Се истражуваат мотивите на напаѓачот од Санкт Петербург | Свет | DW | 05.04.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Се истражуваат мотивите на напаѓачот од Санкт Петербург

Мотивите на осомничениот атентатор од Санкт Петербург сѐ уште се истражуваат од руските власти. Во градот се уапсени шестмина потенцијални терористи.

Руските власти ги истражуваат потенцијалните мотиви на наводниот атентатор кој се смета за одговорен за експлозијата во метрото во Санкт Петербург, во која загинаа 14 луѓе.
Истрагата го идентификуваше напаѓачот во 22-годишниот Акбаршон Џалилов, руски државјанин роден во централно азискиот Киргистан. Сомнежите се дека тој ја подметнал и втората бомба во метрото која беше успешно деактивирана.

Властите извршиле претрес на станот на Џалилов и велат дека безбедносните камери го снимиле како го напушта својот стан непосредно пред нападот со една торба и ранец со него.

Досега никој не ја презеде одговорноста за нападот, а руските власти ги истражуваат врските на осомничениот со Исламската држава.

Russland Ermittler: Attentäter von St.Petersburg stammt aus Kirgistan (Reuters/5th Channel Russia)

Руските власти веруваат дека безбедносните камери го снимиле Џалилов пред да го изврши нападот

Во поширока акција против осомничени исламисти по нападот, властите соопштија дека уапсиле 6 осомничени терористи во Санкт Петербург со потекло од централна Азија, но досега не нашле врска со Џалилов. Остатоците од телото на Џалилов беа пронајдени на местото на атентатот, иако останува нејасно дали руските власти го бројат и него меѓу жртвите. Во Санкт Петербург пристигнаа и родителите на Џалилов. Властите велат дека семејството е од етничко узбечко потекло и сите имаат руско државјанство. Џалилов живеел во Русија од 16-годишна возраст. Тој претходно бил идентификуван како осомничен и од Државниот безбедносен комитет на Киргистан. Се верува дека бил радикализиран од страна на исламистички движења, но досега не се понудени докази за тоа тврдење.

Денеска во соборната црква во Санкт Петербург се одржува комеморација за жртвите од нападот, истовремено тоа е и втор ден од прогласената национална жалост.

Русија досега беше цел на дузина терористички напади, чија цел честопати беа подземните железници во Москва и други градови. Последниот напад се случи во 2013 година во Волгоград, исто така врз јавниот превоз.

Гледај видео 01:05

Санкт Петербург жали

DW.COM

Аудио и видео прилози на оваа тема

Реклама