Оставка на шефот на грчката служба за цивилна заштита поради пожарите | Свет | DW | 06.08.2018
  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Оставка на шефот на грчката служба за цивилна заштита поради пожарите

Повеќе функционери во Грција мора да се простат од фотелјите по катастрофалните пожари со преку 90 мртви. Шефот на Службата за цивилна заштита поднесол оставка, разрешени се првите луѓе на полицијата и пожарникарите.

Две недели по катастрофалните пожари во Грција, во кои смртно настрадаа преку 90 луѓе, се зголемува бројот на функционери кои мора да понесат одговорност. Денеска оставка поднел раководителот на Службата за цивилна заштита, Јанис Капакис, јави грчката телевизија ЕРТ, повикувајќи се на извори од Министерството за внатрешни работи. Вчера пак беа разрешени шефовите на грчката полиција и на противпожарната бригада. Во петокот оставка даде и заменикот-министер за внатрешни работи, Никос Тоскас.

Повеќе: Бројот на загинати во пожарите во Грција и натаму расте

По грчката трагедија - чија е одговорноста за пожарите?

Пепелта на Мати: Огнената стихија ja опустоши грчката населба

Опозицијата и бројни медиуми сметаат дека владата, предводена од премиерот Алексис Ципрас, сноси одговорност за размерите на несреќата. Шефовите на полицијата, противпожарникарската служба и цивилната заштита целосно потфрлија во својата обврска со итни случаи да им помогнат на луѓето и правовремено да ги евакуираат погодените региони, гласат критиките. Во пожарите целосно се уништени големи делови на туристичките места Мати и Неос Вуцас, источно од Атина. Илјадници луѓе ги загубија своите домови во огнената стихија, а се води истрага дали дел од пожарите биле подметнати.

 

DW.COM

Реклама