Институтот за економски истражувања при универзитетот во Минхен (Ифо) изнесе нова прогноза според која годинава економскиот пад во Германија ќе биде само 5,2 отсто.
Тоа е помал пад од оној кој засега го очекува германската Влада (5,8 насто) и далеку помал од претходната проценка на институтот Ифо кој летоска очекуваше минус од 6,7 отсто.
Доколку се оствари новата прогноза, тоа би било важен успех - би се избегнал негативниот рекорд од Втората светска војна наваму кој во моментов го држи 2009 година кога светската финансиска криза ја собори германската економја за 5,7 насто.
„Некои германски трговски партнери вчудовидувачки брзо се опоравија, особено Кина. Во јули извозот во Кина беше речиси ист како претходната година“, вели во разговорот за ДВ шефот на престижниот институт Ифо, Клеменс Фуест.
Клеменс Фуест директор на институтот Ифо од Минхен
Со нови долгови до излез од кризата
„Покрај тоа политиката посегна по многу пари и со нив ја поддржа економијата“, додава Фуест, мислејќи на пакетот помош од околу 130 милијарди евра. Државата за време на најсилниот удар пролетта исплати две третини плата на работниците пратени на принудни одмори, и ги поддржа ситните претприемачи чиј бизнис или сосема запре или значително страдаше за време на локдаунот.
Повеќе:
-Корона-криза: Се стабилизира ли пазарот на труд во Германија?
-Германската економија соочена со тешки времиња
-Корона-криза: Германската индустрија полека се опоравува
Задолжувањето на државата така достигнува 80 отсто БДП, но Фуест смета дека Германија така добро поминала. „Кога ќе и' тргне на економијата уште подобро, ќе има повеќе даночни приходи, а помалку расходи, на пример, за поддршка на невработените“.
-
Жртвите на коронавирусот на пазарот на труд
Циркусот остана, уметниците ги нема
Легендарниот „Cirque du Soleil “ поднесе барање за течајна постапка по тримесечен прекин на работата поради пандемијата на коронавирусот. Славниот циркус најави отпуштање на 3.480 од вкупно 5.000 вработени. „Cirque du Soleil“, со седиште во канадски Монтреал, овој потег го образложи со „огромното нарушување и присилно затворање на шоуто како последица на пандемијата на Ковид-19“.
-
Жртвите на коронавирусот на пазарот на труд
„Ербас“ ќе се раздели со 15 илјади луѓе
Европскиот авиоконцерн „Ербас“ предупреди на масовни укинувања на работните места. Тој има намера да укине околу 15.000 работни места поради падот на побарувачката како последица на пандемијата. Еден од шест вработени би можел да го загуби работното место во одделот за транспортни авиони - најважниот и најголемиот во „Ербас“. Само во Германија треба да се укинат 5.100 работни места.
-
Жртвите на коронавирусот на пазарот на труд
Турбуленции за „Луфтханза“
Најголемиот авиопревозник во Германија, е заробен во турбуленции поради коронавирусот. Авиоконцернот беше исклучен од индексот на акции Дакс, во кој членуваше 32 години. „Луфтханза“ ќе добие 9 милијарди евра директна финансиска помош и државни гаранции за заем, но 26.000 работни места се изложени на ризик. „Во случај на опасност, ние ве спасуваме вас, а кој ќе нè спаси нас?“- прашува стјуардесата.
-
Жртвите на коронавирусот на пазарот на труд
На едно небо
Британската авиокомпанија „Бритиш ервејс“ планира да укине 12 илјади од вкупно 42.000 работни места. Нејзиниот француски ривал „Ер Франс“ ќе отпушти над 7.500 вработени поради пандемијата. Британската авиокомпанија „Изи џет“ предвидува од долгорочен пад на побарувачката. Концернот планира да го намали бројот на вработените за 30 проценти - околу 4.500 луѓе може да ги загубат своите работни места.
-
Жртвите на коронавирусот на пазарот на труд
Проблеми на четири тркала
Иако производителите на автомобили сè уште немаат предвидено застрашувачки сценарија, светскиот пазар на автомобили може да се намали за 18 проценти во 2020 година. Германскиот стручњак за автомобилска индустрија Фердинанд Дуденхофер веќе изнесе разочарувачко предвидување: околу 100 илјади работни места во Германија се изложени на ризик. Автомобилската индустрија во земјата вработува 800.000 луѓе.
-
Жртвите на коронавирусот на пазарот на труд
Тешка опрема
Германскиот концерн „MTU Aero Engines AG“ планира да го намали бројот на вработени за 15 проценти. Производителот на мотори за авиони, со седиште во Минхен, вработува 10.000 луѓе низ целиот свет. Околу 1.500 места се под закана за укинување. Во 2019 година компанијата беше во топ-лигата на индексот на акции Дакс.
-
Жртвите на коронавирусот на пазарот на труд
Отпаѓа ли модата?
