Приштина го осуди палењето македонско знаме | Теми | DW | 25.11.2011
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Теми

Приштина го осуди палењето македонско знаме

Министерството за внатрешни работи на Косово го осуди палењето на македонското знаме за време на фудбалски натпревар во Качаник, како и истакнувањето на транспарентот: „2012 не е крај на светот, туку крај за Македонија“.

„Некои поединци истакнаа трансперент на кој беше изразена омраза и го запалија знамето на Република Македонија“, се вели во соопштение од косовското МВР. Министерството додава дека во тек е истрага и ќе бидат преземени мерки за да се казнат одговорните за инцидентот.

Македонија вчера го осуди палењето македонско знаме на фудбалски натпревар меѓу клубовите Лепенци и Дрита во Качаник и истакнувањето на транспарентот.

Косовскиот амбасадор Скендер Дурмиши пак во Скопје денеска се сретна се македонскиот државен советник за Југоисточна Европа и регионални иницијативи Дејан Костадинов-Петров. Тие се согласиле дека „ваквите чинови треба да бидат најостро осудени и санкционирани од страна на официјалните институции, како и да бидат преземени итни превентивни мерки против нивно повторување“. Петров и Дурмиши се согласиле дека случувањата на натпреварот Лепенци - Дрита не кореспондираат со добрите односи меѓу двете земји.

Автор: ЖА/ГЧ/миа

Редактор: Горан Чутаноски