Преку 20 милиони инфицирани со коронавирус во светот | Свет | DW | 11.08.2020
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Преку 20 милиони инфицирани со коронавирус во светот

Во изминатите шест недели бројот на потврдени нови инфекции е удвоен. Американските научници сметаат дека вистинската бројка е многу поголема. За тоа постојат две причини. СЗО сепак укажува дека постојат зраци на надеж.

Корона-инфекциите стануваат потврден случај кога луѓето се тестираат, но капацитетите за тестирање се ограничени. На тој начин бројни инфекции остануваат неоткриени. Истоот ваќи за инфицираните лица кои не манифестираат никакви симптоми. И тие проаѓаат низ „ситото" на статистиката. 

Од 20 милиони познати случаи на зараза со Ковид-19 во светот, според податоците на Институтот Џон Хопкинс, околу половината отпаѓаат на три земји. САД предводат со преку пет милиони инфицирани, Бразил има преку три, а Индија речиси два милиони потврдени случаи на коронавирус. Но и во Русија, Јужна Африка, Мексико и повеќе држави од Јужна Америка пандемијата брзо се шири.

Германија засега релативно добро се справува со пандемијата, информациите на Институтот Роберт Кох сведочат за околу 217.000 регистрирани инфекции и 9200 починати (состојба на 11.08.2020).

„Зад овие статистики се кријат многу болка и страдање...Но, морам уште еднаш да истакнам: постојат и искри на надеж. Уште не е доцна за да застанеме на патот на пандемијата“, изјави вчера шефот на Светската здравствена организација, Тедрос Адханом Гебрејсус. Тој ги повика владите во светот да не попуштаат во борбата против пандемијата.

Повеќе на темата:

Лек за корона „Мејд ин Москва“

Нов тип антитела будат надеж во битката против Ковид-19

Ремдесивир за 30 илјади Европејци

Институтот Џонс Хопкинс во меѓувреме соопшти дека по инфекција со коронавирус досега во светот починале преку 730.000 луѓе. Бројот на жртви во последно време расте многу побавно отколку бројот на новоинфицирани, благодарение првенствено на подобрите методи за третман. Вирусот Сарс-КоВ-2 е и натаму посебно опасен за луѓето во поодинати години и оние со хронични заболувања.

 

Реклама