Пожарите- закана за антички локалитети во Грција | Информации и анализи за Балкан | DW | 05.08.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Балкан

Пожарите- закана за антички локалитети во Грција

Во Грција пожарникарите продолжуваат да се борат со неколку катастрофални шумски пожари. Бројни противпожарни единици беа испратени во загрозениот антички локалитет Олимпија, каде се одржаа првите антички Олимписки игри.

Грчките пожарникари денеска продолжија да се борат со пожарите во Олимпија, на полуостровот Пелопонез, и на островот Евија. Преземени се значителни мерки во Олимпија за да се заштити овој антички локалитет и археолошки музеј.

Откако се запалија 20-тина куќи, „пожарот сега се движи кон областа Лала“, планинско шумско подрачје североисточно од Олимпија, изјави утринава локален претставник за грчката агенција АНА.

Олимпија, која е обично полна со туристи во овој период од годината, и шест места во близината се евакуирани вчера.

Повеќе:

-Грција, Турција, Италија– пожари и топлотен бран од историски размери 

-Југоисточна Европа соочена со еден од најтешките топлотни бранови во последните децении

-Фотографија на денот: Пожарите кај Атина зафатија и куќи

Пожарот од утрово го гасат над 170 пожарникари, со помош на 50-тина возила, хеликоптери и авиони.

На островот Евија, околу 200 километри источно од Атина, во вторникот изби голем шумски пожар кој уништи стотина куќи и над 25.000 хектари борова шума.

Крајбрежната стража евакуираше околу 90 лица од северозападниот дел од островот, а агенцијата АНА соопшти дека утрово се евакуирани жителите на уште две села на Евија.

Невообичаено жестоките и бројни шумски пожари во Грција, Турција, С.Македонија, но и во други земји во јужна и југоисточна Европа, според експертите, се последица на климатската криза и глобалното затоплување, кои го зголемуваат и бројот и интензитетот на топлотните бранови и шумските пожари.