Северна Кореја демонтира постројка за ракетни тестови | Свет | DW | 24.07.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Северна Кореја демонтира постројка за ракетни тестови

Сателитски снимки сугерираат дека Пјонгјанг, согласно на ветувањето дадено на Доналд Трамп, ги демонтира ракетните рампи.

Северна Кореја, според оценка на експерти, започнала со демонтажа на ракетните стартни рампи во нуклеарниот полигон Сохае на западниот брег на земјата. Како доказ, информативната страница на Американскиот институт за Кореја, „38 Норт“, специјализирана за Северна Кореја, објави сателитски снимки од 20. и 22. јули.

Во изминатите години Северна Кореја во повеќе наврати испалуваше ракети од полигонот за вселенски летови во базата Сохае, тврдејќи дека лансира сателити во вселената. Меѓународната заедница смета дека притоа стануваше збор за прикриени проби на балистички ракети со долг дострел, кои можат да носат атомски глави.

Повеќе: 

По самитот на Трамп и Ким: За доверба е потребно време

Трамп и Ким договорија „целосна денуклеаризација“ на Северна Кореја

Експертска оценка е дека во Сохае се урнати и повеќе релеватни објекти. Поаѓајќи од важноста на овие објекти за севернокорејската атомска програма, експертот Џозеф Бермудез Јуниор смета дека станува збор за „упадлива мерка за градење доверба“, а претопставката е дека работата на разградбата на објектите на полигонот почнале во изминатите две недели. 

Nordkorea Sohae (picture-alliance/Yonhap)

Сателитски снимки од Сохае

На својата прва средба со американскиот претседател Доналд Трамп на 12. јули, севернокорејскиот властродржец Ким Јонг Ун ја потврди подготвеноста за комплетна денуклеаризација на земјата. Останува сепак нејасно кога и како ќе се одвива разоружувањето. Според Трамп, Ким му ветил дека многу скоро ќе биде уништена важна постројка за тестирање ракетни мотори. Во меѓувреме се јавија сомнежи во веродостојноста на ветувањата на Ким. Трамп за возврат пак на Пјонгјанг му дал безбедносни гаранции. Американскиот претседател вчера истакна дека Северна Кореја од пред девет месеци веќе не испалила ниедна ракета, ниту извршила атомски проби. „Јапонија е среќна, цела Азија е среќна“, напиша Трамп на Твитер, дополнувајќи дека и тој самиот е многу среќен.

 

DW.COM

Поврзана содржина

Реклама