Пекинг се гуши во смог | Панорама | DW | 19.12.2016
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Панорама

Пекинг се гуши во смог

Огромен облак од смог ќе остане надвиснат над Пекинг и други метрополи во северна Кина најмалку до в четврток.

Пекиншките власти прогласија аларм поради смогот кој го зафатил целиот север на Кина.

Тоа значи ограничувања во сообраќајот и во градежниот сектор, како и затворање на училиштата, градинките и некои здравствени установи. Измерената загаденост на воздухот во Пекинг покажува вредности на ситните штетни честички од 250 микрограми на метар кубен воздух, десетпати повисоки од највисоката дозволена граница според Светската здравствена организација.

Гледај видео 01:11

Загадувањето на воздухот во Пекинг повторно кулминира

Во провинциите Хебеи и Хенан вредностите на ситните честички достигнуваат до 500 микрограми, а во главниот град на Хебеи, Шијацуанг, според новинската агенција Ксинхуа, се измерени дури 1000 микрограми на кубен метар воздух. 

Втората најголема економија во светот со соочува со загадувањето коешто е последица на забрзаниот економски раст изминатите децении.

 

DW.COM

Аудио и видео прилози на оваа тема

Реклама