Прогноза на германски виролог: Кога повторно ќе живееме нормално? | Информации и анализи за Германија | DW | 03.11.2020

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Германија

Прогноза на германски виролог: Кога повторно ќе живееме нормално?

Водечкиот германски виролог Кристијан Дростен не очекува брзо нормализирање на состојбата со коронавирусот и покрај воведувањето на нови рестрикции. Од вчера во Германија важат нови ограничувања.

„Она што е сигурно: до Велигден нема да видиме крај на пандемијата“, вели Дростен во интервју за весникот Ноје ознабрикер цајтунг.
„Но најдоцна до летото нашиот живот значително ќе се смени на подобро- доколку го ставиме под контрола актуелниот раст на инфекциите“. Тој ја смета за добра одлуката на властите да ги остават училиштата отворени за време на кризата.
Клучна помош во борбата со пандемијата може да биде воведувањето на брзи тестови, смета вирологот.

„Доколку ги добиеме во доволен број, би можеле многу редовно и брзо да ги тестираме загрозените групи. Притоа ќе може да се дознае и не само дали некој е заразен, туку и дали ја пренесува инфекцијата. Тоа може да ги олесни одлуките за карантин или за забрана на контакти“, вели Дростен.

Вирологот препорачува подоследна претпазливост во секојдневието:

„Најдобро е да се однесуваме како и самите да сме инфицирани и сакаме да ги заштитиме другите од заразата“.

Во Германија од вчера се во сила нови рестрикции. Затворени се рестораните, баровите, театрите, кината, вежбалните и други објекти. Планот е „лесниот локдаун“ да трае до крајот на месецот.
Германските власти велат дека не можат да го следат изворот на заразата на три-четвртини од новите случаи на коронавирус. Министерот за здравство Јенс Шпан, кој и самиот се зарази со вирусот, твитна дека бројот на ковид пациенти на интензивна нега се зголемил за трипати во последните две недели.

„Сакаме да им ставиме крај на овие стриктни мерки до крајот на ноември“, порача шефот на кабинетот на канцеларката Ангела Меркел, Хелге Браун.
„Се работи за тоа да им овозможиме на германските компании да работат на Божик, а на семејствата да го прославуваат празникот заедно. Колку построги мерки, толку побрзо функционираат, па затоа се одлучивме на построги мерки“, рече Браун за радиото РББ.
Новите мерки се сепак полесни од оние кои Германија ги воведе во првата фаза од пандемијата во март и април. Овојпат останаа отворени училиштата, градинките, и некои други несуштински дејности.
Ефектот на мерките ќе се разгледува повторно за две недели.

DW.COM