Птичји грип кај дивите птици ширум Европа | Панорама | DW | 10.11.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Птичји грип кај дивите птици ширум Европа

Сѐ повеќе земји во Европа пријавуваат случаи на диви птици заразени од опасниот вирус на птичји грип. Последна денеска тоа го направи Хрватска а од Унгарија и Германија се јавува за нови случаи.

Хрватскиот министер за земјоделство Томислав Толушиќ денеска изјави дека од птичјиот грип кој е утврден во Вуковарско-сремскиот округ досега умреа десетина лебеди и нагласи оти станува збор за вирус кој не е опасен за луѓето.

„Во општината Церна се пронајдени десетина мртви лебеди. Кај нив е утврден птичји грип, вид кој досега не предизвикувал болест кај луѓето и не е опасен за нив“, им рече министерот на новинарите во Загреб.

Тој додаде дека ситуацијата е под контрола и оти се алармирани останатите членки на ЕУ и хрватската јавност.

Министерството за земјоделство потврди во соопштение дека станува збор за птичји грип со високо патоген подтип Х5Н8 кај дивите лебеди и ги потсети сопствениците на животни на законската обрска да пријават сомнителни болести на ветеринар.

Во меѓувреме од сѐ повеќе европски земји се јавува за заразени мртви диви птици. Во Унгарија и во Германија се забележени нови случаи, додека вирусот е регистриран и во Австрија, Швајцарија и Холандија.

Гледај видео 00:59

Птичји грип се шири во Европа

Птичјиот грип е многу заразна вирусна болест за живината и другите птици која може да се манифестира на различни начини, во зависност од способноста на вирусот да предизвика болест и на погодените видови.

Што се однесува на домашната живина, најчесто заболуваат кокошките и мисирките, а главна опасност за ширење на болеста на домашната живина претставуваат два вида птици кои живеат покрај вода, посебно патки кои се природно отпорни на болест и не покажуваат никакви знаци на зболување.

 

Аудио и видео прилози на оваа тема

Реклама