Први вакцинирани во С. Македонија против Ковид-19 | Северна Македонија | DW | 17.02.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

Први вакцинирани во С. Македонија против Ковид-19

Започна вакцинирањето против коронавирус, во модуларната болница на Клиниката за инфективни болести според планот денеска се опфатени 260 медицинари.

На почеток се вакцинира медицинскиот персонал на Инфективната клиника во Скопје, според претходно најавениот план на Министерството за здравство. На секој здравствен работник што прима вакцина му е обезбедена и резервирана втора доза.

Докторката Добринка Наунова Јовановска, примариус доктор инфектолог, која прва во С. Македонија ја прими вакцината на Бионтек/Фајзер за заштита од Ковид – 19 по вакцинирањето изјави дека се чувствува добро и повика сите да се вакцинираат оти, како што кажа, тоа е единствениот начин за заштита. 

И главната сестра на Инфективната клиника, Габриела Темелковска, чие вакцинирање утрово се пренесуваше во живо, повика сите да се вакцинираат за побрзо животот да се врати во нормала.

Министерството за здравство очекува дневно да се вакцинираат по 260 здравствени работници. Здравствените работници од другите градовиќе доаѓаат во Скопје за вакцинација, распоредување на вакцините во станатите градови е најавено откако ќе стигнат нови количини.

Минатиот викенд во земјата од Србија пристигнаа 4.680 дози вакцини од германскиот производител Бионтек и неговиот американски партнер Фајзер, а со пратката вакцинација ќе се спроведува само во модуларната болница во Скопје.  

Гледај видео 01:35

До вакцина, како на лотарија

DW.COM

Поврзана содржина