Северна Кореја повторно тестира ракети | Свет | DW | 06.03.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Северна Кореја повторно тестира ракети

Јужна Кореја и САД во моментов одржуваат заеднички воени маневри. Повеќе од доволна причина за Северна Кореја уште еднаш да ја демонстрира својата воена сила.

Не осврнувајќи се на меѓународните опомени, властите во Пјонгјанг повторно извршија ракетни тестови. Северна Кореја истрела денеска четири забранети балистички ракети кои прелетаа речиси 1.000 километри, и 3 од нив паднаа во водите за кои Јапонија тврди дека се нејзина ексклузивна економска зона, соопштија јужнокорејски и јапонски претставници. Засега не е познато каков вид ракети се истрелани, но администрацијата на американскиот претседател тестирањето го смета за провокација.

Весникот „Њујорк тајмс“ пренесе викендов оти и покрај напорите кои се вложуваат во усовршување, како што е наведено, на сајбер и електронските напади против балистичката програма на Северна Кореја, САД и натаму не можат да ги сузбијат активностите на Пјонгјанг.

Јапонските претставници наведоа дека 3 од 4-те ракети паднале во водите над кои Токио има суверени права за истражување и експлоатирање ресурси.

Според зборовите на јужнокорејските официјални лица, ракетите се испалени од провинцијата Северен Пјонган.

Пјонгјанг во изминатите неколку месеци спроведе серија ракетни тестови, вклучувајќи ја и новата ракета од среден дострел која ја тестираа во февруари.

САД имаат 28.500 војници распоредени во Јужна Кореја и 50.000 во Јапонија, поради, како што се наведува, можна агресија од Северна Кореја.

На 1 март Јужна Кореја и САД започнаа со нивните годишни воени маневри. Северна Кореја во овие поморски вежби гледа подготовки за војна на Корејскиот полуостров и се закани со „силни мерки на одмазда“.

 

DW.COM

Реклама