Седењето дома и забраната за масовни настани обесхрабри многумина да купуваат нова облека. Падот на потрошувачката се почувствува во трговијата. Германскиот концерн „Галерија Карштат Кауфхоф“ затвори околу 80 од своите 170 стоковни куќи, кои главно продаваат облека. Повеќе од 5.000 од вкупно 28.000 вработени ги загубија работните места.
-
Жртвите на коронавирусот на пазарот на труд
Сите на одмор
Еден од најголемите светски туристички концерни „ТУИ“ најави укинување на 8.000 работни места како последица на пандемијата. Менаџментот на компанијата, која веќе доби финансиска помош од германската држава, соопшти дека овие мерки се неопходни за да се зачуваат претставничките канцеларии на концернот во светот. „ТУИ“ очекува дека така ќе ги намали административните трошоци за 30 насто.
Автор: СН/дв
Нашиот соговорник сепак не верува дека Германија ќе може да се врати на т.н. „црна нула“, односно на политиката на избалансиран буџет пред 2023 година.
Проблеми за одредени сектори
„Огромни проблеми имаат гастрономијата, туристичката или саемската бранша. Имаме дури потешкотии во некои области во индустријата, како производството на машини и автомобили, ни тука не оди како подмачкано“, одговара Фуест на прашањето за можен бран на банкрот кој би ги погодил претприемачите кога ќе истечат мерките за помош.
„Но постојат други економски гранки кои многу добро се развија, како на пример бизнисот со велосипеди или производството на мебел. Тоа нѐ доведе до оваа подобрена прогноза“, вели тој.Сепак, Фуест предупредува дека прогнозата за економскиот развој не е пророштво.
-
Што откриваат камионите за економската состојба?
Број на камиони на патиштата
Прометот на стока ја одразува состојбата на индустриското производство во земјата. Кога фабриките нема да испраќаат добро натоварени камиони на патиштата тогаш тоа е знак дека општата економска ситуација е лоша. Многу е практично тоа што овој показател дневно се освежува со нови податоци.
-
Што откриваат камионите за економската состојба?
Потрошувачка на електрична енергија
За време на важењето на рестриктивните мерки во борба против пандемијата меѓу крајот на март и средината на април, во работните денови во Германија потрошувачката на електрична енергија била 7,5 отсто под очекуваната вредност. Иако производството на струја оттогаш порасна, таа сѐ уште е 10 насто пониска во однос на 2019 година.
-
Што откриваат камионите за економската состојба?
Индекс на мобилност
Дигиталните концерни како Епл и Гугл дневно мерат кои рути ги пребаруваат корисниците на мобилни телефони и апликации како што е Гугл мапс. Овие податоци велат дека корисниците за време на вонредните мерки користеле вакви апликации за 60 отсто помалку од обично.
-
Што откриваат камионите за економската состојба?
Резервации во ресторани
Платформата на интернет за резервации на ресторани „Отворена маса“ покажа дека побарувачката за време на вонредните мерки има драстичен пад. На почетокот на март бројот на резервации бил ист како минатата година. Но, на крајот на март побарувачката била еднаква на нула. Ова траеше со недели. Од повторното отворање на рестораните на почетокот на јули бројот на резервации полека расте.
-
Што откриваат камионите за економската состојба?
Воздушен сообраќај
За време на кризата поради пандемијата се случи невиден пад на бројот на патници во воздушниот сообраќај. Во Германија во февруари аеродромите забележаа 15 милиони патници. Неколку недели подоцна платформата „Флајрадар24“, која го бележи бројот на патници на аеродромите, покажа дека нив воопшто ги нема. Во април ширум светот се објавени 75.000 летови помалку во однос на претходната година.
-
Што откриваат камионите за економската состојба?
Невработеност
Класичен индикатор за проценка на идните економски трендови е невработеноста. Во Германија, од март до април, таа се зголеми за 415.000 на 2,5 милиони. Оттогаш, невработеноста расте, иако побавно отколку на почетокот. Според германската сојузна агенција за вработување, моделот на масовно привремено намалување на работното време го стабилизира пазарот на трудот.
-
Што откриваат камионите за економската состојба?
Новорегистрирани автомобили
Некои економисти бараат одговор на прашањето дали економскиот циклус добро се развива бараат во статистиката за нови автомобили купени од компании и приватни лица. Германското државен завод за автомобили покажува дека 37,7 проценти помалку нови автомобили биле купени во Германија во март 2020 отколку во истиот месец минатата година. Во април пак беа дури 61 процент помалку.
Автор: Магдалена Нојбиг
Така, стручњаците на Ифо, изработувајќи ја прогнозата, претпоставија оти до крајот на годината нема да има џиновски втор бран на корона во Германија, како ни тврд Брегзит или повторно распламтување на економска војна меѓу САД и Кина.„Секако, сето тоа може да се одигра и поинаку“, додава Фуест.
