Расте бројот на жртви во Албанија, пристигнаа спасувачи од Македонија | Свет | DW | 26.11.2019
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Расте бројот на жртви во Албанија, пристигнаа спасувачи од Македонија

Спасувачките екипи во Албанија продолжија да работат и длабоко во ноќта во потрага по преживеани по катастрофалниот земјотрес. Од Скопје веќе пристигна помош во експерти, спасувачи и опрема.

Бројот на жртвите во земјотресот кој го зафати регионот околу албанскиот главен град Тирана порасна на 22, а стотици се повредени. Војска, полиција и екипи на итна помош ги пребаруваат остатоците од урнатините во надеж дека ќе спасат евентуални преживеани. Досега од урнатините се спасени повеќе од 40 луѓе. Најголемиот дел од жртвите настрадале во градовите Драч и Туман.

Македонската влада и градот Скопје денеска испратија спасувачки екипи и механика кои треба да помогнат во спасувачките акции. Екипите се веќе пристигнати во Албанија, а дел од експертите веќе се вклучени на терен.


Вечерва околу 18 часот нов земјотрес со јачина од 4,7 степени го погоди регионот околу Драч што предизвика дополнителна нервоза и паника кај тамошните жители.

Стотици жители на градот се плашат да се вратат во своите домови и вечерва ќе ја минат во импровизирани шатори на улиците на Драч. Околу 600 луѓе досега добиле медицинска помош како резултат на повреди од земјотресот.

Албанското министерство за одбрана соопшти дека спасувачките операции ќе продолжат во текот на целата ноќ.

Гледај видео 00:50

Загинати и повредени во земјотресот во Албанија

Балканскиот полуостров лежи на линијата меѓу две големи тектонски плочи- африканската и евроазиската- и земјотресите се чести. Движењето на јадранските микро-плочи исто така продуцира земјотреси.
Најсилниот земјотрес кој го погодил регионот во изминатите децении е скопскиот во 1963 година.

DW.COM

Аудио и видео прилози на оваа тема

Реклама