотресот разурна цели населби

Аудио и видео прилози на оваа тема

Реклама