По долг период - деноноќие без починати од ковид во С. Македонија | Северна Македонија | DW | 05.04.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Северна Македонија

По долг период - деноноќие без починати од ковид во С. Македонија

За првпат по осум месеци во изминатите 24 часа не е регистриран ниту еден случај на Ковид-19 во земјата.

По осум месеци, конечно убава вест во Северна Македонија. Изминатото деноноќие не е евидентиран ниту еден смртен случај од опасниот вирус Ковид-19, кој веќе две години е присутен ширум светот. Тоа значи дека за прв пат по 3 август 2021 во дневниот билтен на Министерството за здравство не е регистриран ниту еден починат од коронавирус во земјата. 

Во последните 24 часа направени се 2.212 тестови, а регистрирани се 236 нови случаи на Ковид-19. Од вкупниот број на позитивни (236), регистрирани се 38 реинфекции. 

Според извештаите на Институтот за јавно здравје продолжува трендот на намалување на бројот на нови позитивни случаи, хоспитализирани и починати од ковид. Според неделниот извештај на ИЈЗ во последниве седум дена се регистрирани 1602 нови позитивни случаи, што е намалување од 5,4% во однос на претходната недела. Пријавени биле и 12 смртни случаи во 8 градови за 45,5% помалку во однос на претходната недела. 

До 3 април, вакцинирани се вкупно 873.114 лица со една доза на вакцина. Комплетно вакцинирани со две дози се вкупно 853.501 лица, а бустер доза примиле 154.693 лица. По препорака на Комисијата за разни болести изминатиов период имаше олабавување на дел од мерките за заштита од ковид, но носењето на маска во затворени простории и понатаму останува на сила.