Претседателот Келер со видео порака до грабнувачите | Теми на денот | DW | 15.03.2007
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Теми на денот

Претседателот Келер со видео порака до грабнувачите

Германскиот претседател Хорст Келер преку видео порака апелира до киднаперите да ги ослободат двајцата Германци грабнати во Ирак. Пораката синоќа ја гледаа не само во Германија туку и во арапскиот свет. Михаел Грот за барањата на претседателот.

Келер моли за ослободување на грабнатите

Келер моли за ослободување на грабнатите

Германскиот претседател Хорст Келер апелираше до киднаперите да ги ослободат двајцата Германци кои ги држат во заложништво веќе пет недели. На 6 февруари, Ханелоре Краузе, мажена за Ирачанец и нејзиниот син беа грабнати од станот во Багдад. Претседателот Келер за време на патувањето во Латинска Америка сними видео порака која освен на германските телевизии, синоќа беше емитувана и на арапскиот телевизиски канал, Ал Џезира.

„Ви се обраќам директно Вам, на грабнувачите: апелирам да ги ослободите госпоѓа Краузе и нејзиниот син. Во Ирак веќе има пролеано премногу невина крв. Запрете. Вратете ги киднапираните на нивното семејство!“, зборува претседателот.

Киднаперите на викендот се заканија со ликвидација на грабнатите, ако германската влада во рок од десет дена не ги повлече трупите од Авганистан. Во таа порака 61 годишната госпоѓа Краузе низ солзи ја моли германската канцеларка Меркел за помош. Одговорот од Берлин е дека Германија не може да биде уценувана. И претседателот Келер со одговор на заканувачката порака:

„Минатата сабота се заканивте со убивање на киднапираните, ако Бундесверот не се повлече од Авганистан. Нема политичка цел која може да се оправда со киднапирање или убиство на невини лица. Ниту една религија не дозволува такво однесуваење“, порача Келер.

Пораката на Келер е направена во координација со кризниот штаб во германското министерство за надворешни работи, со кој раководи лично министерот Франк Валтер Штајнмаер. Тој му се заблагодари на престедателот за видео пораката:

„Не смееме да не пропуштиме ништо што би можело да ги зголеми шансите за ослободување на киднапираните. Затоа сум му исклучително благодарен на претседателот за неговиот категоричен апел до киднаперите, и мислам дека тој апел уште еднаш нагласува колку сме заинтересирани за судбинатата на грабнатите“, изјави Штајнмаер.