Сезона на протести: Од Тврдокорни до „За заедничка Македонија“ | Македонија | DW | 24.03.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Сезона на протести: Од Тврдокорни до „За заедничка Македонија“

На 24 февруари беше организиран првиот марш на „Тврдокорните“ под мотото „Македонски марш – завет за Македонија“. По интервјуто на Груевски за Сител, два дена подоцна, маршот прерасна во протест „За заедничка Македонија“

Од зградата на владата до Собранието, со недели секој работен ден маршираат илјадници луѓе во Скопје. Она што започна како натпартиски марш под мотото „Македонски марш – завет за Македонија“ организиран од Македонското патриотско здружение „Тврдокорни“ по само неколку дена прерасна во „граѓански“ марш под мотото „За заедничка Македонија“. 

Поранешната владејачка партија ВМРО-ДПМНЕ отфрла каква било поврзаност со протестите кои се насочени против заканите од т. н. „Тиранска платформа“ и апелираат за заедничка и мултиетничка Македонија. Промената во наративот на протестите се случи по интервјуто на поранешниот премиер и лидер на ВМРО-ДПМНЕ, Никола Груевски за Сител, кој им порача на граѓаните дека „се во заблуда доколку сметаат дека со седење дома и гледање телевизија некој друг ќе им ја одбрани државата“. 
Оттогаш протестите добија на масовност, а се приклучија и бројни јавни личности кои секојдневно им се обраќаат на демонстрантите. 

DW.COM

Реклама