Омикрон донесе рекорден број заразени во Германија | Свет | DW | 12.01.2022

Посети ја новата страница на DW

Погледнете ја бета-верзијата на dw.com. Сѐ уште не сме готови! Вашето мислење може да ни помогне да ја направиме подобра!

  1. Inhalt
  2. Navigation
  3. Weitere Inhalte
  4. Metanavigation
  5. Suche
  6. Choose from 30 Languages
Реклама

Свет

Омикрон донесе рекорден број заразени во Германија

Бројот на новоинфицирани со коронавирус во Германија во моментов се движи само во една насока - високо угоре!

Со брзото ширење на сојот Омикрон, бројот на новоинфицирани со коронавирус во Германија се зголемува екстремно брзо. Институтот „Роберт Кох“ соопшти дека бројот на заразени во последните 24 часа првпат го надмина прагот од 80.000! Институтите за јавно здравје, имено, пријавиле 80.430 новоинфицирани лица за 24 часа. Пред точно една недела тој број беше 58.912.

Новата варијанта на коронавирусот важи за многу позаразнаод Делта-сојот. Експертите сметаат дека целосната имунизација дава послаба заштита од зараза со Омикрон отколку што тоа беше случај со претходните варијанти, но затоа заштитата од тежок тек на болеста е и натаму добра. Се препорачува бустер доза од вакцината против Ковид.

Berlin, Deutschland | Impfstation

Експертите препорачуваат бустер-доза од вакцината против Ковид-19

Одделенијата за интензивна нега засега не се во критична ситуација поради Омикрон-бранот. Експертите меѓутоа очекуваат со порастот на бројот на заразени да се зголеми и притисокот во болниците.

- повеќе: Делтакрон: Нов сој на коронавирусот или лабораториска грешка?

Според мислењето на водечкиот американски имунолог Ентони Фаучи, Омикрон порано или подоцна ќе ги погоди сите: „Со невообичаената и досега невидена ефикасност на пренесување, Омикрон на крајот ќе го пронајде секого“, изјави тој. Според него, со Омикрон ќе се заразуваат и вакцинираните, но најголемиот дел од нив нема да има тежок тек на болеста. Најтешко ќе бидат погодени оние кои досега не се вакцинирани, вели Фаучи.

Поврзана содржина