Протести во Атина и Солун против договорот од Преспа | Свет | DW | 02.07.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Протести во Атина и Солун против договорот од Преспа

Повеќе стотици луѓе синоќа протестираа во Атина и во Солун против компромисот во долгогодишниот спор околу името со Македонија. Според новинарите, протестите не биле толку масовни колку претходните во јуни.

Демонстрантите во грчката престолнина и во пристанишниот град Солун скандираа нацииналистички пароли, а владата на левичарскиот премиер Алексис Ципрас ја обвинуваа за предавство: „Македонија е само грчка“, извикуваа демонстрантите.

На протести повикаа конзевративни, националистички и десноекстремистички организации. Новинарите кои ги следеа собирите велат дека бројот на учесниците бил значително помал отколку на сличните протести одржани во јуни. Во Солун полицијата употреби солзавец за околу 300 ултранационалистички ориентирани демонстранти да ги спречи да стигнат во близина на голема контрадемонстрација на левичарски определните граѓани.

повеќеМицотакис ќе се држи до договорот за името

Грција и Македонија на 17. јуни во Преспа постигнаа договор за решавање на повеќедеценискиот спор околу името Македонија, компромисното име гласи - Република Северна Македонија, за да се направи разлика со името на грчката северна провинција Македонија. Грција се обврза за возврат да престане да го блокира патот на својот северен сосед кон НАТО и ЕУ.

 

DW.COM

Реклама