Германски печат: Берлин планира да ја стави Северна Македонија во групата земји со висок ризик | Информации и анализи за Германија | DW | 20.08.2021
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Германија

Германски печат: Берлин планира да ја стави Северна Македонија во групата земји со висок ризик

Германската влада има намера да ја стави Северна Македонија во групата земји со висок ризик од инфекција со коронавирус, пишуваат денеска весниците од медиумската групација „Функе“.

Според плановите на германската влада, наскоро во категоријата земји со висок ризик од корона би требало да се најдат уште неколку земји и региони, меѓу кои и Северна Македонија, јавуваат весниците од медиумската групација „Функе“. Како што тврди печатот, во групата со висок ризик ќе се најдат делови од Грција, вклучително и Крит, Јонските острови и јужниот Егеј, потоа делови од Ирска, како и Косово и Северна Македонија.

Истовремено, некои шпански региони, како Астурија, Каталонија или Канарските острови и Валенсија, кои сега важат за подрачја со висок ризик, би требало да се исклучат од оваа група. Освен тоа, од групата на региони каде што владеат варијанти на коронавирусот би требало да се извадат Бразил и Уругвај, тврдат весниците од „Функе“.

Оние кои во Германија доаѓаат од подрачја со визок ризик би морало да одат во десетдневен карантин. Тоа не важи за лицата кои се вакцинирани или имаат сертификат дека се оздравени. Доколку лицата имаат негативен тест, самоизолацијата може да биде прекината најрано по петтиот ден.

Повеќе:

ЕУ даде зелено светло за македонските сертификати за вакцинација против Ковид-19

Германија ги заостри мерките за влез на невакцинирани патници

За региони со висок ризик може да се прогласат подрачја каде бројот на инфицирани е особено голем во споредба со инциденцијата во Германија. Индиција притоа е седумдневна инциденција која е над 100. Покрај тоа, за региони со висок ризик може да се прогласат и подрачја каде според квантитативни и квалитативни критериуми (брзина на ширење на вирусот, висок број на хоспитализирани, низок број на тестирани, а притоа висок број позитивни или недоволно доверливи епидемиолошки податоци) може да се смета со опасен развој на заразата.