Поради ширење на мутираниот коронавирус – итна седница на СЗО

СЗО е алармирана од брзото ширење на нови варијанти на САРС-КоВ-2. Се стравува дека втората година на пандемијата ќе биде уште потешка. Тим на СЗО во меѓувреме пристигна во Вухан да ги испитува зачетоците на вирусот.

Schweiz, Genf I Hauptsitz der Weltgesundheitsorganisation I WHO

Поради брзото распространување на позаразни варијанти на коронавирусот, Комитетот за итни случаи на Светската здравствена организација својата советодавна седница ќе ја одржи денеска, две недели порано од планираното, соопштено е од Женева.

Во изминатите недели се откриени две мутации на вирусот во Велика Британија и во Јужна Африка, кои се значително повеќе преносливи од досегашните форми на вирусот. Во меѓувреме овие мутации се докажани во околу 50 држави во светот. Во неделата Јапонија соопшти за откривање на уште една мутација, која веројатно потекнува од бразилската Амазонска област и која моментно се испитува.

Според СЗО, втората година на пандемијата може да биде потешка од претходната. Причина се одделни аспекти на ширењето на коронавирусот, изјави заменик директорот на СЗО, Мајк Рајан, епидемиолог кој од името на СЗО ја координира борбата против пандемијата. Ситуацијата е посебно сериозна во северниот дел на планетата. Марија Ван Керкове, исто така епидемиолог во СЗО, укажува и на последиците од празниците, кои во одделни земји дополнително ќе ја влошат состојбата пред да дојде до подобрување.

Во светот со коронавирус се инфицирани вкупно 91,65 милиони луѓе, додека од него починале 1,966 милиони.

Меѓународниот тим на СЗО пристигна во Вухан

Со повеќедневно доцнење, во Кина може да почне мисијата на СЗО за истражување на почетоците на коронавирусот. Десетчлениот меѓународен тим пристигна во кинеската метропола Вухан, во која на крајот на 2019 година беше регистрирано првото корона-жариште. Почетокот на истражувањата првично беше планиран уште за минатата недела, но давањето дозволи од страна на кинеските власти се одолговлече. Експертите, поради строгите кинески правила за влез во земјата, во следните две недели ќе останат во карантин.

Вухан: Една година по избувнувањето на пандемијата

Рамо до рамо на преполните пазари

Вухан беше во карантин околу 11 недели откако стана првото глобално жариште на коронавирусот. До средината на мај 50.000 од 80.000 од официјалните случаи на заразата во Кина беа во Вухан. Но, сега животот речиси е вратен во „нормала“ на преполните улични пазари во градот.
Вухан: Една година по избувнувањето на пандемијата

Танцување на улиците

За време на карантинот, на жителите не им беше дозволено ниту да ги напуштат своите домови. Сега, тие дури можат да танцуваат заедно во парковите. Според новинската агенција Ројтерс, таму веќе со месеци нема локално пренесување на вирусот.
Вухан: Една година по избувнувањето на пандемијата

Нулта точка на коронавирусот?

Зеленчук, риба и месо - дури и диви животни - сето тоа се продаваше на овој покриен пазар. Но, тој ги затвори портите на 1 јануари 2020 година, откако започна да се шири мистериозното заболување на белите дробови и неговото потекло беше пронајдено на пазарот. Научниците сè уште не ја утврдија точната улога на пазарот во ширењето на вирусот, ако воопшто имаше улога.
Вухан: Една година по избувнувањето на пандемијата

Егзистенцијата на рестораните е изложена на ризик

Пред пандемијата, Лаи Јун поголемиот дел од производите за неговиот јапонски ресторан ги купувал во покриениот пазар. „Ги испраќав децата на училиште, појадував, а потоа одев на пазар“, вели 38-годишникот. Од повторното отворање во јуни, тој морал да оди на друго место - а некои од состојките сега чинат петпати повеќе. „Наша цел за наредната година е едноставно да преживееме“, вели тој за ДВ.
Вухан: Една година по избувнувањето на пандемијата

Нема повеќе свежа стока

Иако пазарот на приземјето сè уште е затворен, вториот кат е повторно отворен. Но, поголемиот дел од продавниците продаваат очила и други специјализирани производи за оптичари. „Некои луѓе можеби имаат чудно чувство, но сега е само празна зграда“, вели за ДВ една од продавачките, која не сакаше да го каже своето име.
Вухан: Една година по избувнувањето на пандемијата

Продавачите се префлија на улиците

Од затворањето на пазарот, некои луѓе почнаа да продаваат месо и друга свежа стока на улиците. Дури и ако продавачите носат маски и ракавици, некои велат дека условите не се во согласност со одредени хигиенски стандарди. Во екот на пандемијата на коронавирусот покриениот пазар беше критикуван поради лошите здравствени и санитарни прописи.
Вухан: Една година по избувнувањето на пандемијата

Кловн без маска- заштитна

Повеќето жители на Вухан носат маски на јавни места, особено затоа што коронавирусот не е исчезнати имала одреден број нови случаи на други места во Кина. „Многу луѓе почнаа да складираат маски, средства за дезинфекција и друга заштитна опрема“, изјави за ДВ, 29-годишниот учител по англиски јазик Јен.

Автор: Ута Штајнвер