Се урна дел од таван во лондонски театар- многу повредени | Свет | DW | 20.12.2013
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Се урна дел од таван во лондонски театар- многу повредени

Во театарот „Аполо“ во лондонската населба Вестенд се урна дел од таванот среде претстава. Во инцидентот нема загинати, а повредени се преку 80 лица , од нив четири потешко, соопшти противпожарната служба во Лондон

„Чиста среќа е што нема мртви“, изјави раководителот на противпожарната единица која учествуваше во спасувачката операција во театарот „Аполо“во британскиот главен град. Вкупно 720 лица, меѓу кои и голем број цели семејства, присуствувале на исклучително популарната претстава „Чудна случка со куче на полноќ“ во театарот , кој се наоѓа на авенијата Шафтсбери, во населбата Вестенд. Салата, со капацитет од 755 гледачи, е изградена во 1901 година и е на четири нивоа, што значи дека била полна кога се случил инцидентот.

Очевидци за британските медиуми изјавила дека се слушало „крцкање“ но мислеле дека тоа е дел од претставата.

Според последните информации од противпожарната служба најмалку 88 лица се повредени од кои четири потешко. Сите повредени лица се извлечени од театарот и им е укажана лекарска помош на лице место додека на оние со потешки повреди биле пренесни во болница. Засега не се познати причините за уривањето на таванот на театарот „Аполо“.