Репортери без граници: Расте бројот на затворени новинари | Свет | DW | 13.12.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Свет

Репортери без граници: Расте бројот на затворени новинари

Организацијата „Репортери без граници“ во својот годишен извештај објави дека 348 новинари и медиумски работници ширум светот се зад решетки, или 6% повеќе од лани. Ситуацијата во Турција е особено аларамантна.

Апсења, забрана за работа, потиснување на слободата на мислење - во Турција поради својата работа се затворени, киднапирани или исчезнати најверојатно над 100 медиумски работници, соопшти „Репортери без граници“. Критичките новинари се радикално заплашувани особено по обидот за пуч во текот на летото. Или пак им се суди, како во случајот со главниот уредник на „Џумхуриет“, Џан Дундар. Или им се затвораат медиумите.

Претседателот Ердоган затоа се вбројува кон најголемите непријатели на слободата на печатот, оценува „Репортери без граници“.

Оваа организација повторно на столбот на срамот ја става и Кина. Тоа е земја каде има најголем број затворени или измачувани новинари и блогери. Пример: новинарката Гао Ји, која работи за Дојче веле и има проблеми со срцето, не добива дозвола за медицински третман во Германија.

На ранг листата за слобода на печатот, Кина е на 176 од вкупно 180 места.

Гледај видео 01:06

Ердоган, смртниот непријател на слободата на печатот

DW.COM

Аудио и видео прилози на оваа тема

Реклама