Папата Франциско пристигна во Јужна Кореја | Свет | DW | 14.08.2014
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Папата Франциско пристигна во Јужна Кореја

Со пристигнувањето на папата Франциско во Јужна Кореа се означи првата посета на некој папа на земјата во последните 25 години.

За време на петте дена од посетата папата ќе посети младински католички фестивал и ќе се сретне со некои од петте милиони христијани во Јужна Кореја. Папата Франциско ќе отслужи миса за мир на поделениот Корејски Полуостров и ќе се сретне со семејствата на загинатите во несреќата на јужнокорејскиот ферибот во април годинава.

На пат кон Јужна Кореја авионот на папата Франциско леташе над Кина, а тој испрати и телеграма со која ги поздравува кинескиот претседател Си Џинпинг и кинескиот народ. Кинеската комунистичка влада не им дозволува на католиците да го признаат неговиот авторитет. Сепак, фактот дека беше дозволено неговиот авион да мине низ кинескиот воздушен простор се гледа како позитивен чекор кон подобрување на односите меѓу Ватикан и Пекинг.

Неговиот авион слета во воена база во јужнокорејскиот главен град Сеул. Папата на пистата беше пречекан од претседателот Парк Гун-хје. Се очекува за време на посетата папата да повика на релаксирање на тензиите со Северна Кореја.

Реклама