Охрид - рај за очите и спокој за душата | Македонија | DW | 01.04.2017
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages

Македонија

Охрид - рај за очите и спокој за душата

Расцутени дрвја, опоен мирис, сончеви зраци - сѐ заедно се капе во проѕирните езерски води. Охрид е убав секогаш, а во пролет посебно. 

„Ти спиеш малечко

А езеро се замислило —

Езерото ја подготвува твојата судбина.

Ти спиеш, а тоа

Со неусетно потплиснување ти влегува в душа

Како во заливчето со бели камчиња

Во кое секое камче се гледа“

 

Стиховите од „Дете заспано крај езерото“ на Блаже Конески се само еден од изразите на љубов кон Охридското Езеро и градот за кој арапскиот географ Ал Шариф Ал Идриси уште во далечната 1099 година ќе напише: „Охрид е великолепен град со многу резиденции и митрополии. Распослан на врвот на убав рид покрај големо сино езеро.“

Социологот и истражувач од Охрид, Никола Бошале, оценува дека во градот „на секој чекор ве следи мислата дека тука пред вас минал некој творец, некој човек, минале луѓе и цели генерации што оставиле траги“.

Сонцето нѐ предизвика и нас да тргнеме по тие траги и да ви пренесеме барем дел од убавините на македонскиот бисер.

DW.COM