Саемот за слатки во Келн и промоцијата на македонските фирми | Економија | DW | 30.01.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Економија

Саемот за слатки во Келн и промоцијата на македонските фирми

Келн еднаш годишно станува еден вид главен град на производителите на слатки. Годинава на едно место се собраа 1.660 излагачи од повеќе од 70 земји. Меѓу нив и седум од Македонија.

Саемот за слатки ИСМ е најголем саем на оваа индустриска гранка во светот. За излагачите од Македонија - голема шанса, но и можност да се задржат работниците во земјата. 

„Витаминка е многу посакуван работодавач во Македонија. Ние сме социјално одговорна компанија и знаеме дека вработените се нашето најголемо богатство. Се трудиме да ги задржиме не само во однос на примањата, туку и на други бенефити кои ги имаат во Витаминка. Тоа е единствен начин да се задржат вработените, вели директорот на секторот во „Витаминка“, Љупчо Велески.

Повеќе во видеото:

Гледај видео 02:36

Чоколадна треска во Келн

Без работници е тешко да се планира иднината. Производителите на слатки од Македонија пронаоѓаат алтернативни решенија.

Еве го рецептот на „Макпрогрес“:

„Она што го правиме во Макпрогрес и во Винчини е што работиме на поголема автоматизација и продуктивност за да можеме да ги одржиме нашите цени. Но, работиме и на едукација на луѓето и на насочување на младите за да изберат струка која е поплатена, побарана на пазарот на труд, за и тие да имаат интерес да останат во Македонија

и да работат во домашните компании“, вели извршниот директор Глигор Цветанов.

Посебен акцент се става на младите, зашто „светот останува на младите“. 

Дино Атанасов од „Макпромет“ оценува: 

„Тоа е повеќе општествен проблем, отколку што е проблем за нас како компанија. Сметам дека во 21 век мора сите повеќе да се фокусираме на кариерен развој, личен развој во општеството и компаниите кои работат во тоа општество.“
 

Аудио и видео прилози на оваа тема

Реклама